ᠤᠷᠢᠶᠠᠩᠬᠠᠨ ᠤ᠂ ᠶᠤᠨᠳᠤᠨ | | ᠦᠵᠦᠮᠦᠴᠢᠨ ᠤ ᠪᠡᠯᠴᠢᠭᠡᠷ ᠨᠤᠲᠤᠭ ᠢᠶᠠᠨ ᠠᠰᠢᠭᠯᠠᠬᠤ ᠠᠷᠭᠠ ᠠᠪᠴᠢᠯ | | ᠪᠡᠯᠴᠢᠭᠡᠷ ᠨᠤᠲᠤᠭ ᠪᠤᠯ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠰᠠᠭᠤᠷᠢ ᠪᠤᠯᠬᠤ ᠮᠦᠷᠳᠡᠭᠡᠨ ᠮᠠᠯ ᠠᠵᠦ ᠠᠬᠤᠢ ᠶᠢᠨ | ᠦᠨᠳᠦᠰᠦᠨ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠬᠡᠷᠡᠭᠰᠡᠯ ᠪᠤᠯᠵᠦ᠂ ᠮᠠᠯᠴᠢᠳ ᠤᠨ ᠤᠷᠤᠰᠢᠨ ᠲᠤᠭᠳᠠᠨᠢᠬᠤ ᠦᠨᠳᠦᠰᠦᠨ | ᠠᠮᠢᠳᠤᠷᠠᠯ ᠤᠨ ᠲᠦᠰᠢᠭ ᠨᠢ ᠪᠤᠯᠵᠦ ᠪᠠᠶᠢᠳᠠᠭ᠃ ᠬᠡᠷᠪᠡ ᠪᠡᠯᠴᠢᠭᠡᠷ ᠨᠤᠲᠤᠭ ᠢᠶᠠᠨ ᠠᠯᠳᠠᠪᠠᠯ ᠠᠮᠢᠳᠤᠷᠠᠯ | ᠦᠢᠯᠡᠳᠪᠦᠷᠢᠯᠡᠯ ᠤᠨ ᠦᠨᠳᠦᠰᠦᠨ ᠨᠦᠬᠦᠴᠡᠯ ᠪᠤᠯᠤᠮᠵᠢ ᠪᠠᠨ ᠪᠦᠷᠢᠮᠦᠰᠦᠨ ᠠᠯᠳᠠᠬᠤ ᠪᠤᠯᠤᠨᠠ᠃ ᠶᠠᠭ ᠡᠨᠡᠬᠦ | ᠦᠨᠳᠦᠰᠦᠨ ᠠᠮᠢᠨ ᠬᠡᠷᠡᠭᠴᠡᠭᠡ ᠠᠴᠠ ᠪᠠᠨ ᠪᠤᠯᠵᠦ᠂ ᠦᠵᠦᠮᠦᠴᠢᠨ ᠮᠠᠯᠴᠢᠳ ᠪᠡᠯᠴᠢᠭᠡᠷ ᠨᠤᠲᠤᠭ ᠢᠶᠠᠨ ᠨᠠᠨᠳᠢᠩᠨᠠᠨ | ᠬᠠᠶᠢᠷᠠᠯᠠᠬᠤ᠂ ᠳᠠᠨᠢᠵᠦ ᠤᠶᠢᠯᠠᠭᠠᠬᠤ ᠮᠦᠷᠳᠡᠭᠡᠨ ᠲᠤᠬᠢᠳᠠᠢ ᠠᠰᠢᠭᠯᠠᠬᠤ ᠮᠡᠳᠡᠯᠭᠡ ᠮᠡᠷᠭᠡᠵᠢᠯ ᠢ ᠪᠦᠳᠦᠭᠡᠯᠴᠢ ᠪᠠᠷ | ᠡᠭᠦᠳᠦᠨ ᠡᠵᠡᠮᠰᠢᠵᠦ᠂ ᠤᠯᠠᠮᠵᠢᠯᠠᠨ ᠦᠷᠭᠦᠯᠵᠢᠯᠡᠭᠦᠯᠦᠭᠰᠡᠨ ᠪᠠᠶᠢᠳᠠᠭ᠃ ᠦᠵᠦᠮᠦᠴᠢᠨᠴᠤᠳ᠂ ᠤᠯᠠᠨ | ᠬᠦᠳᠡᠯᠭᠡᠭᠡᠨᠳᠦ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠶᠡᠷᠦᠩᠬᠡᠢ ᠰᠠᠭᠤᠷᠢᠨ ᠳᠡᠭᠡᠷᠡ᠂ ᠲᠡᠭᠦᠨ ᠲᠠᠢ ᠤᠶᠠᠯᠳᠤᠭᠰᠠᠨ ᠤᠯᠠᠨ | ᠠᠭᠤᠯᠭᠠ ᠲᠠᠢ ᠪᠡᠯᠴᠢᠭᠡᠷ ᠤᠨ ᠠᠮᠢ ᠠᠬᠤᠢ ᠶᠢᠨ ᠲᠠᠨᠢᠴᠠ ᠮᠡᠳᠡᠴᠡ ᠬᠢᠭᠡᠳ ᠮᠠᠯᠵᠢᠯᠭᠠ ᠶᠢᠨ ᠭᠦᠨᠴᠡ ᠲᠠᠢ | ᠲᠤᠷᠰᠢᠯᠭᠠ ᠶᠢ ᠡᠭᠦᠳᠦᠭᠰᠡᠨ ᠪᠠᠶᠢᠳᠠᠭ᠃ ᠮᠠᠯᠵᠢᠬᠤᠢ ᠮᠡᠷᠭᠡᠵᠢᠯ ᠢᠶᠠᠷ ᠪᠡᠯᠴᠢᠭᠡᠷ ᠲᠤ ᠵᠤᠬᠢᠴᠠᠬᠤ ᠴᠢᠳᠠᠪᠬᠢ ᠶᠢᠨ | ᠲᠠᠯᠠ ᠪᠠᠷ᠂ ᠮᠠᠯ ᠮᠠᠯᠵᠢᠬᠤ ᠳᠠᠭᠠᠨ ᠭᠠᠵᠠᠷ ᠵᠦᠢ ᠶᠢᠨ ᠪᠠᠶᠢᠴᠠ᠂ ᠤᠷᠭᠤᠮᠠᠯ ᠤᠨ ᠲᠦᠷᠦᠯ ᠵᠦᠢᠯ᠂ ᠤᠰᠤ | ᠲᠤᠨᠤᠳᠠᠰᠤ ᠶᠢ ᠪᠦᠬᠦ ᠲᠠᠯᠠ ᠪᠠᠷ ᠬᠠᠷᠠᠭᠠᠯᠵᠠᠨ᠂ ᠮᠠᠯ ᠰᠦᠷᠦᠭ ᠤᠨ ᠤᠨᠴᠠᠯᠢᠭ ᠲᠠᠭᠠᠨ ᠲᠤᠬᠢᠷᠠᠭᠤᠯᠤᠨ ᠮᠠᠯᠵᠢᠵᠦ᠂ | ᠪᠡᠯᠴᠢᠭᠡᠷ ᠨᠤᠲᠤᠭ ᠤᠨ ᠵᠤᠬᠢᠴᠠᠯ ᠢ ᠠᠩᠬᠠᠷᠴᠤ᠂ ᠳᠠᠬᠢᠨ ᠬᠡᠷᠡᠭᠯᠡᠬᠦ ᠳᠤ ᠪᠡᠯᠡᠳᠭᠡᠳᠡᠭ᠃ ᠪᠡᠯᠴᠢᠭᠡᠷ ᠢ | ᠠᠰᠢᠭᠯᠠᠬᠤ ᠳᠤ ᠤᠯᠠᠷᠢᠯ ᠢᠶᠠᠷ ᠠᠰᠢᠭᠯᠠᠬᠤ᠂ ᠤᠳᠤᠷᠯᠠᠵᠦ ᠠᠰᠢᠭᠯᠠᠬᠤ᠂ ᠮᠠᠯ ᠤᠨ ᠲᠦᠷᠦᠯ ᠵᠦᠢᠯ ᠳᠤ | ᠲᠤᠬᠢᠷᠠᠭᠤᠯᠵᠦ ᠠᠰᠢᠭᠯᠠᠬᠤ᠂ ᠬᠤᠷᠯᠠᠭᠤᠯᠵᠦ ᠠᠰᠢᠭᠯᠠᠬᠤ᠂ ᠨᠡᠭᠡᠭᠡᠵᠦ ᠠᠰᠢᠭᠯᠠᠬᠤ᠂ ᠬᠠᠳᠤᠯᠠᠩ ᠢᠶᠠᠷ ᠠᠰᠢᠭᠯᠠᠬᠤ | ᠵᠡᠷᠭᠡ ᠤᠯᠠᠨ ᠠᠷᠭᠠ ᠠᠪᠴᠢᠯ ᠢ ᠲᠠᠳᠮᠠᠭᠠᠢ ᠪᠠᠷ ᠬᠡᠷᠡᠭᠯᠡᠳᠡᠭ᠃ ᠦᠵᠦᠮᠦᠴᠢᠨᠴᠤᠳ᠂ ᠮᠠᠯ ᠠᠵᠦ ᠠᠬᠤᠢ ᠶᠢ | ᠡᠷᠬᠢᠯᠡᠬᠦ ᠶᠠᠪᠤᠴᠠ ᠳᠠᠭᠠᠨ ᠮᠠᠯ ᠬᠢᠭᠡᠳ ᠪᠡᠯᠴᠢᠭᠡᠷ ᠤᠨ ᠬᠤᠭᠤᠷᠤᠨᠳᠤᠬᠢ ᠵᠦᠷᠢᠴᠡᠯ ᠢ ᠰᠠᠢᠳᠪᠦᠷᠢᠯᠡᠬᠦ ᠮᠠᠰᠢ ᠤᠯᠠᠨ | ᠤᠬᠢ ᠰᠢᠯᠢᠳᠡᠭ ᠠᠷᠭᠠ ᠲᠤᠷᠰᠢᠯᠭᠠ ᠶᠢ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠪᠠᠶᠢᠭᠠ ᠪᠦᠭᠡᠳ ᠶᠡᠭᠡ ᠰᠢᠰᠲ᠋ᠧᠮ ᠲᠠᠢ ᠪᠠᠷ ᠴᠠᠭ | ᠠᠭᠠᠷ᠂ ᠪᠡᠯᠴᠢᠭᠡᠷ ᠤᠷᠭᠤᠮᠠᠯ᠂ ᠮᠠᠯ ᠰᠦᠷᠦᠭ ᠤᠨ ᠪᠠᠶᠢᠳᠠᠯ ᠲᠠᠢ ᠪᠠᠨ ᠵᠤᠬᠢᠴᠠᠭᠤᠯᠤᠨ ᠬᠡᠷᠡᠭᠯᠡᠭᠰᠡᠨ ᠵᠢᠮᠡ ᠶᠤᠰᠤ | ᠲᠠᠢ ᠠᠵᠢᠯᠯᠠᠭᠠ ᠶᠤᠮ᠃ | ⒈ ᠪᠡᠯᠴᠢᠭᠡᠷ ᠤᠨ ᠲᠤᠷᠭᠠᠨ ᠬᠦᠷᠦᠰᠦ ᠶᠢ ᠬᠠᠮᠠᠭᠠᠯᠠᠬᠤ ᠃ ᠪᠡᠯᠴᠢᠭᠡᠷ ᠨᠤᠲᠤᠭ ᠤᠨ ᠬᠦᠷᠦᠰᠦ ᠨᠢ ᠵᠢᠯ ᠤᠨ | ᠪᠡᠯᠴᠢᠭᠡᠷ ᠤᠨ ᠤᠷᠭᠤᠴᠠ᠂ ᠴᠠᠭᠠᠨ ᠪᠤᠭ᠂ ᠬᠦᠭᠡ ᠪᠤᠭ ᠨᠢ ᠪᠤᠭᠰᠢᠮᠠᠯ ᠬᠠᠭᠳᠠᠨ ᠲᠠᠪᠬᠤᠷᠭᠠ ᠪᠤᠯᠤᠨ | ᠪᠦᠷᠢᠳᠦᠭᠡᠳ ᠭᠠᠵᠠᠷ ᠤᠨ ᠬᠠᠷᠠ ᠰᠢᠷᠤᠢ ᠶᠢᠨ ᠬᠦᠷᠦᠰᠦ ᠶᠢ ᠵᠤᠯᠠᠨ ᠪᠦᠷᠭᠦᠵᠦ ᠪᠦᠳᠦᠭᠡᠳ᠂ ᠬᠦᠷᠦᠰᠦᠨ ᠤ ᠰᠢᠮᠡ | ᠲᠠᠵᠢᠭᠡᠯ ᠬᠢᠭᠡᠳ ᠴᠢᠬᠢᠭ ᠢ ᠬᠠᠳᠠᠭᠠᠯᠠᠳᠠᠭ ᠲᠤᠷᠭᠠᠨ ᠪᠦᠷᠬᠦᠪᠴᠢ ᠪᠤᠯᠳᠠᠭ᠃ ᠦᠵᠦᠮᠦᠴᠢᠨᠴᠤᠳ ᠡᠭᠦᠨ ᠢ ︽ | ᠪᠡᠯᠴᠢᠭᠡᠷ ᠤᠨ ᠲᠤᠷᠭᠠᠨ ᠬᠦᠷᠦᠰᠦ︾ ᠭᠡᠳᠡᠭ᠃ ᠬᠠᠭᠳᠠ ᠡᠪᠡᠰᠦᠨ ᠤ ᠲᠠᠪᠬᠤᠷᠭᠠ ᠨᠢ ᠬᠦᠷᠦᠰᠦ ᠰᠢᠷᠤᠢ ᠶᠢ | ᠬᠠᠮᠠᠭᠠᠯᠠᠬᠤ ᠪᠠ ᠨᠦᠬᠦᠪᠦᠷᠢᠯᠡᠬᠦ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠵᠦ᠂ ᠪᠡᠯᠴᠢᠭᠡᠷ ᠤᠨ ᠠᠮᠢ ᠠᠬᠤᠢ ᠶᠢᠨ ᠲᠦᠯᠵᠢᠬᠦ ᠶᠢᠨ | ᠦᠨᠳᠦᠰᠦᠨ ᠨᠦᠬᠦᠴᠡᠯ ᠢ ᠪᠦᠷᠢᠯᠳᠦᠭᠦᠯᠦᠨ ᠦᠭᠳᠡᠭ᠃ ᠡᠶᠢᠮᠤ ᠠᠴᠠ ᠦᠵᠦᠮᠦᠴᠢᠨ ᠤ ᠠᠷᠠᠳ ᠤᠨ ᠰᠡᠴᠡᠨ | ᠦᠭᠡᠨ ᠳᠤ ︽ᠭᠤᠷᠪᠠᠨ ᠵᠢᠯ ᠤᠨ ᠬᠦᠭᠡ ᠬᠠᠭᠳᠠ ᠭᠤᠳᠤᠯ ᠤᠨ ᠤᠯᠠ ᠶᠢ ᠲᠤᠰᠤᠳᠠᠳᠠᠭ︾ ︽ ᠬᠠᠪᠤᠷ ᠤᠨ | ᠬᠤᠷᠠ ᠨᠠᠮᠤᠷ ᠲᠠᠭᠠᠨ ᠲᠤᠰᠤ᠂ ᠬᠠᠭᠳᠠ ᠲᠠᠢ ᠡᠪᠡᠰᠦ ᠦᠨᠢᠳᠡ ᠳᠡᠭᠡᠨ ᠲᠤᠰᠤ︾ ᠭᠡᠵᠦ ᠪᠠᠶᠢᠳᠠᠭ ᠨᠢ ᠶᠠᠭ ᠡᠨᠡᠬᠦ | ᠬᠠᠭᠳᠠ ᠡᠪᠡᠰᠦ ᠪᠤᠯᠬᠤ ᠪᠤᠭ ᠤᠨ ᠲᠠᠪᠬᠤᠷᠭᠠ ᠶᠢᠨ ᠴᠢᠬᠤᠯᠠ ᠴᠢᠨᠠᠷ ᠢ ᠦᠭᠦᠯᠡᠭᠰᠡᠨ ᠪᠠᠶᠢᠭᠠ ᠶᠤᠮ᠃ ᠪᠤᠭ ᠲᠠᠢ | ᠭᠠᠵᠠᠷ ᠪᠡᠯᠴᠢᠭᠡᠷ ᠦᠳᠭᠡᠨ ᠭᠠᠷᠳᠠᠭ ᠶᠤᠰᠤ ᠶᠢ ᠳᠡᠳᠡ ᠰᠠᠶᠢᠨ ᠤᠶᠢᠯᠠᠭᠠᠳᠠᠭ ᠪᠤᠯᠬᠤᠷ ︽ ᠪᠡᠯᠴᠢᠭᠡᠷ ᠤᠨ ᠲᠤᠷᠭᠠᠨ | ᠬᠦᠷᠦᠰᠦ ᠶᠢ ᠬᠠᠮᠠᠭᠠᠯᠠᠬᠤ︾ ᠭᠡᠵᠦ ᠲᠦᠷᠪᠡᠨ ᠤᠯᠠᠷᠢᠯ ᠤᠨ ᠪᠡᠯᠴᠢᠭᠡᠷ ᠬᠤᠪᠢᠶᠠᠨ ᠮᠠᠯᠵᠢᠬᠤ᠂ ᠰᠠᠷᠠ ᠪᠤᠶᠤ | ᠲᠤᠯᠤᠭᠠ ᠬᠤᠨᠤᠭ ᠢᠶᠠᠷ ᠤᠳᠤᠷᠯᠠᠨ ᠢᠮᠠᠭᠳᠠ ᠨᠡᠭᠦᠨ ᠰᠢᠯᠵᠢᠳᠡᠭ ᠨᠢ ᠶᠠᠭ ᠡᠨᠡᠬᠦ ᠬᠠᠭᠳᠠ ᠡᠪᠡᠰᠦ ᠪᠤᠯᠬᠤ | ᠲᠤᠷᠭᠠᠨ ᠬᠦᠷᠦᠰᠦ ᠶᠢ ᠬᠠᠮᠠᠭᠠᠯᠠᠬᠤ ᠶᠢᠨ ᠲᠤᠯᠠᠳᠠ ᠪᠠᠶᠢᠵᠦ᠂ ᠪᠦᠬᠦ ᠤᠷᠭᠤᠮᠠᠯ ᠤᠨ ᠭᠠᠷᠴᠠ᠂ ᠤᠷᠭᠤᠯᠳᠠ ᠶᠢᠨ | ᠬᠤᠭᠤᠴᠠᠭᠠ᠂ ᠦᠷᠡᠯᠡᠨ ᠰᠠᠴᠤᠬᠤ ᠵᠡᠷᠭᠡ ᠳᠤᠨᠢ ᠲᠤᠯᠳᠠᠯᠠ ᠰᠢᠨᠵᠢᠯᠡᠨ᠂ ᠤᠷᠭᠤᠮᠠᠯ ᠤᠨ ᠦᠢᠯᠡᠳᠪᠦᠷᠢᠯᠡᠯ ᠤᠨ | ᠬᠦᠴᠦᠨ ᠢ ᠭᠦᠢᠴᠡᠳ ᠪᠠᠳᠤᠯᠠᠳᠠᠭ᠃ ᠡᠨᠡ ᠪᠤᠯ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠰᠤᠶᠤᠯ ᠤᠨ ᠡᠭᠦᠰᠪᠦᠷᠢ ᠪᠤᠯᠤᠭᠰᠠᠨ ᠤ | ᠰᠢᠯᠳᠠᠭᠠᠨ ᠪᠠᠶᠢᠵᠦ ᠲᠠᠭᠠᠷᠠᠨᠠ᠃ | ᠬᠠᠭᠳᠠ ᠡᠪᠡᠰᠦ ᠶᠢ ᠦᠵᠦᠮᠦᠴᠢᠨᠴᠤᠳ᠂ ᠴᠠᠭᠠᠨ ᠪᠤᠭ᠂ ᠬᠦᠭᠡ ᠪᠤᠭ᠂ ᠦᠵᠡᠭᠡᠯ ᠪᠤᠭ ᠭᠡᠵᠦ ᠢᠯᠭᠠᠨ | ᠶᠠᠷᠢᠳᠠᠭ᠃ ᠪᠤᠭ ᠡᠪᠡᠰᠦ ᠪᠤᠯ ᠮᠠᠯ ᠤᠨ ᠢᠳᠠᠰᠢᠨ ᠤ ᠰᠢᠮᠡ ᠲᠡᠵᠢᠭᠡᠯ ᠢ ᠨᠦᠬᠦᠪᠦᠷᠢᠯᠡᠳᠡᠭ ᠦᠨᠳᠦᠷ ᠰᠢᠮᠡ | ᠲᠡᠵᠢᠭᠡᠯᠳᠦ ᠤᠷᠭᠤᠮᠠᠯ ᠤᠨ ᠪᠤᠭᠰᠢᠮᠠᠯ ᠪᠠᠶᠢᠵᠦ᠂ ᠮᠠᠯᠵᠢᠯ ᠤᠨ ᠡᠩ ᠤᠨ ᠲᠤᠷᠰᠢᠯᠭᠠ ᠪᠠᠷ ᠪᠤᠯ ᠬᠠᠪᠤᠷ ᠤᠨ | ᠨᠤᠭᠤᠭᠠᠨ ᠤ ᠡᠬᠢᠨ ᠤ ᠦᠶᠡ ᠮᠠᠯ ᠨᠤᠭᠤᠭᠠ ᠬᠦᠭᠡᠭᠡᠳ ᠮᠠᠭᠤᠳᠠᠬᠤ ᠠᠴᠠ ᠪᠤᠯᠭᠤᠮᠵᠢᠯᠠᠵᠦ᠂ ᠪᠤᠭ ᠨᠤᠭᠤᠭᠠ | ᠬᠤᠯᠢᠯᠳᠤᠭᠰᠠᠨ ᠪᠡᠯᠴᠢᠭᠡᠷ ᠪᠤᠯᠬᠤ ︽ᠬᠤᠭᠤᠯᠠᠳᠤ ᠪᠤᠭ︾ ᠳᠤ ᠮᠠᠯ ᠢᠶᠠᠨ ᠳᠠᠯᠪᠢᠨ ᠢᠳᠡᠰᠢᠯᠡᠭᠦᠯᠳᠡᠭ᠃ | ᠤᠶᠠᠭᠠᠨ ᠤ ᠮᠤᠷᠢ ᠶᠢ ᠭᠡᠳᠡᠰᠦ ᠶᠢ ᠨᠢ ᠴᠢᠩᠭᠠᠯᠠᠬᠤ ᠭᠡᠵᠦ ᠪᠤᠭ ᠲᠠᠢ ᠪᠡᠯᠴᠢᠭᠡᠷ ᠲᠤ ᠠᠷᠭᠠᠮᠵᠢᠳᠠᠭ᠂ ᠮᠠᠯᠴᠢᠳ | ᠬᠠᠭᠳᠠᠨ ᠤ ᠪᠡᠯᠴᠢᠭᠡᠷ ᠢ ᠢᠩᠬᠢᠵᠦ ᠲᠤᠬᠢᠷᠠᠮᠵᠢᠳᠠᠢ ᠠᠰᠢᠭᠯᠠᠳᠠᠭ᠃ ᠨᠡᠩ ᠠᠳᠤᠭᠤ ᠪᠤᠯ ᠪᠤᠭ ᠬᠠᠮᠤᠬᠤ ᠲᠤᠷᠠᠰᠢᠯ | ᠲᠠᠢ ᠪᠠᠶᠢᠳᠠᠭ ᠢᠶᠠᠷ ᠡᠪᠦᠯ ᠬᠠᠪᠤᠷ ᠤᠨ ᠤᠯᠠᠷᠢᠯ ᠳᠤ ᠪᠤᠭ ᠲᠠᠢ ᠪᠡᠯᠴᠢᠭᠡᠷ ᠲᠤ ᠲᠤᠭᠳᠠᠪᠦᠷᠢᠳᠠᠢ ᠢᠳᠡᠰᠢᠯᠡᠳᠡᠭ ᠶᠤᠮ᠃ | ᠭᠡᠪᠡᠴᠤ ᠰᠢᠮᠡ ᠲᠠᠢ ᠲᠤᠭᠳᠠᠪᠦᠷᠢᠳᠠᠢ ᠪᠠᠶᠢᠨᠠ ᠭᠡᠳ ᠨᠢᠭᠡ ᠯᠡ ᠭᠠᠵᠠᠷ ᠲᠤ ᠤᠳᠠᠭᠠᠨ ᠳᠠᠯᠪᠢᠵᠦ ᠪᠡᠯᠴᠢᠭᠡᠷ ᠢᠶᠠᠨ | ᠬᠠᠯᠴᠠᠭᠠᠶᠢᠷᠠᠭᠤᠯᠬᠤ ᠪᠢᠰᠢ ᠢᠮᠠᠭᠳᠠ ᠪᠡᠯᠴᠢᠭᠡᠷ ᠢ ᠨᠢ ᠰᠡᠯᠭᠦᠨ ᠦᠭᠴᠤ ᠪᠠᠶᠢᠳᠠᠭ᠃ ᠪᠡᠯᠴᠢᠭᠡᠷ ᠤᠨ ᠲᠤᠷᠭᠠᠨ | ᠬᠦᠷᠦᠰᠦ ᠶᠢ ᠬᠠᠮᠠᠭᠠᠯᠠᠬᠤ ᠡᠨᠡ ᠪᠤᠯ ᠪᠡᠯᠴᠢᠭᠡᠷ ᠠᠰᠢᠭᠯᠠᠬᠤ ᠶᠢᠨ ᠬᠠᠮᠤᠭ ᠤᠨ ᠤᠷᠢᠳᠠᠴᠢ ᠱᠠᠭᠠᠷᠳᠠᠯᠭᠠ ᠪᠤᠯᠳᠠᠭ | ᠤᠴᠢᠷ ᠲᠠᠢ᠃ | ⒉ ᠪᠡᠯᠴᠢᠭᠡᠷ ᠢ ᠤᠯᠠᠷᠢᠯ ᠢᠶᠠᠷ ᠪᠤᠶᠤ ᠤᠳᠤᠷᠯᠠᠵᠦ ᠠᠰᠢᠭᠯᠠᠬᠤ᠃ ᠪᠡᠯᠴᠢᠭᠡᠷ ᠢ ᠤᠯᠠᠷᠢᠯ ᠢᠶᠠᠷ ᠪᠤᠶᠤ | ᠤᠳᠤᠷᠯᠠᠵᠦ ᠠᠰᠢᠭᠯᠠᠬᠤ ᠨᠢ ᠪᠡᠯᠴᠢᠭᠡᠷ ᠢ ᠳᠠᠵᠢᠷᠰᠢᠭᠤᠯᠬᠤ ᠦᠭᠡᠢ ᠪᠠᠶᠢᠬᠤ ᠦᠨᠳᠦᠰᠦᠨ ᠨᠦᠬᠦᠴᠡᠯ ᠤᠨ ᠲᠤᠤᠷᠠ | ᠡᠪᠡᠰᠦ ᠤᠷᠭᠤᠮᠠᠯ ᠤᠨ ᠤᠷᠭᠤᠴᠡ ᠶᠢᠨ ᠰᠤᠶᠤᠭᠠᠯᠠᠬᠤ᠂ ᠴᠡᠴᠡᠭᠯᠡᠬᠦ᠂ ᠪᠤᠯᠪᠠᠰᠤᠷᠠᠬᠤ᠂ ᠦᠷᠡ ᠰᠠᠴᠤᠬᠤ ᠵᠡᠷᠭᠡ | ᠵᠢᠮᠡ ᠶᠤᠰᠤ ᠶᠢ ᠬᠦᠨᠳᠦᠳᠭᠡᠨ᠂ ᠠᠯᠢ ᠴᠠᠭ ᠬᠤᠭᠤᠴᠠᠭᠠᠨ ᠳᠤ ᠶᠠᠮᠠᠷ ᠤᠷᠭᠤᠮᠠᠯ ᠤᠷᠭᠤᠨ ᠪᠤᠶᠢᠵᠢᠳᠠᠭ᠂ ᠶᠠᠮᠠᠷ | ᠴᠠᠭ ᠦᠶᠡ ᠳᠤ ᠠᠯᠢ ᠲᠦᠷᠦᠯ ᠤᠨ ᠡᠪᠡᠰᠦ ᠶᠢ ᠶᠠᠮᠠᠷ ᠮᠠᠯ ᠶᠠᠭᠠᠬᠢᠵᠦ ᠢᠳᠡᠳᠡᠭ ᠵᠡᠷᠭᠡ ᠶᠢ ᠪᠦᠬᠦ ᠲᠠᠯᠠ ᠪᠠᠷ | ᠬᠠᠷᠠᠭᠠᠯᠵᠠᠨ᠂ ᠤᠯᠠᠨ ᠵᠦᠢᠯ ᠤᠨ ᠶᠠᠩᠵᠦ ᠬᠡᠯᠪᠡᠷᠢ ᠪᠠᠷ ᠤᠯᠠᠨ ᠬᠦᠳᠡᠯᠭᠡᠭᠡᠨᠳᠦ ᠤᠳᠤᠷ ᠨᠡᠭᠦᠳᠡᠯ ᠬᠢᠬᠦ ᠪᠤᠯᠭᠠᠭᠰᠠᠨ | ᠠᠰᠢᠭᠳᠠᠢ ᠲᠤᠷᠰᠢᠯᠭᠠ ᠶᠢ ᠡᠭᠦᠳᠦᠭᠰᠡᠨ ᠪᠠᠶᠢᠨᠠ᠃ | ᠬᠠᠪᠤᠷ ᠤᠨ ᠤᠯᠠᠷᠢᠯ ᠳᠤ ᠬᠠᠪᠤᠷᠵᠢᠶᠠᠨ ᠳᠠᠭᠠᠨ ᠪᠠᠭᠤᠭᠰᠠᠨ ᠤ ᠲᠠᠷᠠᠭᠠ ᠤᠰᠤ ᠤᠶᠢᠷᠠᠯᠴᠠᠭᠠ ᠭᠠᠵᠠᠷ ᠲᠤ | ᠰᠠᠭᠠᠬᠤ ᠶᠢᠨ ᠪᠡᠯᠴᠢᠭᠡᠷ᠂ ᠰᠤᠪᠠᠢ ᠶᠢᠨ ᠪᠡᠯᠴᠢᠭᠡᠷ ᠭᠡᠵᠦ ᠢᠯᠠᠭᠠᠬᠤ ᠪᠦᠭᠡᠳ ᠠᠯᠤᠰ ᠤᠨ ᠭᠠᠵᠠᠷ ᠲᠤ ᠠᠳᠤᠭᠤ | ᠲᠡᠮᠡᠭᠡ ᠶᠢᠨ ᠪᠡᠯᠴᠢᠭᠡᠷ᠂ ᠤᠶᠢᠷᠠᠯᠴᠠᠭᠠ ᠭᠠᠵᠠᠷ ᠲᠤ ᠦᠭᠡᠷ ᠤᠨ ᠪᠡᠯᠴᠢᠭᠡᠷ ᠭᠡᠵᠦ ᠬᠤᠪᠢᠶᠠᠨ ᠮᠠᠯᠵᠢᠳᠠᠭ᠃ ᠵᠤᠨ ᠤ | ᠤᠯᠠᠷᠢᠯ ᠳᠤ ᠵᠤᠰᠠᠯᠠᠩ ᠳᠠᠭᠠᠨ ᠵᠤᠰᠠᠬᠤ ᠳᠤ ᠠᠯᠤᠰ ᠤᠨ ᠬᠠᠷᠠᠭᠠ ᠲᠠᠢ ᠵᠤ ᠲᠠᠨᠵᠢᠨ ᠲᠡᠭᠡᠷᠡ ᠪᠠᠭᠤᠵᠦ᠂ ᠰᠡᠷᠢᠭᠦᠨ | ᠠᠮᠢᠰᠬᠤᠯ ᠲᠠᠢ ᠢᠯᠠᠭᠠ ᠬᠤᠷᠤᠬᠠᠢ ᠴᠦᠬᠡᠨ ᠪᠠᠶᠢᠬᠤ ᠭᠠᠵᠠᠷ ᠢ ᠰᠤᠩᠭᠤᠳᠠᠭ᠃ ᠨᠠᠮᠤᠷ ᠤᠨ ᠤᠯᠠᠷᠢᠯ ᠳᠤ | ᠨᠠᠮᠤᠷᠵᠢᠶᠠ ᠳᠠᠭᠠᠨ ᠪᠠᠭᠤᠵᠦ᠂ ᠮᠠᠯ ᠤᠨ ᠲᠠᠷᠭᠤ ᠬᠦᠴᠦ ᠠᠪᠤᠭᠤᠯᠬᠤ ᠶᠢ ᠠᠩᠬᠠᠷᠴᠤ᠂ ᠬᠡᠳᠦ ᠬᠤᠨᠤᠭᠰᠠᠨ ᠤ | ᠲᠠᠷᠠᠭᠠ ᠡᠪᠡᠰᠦᠨ ᠤ ᠰᠤᠷ ᠬᠡᠷᠪᠡᠭᠳᠡᠵᠦ ᠴᠦᠭᠡᠷᠡᠪᠡᠯ ᠴᠦᠬᠡᠨ ᠬᠤᠨᠤᠭ ᠡᠳᠦᠷ ᠢᠶᠠᠷ ᠪᠡᠯᠴᠢᠭᠡᠷ ᠰᠢᠯᠢᠨ ᠪᠠᠶᠢᠩᠭᠤ | ᠬᠦᠩᠭᠡᠨ ᠤᠳᠤᠷ ᠶᠠᠪᠤᠳᠠᠭ᠃ ᠡᠪᠦᠯ ᠤᠨ ᠤᠯᠠᠷᠢᠯ ᠳᠤ ᠨᠦᠮᠦᠷᠢ ᠲᠤᠯᠠᠭᠠᠨ ᠭᠠᠵᠠᠷ ᠪᠠᠭᠤᠵᠦ᠂ ᠮᠠᠯ ᠰᠦᠷᠦᠭ ᠤᠨ | ᠬᠡᠪᠳᠡᠯᠭᠡ ᠲᠤᠯᠠᠭᠠᠨ ᠬᠡᠳᠡᠰᠦ ᠲᠦᠭᠦᠷᠡᠩ ᠪᠠᠶᠢᠬᠤ ᠶᠢ ᠠᠩᠬᠠᠷᠳᠠᠭ᠃ ᠡᠩ ᠤᠨ ᠵᠢᠯ ᠳᠤ ᠤᠯᠠᠩᠬᠢ ᠳᠠᠭᠠᠨ ᠡᠨᠡ | ᠮᠡᠳᠦ ᠪᠠᠷ ᠡᠭᠡᠯᠵᠢᠯᠡᠵᠦ᠂ ᠮᠠᠰᠢ ᠡᠮᠬᠢ ᠵᠢᠷᠤᠮ ᠲᠠᠢ ᠲᠠᠪᠳᠠᠭᠳᠠᠳᠠᠭ᠃ ᠪᠡᠯᠴᠢᠭᠡᠷ ᠢ ᠮᠠᠯ ᠤᠨ ᠲᠦᠷᠦᠯ ᠢᠶᠠᠷ | ᠲᠤᠬᠢᠷᠠᠭᠤᠯᠵᠦ ᠠᠰᠢᠭᠯᠠᠬᠤ ᠨᠢ ᠪᠡᠯᠴᠢᠭᠡᠷ ᠤᠨ ᠠᠰᠢᠭᠯᠠᠮᠵᠢ ᠶᠢᠨ ᠲᠠᠯᠠ ᠪᠠᠷ ᠵᠦᠷᠢᠴᠡᠯ ᠦᠭᠡᠢ ᠪᠤᠯᠳᠠᠭ᠃ ᠤᠴᠢᠷ | ᠨᠢ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠢᠳᠡᠰᠢᠯᠡᠬᠦ ᠡᠪᠡᠰᠦ ᠤᠷᠭᠤᠮᠠᠯ᠂ ᠪᠡᠯᠴᠢᠭᠡᠷᠯᠡᠬᠦ ᠬᠡᠯᠪᠡᠷᠢ ᠮᠠᠶ᠋ᠢᠭ ᠨᠢ ᠴᠤ ᠬᠠᠷᠢᠯᠴᠠᠨ | ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ᠃ | ᠤᠳᠤᠷᠯᠠᠵᠦ ᠠᠰᠢᠭᠯᠠᠬᠤ ᠳᠤ᠂ ᠤᠯᠠᠷᠢᠯ ᠤᠨ ᠨᠤᠲᠤᠭ ᠲᠤ ᠪᠠᠭᠤᠬᠤ ᠳᠠᠭᠠᠨ ᠨᠢᠭᠡ ᠯᠡ ᠨᠤᠲᠤᠭ | ᠲᠡᠭᠡᠷᠡ ᠪᠠᠨ ᠲᠠᠷᠠᠭᠠ ᠤᠯᠠᠷᠢᠯ ᠤᠨ ᠨᠡᠭᠦᠳᠡᠯ ᠢ ᠬᠦᠯᠢᠶᠡᠬᠦ ᠪᠢᠰᠢ᠂ ᠬᠠᠷᠢᠨ ᠤᠯᠠᠷᠢᠯ ᠤᠨ ᠪᠡᠯᠴᠢᠭᠡᠷ ᠤᠨ | ᠲᠤᠲᠤᠷᠠ ᠪᠠᠨ 7 — 10 ᠬᠤᠨᠤᠭ ᠲᠤ ᠦᠨᠳᠤᠰᠦᠨ ᠳᠡᠭᠡᠨ ᠨᠤᠲᠤᠭ ᠰᠢᠯᠵᠢᠵᠦ ᠨᠡᠭᠦᠳᠡᠭ ᠤᠴᠢᠷ ᠲᠠᠢ᠃ | ᠬᠡᠷᠪᠡ ᠭᠡᠷ ᠢᠶᠠᠷ ᠢᠶᠠᠨ ᠨᠡᠭᠦᠬᠦ ᠦᠭᠡᠢ ᠪᠤᠯ ᠮᠦᠨ ᠬᠦᠩᠭᠡᠨ ᠤᠳᠤᠷ ᠤᠷᠢᠳᠠᠪᠡᠷ ᠶᠠᠪᠤᠳᠠᠭ ᠪᠠᠶᠢᠵᠠᠢ᠃ ᠬᠦᠩᠭᠡᠨ | ᠤᠳᠤᠷ ᠶᠠᠪᠤᠬᠤ ᠨᠢ ᠬᠠᠪᠤᠷ ᠪᠤᠯ ᠮᠠᠯ ᠰᠦᠷᠦᠭ ᠢᠶᠠᠨ ᠬᠤᠭᠤᠯᠠᠳᠤ ᠪᠤᠭ ᠳᠤ ᠭᠠᠷᠭᠠᠬᠤ᠂ ᠬᠠᠪᠤᠷ ᠤᠨ ᠰᠡᠭᠦᠯᠴᠢ ᠳᠤ | ᠨᠤᠭᠤᠭᠠᠨ ᠳᠤ ᠭᠠᠷᠭᠠᠬᠤ ᠳᠤ ᠵᠤᠷᠢᠭᠤᠯᠵᠦ᠂ ᠵᠤᠨ ᠪᠤᠯ ᠤᠶᠢᠷᠠ ᠲᠦᠰᠦᠷ ᠤᠨ ᠨᠠᠭᠤᠷ ᠲᠤᠨᠤᠳᠠᠰᠤ ᠪᠡᠯᠴᠢᠭᠡᠷ ᠤᠨ | ᠰᠤᠷᠭᠤᠭ ᠢ ᠠᠰᠢᠭᠯᠠᠬᠤ᠂ ᠨᠠᠮᠤᠷ ᠪᠤᠯ ᠮᠠᠯ ᠪᠡᠯᠴᠢᠭᠡᠷᠯᠡᠭᠰᠡᠨ ᠭᠠᠵᠠᠷ ᠠᠴᠠ ᠪᠤᠰᠤᠳ ᠰᠤᠷᠭᠤᠭ ᠪᠡᠯᠴᠢᠭᠡᠷ ᠲᠤ | ᠤᠳᠤᠷ ᠬᠦᠭᠡᠭᠡᠬᠦ᠂ ᠭᠤᠪᠢ ᠱᠠᠤ ᠳᠤ ᠤᠷᠤᠭᠤᠯᠬᠤ ᠵᠡᠷᠭᠡ ᠲᠠᠷᠭᠤ ᠠᠪᠤᠭᠤᠯᠬᠤ ᠳᠤ ᠭᠤᠤᠯᠳᠠᠭᠤ ᠵᠤᠷᠢᠭᠤᠯᠵᠦ᠂ | ᠡᠪᠦᠯ ᠪᠤᠯ ᠤᠯᠠᠩᠬᠢ ᠳᠠᠭᠠᠨ ᠬᠦᠩᠭᠡᠨ ᠤᠳᠤᠷ ᠶᠠᠪᠤᠬᠤ ᠦᠭᠡᠢ᠂ ᠭᠡᠷ ᠨᠡᠭᠦᠳᠡᠯ ᠢᠶᠠᠷ ᠢᠶᠠᠨ ᠶᠠᠪᠤᠳᠠᠭ ᠪᠦᠭᠡᠳ | ᠴᠠᠰᠤᠨ ᠤ ᠨᠢᠮᠭᠡᠨ ᠡᠪᠡᠰᠦᠨ ᠤ ᠰᠤᠷᠭᠤᠭ᠂ ᠭᠠᠵᠠᠷ ᠤᠨ ᠨᠦᠮᠦᠷᠢ ᠶᠢ ᠬᠠᠷᠠᠵᠦ ᠮᠠᠯᠵᠢᠳᠠᠭ᠃ ᠬᠦᠩᠭᠡᠨ ᠤᠳᠤᠷ ᠢ | ᠠᠶᠢᠯ ᠡᠷᠦᠬᠡ ᠮᠠᠯ ᠰᠦᠷᠦᠭ ᠢᠶᠠᠷ ᠢᠶᠠᠨ ᠭᠦᠢᠴᠡᠳᠭᠡᠳᠡᠭ ᠪᠠᠶᠢᠪᠠ᠃ ᠬᠦᠩᠭᠡᠨ ᠤᠳᠤᠷ ᠤᠨ ᠠᠷᠭᠠ ᠬᠡᠯᠪᠡᠷᠢ ᠨᠢ | ᠶᠡᠭᠡ ᠲᠦᠭᠦᠮ ᠲᠡᠷᠤᠢ ᠬᠠᠮ ᠲᠡᠷᠭᠡ᠂ ᠤᠰᠤᠨ ᠭᠠᠩ ᠲᠠᠢ ᠪᠠᠨ ᠠᠪᠴᠤ᠂ ᠠᠯᠢ ᠪᠤᠯᠬᠤ ᠪᠠᠷ ᠰᠦᠷᠦᠭ ᠢᠶᠠᠨ | ᠲᠠᠭᠠᠵᠦ ᠶᠠᠪᠤᠨ᠂ ᠮᠠᠨᠠᠭᠠ ᠬᠠᠷᠢᠭᠤᠯᠭᠠ ᠶᠢ ᠵᠡᠷᠭᠡ ᠳᠤᠨᠢ ᠭᠦᠢᠴᠡᠳᠭᠡᠵᠦ᠂ ᠰᠦᠷᠦᠭ ᠪᠤᠴᠠᠬᠤ ᠶᠠᠪᠤᠳᠠᠯ ᠦᠭᠡᠢ᠂ | ᠢᠩᠭᠢᠬᠦ ᠨᠢ ᠨᠢᠭᠡ ᠳᠤ ᠰᠦᠷᠦᠭ ᠬᠦᠭᠡᠭᠡᠭᠳᠡᠬᠦ ᠦᠭᠡᠢ᠂ ᠬᠤᠶᠠᠷ ᠲᠤ ᠪᠡᠯᠴᠢᠭᠡᠷ ᠲᠠᠪᠳᠠᠭᠳᠠᠬᠤ ᠦᠭᠡᠢ ᠬᠤᠤᠰ | ᠬᠡᠷᠡᠭᠴᠡᠭᠡᠳᠦ ᠮᠠᠯᠵᠢᠯᠭᠠ ᠪᠤᠯᠤᠨ ᠶᠠᠪᠤᠭᠳᠠᠵᠦ ᠪᠠᠶᠢᠳᠠᠭ ᠶᠤᠮ᠃ ᠪᠡᠯᠴᠢᠭᠡᠷ ᠨᠤᠲᠤᠭ ᠤᠨ ᠢᠶᠠᠨ ᠡᠪᠡᠰᠦᠨ ᠤ | ᠤᠷᠭᠤᠴᠠ ᠶᠢᠨ ᠪᠠᠶᠢᠳᠠᠯ ᠢ ᠦᠨᠳᠦᠰᠦᠯᠡᠵᠦ ᠬᠤᠯᠠ ᠶᠢᠨ ᠤᠳᠤᠷ ︵ᠪᠤᠰᠤᠳ ᠨᠢᠭᠡᠴᠡ ᠳᠤ︶ ᠶᠠᠪᠤᠬᠤ ᠪᠤᠶᠤ | ᠤᠶᠢᠷᠠ ᠲᠦᠰᠦᠷ ᠤᠨ ᠤᠳᠤᠷ ᠭᠡᠵᠦ ᠢᠯᠭᠠᠵᠦ ᠶᠠᠪᠤᠭᠳᠠᠳᠠᠭ ᠶᠤᠮ᠃ | ⒊ ᠪᠡᠯᠴᠢᠭᠡᠷ ᠢ ᠬᠤᠷᠯᠠᠭᠤᠯᠵᠦ ᠠᠰᠢᠭᠯᠠᠬᠤ᠃ ᠪᠡᠯᠴᠢᠭᠡᠷ ᠢ ᠬᠤᠷᠯᠠᠭᠤᠯᠬᠤ ᠭᠡᠳᠡᠭ ᠪᠤᠯ ᠪᠦᠬᠦᠯᠢ | ᠨᠢᠭᠡ ᠠᠴᠠ ᠳᠡᠭᠡᠭᠰᠢ ᠵᠢᠯ ᠮᠠᠯ ᠪᠡᠯᠴᠢᠭᠡᠬᠦ ᠦᠭᠡᠢ ᠦᠨᠵᠢᠭᠡᠵᠦ᠂ ᠪᠡᠯᠴᠢᠭᠡᠷ ᠢᠶᠠᠨ ᠪᠤᠭᠰᠢᠭᠤᠯᠵᠦ | ᠬᠦᠷᠦᠰᠦᠯᠡᠭᠦᠯᠬᠦ ᠶᠢ ᠬᠡᠯᠡᠨᠡ᠃ ᠡᠨᠡ ᠨᠢ ᠴᠢᠬᠢᠭ ᠢ ᠬᠠᠳᠠᠭᠠᠯᠠᠬᠤ ᠪᠠ ᠡᠪᠡᠰᠦ ᠤᠷᠭᠤᠮᠠᠯ ᠤᠨ ᠤᠷᠭᠤᠯᠳᠠ ᠶᠢᠨ | ᠴᠢᠳᠠᠪᠬᠢ ᠶᠢ ᠤᠯᠠᠮ ᠰᠠᠶᠢᠵᠢᠷᠠᠭᠤᠯᠬᠤ ᠶᠢᠨ ᠲᠦᠯᠦᠭᠡ ᠶᠤᠮ᠃ ᠡᠩ ᠤᠨ ᠵᠢᠯ ᠳᠤ ᠪᠤᠯ ᠲᠦᠷᠪᠡᠨ ᠤᠯᠠᠷᠢᠯ ᠪᠤᠶᠤ | ᠤᠳᠤᠷᠯᠠᠬᠤ ᠠᠷᠭᠠ ᠮᠠᠶ᠋ᠢᠭ ᠢᠶᠠᠷ ᠪᠡᠯᠴᠢᠭᠡᠷ ᠤᠨ ᠲᠠᠷᠤᠭᠠᠰᠤ ᠶᠢ ᠬᠦᠩᠭᠡᠯᠡᠨ᠂ ᠪᠡᠯᠴᠢᠭᠡᠷ ᠤᠨ ᠳᠠᠵᠢᠷᠰᠢᠬᠤ ᠠᠴᠠ | ᠰᠡᠷᠭᠡᠶᠢᠯᠡᠨ ᠮᠠᠯ ᠤᠨ ᠳᠠᠯᠬᠢᠭᠳᠠᠯ ᠠᠴᠠ ᠵᠠᠶᠢᠯᠠᠭᠤᠯᠳᠠᠭ᠃ ᠭᠠᠩ ᠬᠠᠭᠰᠠᠷᠭᠠᠨ ᠤᠯᠠᠰᠢᠷᠠᠬᠤ᠂ ᠪᠤᠭ ᠤᠨ ᠳᠠᠪᠬᠤᠷᠭᠠ | ᠨᠢᠮᠭᠡᠷᠡᠬᠦ ᠤᠨᠴᠤᠭᠤᠢ ᠦᠶᠡ ᠳᠤ ᠰᠠᠶ᠋ᠢ ᠡᠶᠢᠮᠦᠷᠬᠦ ᠠᠷᠭᠠ ᠶᠢ ᠠᠪᠳᠠᠭ ᠶᠤᠮ᠃ ᠴᠠᠰᠤ ᠵᠤᠳ ᠶᠡᠬᠡᠳᠡᠭᠰᠡᠨ᠂ | ᠪᠡᠯᠴᠢᠭᠡᠷ ᠭᠠᠩᠳᠠᠵᠦ ᠬᠤᠪᠠᠭ᠋ᠠᠶᠢᠷᠠᠭᠰᠠᠨ ᠵᠢᠯ ᠳᠤ ᠠᠯᠤᠰ ᠤᠨ ᠤᠳᠤᠷ ᠬᠦᠭᠡᠭᠡᠬᠦ ᠶᠢ ᠡᠷᠬᠢᠮᠯᠡᠳᠡᠭ᠃ ᠡᠭᠦᠨ ᠢ ᠠᠶᠢᠯ | ᠠᠶᠢᠮᠠᠭ᠂ ᠦᠨᠳᠤᠰᠦᠨ ᠲᠤᠭᠤᠴᠠᠭᠠ ᠶᠢᠨ ᠨᠢᠭᠡᠴᠡ ᠪᠠᠷ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠨ ᠬᠢᠳᠡᠭ᠃ ᠡᠨᠡ ᠨᠢ ᠦᠪᠡᠷ ᠤᠨ | ᠨᠤᠲᠤᠭ ᠪᠡᠯᠴᠢᠭᠡᠷ ᠢᠶᠠᠨ ᠳᠠᠯᠪᠢᠵᠦ ᠬᠤᠷᠯᠠᠭᠤᠯᠬᠤ᠂ ᠴᠠᠭᠠᠨ ᠵᠤᠳ ᠠᠴᠠ ᠮᠠᠯ ᠰᠦᠷᠦᠭ ᠢᠶᠠᠨ ᠠᠶᠤᠯ ᠠᠴᠠ | ᠵᠠᠶᠢᠯᠠᠭᠤᠯᠬᠤ ᠪᠠᠷ ᠵᠤᠷᠢᠭᠤᠯᠤᠯᠳᠠ ᠪᠤᠯᠭᠠᠳᠠᠭ᠃ ᠪᠡᠯᠴᠢᠭᠡᠷ ᠨᠤᠲᠤᠭ ᠨᠢ ᠭᠠᠩᠳᠠᠭᠰᠠᠨ ᠦᠶᠡ ᠳᠤ ᠳᠡᠳᠡ᠂ ᠲᠤᠰ | ᠨᠤᠲᠤᠭ ᠳᠡᠭᠡᠷᠡ ᠪᠠᠨ ᠲᠡᠰᠪᠦᠷᠢᠯᠡᠨ ᠠᠷᠭᠠᠴᠠᠬᠤ ᠠᠷᠭᠠ ᠠᠪᠳᠠᠭ ᠦᠭᠡᠢ ᠮᠦᠷᠳᠡᠭᠡᠨ ᠲᠠᠷᠤᠢ ᠲᠦᠷᠭᠡᠨ ᠨᠡᠬᠦᠬᠦ | ᠲᠤᠷᠠᠳᠤᠯᠭᠠ ᠭᠠᠷᠭᠠᠨ᠂ ᠪᠡᠯᠴᠢᠭᠡᠷ ᠤᠨ ᠬᠦᠷᠦᠰᠦ ᠡᠪᠳᠡᠭᠳᠡᠨ ᠲᠠᠵᠢᠷᠰᠢᠬᠤ ᠶᠢ ᠰᠡᠷᠭᠡᠶᠢᠯᠡᠨ ᠠᠯᠤᠰ ᠤᠨ ᠤᠳᠤᠷ | ᠶᠠᠪᠤᠵᠦ᠂ 1 — 3 ᠵᠢᠯ ᠪᠡᠯᠴᠢᠭᠡᠷ ᠢᠶᠠᠨ ᠲᠠᠯᠪᠢᠵᠦ ᠬᠤᠷᠯᠠᠭᠤᠯᠳᠠᠭ᠃ ᠲᠡᠭᠡᠷᠡ ᠵᠠᠭᠤᠨ ᠤ ᠵᠢᠷᠠᠭᠠᠳ ᠤᠨ ᠪᠠ | ᠲᠠᠯᠠᠭᠠᠳ ᠤᠨ ᠳᠤ᠂ ᠤᠤᠯ ᠤᠨ ᠠᠯᠳᠠᠬᠢᠯᠢ ᠨᠢᠭᠡᠳᠦᠯ ᠠᠴᠠ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠬᠦᠷᠢᠶᠡᠳᠦᠨᠠᠭᠤᠷ ᠲᠤ | ᠶᠠᠪᠤᠭᠰᠠᠨ ᠠᠯᠤᠰ ᠤᠨ ᠤᠳᠤᠷ᠂ ᠮᠠᠨᠳᠤᠬᠤᠪᠤᠯᠠᠭ ᠲᠤ ᠶᠠᠪᠤᠭᠰᠠᠨ ᠠᠯᠤᠰ ᠤᠨ ᠤᠳᠤᠷ᠂ ᠪᠠᠶᠠᠨᠬᠦᠭᠡᠪᠦᠷ ᠲᠤ | ᠶᠠᠪᠤᠭᠰᠠᠨ ᠠᠯᠤᠰ ᠤᠨ ᠤᠳᠤᠷ ᠵᠡᠷᠭᠡ ᠦᠢᠯᠡ ᠶᠠᠪᠤᠳᠠᠯ ᠡᠨᠡ ᠪᠦᠬᠦᠨ ᠢ ᠵᠢᠱᠢᠶᠡ ᠪᠤᠯᠤᠨ ᠭᠡᠷᠡᠴᠢᠯᠡᠵᠦ ᠪᠤᠢ᠃ ᠡᠨᠡ | ᠨᠢ ᠪᠦᠬᠦ ᠪᠡᠯᠴᠢᠭᠡᠷ ᠢᠶᠠᠨ ᠨᠡᠶᠢᠳᠡᠮ ᠳᠤᠨᠢ ᠬᠤᠷᠯᠠᠭᠤᠯᠬᠤ ᠰᠠᠶᠢᠨ ᠲᠤᠬᠢᠶᠠᠯ ᠪᠤᠯᠳᠠᠭ᠂ ᠪᠡᠯᠴᠢᠭᠡᠷ ᠢ ᠬᠤᠷᠯᠠᠭᠤᠯᠵᠦ | ᠠᠰᠢᠭᠯᠠᠬᠤ ᠨᠢ ᠡᠪᠡᠰᠦᠨ ᠤ ᠤᠷᠭᠤᠴᠠ ᠪᠠ ᠪᠦᠷᠬᠦᠴᠡ ᠳᠤ ᠲᠤᠩ ᠠᠰᠢᠭᠳᠠᠢ ᠪᠠᠶᠢᠳᠠᠭ᠃ | ⒋ ᠪᠡᠯᠴᠢᠭᠡᠷ ᠢ ᠰᠢᠮᠡᠵᠢᠭᠦᠯᠤᠨ ᠨᠡᠭᠡᠭᠡᠵᠦ ᠠᠰᠢᠭᠯᠠᠬᠤ᠃ ᠦᠵᠦᠮᠦᠴᠢᠨ ᠨᠤᠲᠤᠭ ᠦᠷᠭᠡᠨ ᠠᠭᠤᠳᠠᠮ | ᠪᠤᠯᠬᠤᠷ ᠮᠠᠯ ᠬᠠᠷᠠ ᠳᠠᠮᠠᠢ ᠤᠴᠢᠳᠠᠭ ᠦᠭᠡᠢ ᠴᠦᠯ ᠵᠡᠯᠢᠭᠦᠳ ᠭᠠᠵᠠᠷ ᠪᠠᠶᠢᠭᠰᠠᠨ ᠶᠤᠮ᠂ ᠡᠶᠢᠮᠦᠷᠬᠦ ᠪᠡᠯᠴᠢᠭᠡᠷ ᠨᠢ | ᠤᠯᠠᠩᠬᠢ ᠳᠠᠭᠠᠨ ᠭᠤᠤᠯ ᠵᠠᠳᠠᠭᠠᠢ ᠠᠴᠠ ᠬᠤᠯᠠ ᠮᠠᠯ ᠪᠡᠯᠴᠢᠭᠡᠷ ᠢᠶᠠᠷ ᠬᠦᠷᠴᠤ ᠳᠡᠶᠢᠯᠬᠦ ᠦᠭᠡᠢ ᠰᠢᠯᠢ ᠭᠠᠵᠠᠷ | ᠪᠠᠶᠢᠳᠠᠭ᠃ ᠡᠰᠡᠪᠡᠯ ᠤᠤᠯ ᠨᠢ ᠪᠡᠯᠴᠢᠭᠡᠷᠯᠡᠨ ᠬᠡᠷᠡᠭᠯᠡᠵᠦ ᠪᠠᠶᠢᠭᠠᠳ ᠶᠠᠮᠠᠷ ᠨᠢᠭᠡᠨ ᠤᠨᠴᠤᠭᠤᠢ ᠰᠢᠯᠳᠠᠭᠠᠨ ᠠᠴᠠ | ᠪᠤᠯᠵᠦ ᠬᠠᠶᠠᠭᠳᠠᠭᠠᠳ ᠤᠨ ᠤᠳᠠᠭᠰᠠᠨ ᠪᠡᠯᠴᠢᠭᠡᠷ ᠢ ᠳᠠᠬᠢᠨ ᠠᠰᠢᠭᠯᠠᠬᠤ ᠶᠠᠪᠤᠳᠠᠯ ᠦᠷᠭᠦᠯᠵᠢ ᠭᠠᠷᠳᠠᠭ᠃ | ᠡᠶᠢᠮᠦᠷᠬᠦ ᠰᠢᠯᠢ ᠴᠦᠯ ᠤᠨ ᠪᠡᠯᠴᠢᠭᠡᠷ ᠤᠨ ᠡᠪᠡᠰᠦᠨ ᠤ ᠴᠢᠨᠠᠷ ᠠᠨᠠᠢ᠂ ᠡᠪᠡᠰᠦᠨ ᠤ ᠲᠦᠷᠦᠯ ᠵᠦᠢᠯ ᠨᠢ ᠴᠦᠭᠡᠨ᠂ | ᠦᠯ ᠰᠢᠮᠡ ᠪᠠᠷ ᠲᠤᠳᠠᠮᠠᠭ ᠦᠯᠦᠩ ᠭᠤᠤᠯᠳᠠᠭᠤ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠮᠠᠯ ᠳᠤ ᠳᠠᠮᠡᠢ ᠲᠡᠵᠢᠭᠡᠯ ᠪᠤᠯᠳᠠᠭ ᠦᠭᠡᠢ | ᠤᠴᠢᠷ ᠦᠵᠡᠬᠦ ᠳᠤ ᠦᠳᠭᠡᠨ ᠰᠠᠶᠢᠬᠠᠨ ᠪᠡᠯᠴᠢᠭᠡᠷ ᠪᠤᠯᠪᠠᠴᠤ ᠮᠠᠯ ᠰᠦᠷᠦᠭ ᠤᠨ ᠡᠴᠡᠵᠦ ᠲᠤᠷᠠᠬᠤ ᠴᠢᠨᠠᠭᠰᠢᠯᠠᠪᠠᠯ | ᠦᠬᠦᠵᠦ ᠰᠦᠢᠳᠬᠦ ᠶᠠᠪᠤᠳᠠᠯ ᠦᠷᠭᠦᠯᠵᠢ ᠭᠠᠷᠳᠠᠭ᠃ ᠡᠶᠢᠮᠦᠷᠬᠦ ᠪᠡᠯᠴᠢᠭᠡᠷ ᠢ ᠰᠢᠮᠡᠵᠢᠭᠦᠯᠬᠦ ᠳᠤ ᠴᠠᠰᠤ | ᠲᠤᠭᠳᠠᠭᠰᠠᠨ ᠤ ᠲᠠᠷᠠᠭᠠ ᠠᠳᠤᠭᠤᠨ ᠰᠦᠷᠦᠭ ᠤᠨ ᠤᠳᠤᠷ ᠶᠠᠪᠤᠵᠦ ᠠᠰᠢᠭᠯᠠᠬᠤ᠂ ᠲᠡᠮᠡᠭᠡᠨ ᠰᠦᠷᠦᠭ ᠢᠶᠠᠷ ᠴᠦᠯ | ᠭᠤᠪᠢ ᠶᠢᠨ ᠪᠡᠯᠴᠢᠭᠡᠷ ᠢ ᠠᠰᠢᠭᠯᠠᠬᠤ᠂ ᠭᠠᠵᠠᠷ ᠤᠨ ᠲᠤᠤᠷᠠᠬᠢ ᠤᠰᠤᠨ ᠤ ᠲᠦᠪᠰᠢᠨ ᠳᠡᠭᠡᠷᠡ ᠵᠡᠷᠭᠡ | ᠤᠨᠴᠠᠯᠢᠭ ᠲᠤ ᠵᠤᠬᠢᠴᠠᠭᠤᠯᠤᠨ ᠬᠤᠳᠳᠤᠭ ᠱᠠᠩᠳᠠ ᠮᠠᠯᠳᠠᠵᠦ᠂ ᠵᠤᠨ ᠨᠠᠮᠤᠷ ᠤᠨ ᠴᠠᠭ ᠬᠤᠨᠢ ᠦᠬᠡᠷ ᠤᠨ | ᠤᠳᠤᠷ ᠢᠶᠠᠷ ᠠᠰᠢᠭᠯᠠᠬᠤ ᠮᠡᠳᠦ ᠪᠠᠷ ᠬᠡᠭᠡᠷᠡ ᠴᠦᠯ ᠤᠨ ᠪᠡᠯᠴᠢᠭᠡᠷ ᠢ ᠰᠢᠮᠡᠵᠢᠭᠦᠯᠦᠨ ᠠᠰᠢᠭᠯᠠᠭᠰᠠᠭᠠᠷ ᠢᠷᠡᠵᠡᠢ᠃ | ᠪᠡᠯᠴᠢᠭᠡᠷ ᠢ ᠰᠢᠮᠡᠵᠢᠭᠦᠯᠬᠦ ᠳᠤ᠂ ᠵᠤᠨ ᠤ ᠲᠦᠷᠦᠭᠦᠴᠢ᠂ ᠨᠤᠭᠤᠭᠠ ᠶᠢᠨ ᠤᠷᠭᠤᠯᠳᠠ ᠶᠢᠨ ᠡᠬᠢᠨ ᠤ | ᠴᠠᠭ ᠲᠤ᠂ ᠮᠠᠯ ᠰᠦᠷᠦᠭ ᠢᠶᠠᠷ ᠪᠡᠯᠴᠢᠭᠡᠷ ᠤᠨ ᠠᠯᠢ ᠤᠷᠭᠤᠴᠠ ᠦᠨᠳᠦᠷ ᠢ ᠰᠢᠯᠢᠵᠦ ᠲᠠᠯᠪᠢᠨ ᠨᠡᠶᠢᠳᠡᠮ | ᠢᠳᠡᠰᠢᠯᠡᠬᠦᠯᠳᠡᠭ᠂ ᠲᠠᠪᠢᠭᠠᠯ ᠠᠯᠤᠰ ᠤᠨ ᠪᠡᠯᠴᠢᠭᠡᠷ ᠢ ᠠᠳᠤᠭᠤ ᠪᠤᠶᠤ ᠬᠦᠩᠭᠡᠨ ᠣᠳᠤᠷ ᠢᠶᠠᠷ ᠨᠤᠭᠤᠭᠠᠨ ᠤ | ᠡᠬᠢᠨ ᠤ ᠦᠶᠡ ᠪᠤᠶᠤ ᠨᠠᠮᠤᠷ ᠤᠨ ᠲᠠᠷᠭᠤ ᠠᠪᠤᠭᠤᠯᠬᠤ ᠦᠶᠡ ᠳᠤ ᠪᠦᠷ ᠮᠠᠯ ᠶᠠᠪᠤᠭᠤᠯᠵᠦ᠂ ᠡᠪᠡᠰᠦ ᠪᠡᠯᠴᠢᠭᠡᠷ ᠢᠶᠠᠨ | ︽ᠬᠤᠭᠤᠯᠠ ᠲᠠᠢ ᠪᠤᠯᠭᠠᠳᠠᠭ︾᠃ ᠡᠭᠦᠨ ᠢ ︽ᠬᠢᠰᠬᠢᠯ ᠪᠤᠯᠭᠠᠬᠤ︾᠂ ︽ᠪᠡᠯᠴᠢᠭᠡᠷ ᠴᠢᠭᠢᠷᠯᠡᠬᠦ︾ ᠭᠡᠳᠡᠭ᠃ | ᠨᠤᠭᠤᠭᠠᠨ ᠤ ᠡᠬᠢᠨ ᠤ ᠦᠶᠡ ᠳᠤ ᠢᠩᠭᠢᠵᠦ ᠲᠠᠯᠪᠢᠵᠦ ᠢᠳᠡᠰᠢᠯᠡᠭᠦᠯᠬᠦ ᠨᠢ ︽ᠤᠷᠭᠤᠴᠠ ᠶᠢ ᠰᠠᠶᠢᠵᠢᠷᠠᠭᠤᠯᠤᠨ᠂ | ᠪᠡᠯᠴᠢᠭᠡᠷ ᠢᠶᠠᠨ ᠰᠢᠮᠡᠵᠢᠭᠦᠯᠵᠦ︾ ᠪᠠᠶᠢᠭᠠ ᠤᠴᠢᠷ ᠭᠡᠳᠡᠭ᠃ ᠠᠳᠠᠷ ᠰᠢᠯᠢ ᠶᠢᠨ ᠮᠠᠯ ᠴᠢᠭᠢᠷᠯᠡᠭᠰᠡᠨ ᠦᠭᠡᠢ | ᠪᠡᠯᠴᠢᠭᠡᠷ ᠲᠤ ᠰᠦᠷᠦᠭ ᠲᠤᠭᠳᠠᠪᠦᠷᠢᠳᠡᠢ ᠢᠳᠡᠰᠢᠯᠡᠬᠦ ᠦᠭᠡᠢ ᠶᠡᠭᠡ ᠭᠦᠶᠦᠳᠡᠭ᠃ ᠦᠵᠦᠮᠦᠴᠢᠨ ᠤ ᠵᠦᠢᠷ ᠰᠡᠴᠡᠨ | ᠦᠭᠡᠨ ᠳᠤ ︽ᠡᠪᠡᠰᠦᠨ ᠤ ᠮᠠᠭᠤ ᠦᠯᠦᠩ᠂ ᠡᠪᠡᠳᠴᠢᠨ ᠤ ᠮᠠᠭᠤ ᠬᠢᠵᠢᠭ︾ ᠭᠡᠵᠦ ᠪᠠᠶᠢᠳᠠᠭ᠃ | ᠨᠡᠰᠦᠳᠡᠶᠢᠴᠤᠳ ᠤᠨ ᠶᠠᠷᠢᠬᠤ ᠪᠠᠷ ᠡᠨᠡ ᠪᠤᠯ ᠡᠪᠡᠰᠦ ᠤᠷᠭᠤᠮᠠᠯ ᠨᠢ ᠰᠢᠮᠡ ᠮᠠᠭᠤᠳᠠᠢ ᠪᠠᠶᠢᠬᠤ ᠶᠢᠨ ᠢᠯᠡᠷᠡᠯ᠂ | ᠨᠤᠭᠤᠭᠠᠨ ᠤ ᠡᠬᠢᠨ ᠤ ᠦᠶᠡ ᠮᠠᠯ ᠤᠨ ᠬᠢᠰᠭᠢᠯ ᠪᠤᠯᠭᠠᠵᠦ᠂ ᠵᠤᠨ ᠨᠠᠮᠤᠷ ᠲᠠᠭᠠᠨ ᠮᠠᠯ ᠢᠶᠠᠷ ᠴᠢᠭᠢᠷᠯᠡᠭᠦᠯᠬᠦ ᠬᠡᠷᠡᠭᠳᠡᠢ | ᠭᠡᠵᠦ ᠦᠵᠡᠳᠡᠭ᠃ ︽ᠪᠡᠯᠴᠢᠭᠡᠷ ᠴᠢᠭᠢᠷᠯᠡᠬᠦ︾ ᠭᠡᠳᠡᠭ ᠨᠢ ᠮᠡᠯ ᠠᠮᠢᠳᠠᠨ ᠤ ᠬᠦᠯ ᠢᠶᠠᠷ ᠡᠯᠡ ᠤᠷᠭᠤᠮᠠᠯ ᠤᠨ | ᠲᠤᠭᠤᠰᠤ ᠶᠢᠨ ᠰᠤᠯᠢᠭᠳᠠᠯ ᠢ ᠪᠡᠶᠡᠯᠡᠭᠦᠯᠵᠦ᠂ ᠮᠠᠯ ᠤᠨ ᠢᠯᠭᠠᠳᠠᠰᠤ᠂ ᠲᠤᠭᠤᠷᠠᠢ ᠶᠢᠨ ᠬᠢᠰᠭᠢᠯ ᠢᠶᠠᠷ ᠳᠠᠮᠵᠢᠭᠤᠯᠤᠨ᠂ | ᠬᠦᠷᠦᠰᠦ ᠰᠢᠷᠦᠢ ᠶᠢ ᠰᠤᠯᠠᠷᠠᠭᠤᠯᠤᠨ᠂ ᠤᠷᠭᠤᠮᠠᠯ ᠤᠨ ᠲᠦᠷᠦᠯ ᠵᠦᠢᠯ ᠳᠤ ᠪᠤᠷᠳᠤᠭᠤᠷ ᠬᠦᠷᠭᠡᠬᠦ ᠵᠢᠴᠢ ᠡᠪᠡᠰᠦᠨ ᠤ | ᠦᠷᠡ ᠪᠤᠶᠤ ᠵᠢᠮᠢᠰ ᠬᠠᠯᠢᠰᠤ ᠶᠢ ᠰᠢᠷᠦᠢ ᠳᠤᠨᠢ ᠤᠷᠤᠭᠤᠯᠤᠨ ᠰᠢᠮᠨᠵᠢᠭᠦᠯᠦᠨ ᠳᠡᠵᠢᠭᠡᠯ ᠪᠤᠯᠭᠠᠬᠤ ᠵᠡᠷᠭᠡ | ᠦᠢᠯᠡᠳᠦᠯ ᠢ ᠦᠵᠡᠭᠦᠯᠵᠦ᠂ ᠪᠡᠯᠴᠢᠭᠡᠷ ᠤᠨ ᠤᠷᠭᠤᠯᠳᠠ ᠪᠠ ᠰᠢᠮᠡᠵᠢᠭᠦᠯᠦᠯᠳᠡ ᠶᠢ ᠠᠬᠢᠭᠤᠯᠳᠠᠭ ᠪᠠᠶᠢᠨᠠ᠃ | ᠢᠩᠭᠢᠵᠦ ᠪᠡᠯᠴᠢᠭᠡᠷ ᠢᠶᠠᠨ ᠰᠢᠮᠡᠵᠢᠭᠦᠯᠬᠦ ᠦᠭᠡᠢ ᠪᠤᠯ ᠴᠢᠨᠠᠷ ᠰᠠᠶᠢᠳᠠᠢ ᠰᠢᠮᠡ ᠲᠡᠵᠢᠭᠡᠯ ᠭᠦᠢᠴᠡᠳ ᠪᠡᠯᠴᠢᠭᠡᠷ ᠪᠤᠯᠵᠦ | ᠴᠢᠳᠠᠬᠤ ᠦᠭᠡᠢ ᠪᠦᠭᠡᠳ ᠮᠠᠯ ᠳᠤ ᠲᠡᠵᠢᠭᠡᠯ ᠪᠤᠯᠵᠦ ᠳᠡᠶᠢᠯᠳᠡᠭ ᠦᠭᠡᠢ ᠪᠠᠶᠢᠵᠦ᠂ ︽ᠦᠯᠦᠩ ᠡᠪᠡᠰᠦ︾ ᠲᠡᠳᠦᠢ | ᠪᠤᠯᠳᠠᠭ᠃ ᠦᠯᠦᠩ ᠨᠢ ᠬᠡᠳᠦᠶᠢᠪᠡᠷ ᠡᠪᠡᠰᠦᠨ ᠤ ᠨᠡᠷᠡ ᠪᠤᠯᠪᠠᠴᠤ ᠰᠢᠮᠡ ᠰᠦᠯ ᠢᠶᠠᠷ ᠬᠠᠮᠤᠭ ᠠᠨᠠᠢ ᠤᠷᠭᠤᠮᠠᠯ | ᠪᠤᠯᠬᠤᠷ ᠮᠠᠯᠴᠢᠳ ᠡᠪᠡᠰᠦᠨ ᠤ ᠰᠢᠮᠡ ᠶᠢ ᠦᠯᠦᠩ ᠭᠡᠵᠦ ᠬᠡᠯᠡᠯᠴᠡᠬᠦ ᠪᠤᠯᠵᠦ ᠲᠡᠷᠡ ᠨᠢ ᠰᠢᠮᠡ ᠰᠦᠯ ᠦᠭᠡᠢ | ᠭᠡᠰᠡᠨ ᠤᠳᠬᠠ ᠲᠠᠢ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠠᠭᠯᠠᠭ ᠰᠢᠨᠡ ᠪᠡᠯᠴᠢᠭᠡᠷ ᠨᠢ ᠨᠠᠩ ᠢᠯᠠᠩᠭᠤᠶᠠ ᠬᠦᠢᠳᠡᠨ | ᠤᠯᠠᠷᠢᠯ ᠳᠤ ᠮᠠᠯ ᠮᠠᠯᠵᠢᠬᠤ ᠳᠤ ᠠᠨᠠᠢ ᠪᠠᠶᠢᠳᠠᠭ ᠢᠶᠠᠷ ᠦᠯᠦ ᠪᠠᠷᠠᠮ ᠡᠴᠡᠵᠦ ᠲᠤᠷᠠᠬᠤ ᠨᠢ ᠲᠦᠷᠭᠡᠨ ᠲᠠᠷᠭᠤ ᠪᠠᠨ | ᠬᠠᠳᠠᠭᠠᠯᠠᠵᠦ ᠳᠡᠶᠢᠯᠬᠦ ᠦᠭᠡᠢ ᠪᠠᠶᠢᠳᠠᠭ᠃ ᠡᠶᠢᠮᠦ ᠪᠠᠷ ᠮᠠᠯᠴᠢᠳ ︽ᠪᠡᠯᠴᠢᠭᠡᠷ ᠰᠠᠶᠢᠳᠠᠢ ᠮᠠᠯ ᠪᠠᠷᠳᠠᠮ᠂ ᠮᠠᠯ | ᠰᠠᠶᠢᠳᠠᠢ ᠪᠡᠯᠴᠢᠭᠡᠷ ᠰᠤᠷᠭᠤᠭ ᠦᠯ ᠲᠠᠢ︾ ᠭᠡᠬᠦ ᠤᠬᠠᠭᠠᠨ ᠤᠴᠢᠷ ᠢ ᠲᠠᠨᠢᠵᠦ ᠮᠡᠳᠡᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ | ᠪᠡᠯᠴᠢᠭᠡᠷ ᠢ ︽ᠦᠯ ᠲᠠᠢ ᠭᠡᠬᠦ ᠪᠤᠶᠤ ᠦᠯᠦᠩ︾ ᠭᠡᠳᠡᠭ ᠨᠢ ᠪᠡᠯᠴᠢᠭᠡᠷ ᠤᠨ ᠰᠢᠮᠡ ᠰᠠᠶᠢᠳᠠᠢ ᠡᠰᠡᠬᠦ ᠶᠢ | ᠬᠡᠮᠵᠢᠶᠡᠯᠡᠨ ᠶᠠᠷᠢᠯᠴᠠᠳᠠᠭ ᠨᠢ ᠡᠨᠡ ᠤᠴᠢᠷ ᠪᠤᠯᠠᠢ᠃ ᠠᠳᠤᠭᠤᠨ ᠰᠦᠷᠦᠭ ᠠᠯᠤᠰ ᠤᠨ ᠪᠡᠯᠴᠢᠭᠡᠷ ᠲᠤ | ᠶᠠᠪᠤᠳᠠᠭ ᠢᠶᠠᠷ ᠠᠳᠤᠭᠤ ᠪᠤᠯ ᠰᠢᠯᠢ ᠶᠢᠨ ᠪᠡᠯᠴᠢᠭᠡᠷ ᠢ ᠰᠢᠮᠡᠵᠢᠬᠦᠯᠭᠦ ᠡᠪᠡᠰᠦᠨ ᠦᠷᠡ ᠶᠢ ᠰᠠᠭᠤᠯᠭᠠᠬᠤ ᠴᠢᠳᠠᠮᠠᠭᠠᠢ | ᠦᠢᠯᠡᠳᠦᠯ ᠢ ᠦᠵᠡᠭᠦᠯᠵᠦ᠂ ᠬᠡᠭᠡᠷᠡ ᠶᠢᠨ ᠵᠡᠷᠯᠢᠭ ᠠᠮᠢᠳᠠᠨ ᠤ ᠰᠦᠷᠦᠭ ᠤᠳ ᠴᠤ ᠡᠨᠡ ᠡᠭᠦᠷᠭᠡ ᠶᠢ ᠪᠡᠶᠡᠯᠡᠭᠦᠯᠵᠦ | ᠪᠠᠶᠢᠳᠠᠭ᠃ | ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠪᠡᠯᠴᠢᠭᠡᠷ ᠤᠨ ᠠᠮᠢ ᠠᠬᠤᠢ ᠳᠤ ᠦᠵᠡᠭᠦᠯᠬᠦ ᠦᠢᠯᠡᠳᠦᠯ ᠪᠤᠯ ᠤᠮᠳᠤᠭᠠᠶᠢᠯᠠᠵᠦ | ᠪᠤᠯᠤᠰᠢ ᠦᠬᠡᠢ ᠶᠤᠮ᠃ ᠮᠠᠯ ᠤᠨ ᠲᠤᠭᠤᠷᠠᠢ ᠨᠢ ︽ᠪᠡᠯᠴᠢᠭᠡᠷ ᠰᠢᠮᠡᠵᠢᠭᠦᠯᠬᠦ ᠳᠠᠮᠵᠢᠭᠤᠯᠤᠭᠴᠢ︾ ᠶᠢᠨ ᠴᠢᠳᠠᠪᠬᠢ | ᠲᠠᠢ ᠪᠠᠶᠢᠵᠦ᠂ ᠡᠪᠡᠰᠦᠨ ᠤ ᠦᠷᠡ ᠰᠠᠭᠤᠯᠭᠠᠬᠤ᠂ ᠬᠤᠵᠢᠷ ᠲᠠᠪᠤᠰᠤ ᠨᠠᠭᠠᠯᠳᠤᠭᠰᠠᠨ ᠲᠤᠭᠤᠷᠠᠢ ᠪᠠᠷ ᠰᠢᠯᠢ ᠶᠢᠨ | ᠨᠤᠭᠤᠭᠠᠨ ᠳᠤ ᠰᠢᠮᠡ ᠬᠦᠷᠭᠡᠬᠦ᠂ ᠰᠢᠯᠢ ᠶᠢᠨ ᠡᠪᠡᠰᠦᠨ ᠤ ᠰᠢᠮᠡ ᠨᠢ ᠪᠤᠴᠠᠨ ᠭᠤᠪᠢ ᠴᠠᠶᠢᠳᠠᠮ ᠤᠨ ᠪᠡᠯᠴᠢᠭᠡᠷ ᠲᠤ | ᠲᠡᠵᠢᠭᠡᠯ ᠪᠤᠯᠭᠠᠬᠤ ᠡᠭᠦᠷᠭᠡ ᠶᠢ ᠴᠢᠳᠠᠮᠠᠭᠠᠢ ᠪᠠᠷ ᠪᠡᠶᠡᠯᠡᠭᠦᠯᠳᠡᠭ᠂ ᠢᠩᠬᠢᠬᠦ ᠨᠢ ᠪᠠᠰᠠ ᠡᠪᠡᠰᠦᠨ ᠤ ᠤᠷᠭᠤᠮᠠᠯ ᠤᠨ | ᠲᠦᠷᠦᠯ ᠵᠦᠢᠯ ᠢ ᠤᠯᠠᠰᠢᠷᠠᠭᠤᠯᠳᠠᠭ ᠪᠦᠭᠡᠳ ᠲᠠᠩ ᠭᠠᠭᠴᠠ ᠤᠷᠭᠤᠮᠠᠯ ᠭᠠᠷᠬᠤ ᠶᠢ ᠰᠡᠷᠭᠡᠶᠢᠯᠡᠵᠦ ᠴᠢᠳᠠᠨᠠ᠂ | ᠮᠠᠯ ᠤᠨ ᠪᠠᠭᠠᠰᠤ ᠰᠢᠭᠡᠰᠦᠨ ᠤ ᠢᠯᠭᠠᠳᠠᠰᠤ ᠨᠢ ᠪᠡᠯᠴᠢᠭᠡᠷ ᠰᠢᠮᠡᠵᠢᠬᠦᠯᠬᠦ ᠶᠢᠨ ᠤᠮᠳᠤᠭᠠᠶᠢᠯᠠᠵᠦ ᠪᠤᠯᠤᠰᠢ ᠦᠭᠡᠢ | ᠪᠤᠷᠳᠤᠭᠤᠷ ᠪᠤᠯᠳᠠᠭ᠃ ᠨᠡᠩ ᠢᠯᠠᠩᠭᠤᠶᠠ ᠮᠠᠯ ᠤᠨ ᠦᠳᠭᠡᠨ ᠢᠯᠭᠠᠳᠠᠰᠤᠨ ᠳᠤ ᠶᠡᠭᠡ ᠬᠡᠮᠵᠢᠶᠡᠨ ᠤ ᠡᠪᠡᠰᠦᠨ | ᠦᠷᠡ ᠪᠠᠶᠢᠵᠦ᠂ ᠪᠠᠭᠠᠰᠤᠨ ᠤ ᠲᠠᠷᠠᠭᠠ ᠬᠦᠷᠦᠰᠦᠨ ᠤ ᠲᠤᠤᠷᠠ ᠤᠷᠤᠪᠠᠯ ᠤᠷᠭᠤᠨ ᠰᠤᠶᠤᠭᠠᠯᠠᠨᠠ ᠭᠡᠵᠦ | ᠨᠠᠰᠤᠳᠠᠶᠢᠴᠤᠳ ᠬᠡᠯᠡᠳᠡᠭ᠃ ᠡᠭᠦᠨ ᠢ ᠮᠠᠯ ᠢ ᠬᠦᠷᠢᠶᠡᠯᠡᠨ ᠮᠠᠯᠵᠢᠭᠰᠠᠨ ᠦᠢᠷᠡ ᠶᠢᠨ ᠬᠤᠭᠤᠴᠠᠭᠠᠨ ᠤ ᠪᠡᠯᠴᠢᠭᠡᠷ ᠤᠨ | ᠡᠪᠡᠰᠦᠨ ᠤ ᠤᠷᠭᠤᠮᠠᠯ ᠤᠨ ᠲᠦᠷᠦᠯ ᠵᠦᠢᠯ ᠤᠨ ᠪᠤᠳᠠᠳᠤ ᠪᠠᠶᠢᠳᠠᠯ ᠭᠡᠷᠡᠴᠢᠯᠡᠵᠦ ᠪᠤᠢ᠂ ᠵᠡᠭᠦᠨ ᠦᠵᠦᠮᠦᠴᠢᠨ ᠤ | ᠪᠠᠷᠠᠭᠤᠨ ᠪᠡᠶᠡ ᠶᠢᠨ ᠰᠤᠮᠤ ᠭᠠᠴᠠᠭᠠ ᠶᠢᠨ ᠨᠤᠲᠤᠭ ᠲᠤ 2007 ᠤᠨ ᠳᠤ ᠤᠷᠤᠢ ᠲᠤᠯᠤᠭᠠᠢ ᠦᠭᠡᠢ ᠲᠠᠭᠠᠨᠠ | ᠭᠤᠭᠤᠳ ᠨᠡᠶᠢᠳᠡᠮ ᠤᠷᠭᠤᠵᠦ᠂ ᠨᠠᠮᠤᠷ ᠪᠤᠯᠬᠤ ᠳᠤ ᠴᠠᠰᠤᠨ ᠮᠡᠳᠦ ᠴᠠᠶᠢᠵᠦ ᠪᠠᠶᠢᠪᠠ᠂ ᠲᠠᠷᠠᠭᠠ ᠵᠢᠯ ᠨᠢ ᠲᠠᠩ | ᠭᠠᠭᠴᠠ ᠬᠠᠮᠬᠤᠤᠯ ᠱᠢᠷᠠᠯᠵᠢ ᠤᠷᠭᠤᠭᠠᠳ ᠨᠠᠮᠤᠷ ᠪᠤᠯᠬᠤ ᠳᠤ ᠬᠠᠷᠠ ᠪᠠᠷᠠᠭᠠᠨ ᠦᠪᠦᠩ ᠪᠤᠳᠢᠤᠯ ᠪᠦᠭᠡᠮᠨᠡᠷᠡᠨ᠂ | ᠪᠡᠯᠴᠢᠭᠡᠷ ᠤᠨ ᠡᠪᠡᠰᠦᠨ ᠬᠦᠷᠢᠶᠡᠨ ᠳᠤ ᠯᠤᠳᠤ ᠶᠡᠭᠡ ᠭᠠᠢ ᠭᠠᠮᠰᠢᠭ ᠠᠪᠴᠢᠷᠠᠵᠦ ᠂ ᠰᠦᠢᠳᠭᠡᠭᠰᠡᠨ ᠠᠨᠤ ᠴᠦᠭᠡᠨ | ᠪᠤᠰᠤ᠃ ᠡᠨᠡ ᠨᠢ ᠮᠠᠯ ᠤᠨ ᠲᠤᠭᠤᠷᠠᠢ ᠶᠢᠨ ᠤᠷᠭᠤᠮᠠᠯ ᠤᠨ ᠰᠤᠯᠢᠯᠴᠠᠭᠠ ᠶᠢ ᠪᠡᠶᠡᠯᠡᠭᠦᠯᠬᠦ ᠶᠠᠪᠤᠳᠠᠯ ᠢ | ᠬᠠᠷᠰᠢᠯᠠᠭᠰᠠᠨ ᠳᠤ ᠪᠠᠶᠢᠬᠤ ᠶᠢ ᠦᠭᠡᠶᠢᠰᠭᠡᠵᠦ ᠪᠤᠯᠬᠤ ᠦᠭᠡᠢ ᠶᠤᠮ᠂ ᠤᠴᠢᠷ ᠨᠢ ᠮᠠᠯ ᠰᠦᠷᠦᠭ ᠢᠶᠠᠨ ᠬᠦᠷᠢᠶᠠᠯᠠᠨ | ᠮᠠᠯᠵᠢᠭᠰᠠᠨ ᠠᠴᠠ ᠶᠠᠪᠤᠬᠤ ᠵᠠᠢ ᠨᠢ ᠬᠢᠵᠠᠭᠠᠷᠯᠠᠭᠳᠠᠵᠦ᠂ ᠭᠤᠪᠢ ᠨᠢ ᠭᠤᠪᠢ ᠳᠠᠭᠠᠨ᠂ ᠲᠠᠯᠠ ᠨᠢ ᠲᠠᠯᠠ ᠳᠠᠭᠠᠨ | ᠪᠡᠯᠴᠢᠭᠡᠷᠯᠡᠬᠦ ︽ᠲᠠᠩ ᠴᠤᠯᠭᠤᠢ ᠮᠠᠯᠵᠢᠯᠭᠠ︾ ᠠᠴᠠ ᠪᠤᠯᠤᠭᠰᠠᠨ ᠪᠠᠶᠢᠳᠠᠭ᠃ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠨᠢ | ᠪᠡᠯᠴᠢᠭᠡᠷ ᠤᠨ ᠤᠷᠭᠤᠮᠠᠯ ᠤᠨ ᠲᠦᠷᠦᠯ ᠵᠦᠢᠯ ᠢ ᠲᠡᠩᠴᠡᠭᠦᠨ ᠪᠠᠶᠢᠯᠭᠠᠬᠤ ᠪᠠ ᠪᠡᠯᠴᠢᠭᠡᠷ ᠤᠨ ᠰᠢᠨᠡ ᠬᠠᠭᠤᠴᠢᠨ ᠤ | ᠰᠤᠯᠢᠭᠳᠠᠯ ᠢ ᠪᠡᠶᠡᠯᠡᠭᠦᠯᠳᠡᠭ ︽ᠠᠮᠢ ᠠᠬᠤᠢ ᠶᠢᠨ ᠬᠦᠳᠡᠯᠭᠡᠭᠴᠢ ᠬᠦᠴᠦᠨ ᠵᠦᠢᠯ︾ ᠭᠡᠳᠡᠭ ᠢ ᠮᠡᠳᠡᠵᠦ ᠪᠤᠯᠤᠨᠠ᠃ | ᠤᠷᠭᠤᠮᠠᠯ ᠨᠡᠶᠢᠳᠡᠮ ᠲᠦᠯᠵᠢᠬᠦ ᠵᠤᠨ ᠤ ᠡᠬᠢ ᠪᠠ ᠲᠤᠮᠳᠠᠴᠢ ᠪᠠᠷ ︽ᠬᠢᠰᠭᠢᠯ ᠪᠤᠯᠭᠠᠵᠦ ᠪᠡᠯᠴᠢᠭᠡᠷ ᠴᠢᠭᠢᠷᠯᠡᠬᠦ︾ | ᠪᠤᠯᠬᠤᠷ ᠤᠳᠤᠷ ᠨᠡᠭᠦᠳᠡᠯ ᠤᠨ ᠴᠠᠭ ᠡᠬᠢᠯᠡᠨ ᠮᠠᠯ ᠰᠦᠷᠦᠭ ᠴᠤ ︽ᠤᠰᠤᠨ ᠪᠠᠳᠠᠢ︾ ᠠᠪᠬᠤ ᠨᠢ ᠲᠦᠷᠭᠡᠨ | ᠪᠠᠶᠢᠵᠦ᠂ ᠲᠦᠷᠭᠡᠨ ᠲᠡᠩᠬᠡᠷᠡᠳᠡᠭ ᠶᠤᠮ᠃ ᠵᠤᠨ ᠤ ᠪᠤᠷᠤᠭᠠᠨᠰᠢᠬᠤ ᠦᠶᠡ ᠡᠬᠢᠯᠡᠬᠦ ᠳᠤ ᠵᠤᠰᠠᠯᠠᠩ ᠳᠠᠭᠠᠨ | ᠪᠠᠭᠤᠴᠢᠬᠠᠳᠠᠭ᠃ ᠵᠤᠨ ᠤ ᠤᠯᠠᠷᠢᠯ ᠤᠨ ᠪᠤᠷᠤᠭᠠᠨ ᠢ ᠮᠠᠯᠴᠢᠳ ︽ᠢᠨᠵᠠᠭᠠᠨ ᠵᠦᠰᠡ︾ ᠪᠠ ︽ᠮᠦᠭᠦ ᠶᠢᠨ | ᠵᠦᠰᠡ︾ ᠭᠡᠵᠦ ᠬᠤᠶᠠᠷ ᠦᠶᠡᠯᠡᠯ ᠤᠨ ᠬᠤᠭᠤᠴᠠᠭᠠ ᠪᠠᠷ ᠢᠯᠭᠠᠳᠠᠭ᠂ ᠡᠨᠡ ᠨᠢ ᠲᠠᠯᠠ ᠨᠤᠲᠤᠭ ᠤᠨ ᠪᠡᠯᠴᠢᠭᠡᠷ ᠤᠨ | ᠠᠮᠢ ᠠᠬᠤᠢ ᠶᠢᠨ ᠭᠤᠤᠯ ᠤᠷᠭᠤᠯᠳᠠ ᠶᠢᠨ ᠴᠠᠭᠠ ᠬᠤᠭᠤᠴᠠᠭᠠ ᠪᠤᠯᠤᠨᠠ᠃ ︽ᠢᠨᠵᠠᠭᠠᠨ ᠵᠦᠰᠡ︾ ᠪᠤᠯ ᠵᠤᠨ ᠤ | ᠲᠤᠮᠳᠠ ᠰᠠᠷᠠ ᠶᠢᠨ ᠦᠶᠡ ᠲᠠᠭᠠᠷᠠᠬᠤ ᠲᠤᠯᠨ ᠨᠠᠮᠤᠬᠠᠨ ᠵᠦᠭᠡᠯᠡᠨ ᠲᠤᠯᠠᠭᠠᠨ ᠪᠤᠷᠤᠭᠠᠨ ᠵᠦᠰᠡᠷᠡᠵᠦ ᠬᠤᠶᠠᠷ | ᠭᠤᠷᠪᠠᠨ ᠡᠳᠦᠷ ᠢᠶᠠᠷ ᠤᠷᠤᠵᠦ᠂ ᠴᠢᠬᠢ ᠨᠤᠭᠤᠭᠠᠨ ᠤ ᠤᠷᠭᠤᠯᠳᠠ ᠶᠢ ᠲᠦᠷᠭᠡᠳᠭᠡᠨ ᠠᠬᠢᠭᠤᠯᠳᠠᠭ᠂ ᠡᠨᠡ ᠦᠶᠡ | ᠵᠡᠭᠡᠷᠡ ᠶᠢᠨ ᠰᠦᠷᠦᠭ ᠴᠤ ᠲᠤᠭᠳᠠᠪᠤᠷᠢᠳᠡᠢ ᠪᠤᠯᠳᠠᠭ ᠪᠦᠭᠡᠳ ᠶᠠᠭ ᠰᠢᠷᠭᠠᠴᠢᠨ ᠢᠨᠵᠡᠭᠠᠯᠠᠬᠤ ᠦᠶᠡ ᠪᠠᠶᠢᠳᠠᠭ ᠠᠴᠠ | ︽ᠢᠨᠵᠠᠭᠠᠨ ᠵᠦᠰᠡ︾ ᠭᠡᠵᠠᠢ᠃ ︽ᠮᠦᠭᠦ ᠶᠢᠨ ᠵᠦᠰᠡ︾ ᠭᠡᠳᠡᠭ ᠪᠤᠯ ᠵᠤᠨ ᠤ ᠰᠡᠭᠦᠯ ᠰᠠᠷᠠ ᠶᠢᠨ ᠦᠶᠡ ᠳᠠᠬᠢ | ᠪᠤᠷᠤᠭᠠᠨ ᠤ ᠬᠤᠭᠤᠴᠠᠭᠠ ᠶᠢ ᠬᠡᠯᠡᠳᠡᠭ᠃ ᠡᠨᠡ ᠦᠶᠡ ᠪᠡᠯᠴᠢᠭᠡᠷ ᠶᠢᠨ ᠤᠷᠭᠤᠯᠳᠠ ᠦᠳᠭᠡᠷᠡᠵᠦ᠂ ᠤᠷᠭᠤᠮᠠᠯ | ᠠᠮᠢᠳᠤ ᠪᠤᠳᠠᠰ ᠪᠦᠬᠦᠨ ᠰᠡᠷᠭᠦᠵᠦ᠂ ᠠᠮᠢᠯᠠᠨ ᠲᠦᠯᠵᠢᠵᠦ ᠤᠷᠭᠤᠯᠳᠠ ᠭᠦᠢᠴᠡᠬᠦ ᠰᠡᠭᠦᠯ ᠤᠨ ᠬᠤᠭᠤᠴᠠᠭᠠᠨ ᠳᠤ | ᠤᠷᠤᠳᠠᠭ᠂ ᠬᠦᠨᠳᠡᠢ ᠡᠩᠭᠡᠷ ᠭᠠᠵᠠᠷ ᠲᠤ ︽ᠬᠠᠳᠤᠯᠠᠩ ᠪᠡᠯᠴᠢᠭᠡᠷ︾ ᠭᠠᠷᠴᠤ᠂ ᠬᠠᠯᠢᠭᠤᠷᠠᠨ ᠬᠡᠶᠢᠰᠳᠡᠭ᠂ ︽ | ᠮᠦᠬᠦ ᠶᠢᠨ ᠵᠦᠰᠡ︾ ᠨᠢ ᠮᠦᠨ ᠵᠦᠭᠡᠯᠡᠨ ᠲᠤᠯᠠᠭᠠᠨ ᠤᠷᠤᠵᠦ᠂ ᠲᠠᠪᠤ ᠭᠤᠷᠪᠡᠨ ᠡᠳᠦᠷ ᠢᠶᠠᠷ ᠵᠦᠰᠡᠷᠡᠬᠦ ᠪᠤᠯᠬᠤᠷ | ᠪᠡᠯᠴᠢᠭᠡᠷ ᠶᠢᠨ ᠠᠮᠢ ᠠᠬᠤᠢ ᠶᠢᠨ ᠤᠷᠭᠤᠯᠳᠠ ᠶᠢᠨ ᠦᠷᠡᠯᠡᠨ ᠰᠠᠬᠤᠯᠠᠭᠵᠢᠬᠤ ᠶᠢ ᠤᠯᠠᠮ ᠠᠬᠢᠭᠤᠯᠳᠠᠭ ᠶᠢᠨ ᠬᠠᠮᠳᠤ᠂ | ᠲᠠᠯᠠ ᠶᠢᠨ ︽ᠴᠠᠭᠠᠨ ᠮᠦᠬᠦ︾ ᠪᠠᠭᠤᠴᠠᠯᠠᠨ ᠬᠦᠷᠢᠶᠡᠯᠡᠵᠦ᠂ ᠨᠤᠭᠤᠭᠠᠨ ᠴᠠᠭᠠᠨ ᠦᠩᠭᠡ ᠪᠠᠷ ᠢᠯᠭᠠᠷᠠᠨ ᠴᠠᠭᠠᠷᠢᠭ | ᠳᠠᠳᠠᠨ ᠤᠷᠭᠤᠳᠠᠭ᠃ ᠮᠦᠬᠦ ᠶᠢᠨ ᠬᠦᠷᠢᠶᠡ ᠨᠢ ᠶᠠᠭ ᠡᠨᠡ ᠵᠦᠰᠡ ᠪᠤᠷᠤᠭᠠᠨ ᠳᠤ ᠤᠷᠭᠤᠳᠠᠭ ᠪᠤᠯᠬᠤᠷ ︽ | ᠮᠦᠭᠦ ᠶᠢᠨ ᠵᠦᠰᠡ︾ ᠭᠡᠳᠡᠭ ᠨᠢ ᠲᠠᠷᠠ ᠶᠤᠮ᠃ | ⒌ ᠪᠡᠯᠴᠢᠭᠡᠷ ᠢ ᠬᠠᠳᠤᠯᠠᠩ ᠢᠶᠠᠷ ᠠᠰᠢᠭᠯᠠᠬᠤ᠃ ᠪᠠᠶᠢᠭᠠᠯᠢ ᠶᠢᠨ ᠡᠪᠡᠰᠦ ᠪᠡᠯᠴᠢᠭᠡᠷ ᠢ ᠮᠠᠯ ᠠᠵᠦ ᠠᠬᠤᠢ ᠳᠤ | ᠠᠰᠢᠭᠯᠠᠬᠤ ᠳᠤ ᠪᠡᠯᠴᠢᠭᠡᠷᠯᠡᠬᠦ ᠪᠠ ᠬᠠᠳᠤᠬᠤ ᠬᠤᠶᠠᠷ ᠵᠦᠢᠯ ᠤᠨ ᠠᠷᠭᠠ ᠬᠡᠯᠪᠡᠷᠢ ᠶᠢ ᠠᠪᠳᠠᠭ᠃ ᠦᠵᠦᠮᠦᠴᠢᠨ ᠤ | ᠵᠠᠭᠦᠨ ᠰᠤᠮᠤ ᠭᠠᠴᠠᠭᠠ ᠶᠢᠨ ᠤᠯᠠᠩᠬᠢ ᠮᠠᠯᠴᠢᠨ ᠡᠷᠦᠬᠡ ᠪᠡᠯᠴᠢᠭᠡᠷ ᠤᠷᠭᠤᠴᠠ ᠰᠠᠶᠢᠳᠠᠢ ᠪᠤᠯᠬᠤᠷ ᠲᠤᠰ ᠬᠤᠶᠠᠷ | ᠵᠦᠢᠯ ᠤᠨ ᠬᠡᠯᠪᠡᠷᠢ ᠶᠢ ᠬᠤᠤᠰᠯᠠᠭᠤᠯᠤᠨ ᠬᠡᠷᠡᠭᠯᠡᠳᠡᠭ᠃ ᠬᠠᠳᠤᠯᠠᠩ ᠤᠨ ᠪᠡᠯᠴᠢᠭᠡᠷ ᠢᠶᠠᠨ ᠲᠤᠰᠬᠠᠶᠢᠯᠠᠨ ᠬᠡᠭᠡᠷᠡ | ᠵᠡᠯᠢᠭᠦᠳ ᠭᠠᠵᠠᠷ ᠢ ᠰᠤᠩᠭᠤᠨ ᠳᠠᠯᠪᠢᠬᠤ ᠪᠤᠶᠤ ᠤᠶᠢᠷᠠᠯᠴᠠᠭᠠ ᠬᠠᠳᠤᠯᠠᠩ ᠢᠶᠠᠨ ᠬᠠᠪᠤᠷ ᠤᠨ ᠰᠡᠭᠦᠯᠴᠢ ᠪᠠᠷ | ᠳᠠᠯᠪᠢᠵᠦ᠂ ᠤᠷᠭᠤᠴᠠ ᠪᠠ ᠦᠳᠭᠡᠷᠡᠯᠳᠡ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠮᠠᠯ ᠤᠷᠤᠭᠤᠯᠬᠤ ᠦᠭᠡᠢ ᠬᠠᠮᠠᠭᠠᠯᠠᠵᠦ ᠪᠠᠶᠢᠳᠠᠭ | ᠃ ᠶᠡᠷᠦ ᠨᠢ ᠡᠪᠡᠰᠦ ᠬᠠᠳᠤᠬᠤ ᠳᠠᠭᠠᠨ ᠦᠶᠡᠳᠦ ᠡᠪᠡᠰᠦ ᠲᠤᠯᠤᠭᠠᠶᠢᠯᠠᠵᠦ ᠪᠠᠶᠢᠭᠠ ᠪᠤᠶᠤ ᠪᠤᠷᠴᠠᠭᠳᠤ ᠡᠪᠡᠰᠦ | ᠴᠡᠴᠡᠭᠯᠡᠵᠦ ᠪᠠᠶᠢᠭᠠ ᠡᠪᠡᠰᠦᠨ ᠤ ᠰᠢᠮᠡ ᠴᠢᠨᠠᠷ ᠮᠠᠰᠢ ᠰᠠᠶᠢᠨ ᠪᠠᠶᠢᠳᠠᠭ ᠴᠠᠭ ᠬᠤᠭᠤᠴᠠᠭᠠᠨ ᠳᠤ ᠬᠠᠳᠤᠬᠤ ᠨᠢ | ᠲᠤᠬᠢᠷᠠᠮᠵᠢᠳᠠᠢ ᠪᠠᠶᠢᠳᠠᠭ ᠶᠤᠮ᠂ ᠬᠠᠳᠤᠬᠤ ᠴᠠᠭ ᠨᠢ ᠤᠷᠤᠶᠢᠳᠠᠬᠤ ᠲᠤᠳᠤᠮ ᠡᠪᠡᠰᠦᠨ ᠤ ᠴᠢᠨᠠᠷ ᠨᠢ ᠤᠯᠠᠮ | ᠮᠠᠭᠤᠳᠠᠬᠤ ᠪᠤᠯᠬᠤᠷ ᠡᠪᠡᠰᠦ ᠶᠢ ᠡᠷᠳᠡᠭᠡᠨ ᠬᠠᠳᠤᠭᠰᠠᠨ ᠨᠢ ᠠᠰᠢᠭᠳᠠᠢ᠃ ᠦᠵᠦᠮᠦᠴᠢᠨ ᠳᠤ ᠤᠯᠠᠩᠬᠢ ᠳᠠᠭᠠᠨ | ᠡᠪᠡᠰᠦ ᠬᠠᠳᠤᠯᠠᠩ ᠤᠨ ᠠᠵᠢᠯ ᠢ ᠠᠷᠭᠠ ᠶᠢᠨ ᠤᠯᠠᠷᠢᠯ ᠤᠨ 8 ᠰᠠᠷᠠ ᠶᠢᠨ 15 ᠡᠳᠦᠷ ᠠᠴᠠ 10 ᠰᠠᠷᠠ ᠶᠢᠨ | ᠡᠬᠢ ᠬᠦᠷᠳᠡᠯᠡᠬᠢ ᠬᠤᠭᠤᠴᠠᠭᠠᠨ ᠳᠤ ᠶᠠᠪᠤᠭᠳᠠᠳᠠᠭ᠃ ᠡᠪᠡᠰᠦ ᠬᠠᠳᠤᠬᠤ ᠳᠠᠭᠠᠨ ᠡᠪᠡᠰᠦᠨ ᠤ ᠤᠭ ᠠᠴᠠ ᠳᠡᠭᠡᠭᠰᠢ | ᠭᠤᠷᠪᠠᠨ ᠬᠤᠷᠤᠭᠤ ᠦᠯᠡᠳᠡᠭᠡᠨ ᠬᠠᠳᠤᠳᠠᠭ᠂ ᠢᠩᠭᠢᠬᠦ ᠨᠢ ᠲᠠᠷᠠᠭᠠ ᠵᠢᠯ ᠤᠨ ᠡᠪᠡᠰᠦᠨ ᠤ ᠤᠷᠭᠤᠯᠳᠠ ᠶᠢ | ᠬᠠᠷᠠᠭᠠᠯᠵᠠᠨ᠂ ᠪᠤᠭ ᠤᠨ ᠪᠦᠷᠬᠦᠴᠡ ᠶᠢ ᠦᠯᠡᠳᠡᠭᠡᠬᠦ ᠶᠢᠨ ᠲᠦᠯᠦᠭᠡ ᠶᠤᠮ᠃ ᠤᠯᠠᠩᠬᠢ ᠳᠠᠭᠠᠨ ᠬᠠᠳᠤᠯᠠᠩ ᠢ ᠵᠢᠯ | ᠦᠨᠵᠢᠭᠡᠨ ᠬᠠᠳᠤᠪᠠᠯ ᠪᠡᠯᠴᠢᠭᠡᠷ ᠤᠨ ᠤᠷᠭᠤᠴᠠ ᠳᠤ ᠳᠠᠮᠡᠢ ᠨᠦᠯᠦᠭᠡ ᠪᠤᠯᠳᠠᠭ ᠦᠭᠡᠢ᠃ ᠡᠶᠢᠮᠦ ᠪᠠᠷ ᠬᠠᠳᠤᠯᠠᠩ ᠢ | ᠪᠡᠯᠴᠢᠭᠡᠷ ᠡᠭᠡᠯᠵᠢᠯᠡᠨ ᠬᠠᠳᠤᠳᠠᠭ ᠤᠴᠢᠷ ᠲᠠᠢ ᠶᠤᠮ᠃ ᠬᠠᠳᠤᠯᠠᠩ ᠢ ᠦᠷᠭᠡᠨ ᠢᠶᠠᠷ ᠨᠦᠭᠡᠴᠢᠯᠡᠵᠦ | ᠲᠠᠷᠤᠰᠢᠯᠠᠭᠤᠯᠬᠤ ᠨᠢ ᠮᠠᠯ ᠢᠶᠠᠨ ᠵᠤᠳ ᠭᠠᠮᠰᠢᠭ ᠢ ᠭᠡᠳᠦᠯᠭᠡᠬᠦ ᠳᠤ ᠭᠤᠤᠯ ᠴᠢᠬᠤᠯᠠ ᠦᠢᠯᠡᠳᠦᠯ ᠭᠠᠷᠭᠠᠪᠠᠴᠤ ᠪᠠᠰᠠ | ᠡᠪᠦᠯ ᠬᠠᠪᠤᠷ ᠤᠨ ᠤᠯᠠᠷᠢᠯ ᠤᠨ ᠪᠡᠯᠴᠢᠭᠡᠷ ᠢ ᠳᠠᠵᠢᠷᠰᠢᠭᠤᠯᠬᠤ ᠶᠢ ᠪᠠᠭᠠᠰᠬᠠᠬᠤ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠵᠦ᠂ | ᠡᠪᠡᠰᠦᠨ ᠤ ᠨᠢᠯᠬᠠ ᠰᠤᠶᠤᠭᠠ ᠴᠤᠬᠤᠶᠢᠬᠤ ᠦᠶᠡ ᠳᠤ ᠢᠳᠡᠪᠬᠢᠳᠡᠢ ᠦᠢᠯᠡᠳᠦᠯ ᠦᠵᠡᠭᠦᠯᠳᠡᠭ ᠶᠤᠮ᠃ | ⒍ ᠨᠤᠭᠤ ᠨᠠᠮᠤᠭ ᠭᠠᠵᠠᠷ ᠢ ᠠᠰᠢᠭᠯᠠᠬᠤ᠃ ᠨᠤᠭᠤ ᠭᠠᠵᠠᠷ ᠪᠤᠯ ᠬᠡᠷᠡᠰᠤ᠂ ᠬᠤᠯᠤᠰᠤ᠂ ᠦᠶᠡᠳᠡᠨ᠂ | ᠰᠢᠯᠦᠬᠡ ︵ᠰᠤᠯᠢ︶ ᠵᠡᠷᠭᠡ ᠮᠠᠰᠢ ᠤᠯᠠᠨ ᠶᠠᠩᠵᠦᠳᠤ ᠤᠷᠭᠤᠮᠠᠯ ᠤᠨ ᠵᠦᠢᠯᠳᠡ ᠪᠠᠭᠰᠢᠷᠠᠨ ᠤᠷᠭᠤᠳᠠᠭ ᠴᠢᠬᠢᠭᠯᠢᠭ | ᠤᠷᠤᠨ ᠪᠤᠯᠤᠨᠠ᠂ ᠡᠶᠢᠮᠦᠷᠬᠦ ᠨᠤᠭᠤ ᠭᠠᠵᠠᠷ ᠨᠢ ᠲᠠᠯᠠ ᠶᠢᠨ ᠡᠪᠡᠰᠤ ᠶᠢ ᠪᠤᠳᠤᠪᠠᠯ ᠴᠢᠬᠢᠭᠯᠢᠭ ᠨᠤᠶᠢᠳᠡᠨ ᠪᠦᠭᠡᠳ | ᠱᠦᠪᠳᠦᠷᠯᠢᠭ ᠬᠤᠵᠢᠷᠯᠢᠭ ᠤᠷᠭᠤᠮᠠᠯ ᠤᠯᠠᠨ ᠭᠠᠷᠳᠠᠭ ᠢᠶᠠᠷ ᠰᠢᠮᠡ ᠲᠡᠵᠢᠭᠡᠯ ᠢᠶᠠᠷ ᠦᠨᠳᠦᠷ᠂ ᠮᠠᠯ ᠰᠦᠷᠦᠭ ᠤᠨ | ᠶᠠᠮᠠᠷ ᠤᠯᠠᠷᠢᠯ ᠳᠤ ᠴᠤ ᠢᠳᠡᠰᠢᠯᠡᠳᠡᠭ ᠪᠡᠯᠴᠢᠭᠡᠷ ᠪᠤᠯᠳᠠᠭ᠃ ᠨᠤᠭᠤ ᠭᠠᠵᠠᠷ ᠤᠨ ᠤᠨᠴᠠᠯᠢᠭ ᠪᠤᠯ ᠤᠷᠭᠤᠯᠳᠠ ᠶᠢᠨ | ᠨᠡᠮᠡᠭᠳᠡᠯ ᠬᠤᠷᠳᠤᠴᠠ ᠲᠦᠷᠭᠡᠨ ᠪᠠᠶᠢᠳᠠᠭ ᠢᠶᠠᠷ ᠮᠠᠯ ᠰᠦᠷᠦᠭ ︽ᠢᠳᠡᠭᠡᠳ ᠪᠠᠷᠠᠭᠳᠠᠰᠢ ᠦᠭᠡᠢ ᠡᠬᠢ ᠪᠠᠶᠠᠯᠢᠭ︾ | ᠪᠤᠯᠳᠠᠭ ᠤᠴᠢᠷ ᠲᠠᠢ᠃ ᠮᠠᠯᠴᠢᠳ ᠡᠨᠡᠬᠦ ᠵᠢᠷᠭᠠᠯᠠᠩ ᠤᠨ ᠡᠬᠢ ᠪᠠᠶᠠᠯᠢᠭ ᠤᠨ ᠤᠷᠤᠨ ᠢᠶᠠᠨ ᠨᠢᠳᠦᠨ ᠴᠡᠴᠡᠬᠡᠢ ᠮᠡᠳᠦ | ᠬᠠᠶᠢᠷᠠᠯᠠᠳᠠᠭ ᠪᠦᠭᠡᠳ ᠠᠮᠢᠳᠠᠨ ᠵᠢᠭᠦᠷᠳᠡᠨ ᠢ ᠨᠢ ᠠᠯᠠᠳᠠᠭ ᠦᠭᠡᠢ᠂ ᠬᠦᠷᠦᠰᠦ ᠰᠢᠷᠦᠢ ᠶᠢ ᠨᠢ ᠬᠦᠨᠳᠡᠳᠡᠭ ᠦᠭᠡᠢ | ᠬᠡᠵᠢᠶᠡᠳᠡ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠵᠦ ᠶᠠᠪᠤᠳᠠᠭ ᠶᠤᠮ᠃ ᠵᠤᠨ ᠤ ᠤᠯᠠᠷᠢᠯ ᠳᠤ ᠪᠤᠷᠤᠭᠠᠨ ᠬᠤᠷᠠ ᠡᠯᠪᠡᠭ᠂ ᠢᠯᠠᠭᠠ | ᠰᠢᠮᠠᠭᠤᠯ ᠬᠦᠳᠡᠯᠬᠦ ᠦᠶᠡ ᠳᠤ ᠨᠤᠭᠤ ᠭᠠᠵᠠᠷ ᠢᠶᠠᠨ ᠲᠠᠯᠪᠢᠨ ᠤᠷᠭᠤᠭᠤᠯᠵᠦ᠂ ᠡᠪᠦᠯ ᠳᠡᠭᠡᠨ ᠨᠤᠭᠤ ᠭᠠᠵᠠᠷ ᠤᠨ | ᠨᠦᠮᠦᠷᠯᠢᠭ ᠭᠠᠵᠠᠷ ᠢᠷᠡᠵᠦ᠂ ᠦᠩ ᠲᠤᠯᠠᠭᠠᠨ ᠡᠪᠦᠯᠵᠡᠳᠡᠭ ᠪᠠᠶᠢᠪᠠ᠃ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠳᠠᠭᠠᠨ | ᠤᠯᠠᠭᠠᠢ ᠰᠧᠶᠡᠯᠵᠢ ᠶᠢᠨ ᠭᠤᠤᠯ ᠤᠨ ᠭᠦᠪᠡᠭᠡᠨ ᠤ ᠨᠤᠭᠤ ᠭᠠᠵᠠᠷ ᠪᠤᠯ ᠦᠷᠭᠡᠨ ᠢᠶᠠᠷ ᠢᠶᠠᠨ ᠲᠠᠪᠢ ᠵᠢᠷᠠᠨ ᠭᠠᠵᠠᠷ᠂ | ᠤᠷᠳᠤ ᠪᠠᠷ ᠢᠶᠠᠨ ᠵᠢᠷᠭᠤᠭᠠᠨ ᠵᠠᠭᠤᠨ ᠬᠤᠷᠢ ᠭᠤᠴᠢᠭᠠᠳ ᠭᠠᠵᠠᠷ ᠦᠷᠭᠦᠯᠵᠢᠯᠡᠵᠦ᠂ ᠬᠠᠵᠠᠭᠤ | ᠰᠦᠪᠡᠭᠡᠨ ᠠᠴᠠ ᠪᠠᠨ 15 ᠭᠤᠤᠯ ᠤᠷᠤᠰᠬᠠᠯ ᠤᠨ ᠨᠡᠶᠢᠯᠡᠮᠡᠯ ᠴᠢᠳᠬᠤᠯᠠᠩ ᠲᠠᠢ᠂ ᠤᠯᠠᠨ ᠨᠠᠭᠤᠷ ᠪᠦᠷᠢᠳᠦ ᠶᠢᠨ | ᠬᠡᠪᠡᠯᠢ ᠶᠢ ᠪᠢᠯᠬᠠᠭᠤᠯᠤᠭᠰᠠᠨ ᠠᠮᠢ ᠠᠬᠤᠢ ᠶᠢᠨ ᠡᠬᠢ ᠪᠠᠶᠠᠯᠢᠭ ᠤᠨ ᠤᠷᠤᠨ ᠪᠤᠯᠬᠤ ᠮᠦᠷᠳᠡᠭᠡᠨ ᠪᠠᠰᠠ | ᠪᠠᠶᠢᠭᠠᠯᠢ ᠶᠢᠨ ᠴᠢᠬᠤᠯᠠ ᠶᠡᠭᠡ ᠤᠰᠤᠨ ᠰᠢᠰᠲ᠋ᠧᠮ ᠤᠨ ᠤᠷᠤᠨ ᠪᠠᠶᠢᠵᠠᠢ᠃ ᠳᠡᠭᠡᠷᠡ ᠵᠠᠭᠤᠨ ᠤ ᠰᠡᠭᠦᠯᠴᠢ ᠪᠤᠯᠳᠠᠯᠠ | ᠤᠯᠠᠭᠠᠢ ᠭᠤᠤᠯ ᠤᠨ ᠰᠠᠪᠠ ᠭᠠᠵᠠᠷ ᠲᠤ 7 ᠰᠤᠮᠤ ᠨᠢᠭᠡᠴᠡ ᠶᠢᠨ 100 ᠲᠦᠮᠡᠨ ᠤᠷᠴᠢᠮ ᠮᠠᠯ ᠰᠦᠷᠦᠭ ᠤᠮᠳᠠᠯᠠᠨ | ᠮᠠᠯᠵᠢᠬᠤ ᠳᠤ ᠲᠤᠮᠳᠠᠷᠠᠰᠢ ᠦᠭᠡᠢ ᠪᠠᠶᠢᠳᠠᠭ ᠠᠮᠢ ᠠᠬᠤᠢ ᠶᠢᠨ ᠡᠬᠢ ᠪᠠᠶᠠᠯᠢᠭ ᠤᠨ ᠤᠷᠤᠨ ᠪᠠᠶᠢᠭᠰᠠᠨ ᠶᠤᠮ᠃ | ᠤᠯᠠᠭᠠᠢ ᠤᠰᠤᠨ ᠴᠦᠭᠦᠷᠦᠮ ᠢ ᠪᠠᠶᠢᠭᠤᠯᠤᠭᠰᠠᠨ ᠢᠶᠠᠷ ᠡᠨᠡᠬᠦ ᠦᠨᠡᠯᠡᠰᠢ ᠦᠭᠡᠢ ᠠᠮᠢ ᠠᠬᠤᠢ ᠪᠤᠯᠤᠨ ᠤᠰᠤᠨ | ᠰᠢᠰᠲ᠋ᠧᠮ ᠤᠨ ᠤᠷᠤᠨ ᠤ ᠮᠦᠬᠦᠯ ᠢ ᠲᠤᠩᠬᠠᠭᠯᠠᠭᠰᠠᠨ ᠶᠤᠮ᠃ ᠤᠳᠤ ᠪᠤᠯᠬᠤᠶᠠ ᠬᠠᠳᠤᠵᠦ ᠰᠢᠷᠭᠢᠭᠰᠡᠨ ᠭᠤᠤᠯ ᠤᠨ | ᠬᠤᠪᠬᠢ᠂ ᠨᠠᠭᠤᠷ ᠪᠦᠷᠢᠳᠦ ᠶᠢᠨ ᠬᠠᠭᠤᠷᠠᠢ ᠬᠡᠪᠡᠯᠢ ᠠᠴᠠ ᠰᠢᠷᠤᠢ ᠶᠢᠨ ᠰᠢᠭᠤᠷᠭᠠ ᠲᠡᠭᠳᠡᠵᠦ᠂ ᠤᠤᠯ ᠨᠢ | ᠪᠠᠷᠠᠭᠤᠨᠰᠢ ᠰᠢᠯᠢᠷᠠᠨ ᠤᠷᠤᠰᠬᠤ ᠤᠰᠤᠨ ᠰᠢᠰᠲ᠋ᠧᠮ ᠪᠦᠬᠦᠢ ᠨᠤᠭᠤ ᠭᠠᠵᠠᠷ ᠪᠠᠶᠢᠭᠰᠠᠨ ᠪᠤᠯ ᠤᠳᠤ ᠪᠤᠯᠬᠤ ᠳᠤ | ᠵᠡᠭᠦᠨᠰᠢ ᠬᠤᠶᠢᠯᠠᠷᠠᠨ ᠦᠷᠭᠦᠯᠵᠢᠯᠡᠬᠦ ᠰᠢᠷᠤᠢ ᠶᠢᠨ ᠰᠢᠭᠤᠷᠭᠠ ᠰᠠᠯᠬᠢᠨ ᠤ ᠬᠤᠭᠤᠯᠠᠢ ᠪᠤᠯᠤᠭᠰᠠᠨ ᠨᠢ ᠮᠠᠯᠴᠢᠳ ᠤᠨ | ᠪᠠᠶᠢᠭᠠᠯᠢ ᠪᠡᠯᠴᠢᠭᠡᠷ ᠤᠨ ᠡᠬᠢ ᠪᠠᠶᠠᠯᠢᠭ ᠦᠭᠡᠶᠢᠬᠢᠭᠳᠡᠵᠦ᠂ ᠬᠦᠮᠦᠨ ᠮᠠᠯ ᠤᠨ ᠤᠰᠤ ᠤᠮᠳᠠ ᠶᠢ ᠬᠤᠬᠢᠷᠠᠭᠤᠯᠤᠭᠰᠠᠨ | ᠬᠠᠷᠠᠮᠰᠠᠯ ᠤᠨ ᠲᠦᠢᠯ ᠪᠤᠯᠭᠠᠭᠰᠠᠨ ᠪᠠᠶᠢᠳᠠᠭ᠃ ᠰᠧᠶᠡᠯᠵᠢ ᠶᠢᠨ ᠬᠤᠶᠠᠷ ᠪᠤᠭᠳᠠ ᠶᠢᠨ ᠡᠩᠭᠡᠷ ᠳᠠᠬᠢ ᠵᠠᠳᠠᠭᠠᠢ | ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢ ᠦᠷᠭᠡᠨ ᠶᠡᠭᠡ ᠪᠡᠯᠴᠢᠭᠡᠷ ᠤᠨ ᠤᠷᠤᠨ ᠢ ᠡᠵᠡᠯᠡᠨ᠂ ᠪᠤᠬᠢᠷᠳᠠᠯ ᠤᠨ ᠬᠠᠷᠠ ᠮᠠᠨᠠᠨ ᠪᠤᠰᠴᠤ | ᠦᠷᠭᠦᠯᠵᠢᠯᠡᠭᠰᠡᠭᠡᠷ᠃ ᠡᠨᠡ ᠪᠤᠯ ᠦᠩᠭᠡᠷᠡᠭᠰᠡᠨ ᠤ ᠦᠵᠦᠮᠦᠴᠢᠨ ᠪᠡᠶᠢᠯᠡ ᠶᠢᠨ ᠬᠤᠰᠢᠭᠤᠨ ᠤ ᠲᠦᠮᠡᠨ ᠴᠠᠭᠠᠨ | ᠠᠳᠤᠭᠤ ᠦᠷᠡᠵᠢᠭᠦᠯᠦᠭᠰᠡᠨ ᠰᠧᠭᠮᠢᠳ ᠪᠠᠶᠠᠨ ᠤ ᠡᠷᠳᠡᠨᠢ ᠶᠢᠨ ᠠᠯᠳᠠᠨ ᠤᠨᠠᠭᠠ ᠢᠯᠡᠷᠡᠭᠰᠡᠨ ᠲᠠᠷᠬᠠᠨ ᠤᠷᠤᠨ᠂ | ᠤᠳᠤᠬᠢ ᠦᠰᠦᠷᠦᠩᠭᠦᠢ ᠬᠦᠭᠵᠢᠯᠳᠡ ᠲᠠᠢ ᠤᠯᠠᠭᠠᠢ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠤᠷᠤᠨ ᠭᠡᠳᠡᠭ ᠪᠤᠯᠤᠨᠠ᠃ | ⒎ ᠲᠠᠪᠤᠰᠤ ᠱᠠᠤ ᠬᠤᠵᠢᠷ ᠪᠠ ᠭᠤᠪᠢ ᠶᠢᠨ ᠬᠡᠷᠡᠰᠦ ᠢ ᠠᠰᠢᠭᠯᠠᠬᠤ᠃ ᠦᠵᠦᠮᠦᠴᠢᠨ ᠲᠠᠯᠠ ᠨᠤᠲᠤᠭ ᠲᠤ | ᠬᠠᠮᠢᠭᠠ ᠨᠢ ᠪᠤᠯᠤᠭᠰᠠᠨ ᠴᠤ ᠲᠠᠪᠤᠰᠤ ᠱᠠᠤ ᠬᠤᠵᠢᠷ ᠤᠨ ᠨᠠᠭᠤᠷ ᠲᠤᠭᠤᠷᠢᠮ ᠤᠯᠠᠨ ᠪᠠᠶᠢᠳᠠᠭ᠃ ᠪᠡᠯᠴᠢᠭᠡᠷ ᠤᠨ | ᠡᠪᠡᠰᠦ ᠤᠷᠭᠤᠮᠠᠯ ᠤᠨ ᠪᠦᠷᠬᠦᠴᠡ ᠲᠠᠢ ᠪᠠᠨ ᠬᠤᠯᠢᠯᠳᠤᠨ ᠪᠠᠶᠢᠳᠠᠭ ᠡᠳᠡᠭᠡᠷ ᠨᠠᠭᠤᠷ ᠪᠦᠷᠢᠳᠦ ᠨᠢ ᠮᠠᠯ ᠰᠦᠷᠦᠭ ᠲᠤ | ᠡᠪᠡᠰᠦ ᠤᠰᠤ ᠲᠤᠳᠠᠭᠳᠠᠵᠦ ᠪᠤᠯᠳᠠᠭ ᠦᠭᠡᠢ ᠲᠠᠢ ᠠᠳᠠᠯᠢ ᠪᠠᠷ ᠪᠡᠯᠴᠢᠭᠡᠷ ᠤᠨ ᠭᠠᠷᠤᠯᠳᠠ ᠶᠢᠨ ᠡᠬᠢ ᠪᠠᠶᠠᠯᠢᠭ ᠤᠨ | ᠪᠠᠰᠠ ᠨᠢᠭᠡᠨ ᠴᠢᠬᠤᠯᠠ ᠪᠦᠷᠢᠯᠳᠦᠭᠦᠨ ᠬᠡᠰᠡᠭ ᠪᠤᠯᠤᠭᠠ᠃ ᠲᠠᠪᠤᠰᠤ ᠱᠠᠤ ᠬᠤᠵᠢᠷ ᠪᠤᠯ ᠮᠠᠯ ᠤᠨ ᠲᠠᠷᠭᠤ ᠠᠪᠬᠤ᠂ | ᠲᠠᠷᠭᠤ ᠬᠦᠴᠦ ᠶᠢ ᠲᠤᠭᠳᠠᠭᠠᠨ ᠬᠠᠮᠠᠭᠠᠯᠠᠬᠤ᠂ ᠡᠪᠡᠳᠴᠢᠨ ᠭᠡᠮ ᠢ ᠰᠡᠷᠭᠡᠶᠢᠯᠡᠬᠦ᠂ ᠬᠡᠭᠡᠯ ᠬᠠᠮᠠᠭᠠᠯᠠᠬᠤ᠂ ᠮᠠᠯ ᠢ | ᠦᠯᠴᠢᠷᠰᠢᠭᠦᠯᠬᠦ᠂ ᠨᠢᠯᠬᠠ ᠮᠠᠯ ᠤᠨ ᠦᠰᠴᠤ ᠪᠤᠶᠢᠵᠢᠬᠤ ᠳᠤ ᠲᠤᠳᠠᠭᠳᠠᠵᠦ ᠪᠤᠯᠤᠰᠢ ᠦᠭᠡᠢ ᠨᠦᠬᠦᠪᠦᠷᠢᠯᠡᠬᠦ | ᠡᠯᠮᠧᠨ᠋ᠲ ᠤᠳ ᠪᠤᠯᠤᠨᠠ᠃ ᠦᠵᠦᠮᠦᠴᠢᠨ ᠪᠡᠯᠴᠢᠭᠡᠷ ᠨᠤᠲᠤᠭ ᠨᠢ ᠮᠠᠯ ᠤᠨ ᠠᠮᠢᠨ ᠬᠡᠷᠡᠭᠴᠡᠭᠡᠳᠦ ᠡᠪᠡᠰᠦ᠂ ᠤᠰᠤ᠂ | ᠲᠠᠪᠤᠰᠤ ᠬᠤᠵᠢᠷ ᠢ ᠪᠦᠷᠢᠨ ᠬᠠᠩᠭᠠᠬᠤ ᠡᠬᠢ ᠪᠠᠶᠠᠯᠢᠭ ᠪᠦᠷᠢᠯᠳᠦᠭᠦᠯᠦᠭᠰᠡᠨ ᠡᠷᠳᠡᠨᠢᠰ ᠤᠨ ᠦᠯᠦᠭᠡᠢ ᠪᠤᠯᠬᠤ ᠶᠤᠮ᠃ | ᠨᠠᠭᠤᠷ ᠪᠦᠷᠢᠳᠦᠨ ᠳᠤ ᠱᠤᠷᠪᠤᠭ ᠨᠠᠭᠤᠷ᠂ ᠴᠡᠩᠬᠡᠭ ᠨᠠᠭᠤᠷ ᠤᠨ ᠢᠯᠭᠠᠮᠵᠢ ᠪᠤᠢ᠃ ᠱᠤᠷᠪᠤᠭ ᠨᠠᠭᠤᠷ ᠪᠤᠯ | ᠭᠠᠳᠠᠭᠰᠢ ᠤᠷᠤᠰᠬᠤ ᠦᠭᠡᠢ ᠨᠠᠭᠤᠷ ᠤᠨ ᠲᠤᠳᠤᠷᠠ ᠨᠢ ᠲᠠᠪᠤᠰᠤ ᠬᠤᠵᠢᠷ ᠤᠨ ᠠᠭᠤᠯᠠᠭᠳᠠᠴᠠ ᠮᠠᠰᠢ ᠡᠯᠪᠡᠭ | ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ ᠵᠡᠭᠦᠨ ᠦᠵᠦᠮᠦᠴᠢᠨ ᠤ ᠡᠵᠢ ᠨᠠᠭᠤᠷ᠂ ᠪᠠᠭᠠ ᠡᠵᠢ᠂ ᠤᠯᠠᠭᠠᠢ ᠶᠢᠨ ᠤᠷᠢᠳᠦ | ᠲᠠᠪᠤᠰᠦᠨ ᠨᠠᠭᠤᠷ᠂ ᠠᠷᠤ ᠲᠠᠪᠤᠰᠤᠨ ᠨᠠᠭᠤᠷ᠂ ᠤᠩᠭᠤᠨ ᠤ ᠶᠡᠭᠡ ᠲᠠᠪᠤᠰᠤᠨ ᠨᠠᠭᠤᠷ᠂ ᠠᠯᠳᠠᠨᠬᠢᠯᠢ ᠶᠢᠨ | ᠴᠠᠶᠢᠳᠠᠮ ᠤᠨ ᠭᠤᠷᠪᠠᠨ ᠱᠠᠤ ᠪᠤᠯᠤᠨ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠤ ᠶᠡᠭᠡ ᠲᠠᠪᠤᠰᠤᠳᠤ᠂ ᠲᠠᠪᠤᠰᠤᠳᠤ᠂ ᠡᠷᠢᠶᠡᠨ | ᠲᠠᠪᠤᠰᠤᠳᠤ᠂ ᠬᠤᠵᠢᠷᠳᠦ ᠭᠤᠷᠪᠠᠨ ᠨᠠᠭᠤᠷ ᠵᠡᠷᠭᠡ ᠨᠢᠭᠡ ᠵᠠᠭᠤ ᠠᠷᠪᠠ ᠭᠠᠷᠤᠢ ᠲᠠᠪᠤᠰᠤ ᠬᠤᠵᠢᠷ ᠱᠠᠤ ᠶᠢᠨ | ᠠᠭᠤᠯᠠᠭᠳᠠᠴᠠ ᠲᠠᠢ ᠨᠠᠭᠤᠷ ᠪᠦᠷᠢᠨ ᠪᠤᠰᠤ ᠪᠦᠷᠢᠳᠭᠡᠭᠳᠡᠵᠦ ᠪᠠᠶᠢᠳᠠᠭ ᠠᠵᠠᠢ᠃ ᠮᠠᠯᠴᠢᠳ ᠲᠦᠷᠪᠡᠨ ᠤᠯᠠᠷᠢᠯ ᠤᠨ | ᠲᠤᠳᠤᠷᠠ ᠰᠠᠷᠠ ᠪᠦᠷᠢ ᠮᠠᠯ ᠰᠦᠷᠦᠭ ᠢᠶᠠᠨ ᠲᠠᠪᠤᠰᠤᠳᠠᠢ ᠤᠰᠤ ᠤᠤᠭᠤᠯᠭᠠᠬᠤ ᠪᠤᠶᠤ ᠬᠤᠵᠢᠷ ᠱᠠᠤ ᠲᠤᠯᠢᠶᠠᠯᠭᠠᠵᠦ | ᠂ ᠭᠤᠪᠢ ᠴᠠᠶᠢᠳᠠᠮ ᠤᠨ ᠬᠡᠷᠡᠰᠦ ᠳᠤ ᠤᠷᠤᠭᠤᠯᠳᠠᠭ᠃ ᠵᠤᠨ ᠨᠠᠮᠤᠷ ᠤᠨ ᠲᠠᠷᠭᠤ ᠠᠪᠬᠤ ᠦᠶᠡ ᠳᠤ ᠲᠠᠪᠤᠰᠤ ᠱᠠᠤ | ᠪᠠ ᠬᠡᠷᠡᠰᠦ ᠳᠤ ᠰᠠᠷᠠ ᠶᠢᠨ ᠬᠡᠳᠦ ᠤᠳᠠᠭᠠ ᠤᠷᠤᠭᠤᠯᠵᠦ ᠬᠤᠨᠢ ᠮᠠᠯ ᠢ ᠲᠡᠩᠬᠡᠷᠡᠬᠦᠯᠤᠨ ᠲᠠᠷᠭᠤ ᠠᠪᠬᠤ ᠶᠢ | ᠠᠬᠢᠭᠤᠯᠳᠠᠭ᠂ ᠡᠪᠦᠯ ᠬᠠᠪᠤᠷ ᠲᠠᠭᠠᠨ ᠲᠤᠯᠤᠭᠤᠪᠤᠷᠢᠳᠠᠢ ᠭᠠᠵᠠᠷ ᠠᠴᠠ ᠠᠯᠤᠰ ᠵᠠᠶᠢᠳᠠᠭᠤ ᠪᠤᠯ ᠦᠬᠡᠷ ᠲᠡᠮᠡᠭᠡᠨ | ᠲᠡᠷᠭᠡ ᠪᠠᠷ ᠲᠡᠭᠡᠭᠡᠵᠦ᠂ ᠬᠤᠳᠠᠨ ᠤ ᠵᠠᠬᠠ ᠳᠤ ᠪᠠᠭᠤᠯᠭᠠᠨ ᠲᠤᠯᠢᠶᠠᠯᠭᠠᠳᠠᠭ᠃ ᠢᠩᠭᠢᠬᠦ ᠨᠢ ᠮᠠᠯ ᠦᠯᠴᠢᠷᠰᠢᠵᠦ | ᠰᠠᠯᠬᠢ ᠦᠭᠡᠳᠡ ᠪᠡᠯᠴᠢᠭᠡᠷᠯᠡᠨ ᠢᠳᠡᠰᠢᠯᠡᠳᠡᠭ ᠪᠦᠭᠡᠳ ᠪᠠᠰᠠ ᠮᠠᠯ ᠤᠨ ᠭᠡᠳᠡᠰᠦᠨ ᠤ ᠬᠤᠷᠤᠬᠠᠢ ᠲᠤᠤᠰᠤ ᠶᠢ | ᠬᠦᠭᠡᠭᠡᠬᠦ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠵᠦ᠂ ᠮᠠᠯ ᠤᠨ ᠡᠴᠡᠵᠦ ᠲᠤᠷᠠᠬᠤ ᠶᠢ ᠰᠡᠷᠭᠡᠶᠢᠯᠡᠵᠦ ᠴᠢᠳᠠᠳᠠᠭ ᠶᠤᠮ᠃ ᠡᠷᠳᠡ | ᠰᠤᠳᠨᠠᠮᠷᠠᠪᠳᠠᠨ ᠴᠢᠨ ᠸᠠᠩ᠂ ᠮᠠᠯ ᠤᠨ ᠮᠢᠬᠠ ᠱᠦᠯᠳᠦ ᠶᠢᠨ ᠠᠮᠳᠠ ᠶᠢᠨ ᠲᠤᠬᠠᠢ ᠶᠠᠷᠢᠬᠤ ᠳᠠᠭᠠᠨ᠄ ︽ᠡᠵᠢ | ᠨᠠᠭᠤᠷ ᠬᠠᠪᠢ ᠶᠢᠨ ᠬᠤᠨᠢᠨ ᠤ ᠮᠢᠬᠠ ᠢᠳᠡᠬᠦ ᠳᠤ ᠠᠮᠳᠠ ᠲᠠᠢ ᠪᠠᠶᠢᠳᠠᠭ ᠨᠢ ᠡᠪᠡᠰᠦ ᠤᠰᠤ᠂ ᠱᠠᠤ ᠱᠤᠷᠪᠤᠭ ᠨᠢ | ᠲᠡᠩᠴᠡᠭᠰᠡᠨ ᠳᠤ ᠪᠠᠶᠢᠬᠤ ᠶᠤᠮ︾ ᠭᠡᠰᠡᠨ ᠪᠠᠶᠢᠵᠠᠢ᠃ ᠬᠠᠰᠢᠷ ᠲᠤᠷᠰᠢᠯᠭᠠ ᠲᠠᠢ ᠮᠠᠯᠴᠢᠳ ᠶᠡᠷᠤᠨᠢ ᠡᠪᠡᠰᠦ ᠪᠤᠯ | ᠮᠠᠯ ᠤᠨ ᠮᠢᠬᠠ᠂ ᠤᠰᠤ ᠪᠤᠯ ᠦᠭᠡᠬᠦ᠂ ᠱᠠᠤ ᠱᠤᠷᠪᠤᠭ ᠪᠤᠯ ᠮᠠᠯ ᠤᠨ ᠡᠮ ᠭᠡᠵᠦ ᠦᠵᠡᠳᠡᠭ᠃ | ᠲᠠᠪᠤᠰᠤ ᠬᠤᠵᠢᠷ ᠱᠠᠤ ᠪᠤᠯᠤᠨ ᠭᠤᠪᠢ ᠴᠠᠶᠢᠳᠠᠮ ᠢ ᠠᠰᠢᠭᠯᠠᠬᠤ ᠳᠠᠭᠠᠨ ᠠᠳᠠᠯᠢ ᠱᠤᠷᠪᠤᠭ ᠤᠰᠤ ᠪᠤᠶᠤ | ᠱᠤᠷᠪᠤᠭ ᠪᠡᠯᠴᠢᠭᠡᠷ ᠲᠠᠢ ᠭᠠᠵᠠᠷ ᠲᠤ ᠮᠠᠯ ᠤᠨ ᠡᠪᠡᠳᠴᠢᠨ ᠭᠡᠮ ᠲᠤᠰᠪᠠᠯ ᠠᠳᠠᠯᠢ ᠦᠭᠡᠢ ᠨᠡᠭᠦᠳᠡᠯ ᠪᠠᠭᠤᠳᠠᠯ | ᠰᠤᠯᠢᠬᠤ ᠠᠷᠭᠠ ᠪᠠᠷ ᠡᠳᠡᠭᠡᠷᠡᠭᠦᠯᠦᠨ ᠵᠠᠰᠠᠬᠤ ᠴᠤ ᠪᠤᠢ᠃ ᠡᠨᠡ ᠨᠢ ᠪᠤᠯ ᠳᠡᠳᠡᠨ ᠤ ᠪᠡᠯᠴᠢᠭᠡᠷ ᠤᠨ ᠤᠷᠭᠤᠮᠠᠯ ᠪᠤᠶᠤ | ᠱᠤᠷᠪᠤᠭ ᠨᠠᠭᠤᠷ ᠤᠰᠤᠨ ᠳᠤ ᠲᠡᠷᠡ ᠡᠪᠡᠳᠴᠢᠨ ᠭᠡᠮ ᠬᠢᠵᠢᠭ ᠢ ᠵᠠᠰᠠᠵᠦ ᠴᠢᠳᠠᠬᠤ ᠨᠢᠭᠡ ᠵᠦᠢᠯ ᠤᠨ ᠡᠮᠳᠦ ᠪᠤᠳᠠᠰ | ᠪᠠᠶᠢᠬᠤ ᠶᠢ ᠮᠡᠳᠡᠵᠦ ᠠᠰᠢᠭᠯᠠᠭᠰᠠᠨ ᠳᠤ ᠪᠠᠶᠢᠬᠤ ᠶᠤᠮ᠂ ᠡᠭᠦᠨ ᠢ ︽ᠪᠡᠯᠴᠢᠭᠡᠷ ᠢᠶᠠᠷ ᠭᠡᠮ ᠬᠢᠵᠢᠭ ᠢ ᠵᠠᠰᠠᠬᠤ︾ | ᠭᠡᠳᠡᠭ᠃ | ⒏ ᠮᠠᠯ ᠬᠠᠷᠢᠭᠤᠯᠬᠤᠢ ᠶᠢᠨ ᠪᠡᠯᠴᠢᠭᠡᠷ ᠲᠤ ᠵᠤᠬᠢᠴᠠᠬᠤ ᠠᠷᠭᠠ ᠬᠡᠯᠪᠡᠷᠢ᠃ ᠨᠤᠲᠤᠭ ᠲᠡᠪᠰᠢᠭᠰᠡᠨ ᠤ | ᠲᠠᠷᠠᠭᠠᠬᠢ ᠮᠠᠯ ᠰᠦᠷᠦᠭ ᠤᠨ ᠪᠡᠯᠴᠢᠭᠡᠷ ᠤᠨ ᠬᠠᠷᠢᠭᠤᠯᠭᠠ ᠪᠤᠯ ᠰᠢᠨᠡ ᠪᠡᠯᠴᠢᠭᠡᠷ ᠲᠤ ᠭᠠᠷᠤᠯᠠ ᠭᠡᠳ | ᠭᠠᠳᠠᠨᠠ ᠪᠠᠨ ᠬᠤᠷᠢᠶᠠᠨ ᠮᠠᠯᠵᠢᠬᠤ ᠪᠢᠰᠢ ᠬᠠᠷᠢᠨ ᠪᠡᠯᠴᠢᠭᠡᠷ ᠲᠤ ᠭᠠᠷᠭᠠᠬᠤ ᠶᠠᠪᠤᠳᠠᠯ ᠪᠠᠶᠢᠳᠠᠭ᠃ ᠪᠡᠯᠴᠢᠭᠡᠷ ᠲᠤ | ᠭᠠᠷᠭᠠᠬᠤ ᠭᠡᠳᠡᠭ ᠨᠢ ᠭᠡᠷ ᠠᠴᠠ ᠪᠠᠨ ᠵᠠᠶᠢᠳᠠᠢ ᠶᠠᠪᠤᠭᠤᠯᠵᠦ᠂ ᠰᠢᠯᠢ ᠶᠢᠨ ᠪᠡᠯᠴᠢᠭᠡᠷ ᠲᠤ ᠢᠳᠡᠰᠢᠯᠡᠭᠦᠯᠬᠦ ᠶᠢ | ᠵᠢᠭᠠᠳᠠᠭ᠃ ᠭᠡᠷ ᠤᠨ ᠤᠶᠢᠷᠠᠯᠴᠠᠭᠠ ᠮᠠᠯ ᠰᠦᠷᠦᠭ ᠬᠠᠷᠢᠭᠤᠯᠪᠠᠯ ︽ᠠᠷᠭᠠᠮᠵᠢᠶᠠ ᠳᠠᠭᠡᠷᠡ ᠮᠠᠯ ᠢᠶᠠᠨ ᠬᠤᠷᠢᠶᠠᠯᠠ︾ | ᠭᠡᠵᠦ ᠵᠡᠩᠨᠡᠯᠳᠠᠳᠠᠭ ᠶᠤᠮ᠃ ᠦᠵᠦᠮᠦᠴᠢᠨ ᠤ ᠤᠯᠠᠮᠵᠢᠯᠠᠯᠳᠤ ᠮᠠᠯᠵᠢᠬᠤ ᠠᠷᠭᠠ ᠪᠠᠷ ᠪᠤᠯ ᠮᠠᠯ ᠰᠦᠷᠦᠭ ᠢ ᠦᠷᠯᠦᠭᠡ | ᠪᠡᠯᠴᠢᠭᠡᠪᠡᠯ ᠤᠷᠤᠢ ᠨᠢᠭᠡᠯᠡ ᠬᠤᠳᠠᠯᠠᠳᠠᠭ᠃ ᠡᠭᠦᠨ ᠳᠤ ᠦᠷᠯᠦᠭᠡ ᠡᠷᠳᠡ ᠳᠤ ︽ᠬᠤᠨᠢ ᠬᠦᠳᠡᠯᠭᠡᠬᠦ ᠬᠦᠮᠦᠨ︾᠂ | ᠬᠤᠳᠠᠨ ᠠᠴᠠ ᠬᠠᠷᠢᠭᠤᠯᠬᠤ ᠵᠦᠭ ᠲᠤᠨᠢ ᠰᠦᠷᠦᠭ ᠢ ᠨᠢ ᠬᠦᠳᠡᠯᠭᠡᠵᠦ ᠦᠭᠳᠡᠭ ᠪᠦᠭᠡᠳ ᠦᠳᠡ ᠠᠴᠠ ᠬᠤᠶᠢᠰᠢ | ︽ᠤᠭᠳᠤᠭᠤᠯ ᠤᠨ ᠬᠦᠮᠦᠨ︾ ᠲᠤᠰᠴᠤ᠂ ᠮᠠᠯ ᠬᠠᠷᠢᠭᠤᠯᠤᠭᠴᠢ ᠶᠢ ᠢᠳᠡᠭᠦᠯᠵᠦ ᠤᠤᠭᠤᠯᠭᠠᠬᠤ ᠶᠠᠪᠤᠳᠠᠯ | ᠪᠠᠶᠢᠬᠤ ᠠᠴᠠ ᠪᠢᠰᠢ᠂ ᠦᠳᠡ ᠳᠤ ᠮᠠᠯ ᠰᠦᠷᠦᠭ ᠢᠶᠠᠷ ᠪᠤᠴᠠᠬᠤ ᠶᠠᠪᠤᠳᠠᠯ ᠦᠭᠡᠢ ᠶᠤᠮ᠃ ᠰᠦᠷᠦᠭ ᠢᠶᠠᠨ | ᠪᠡᠯᠴᠢᠭᠡᠬᠦ ᠳᠡᠭᠡᠨ ᠨᠢᠭᠡᠯᠡ ᠵᠦᠭ ᠲᠠᠷᠬᠠᠭᠠᠨ ᠢᠳᠡᠰᠢᠯᠡᠭᠦᠵᠦ ᠶᠠᠪᠤᠭᠰᠠᠭᠠᠷ ᠨᠠᠷᠠ ᠬᠡᠯᠪᠡᠶᠢᠵᠦ ᠦᠳᠡ ᠠᠴᠠ ᠬᠤᠶᠢᠰᠢ | ᠪᠤᠯᠬᠤ ᠲᠠᠢ ᠵᠡᠷᠭᠡ ᠰᠠᠶ᠋ᠢ ᠰᠦᠷᠦᠭ ᠡᠷᠭᠢᠵᠦ ᠠᠭᠠᠵᠢᠮ ᠢᠶᠠᠷ ᠪᠤᠴᠠᠨ ᠤᠷᠤᠢ ᠨᠠᠷᠠ ᠰᠢᠩᠭᠡᠭᠰᠡᠨ ᠤ ᠲᠠᠷᠠᠭᠠ | ᠬᠤᠳᠠᠨ ᠳᠠᠭᠠᠨ ᠢᠷᠡᠳᠡᠭ᠃ ᠨᠢᠭᠡ ᠵᠦᠭ ᠲᠤ ᠤᠯᠠᠨᠳᠡ ᠭᠠᠷᠭᠠᠬᠤ ᠶᠢ ᠴᠡᠭᠡᠷᠯᠡᠵᠦ᠂ ᠡᠳᠦᠷ ᠪᠦᠷᠢ ᠶᠢᠨ | ᠪᠡᠯᠴᠢᠭᠡᠷᠯᠡᠬᠦ ᠵᠦᠭ ᠶᠢ ᠴᠤ ᠪᠠᠶᠢᠩᠭᠤ ᠰᠤᠯᠢᠳᠠᠭ᠃ ᠡᠭᠦᠨ ᠤ ᠶᠤᠰᠤ ᠤᠴᠢᠷ ᠪᠤᠯ ᠰᠦᠷᠦᠭ ᠶᠠᠪᠤᠵᠦ | ᠪᠤᠴᠠᠬᠤ ᠳᠠᠭᠠᠨ 15 — 20 ᠺᠢᠯᠤᠮᠧᠲᠷ ᠤᠷᠴᠢᠮ ᠭᠠᠵᠠᠷ ᠬᠤᠯᠠ ᠶᠠᠪᠤᠵᠦ᠂ ᠲᠡᠷᠡ ᠡᠳᠦᠷ ᠲᠡᠭᠡᠨ ᠨᠢᠭᠡ | ᠭᠠᠵᠠᠷ ᠲᠤ ᠭᠢᠰᠬᠢᠬᠦ ᠠᠴᠠ ᠬᠤᠶᠠᠷ ᠲᠠᠪᠬᠤᠷᠳᠠᠭᠤᠯᠬᠤ ᠦᠭᠡᠢ ᠶᠤᠮ᠃ ᠡᠶᠢᠮᠦ ᠪᠠᠷ ᠨᠢᠯᠬᠠ ᠨᠤᠭᠤᠭᠠ ᠶᠢ ᠭᠡᠮᠳᠦᠭᠡᠬᠦ | ᠪᠠ ᠤᠷᠭᠤᠯᠳᠠ ᠭᠦᠢᠴᠡᠭᠰᠡᠨ ᠡᠪᠡᠰᠦ ᠶᠢ ᠬᠢᠰᠬᠢᠯᠡᠨ ᠰᠦᠢᠳᠭᠡᠬᠦ ᠬᠡᠪᠴᠢᠶᠠ ᠲᠦᠢᠯ ᠤᠨ ᠪᠠᠭᠠ ᠪᠤᠯᠳᠠᠭ᠃ | ᠮᠠᠯᠴᠢᠳ ᠶᠡᠷᠦᠨᠢ ᠡᠷᠳᠡ ᠠᠴᠠ᠂ ᠮᠠᠯ ᠤᠨ ᠲᠤᠭᠠ ᠪᠤᠯᠤᠨ ᠪᠡᠯᠴᠢᠭᠡᠷ ᠤᠨ ᠠᠰᠢᠭᠯᠠᠮᠵᠢ ᠶᠢᠨ ᠬᠡᠪᠴᠢᠶᠡ ᠶᠢᠨ | ᠬᠤᠭᠤᠷᠤᠨᠳᠤᠬᠢ ᠬᠠᠷᠢᠴᠠᠭᠠ ᠶᠢ ᠵᠦᠢ ᠵᠤᠬᠢᠰᠳᠠᠢ ᠠᠰᠢᠭᠯᠠᠨ ᠰᠡᠢᠳᠪᠦᠷᠢᠯᠡᠵᠦ ᠢᠷᠡᠭᠰᠡᠨ ᠪᠠᠶᠢᠳᠠᠭ᠂ ᠨᠢᠭᠡ | ᠨᠤᠲᠤᠭ ᠲᠤ ᠤᠳᠠᠭᠠᠨ ᠰᠠᠭᠤᠬᠤ ᠪᠠ ᠮᠠᠯ ᠤᠨ ᠲᠤᠭᠠ ᠲᠤᠯᠤᠭᠠᠢ ᠤᠯᠠᠰᠢᠷᠠᠵᠦ᠂ ︽ᠲᠤᠭᠤᠷᠠᠢ ᠶᠢᠨ ᠵᠤᠳ︾ | ᠪᠤᠯᠬᠤ ᠠᠴᠠ ᠰᠡᠷᠭᠡᠶᠢᠯᠡᠵᠦ᠂ ᠬᠤᠳᠳᠤᠭ ᠮᠠᠯᠳᠠᠵᠦ ᠰᠢᠯᠢ ᠪᠡᠯᠴᠢᠭᠡᠷ ᠢᠶᠠᠨ ᠠᠰᠢᠭᠯᠠᠬᠤ ᠪᠠ ᠰᠦᠷᠦᠭ ᠰᠠᠯᠭᠠᠨ | ᠮᠠᠯᠵᠢᠬᠤ ᠵᠡᠷᠭᠡ ᠪᠦᠳᠦᠮᠵᠢᠳᠡᠢ ᠠᠷᠭᠠ ᠶᠢ ᠠᠪᠴᠤ᠂ ᠪᠡᠯᠴᠢᠭᠡᠷ ᠢᠶᠠᠨ ᠵᠤᠬᠢᠰᠳᠠᠢ ᠠᠰᠢᠭᠯᠠᠬᠤ ᠳᠠᠭᠠᠨ | ᠦᠢᠯᠡᠴᠢᠯᠡᠭᠦᠯᠦᠭᠰᠡᠨ ᠪᠠᠶᠢᠳᠠᠭ᠃ | ⒐ ᠭᠤᠤᠯ ᠤᠷᠤᠰᠬᠠᠯ᠂ ᠪᠤᠯᠠᠭ ᠱᠠᠩᠳᠠ ᠢ ᠠᠰᠢᠭᠯᠠᠵᠦ ᠬᠠᠮᠠᠭᠠᠯᠠᠬᠤ᠃ ᠪᠡᠯᠴᠢᠭᠡᠷ ᠤᠨ ᠤᠰᠤᠨ ᠳᠤ | ᠭᠤᠤᠯ ᠤᠷᠤᠰᠬᠠᠯ᠂ ᠪᠤᠯᠠᠭ ᠱᠠᠩᠳᠠ᠂ ᠨᠠᠭᠤᠷ ᠲᠤᠭᠤᠷᠢᠮ ᠪᠠᠶᠢᠳᠠᠭ ᠪᠦᠭᠡᠳ ᠬᠦᠮᠦᠨ ᠤ ᠬᠦᠴᠦ ᠪᠠᠷ ᠮᠠᠯᠳᠠᠭᠰᠠᠨ | ᠬᠤᠳᠳᠤᠭ ᠤᠨ ᠤᠰᠤ ᠵᠡᠷᠭᠡ ᠪᠠᠭᠳᠠᠨᠠ᠃ ᠮᠠᠯ ᠰᠦᠷᠦᠭ ᠤᠰᠤᠯᠠᠬᠤ ᠪᠠᠨ ᠵᠠᠳᠠᠭᠠᠢ ᠤᠤᠭᠤᠬᠤ᠂ ᠬᠤᠳᠳᠤᠭ | ᠤᠤᠭᠤᠬᠤ᠂ ᠴᠠᠰᠤᠯᠠᠬᠤ ᠭᠡᠵᠦ ᠢᠯᠭᠠᠳᠠᠭ᠃ ᠲᠤᠯᠠᠭᠠᠨ ᠤᠯᠠᠷᠢᠯ ᠳᠤ ᠵᠠᠳᠠᠭᠠᠢ ᠤᠰᠤᠯᠠᠬᠤ ᠪᠤᠶᠤ ᠬᠤᠤᠳᠤᠭ ᠲᠤ | ᠤᠰᠤᠯᠠᠵᠦ᠂ ᠡᠪᠦᠯ ᠤᠨ ᠤᠯᠠᠷᠢᠯ ᠳᠤ ᠴᠠᠰᠤᠯᠠᠬᠤ ᠪᠠᠷ ᠭᠤᠤᠯ ᠪᠤᠯᠭᠠᠳᠠᠭ᠃ ᠭᠡᠬᠦ ᠳᠡᠭᠡᠨ ᠴᠠᠰᠤᠨ ᠤ ᠵᠦᠭᠡᠯᠡᠨ ᠢ | ᠬᠠᠷᠠᠵᠦ ᠪᠡᠯᠴᠢᠭᠡᠷ ᠲᠡᠭᠡᠨ ᠵᠤᠬᠢᠴᠠᠭᠤᠯᠵᠦ ᠮᠠᠯᠵᠢᠳᠠᠭ᠃ ᠮᠤᠩᠭᠤᠯᠴᠤᠳ ᠨᠤᠲᠤᠭ ᠤᠰᠤ ᠪᠠᠨ ︽ᠤᠤᠭᠤᠭᠰᠠᠨ | ᠤᠰᠤ ᠷᠠᠰᠢᠶᠠᠨ᠂ ᠤᠨᠠᠭᠰᠠᠨ ᠰᠢᠷᠦᠢ ᠠᠯᠳᠠ︾ ᠭᠡᠵᠦ ᠮᠠᠭᠳᠠᠨ᠂ ᠲᠡᠭᠦᠨ ᠤ ᠦᠨᠡᠳᠦ ᠴᠢᠨᠡᠷ ᠢ ᠲᠠᠨᠢᠵᠦ᠂ ᠴᠡᠪᠡᠷ | ᠠᠷᠢᠭᠤᠨ ᠢ ᠨᠢ ᠬᠠᠶᠢᠷᠠᠯᠠᠨ ᠬᠠᠳᠠᠭᠠᠯᠠᠵᠦ ᠶᠠᠪᠤᠳᠠᠭ᠃ ᠡᠶᠢᠮᠦ ᠠᠴᠠ ᠬᠤᠳᠳᠤᠭ ᠤᠰᠤᠨ ᠠᠴᠠ ᠵᠤᠬᠢᠬᠤ ᠵᠠᠶᠢᠳᠠᠢ | ᠪᠠᠭᠤᠳᠠᠭ ᠠᠴᠠ ᠪᠢᠰᠢ᠂ ᠬᠤᠳᠳᠤᠭ ᠤᠨ ᠠᠮᠰᠠᠷ ᠳᠡᠭᠡᠷᠡ ᠪᠤᠶᠤ ᠤᠰᠤᠨ ᠤ ᠲᠡᠷᠭᠡᠳᠡ ᠬᠦᠷᠴᠦ ᠪᠠᠭᠤᠳᠠᠭ ᠦᠭᠡᠢ | ᠶᠤᠮ᠃ ᠪᠤᠯᠠᠭ ᠱᠠᠩᠳᠠ ᠶᠢᠨ ᠡᠬᠢ ᠶᠢ ᠬᠦᠨᠳᠡᠵᠦ ᠪᠤᠯᠳᠠᠭ ᠦᠭᠡᠢ᠂ ᠭᠤᠤᠯ ᠤᠰᠤᠨ ᠳᠤ ᠠᠯᠢᠪᠠ ᠡᠳ᠋ ᠪᠤᠳᠠᠰ | ᠤᠬᠢᠶᠠᠵᠦ ᠪᠤᠯᠳᠠᠭ ᠦᠭᠡᠢ᠂ ᠨᠡᠩ ᠢᠯᠠᠩᠭᠤᠶᠠ ᠪᠤᠵᠠᠷ ᠪᠤᠷᠳᠠᠭ ᠵᠦᠢᠯ ᠢ ᠤᠶᠢᠷᠠᠳᠤᠭᠤᠯᠵᠦ ᠪᠤᠯᠳᠠᠭ ᠦᠭᠡᠢ ᠵᠡᠷᠭᠡ | ᠴᠡᠭᠡᠷ ᠬᠤᠷᠢᠭᠠ ᠲᠠᠢ ᠪᠠᠶᠢᠳᠠᠭ᠃ ᠢᠩᠭᠢᠪᠡᠯ ︽ᠯᠤᠤᠰ ᠬᠢᠯᠢᠩᠨᠡᠬᠦ︾ ᠪᠤᠶᠤ ︽ᠭᠠᠵᠠᠷ ᠯᠤᠤᠰ ᠪᠤᠵᠠᠷᠳᠠᠨᠡ︾ | ᠭᠡᠵᠦ ᠦᠵᠡᠳᠡᠭ᠃ ᠮᠤᠩᠭᠤᠯᠴᠤᠳ ᠤᠰᠤᠨ ᠤ ᠰᠤᠳᠠᠯ ᠲᠠᠰᠤᠯᠬᠤ ᠶᠢ ᠲᠤᠩ ᠬᠢᠴᠢᠶᠡᠵᠦ᠂ ᠪᠤᠯᠠᠭ ᠢ ᠤᠬᠤᠵᠦ | ᠮᠠᠯᠳᠠᠬᠤ᠂ ᠪᠤᠯᠠᠵᠦ ᠪᠦᠭᠯᠡᠬᠦ᠂ ᠭᠤᠤᠯ ᠭᠤᠷᠤᠬᠠ ᠶᠢ ᠲᠤᠷᠠ ᠪᠠᠷ ᠢᠶᠠᠨ ᠬᠠᠰᠢᠵᠦ ᠬᠤᠷᠢᠬᠤ᠂ ᠰᠡᠳᠡᠯᠵᠦ ᠵᠠᠯᠠᠬᠤ | ᠵᠡᠷᠭᠡ ᠶᠢ ᠶᠡᠷᠦ ᠠᠴᠠ ᠴᠡᠭᠡᠷᠯᠡᠭᠰᠡᠭᠡᠷ ᠢᠷᠡᠪᠡ᠃ | ⒑ ᠲᠠᠷᠭᠤ ᠠᠪᠤᠭᠤᠯᠬᠤ ᠶᠢᠨ ᠪᠡᠯᠴᠢᠭᠡᠷ ᠤᠨ ᠠᠰᠢᠭᠯᠠᠮᠵᠢ ᠲᠠᠢ ᠬᠤᠯᠪᠤᠭᠳᠠᠬᠤ ᠤᠴᠢᠷ᠃ ᠮᠠᠯ ᠤᠨ ᠲᠠᠷᠭᠤ | ᠬᠤᠷ ᠠᠪᠤᠭᠤᠯᠬᠤ ᠨᠢ᠂ ᠮᠠᠯᠵᠢᠯ ᠤᠨ ᠤᠬᠠᠭᠠᠨ ᠪᠤᠯᠪᠠᠴᠤ ᠨᠠᠷᠢᠨ ᠠᠵᠢᠭᠯᠠᠪᠠᠯ ᠪᠡᠯᠴᠢᠭᠡᠷ ᠢ ᠰᠢᠨᠵᠢᠯᠡᠬᠦ | ᠤᠬᠠᠭᠠᠨᠴᠢ ᠪᠠᠷ ᠠᠰᠢᠭᠯᠠᠭᠰᠠᠨ ᠤ ᠦᠷᠡ ᠳ᠋ᠦᠩ ᠪᠤᠯᠬᠤ ᠶᠤᠮ᠃ ᠬᠠᠭᠤᠴᠢ ᠦᠬᠡᠨ ᠳᠤ᠄ ︽ᠲᠤᠰᠤᠨ ᠲᠠᠷᠭᠤ | ᠲᠠᠢ ᠮᠠᠯ ᠵᠤᠨ ᠢ ᠤᠭᠳᠤᠬᠤ ᠳᠤ ᠬᠢᠯᠪᠡᠷ᠂ ᠤᠰᠤᠨ ᠲᠠᠷᠭᠤ ᠲᠠᠢ ᠮᠠᠯ ᠡᠪᠦᠯ ᠢ ᠲᠤᠭᠤᠯᠬᠤ ᠳᠤ ᠪᠡᠷᠬᠡ︾ ᠭᠡᠳᠡᠭ᠃ | ᠲᠤᠰᠤᠨ ᠲᠠᠷᠭᠤ ᠠᠪᠤᠭᠤᠯᠬᠤ ᠪᠤᠯ ᠤᠯᠠᠨ ᠶᠠᠩᠵᠤᠳᠤ ᠡᠪᠡᠰᠦᠨ ᠤ ᠴᠢᠨᠡᠷ ᠱᠠᠭᠠᠷᠳᠠᠭᠳᠠᠬᠤ᠂ ᠲᠠᠷᠭᠤᠯᠠᠭᠤᠯᠬᠤ | ᠲᠦᠷᠦᠯ ᠤᠨ ᠤᠷᠭᠤᠮᠠᠯ ᠴᠤ ᠡᠯᠪᠡᠭ ᠪᠠᠶᠢᠬᠤ ᠴᠢᠬᠤᠯᠠ ᠲᠠᠢ᠃ ᠡᠨᠡ ᠨᠢ ᠪᠡᠯᠴᠢᠭᠡᠷ ᠢᠶᠠᠨ ᠴᠢᠳᠠᠮᠠᠭᠠᠢ ᠠᠰᠢᠭᠯᠠᠬᠤ | ᠪᠤᠯᠤᠨ ᠬᠠᠮᠠᠭᠠᠯᠠᠬᠤ ᠲᠠᠢ ᠰᠢᠭᠤᠳ ᠬᠠᠷᠢᠴᠠᠭᠠ ᠲᠠᠢ ᠪᠠᠶᠢᠳᠠᠭ ᠢᠶᠠᠷ ᠦᠯᠦ ᠪᠠᠷᠠᠮ ᠬᠦᠳᠡᠯᠭᠡᠨᠳᠦ ᠨᠡᠭᠦᠳᠡᠯ | ᠤᠳᠤᠷ ᠢᠶᠠᠷ ᠶᠠᠪᠤᠵᠦ᠂ ᠰᠤᠷᠭᠤᠭ ᠪᠡᠯᠴᠢᠭᠡᠷ ᠰᠤᠩᠭᠤᠨ ᠬᠡᠷᠡᠭᠯᠡᠬᠦ ᠪᠤᠯᠭᠠᠭᠰᠠᠨ ᠶᠤᠮ᠃ ᠡᠭᠦᠨ ᠳᠤ ᠪᠡᠯᠴᠢᠭᠡᠷ ᠤᠨ | ᠤᠯᠠᠨ ᠶᠠᠩᠵᠤ ᠶᠢᠨ ᠤᠷᠭᠤᠮᠠᠯ ᠢ ᠲᠠᠨᠢᠬᠤ᠂ ︽ᠡᠪᠡᠰᠦᠨ ᠤ ᠴᠢᠨᠠᠷ ᠢ ᠭᠦᠨ ᠮᠡᠳᠡᠬᠦ ᠶᠡᠭᠡ ᠤᠬᠠᠭᠠᠨ︾ | ᠨᠢᠭᠤᠭᠳᠠᠵᠦ ᠪᠠᠶᠢᠳᠠᠭ᠃ ᠡᠪᠡᠰᠦᠨ ᠤ ᠴᠢᠨᠠᠷ ᠢ ᠲᠠᠨᠢᠵᠦ ᠮᠠᠯᠵᠢᠬᠤ ᠪᠤᠯ ᠭᠠᠭᠴᠠᠬᠦ ᠲᠠᠷᠭᠤ ᠠᠪᠤᠭᠤᠯᠬᠤ ᠳᠡᠭᠡᠷᠡ | ᠢᠯᠡᠷᠡᠬᠦ ᠲᠡᠳᠦᠢ ᠪᠢᠰᠢ ᠮᠤᠩᠭᠤᠯ ᠡᠮᠨᠡᠯᠭᠡ ᠳᠤ ᠬᠡᠷᠡᠭᠯᠡᠬᠦ ᠡᠮᠳᠦ ᠤᠷᠭᠤᠮᠠᠯ ᠪᠠᠶᠢᠬᠤ ᠠᠴᠠ ᠭᠠᠳᠠᠨᠠ ᠪᠡᠯᠴᠢᠭᠡᠷ ᠢᠶᠠᠷ | ᠮᠠᠯ ᠤᠨ ᠬᠤᠷᠤᠬᠠᠢ ᠲᠤᠭᠤᠬᠤ ᠵᠡᠷᠭᠡ ᠶᠠᠪᠤᠳᠠᠯ ᠢ ᠪᠡᠶᠡᠯᠡᠭᠦᠯᠵᠦ ᠪᠠᠶᠢᠵᠠᠢ᠃ |