ᠤᠷᠢᠶᠠᠩᠬᠠᠨ ᠤ᠂ ᠶᠤᠨᠳᠤᠨ | | ᠦᠵᠦᠮᠦᠴᠢᠨᠴᠤᠳ᠂ ︿︿ᠭᠠᠯ ᠳᠠᠬᠢᠯᠭᠠ ᠶᠢᠨ ᠰᠤᠳᠤᠷ﹀﹀ ᠢᠶᠠᠷ ᠬᠦᠳᠦᠯᠪᠦᠷᠢ ᠪᠤᠯᠭᠠᠵᠦ᠂ ᠲᠡᠷᠡ | ᠵᠢᠷᠤᠮᠵᠢᠯ ᠢᠶᠠᠷ ᠵᠢᠯ ᠤᠨ ᠳᠠᠬᠢᠯᠭᠠ᠂ ᠤᠯᠠᠷᠢᠯ ᠤᠨ ᠳᠠᠬᠢᠯᠭᠠ᠂ ᠰᠠᠷᠠ ᠶᠢᠨ ᠳᠠᠬᠢᠯᠭᠠ ᠂ ᠡᠳᠦᠷ ᠤᠨ ᠳᠠᠬᠢᠯᠭᠠ | ᠡᠷᠭᠦᠵᠦ ᠭᠠᠯ ᠢᠶᠠᠨ ᠳᠠᠬᠢᠵᠦ ᠪᠠᠶᠢᠭᠰᠠᠨ ᠤᠯᠠᠮᠵᠢᠯᠠᠯ ᠲᠠᠢ᠂ ᠳᠠᠬᠢᠯᠭᠠ ᠨᠢ ᠠᠶᠢᠯ ᠡᠷᠦᠬᠡ ᠶᠢᠨ ᠳᠠᠬᠢᠯᠭᠠ᠂ | ᠲᠦᠷᠦ ᠶᠢᠨ ᠳᠠᠬᠢᠯᠭᠠ ︵ᠶᠡᠭᠡ ᠳᠠᠬᠢᠯᠭᠠ︶ ᠭᠡᠵᠦ ᠢᠯᠭᠠᠨᠠ᠂ ᠦᠵᠦᠮᠦᠴᠢᠨ ᠤ ᠰᠦᠯᠳᠡᠨ ᠵᠠᠩᠭᠢ ᠨᠢ ᠶᠡᠭᠡ ᠭᠠᠯ | ᠳᠠᠬᠢᠯᠭᠠ ᠶᠢ ᠡᠷᠬᠢᠯᠡᠨ ᠭᠦᠢᠴᠡᠳᠭᠡᠳᠡᠭ ᠪᠠᠶᠢᠵᠠᠢ᠂ ᠶᠡᠭᠡ ᠭᠠᠯ ᠳᠠᠬᠢᠯᠭᠠ ᠶᠢᠨ ᠴᠠᠭ ᠬᠤᠭᠤᠴᠠᠭᠠ ᠨᠢ ᠵᠢᠯ | ᠪᠦᠷᠢ ᠶᠢᠨ ᠯᠠ ᠰᠠᠷᠠ ᠶᠢᠨ ᠬᠤᠷᠢᠨ ᠭᠤᠷᠪᠡᠨ ᠪᠤᠶᠤ ᠬᠤᠷᠢᠨ ᠲᠦᠷᠪᠡᠨ ᠤ ᠡᠳᠦᠷ ᠪᠠᠶᠢᠵᠦ᠂ ᠬᠤᠰᠢᠭᠤᠨ ᠤ ᠸᠠᠩ | ᠨᠤᠶᠠᠨ ᠲᠦᠷᠦᠭᠦᠯᠡᠭᠰᠡᠨ ᠵᠡᠷᠬᠡ ᠵᠢᠩᠰᠡᠳᠡᠳ ᠬᠢᠭᠡᠳ ᠠᠷᠠᠳ ᠮᠠᠯᠴᠢᠳ ᠨᠡᠶᠢᠳᠡ ᠪᠠᠷ ᠳᠠᠬᠢᠵᠦ᠂ ᠡᠵᠡᠨ ᠤ ᠭᠠᠯ | ᠭᠤᠯᠤᠮᠳᠠ ᠳᠤ ᠰᠦᠰᠦᠭ ᠪᠢᠰᠢᠷᠡᠯ ᠢᠶᠠᠨ ᠳᠠᠭᠠᠳᠬᠠᠳᠠᠭ ᠪᠠᠶᠢᠨᠠ᠃ ᠦᠵᠦᠮᠦᠴᠢᠨ ᠳᠤ ᠡᠨᠡ ᠭᠠᠯ ᠳᠠᠬᠢᠯᠭᠠ ᠶᠢ | ᠰᠦᠯᠳᠡᠨ ᠵᠠᠩᠭᠢ ᠭᠦᠢᠴᠡᠳᠭᠡᠵᠦ ᠪᠠᠶᠢᠬᠤ ᠠᠴᠠ ᠦᠵᠡᠬᠦ ᠳᠤ ᠡᠨᠡ ᠪᠤᠯ ᠡᠵᠡᠨ ᠴᠢᠩᠭᠢᠰ ᠤᠨ ᠭᠠᠯ ᠭᠤᠯᠤᠮᠳᠠ ᠶᠢᠨ | ᠳᠠᠬᠢᠯᠭᠠ ᠪᠤᠯᠬᠤ ᠠᠴᠠ ᠪᠢᠰᠢ ᠡᠯᠡ ᠪᠤᠷᠵᠢᠭᠢᠨ ᠤᠪᠤᠭᠳᠠᠳ ᠤᠨ ᠬᠤᠪᠢ ᠶᠢᠨ ᠭᠡᠷ ᠤᠨ ᠳᠠᠬᠢᠯᠭᠠ ᠪᠢᠰᠢ ᠭᠡᠳᠡᠭ ᠨᠢ | ᠲᠤᠳᠤᠷᠬᠠᠢ ᠪᠠᠶᠢᠨᠠ᠂ ᠲᠦᠷᠦ ᠶᠢᠨ ᠲᠤᠰᠢᠶᠠᠯᠳᠠᠨ ᠬᠠᠮᠢᠶᠠᠷᠤᠨ ᠶᠠᠪᠤᠭᠳᠠᠭᠤᠯᠵᠦ ᠪᠠᠶᠢᠬᠤ ᠠᠴᠠ ᠲᠦᠷᠦ ᠶᠢᠨ ᠶᠡᠭᠡ | ᠭᠠᠯ ᠳᠠᠬᠢᠯᠭᠠ ᠪᠤᠯᠬᠤ ᠨᠢ ᠢᠯᠡᠷᠬᠡᠢ ᠪᠤᠢ᠃ | ᠭᠠᠯ ᠳᠠᠬᠢᠯᠭᠠ ᠶᠢᠨ ᠵᠠᠩ ᠦᠢᠯᠡ ᠳᠤ ᠬᠡᠷᠡᠭᠰᠡᠬᠦ ᠪᠤᠳᠠᠰ ᠤᠨ ᠵᠦᠢᠯᠳᠡ ᠭᠡᠪᠡᠯ ᠭᠤᠤᠯ ᠰᠢᠳᠦᠭᠡᠨ — | ᠤᠩᠭᠤᠨ ᠲᠤᠯᠭᠠ ︵ᠳᠠᠬᠢᠯᠭᠠ ᠳᠤ ᠬᠡᠷᠡᠭᠯᠡᠳᠡᠭ ᠲᠤᠯᠭᠠ︶᠂ ᠭᠡᠳᠡ ᠴᠠᠬᠢᠭᠤᠷ᠂ ᠭᠠᠯ ᠤᠨ ᠰᠠᠩ᠂ | ᠳᠠᠬᠢᠯᠭᠠ ᠶᠢᠨ ᠴᠠᠭᠠᠨ ᠪᠤᠶᠤ ᠰᠢᠷᠠᠨᠳᠤᠨ ᠵᠢᠰᠤᠮ ᠤᠨ ᠬᠤᠨᠢ᠂ ᠵᠠᠯᠮᠠ ᠰᠡᠳᠡᠷ ︵ᠲᠠᠪᠤᠨ ᠦᠩᠭᠡ ᠶᠢᠨ ᠲᠤᠷᠭᠠ | ᠪᠦᠰ︶᠂ ᠲᠠᠪᠤᠨ ᠳᠠᠷᠢᠶᠠᠨ ᠦᠷᠡ᠂ ᠲᠠᠪᠤᠨ ᠡᠷᠳᠡᠨᠢᠰ ᠤᠨ ᠵᠦᠢᠯ ᠂ ᠵᠤᠯᠠ ᠬᠦᠵᠢ᠂ ᠤᠳᠤᠯᠭᠠ ᠰᠠᠩ ᠤᠨ | ᠵᠦᠢᠯᠳᠡ᠂ ᠳᠠᠯᠠᠯᠭᠠᠨ ᠲᠦᠷᠦᠭᠡ᠂ ᠡᠷᠭᠦᠯ ᠤᠨ ᠠᠷᠢᠬᠢ ᠰᠢᠷᠠ ᠲᠤᠰᠤ᠂ ᠴᠢᠪᠠᠭᠠ ᠦᠵᠦᠮ ᠵᠡᠷᠭᠡ ᠠᠮᠳᠠᠳᠠᠨ ᠤ | ᠵᠦᠢᠯᠳᠡ᠂ ᠡᠪᠡᠰᠦ ᠮᠤᠳᠤᠨ ᠵᠡᠷᠭᠡ ᠲᠦᠯᠡᠰᠢᠨ ᠤ ᠵᠦᠢᠯᠳᠡ ᠤᠳ ᠤᠷᠤᠳᠠᠭ᠂ ᠭᠠᠯ ᠳᠠᠬᠢᠯᠭᠠ ᠶᠢᠨ ᠪᠡᠯᠡᠳᠭᠡᠯ | ᠠᠵᠢᠯ ᠳᠤ ᠳᠠᠬᠢᠯᠭᠠ ᠶᠢᠨ ᠬᠤᠨᠢ ᠲᠦᠬᠦᠭᠡᠷᠡᠬᠦ ᠪᠠ ᠡᠷᠭᠦᠯ ᠤᠨ ᠵᠦᠢᠯᠳᠡ ᠶᠢ ᠪᠦᠷᠢᠨᠰᠢᠭᠦᠯᠬᠦ᠂ ᠲᠤᠯᠭᠠ ᠵᠠᠰᠠᠬᠤ᠂ | ᠳᠠᠯᠠᠯᠭᠠ ᠠᠪᠬᠤ᠂ ᠯᠠᠮᠠ ᠵᠠᠯᠠᠬᠤ ︵ᠵᠠᠷᠢᠮ ᠠᠶᠢᠯ ᠯᠠᠮᠠ ᠪᠠᠷ ᠳᠠᠬᠢᠯᠭᠠ ᠶᠢᠨ ᠰᠤᠳᠤᠷ ᠢᠶᠠᠨ ᠤᠩᠰᠢᠭᠤᠯᠳᠠᠭ ᠪᠤᠢ︶᠂ | ᠤᠭᠤᠴᠠ ᠵᠠᠰᠠᠬᠤ᠂ ᠲᠦᠷᠦᠯ ᠲᠦᠷᠦᠭᠰᠡᠳ ᠢᠶᠠᠨ ᠵᠠᠯᠠᠬᠤ᠂ ᠲᠦᠷᠦ ᠶᠢᠨ ᠬᠤᠪᠴᠠᠰᠦ ᠵᠠᠰᠠᠯ ᠪᠤᠶᠤ ᠰᠢᠨᠠ | ᠬᠤᠪᠴᠠᠰᠤ ᠡᠮᠦᠰᠬᠦ᠂ ᠭᠡᠷ ᠤᠷᠤᠨ ᠢᠶᠠᠨ ᠴᠡᠪᠡᠷᠯᠡᠬᠦ᠂ ᠭᠠᠯ ᠳᠤ ᠤᠩᠭᠤᠯᠠᠬᠤ ᠮᠠᠯ ᠢᠶᠠᠨ ᠪᠠᠷᠢᠬᠤ᠂ ᠮᠠᠯ | ᠰᠦᠷᠦᠭ ᠢᠶᠠᠨ ᠠᠷᠢᠭᠤᠯᠬᠤ ᠵᠡᠷᠭᠡ ᠵᠦᠢᠯᠡᠰ ᠪᠠᠭᠳᠠᠨᠠ᠃ | ᠲᠤᠯᠭᠠ ᠪᠠ ᠲᠡᠭᠦᠨ ᠤ ᠪᠦᠲᠦᠴᠡ — ᠲᠤᠯᠭᠠ ᠪᠤᠯ ᠨᠡᠭᠦᠳᠡᠯᠴᠢᠨ ᠮᠤᠩᠭᠤᠯᠴᠤᠳ ᠤᠨ ᠢᠰᠡᠭᠡᠢ ᠭᠡᠷ ᠲᠤ | ᠬᠡᠷᠡᠭᠯᠡᠳᠡᠭ ᠭᠠᠯ ᠲᠦᠯᠡᠰᠢᠨ ᠤ ᠡᠳ᠋ᠯᠡᠯ ᠪᠤᠯᠤᠨᠠ᠂ ᠲᠤᠯᠭᠠ ᠶᠢ ᠭᠠᠩ ᠲᠡᠮᠦᠷ ᠢᠶᠠᠷ ᠤᠯᠠᠭᠠᠨ ᠭᠠᠯ ᠳᠤ ᠳᠡᠪᠳᠡᠵᠦ | ᠬᠢᠬᠦ ᠪᠠ ᠠᠷᠭᠠᠯ ᠢᠶᠠᠷ ᠭᠤᠤᠯᠳᠠᠢ ᠲᠦᠯᠡᠰᠢ ᠪᠤᠯᠭᠠᠵᠦ᠂ ᠭᠡᠷ ᠡᠷᠦᠬᠡ ᠪᠠᠨ ᠲᠤᠯᠠᠭᠠᠯᠠᠨ ᠲᠡᠮᠦᠷ ᠲᠤᠭᠤᠭᠠ ᠪᠠᠨ | ᠳᠡᠯᠪᠢᠵᠦ᠂ ᠬᠤᠭᠤᠯᠠ ᠴᠠᠢ ᠪᠠᠨ ᠪᠤᠯᠭᠤᠭᠠᠵᠦ ᠢᠳᠡᠳᠡᠭ ᠶᠤᠮ᠂ ᠲᠤᠯᠭᠠ ᠨᠢ ᠵᠤᠤᠬᠠ ᠶᠢᠨ ᠦᠢᠯᠡᠳᠦᠯ ᠢ | ᠦᠵᠡᠭᠦᠯᠵᠦ ᠪᠠᠶᠢᠪᠠ᠂ ᠲᠤᠯᠭᠠ ᠪᠤᠯ ᠤᠯᠠᠩᠬᠢ ᠳᠠᠭᠠᠨ ᠲᠦᠷᠪᠡᠨ ᠲᠤᠲᠤᠭᠤ ︵ᠤᠴᠤᠭ︶᠂ ᠲᠦᠷᠪᠡᠨ ᠱᠠᠯᠠᠮ᠂ | ᠲᠦᠷᠪᠡᠨ ᠬᠠᠰᠠᠭ᠂ ᠬᠤᠶᠠᠷ ᠪᠠᠷᠢᠭᠤᠯ ︵ᠭᠠᠷᠬᠠ︶ ᠪᠠ ᠭᠤᠭᠴᠤᠭᠠ᠂ ᠠᠷᠪᠠᠨ ᠵᠢᠷᠭᠤᠭᠠᠨ ᠬᠠᠳᠠᠭᠠᠰᠤ ᠵᠡᠷᠭᠡ ᠪᠠᠷ | ᠪᠦᠷᠢᠯᠳᠦᠳᠡᠭ᠃ ᠭᠤᠶᠤᠮᠰᠤᠭ ᠬᠢᠴᠡᠳᠠᠢ ᠲᠤᠯᠭᠠ ᠨᠢ ᠲᠦᠷᠪᠡᠨ ᠲᠤᠲᠤᠭᠤ ᠳᠠᠭᠠᠨ ᠤᠭᠠᠯᠵᠠ ᠭᠠᠷᠭᠠᠭᠰᠠᠨ | ᠪᠠᠶᠢᠳᠠᠭ᠂ ᠵᠡᠷᠢᠮ ᠶᠡᠬᠡᠰ ᠤᠨ ᠲᠤᠯᠭᠠ ᠨᠢ ᠵᠢᠷᠭᠤᠭᠠᠨ ᠲᠤᠳᠤᠭᠤ᠂ ᠱᠠᠯᠠᠮ᠂ ᠲᠦᠷᠪᠡᠨ ᠬᠠᠰᠠᠭ ᠢᠶᠠᠷ ᠬᠢᠳᠡᠭ ᠴᠤ | ᠪᠤᠢ᠃ ᠲᠤᠯᠭᠠ ᠶᠢ ᠶᠡᠭᠡ ᠪᠠᠭᠠ ᠬᠢᠬᠦ ᠪᠦᠭᠡᠳ ᠪᠠᠰᠠ ᠡᠩ ᠤᠨ ᠬᠡᠷᠡᠭᠯᠡᠭᠡᠨ ᠤ ᠲᠤᠯᠭᠠ᠂ ᠤᠩᠭᠤᠨ ᠲᠤᠯᠭᠠ ᠭᠡᠵᠦ | ᠢᠯᠭᠠᠵᠦ᠂ ᠤᠩᠭᠤᠨ ᠲᠤᠯᠭᠠ ᠶᠢ ᠬᠤᠶᠢᠮᠦᠷ ᠵᠠᠯᠠᠬᠤ ᠪᠠ ᠳᠠᠬᠢᠯᠭᠠ ᠳᠤ ᠯᠡ ᠬᠡᠷᠡᠭᠯᠡᠳᠡᠭ᠂ ᠡᠩ ᠤᠨ ᠲᠤᠯᠭᠠ ᠳᠤ | ᠭᠤᠷᠪᠠᠨ ᠬᠠᠰᠠᠭ ᠲᠠᠢ ᠬᠢᠬᠦ ᠮᠦᠨ ᠪᠤᠢ᠃ | ᠳᠠᠬᠢᠯᠭᠠ ᠶᠢᠨ ᠬᠤᠨᠢ ᠶᠢ ᠲᠦᠬᠦᠭᠡᠷᠡᠬᠦ — ᠴᠠᠭᠠᠨ ᠪᠤᠶᠤ ᠰᠢᠷᠠᠨᠳᠤᠨ ᠵᠢᠰᠤᠮ ᠤᠨ ᠰᠢᠷᠬᠠ ᠰᠡᠪ ᠦᠭᠡᠢ | ᠬᠤᠨᠢ ᠶᠢ ᠠᠯᠠᠵᠦ᠂ ᠴᠡᠪᠡᠷ ᠰᠠᠶᠢᠬᠠᠨ ᠡᠪᠳᠡᠵᠦ ᠰᠠᠯᠭᠠᠭᠠᠳ᠂ ᠡᠪᠴᠢᠭᠦᠤ᠂ ᠱᠠᠭᠠᠨᠳᠦ᠂ ᠲᠦᠷᠪᠡᠨ ᠦᠨᠳᠦᠷ | ᠬᠠᠪᠢᠰᠦ᠂ ᠰᠡᠮᠵᠡ ᠵᠡᠷᠭᠡ ᠶᠢ ᠳᠠᠬᠢᠯᠭᠠ ᠳᠤ ᠦᠯᠡᠳᠡᠭᠡᠵᠦ᠂ ᠪᠤᠰᠤᠳ ᠮᠢᠬᠠ ᠶᠢ ᠨᠢ ᠴᠢᠨᠠᠵᠦ ᠪᠤᠯᠭᠤᠭᠠᠳ | ᠳᠠᠬᠢᠯᠭᠠ ᠶᠢᠨ ᠨᠠᠶᠢᠷ ᠲᠤ ᠪᠡᠯᠡᠳᠭᠡᠨᠡ | ᠭᠠᠯ ᠤᠨ ᠡᠷᠭᠦᠯᠳᠡ — ᠭᠠᠯ ᠳᠤ ᠡᠷᠭᠦᠬᠦ ᠡᠷᠭᠦᠯᠳᠡ ᠶᠢ ᠬᠤᠨᠢᠨ ᠤ ᠡᠪᠴᠢᠭᠦᠤ ᠪᠠᠨ ᠭᠡᠷᠰᠡᠩ ᠪᠠ | ᠬᠤᠷᠮᠤᠢ ᠶᠢ ᠨᠢ ᠱᠤᠯᠤᠵᠦ ᠠᠪᠤᠭᠠᠳ ᠰᠡᠪ ᠦᠭᠡᠢ ᠠᠪᠤᠭᠰᠠᠨ ᠰᠡᠮᠵᠡ ᠪᠠᠨ ᠳᠡᠯᠭᠡᠵᠦ᠂ ᠲᠤᠲᠤᠷᠠ ᠨᠢ | ᠡᠪᠴᠢᠭᠦᠤ ᠪᠠᠨ ᠳᠠᠯᠪᠢᠵᠦ ᠬᠤᠩᠬᠤᠷ ᠳᠤᠨᠢ ᠱᠠᠭᠠᠨᠳᠦ᠂ ᠲᠦᠷᠪᠡᠨ ᠦᠨᠳᠦᠷ ︵ᠬᠠᠪᠢᠰᠦ︶᠂ ᠰᠢᠷᠠ ᠲᠤᠰᠤ | ᠦᠭᠡᠬᠦᠨ ᠬᠠᠯᠢᠮ᠂ ᠲᠠᠪᠤᠨ ᠦᠩᠭᠡ ᠶᠢᠨ ᠲᠤᠷᠭᠠ ᠪᠦᠰ᠂ ᠡᠷᠳᠡᠨᠢᠰ ᠤᠨ ᠵᠦᠢᠯᠡᠰ᠂ ᠲᠤᠯᠤᠭᠠᠨ ᠰᠢᠷᠬᠡᠭ ᠰᠢᠷᠠ | ᠬᠢᠯᠭᠠᠨᠨᠡ᠂ ᠶᠢᠰᠦᠨ ᠮᠦᠬᠦᠯᠢᠭ ᠤᠯᠠᠭᠠᠨ ᠴᠢᠪᠠᠭᠠ ᠵᠡᠷᠭᠡ ᠠᠮᠳᠠᠳᠠᠨ ᠤ ᠳᠡᠭᠡᠵᠢ ᠶᠢ ᠬᠢᠵᠦ ᠪᠤᠭᠤᠬᠤ ᠪᠦᠭᠡᠳ | ᠲᠡᠮᠡᠭᠡᠨ ᠤ ᠪᠤᠶᠤ ᠬᠤᠨᠢᠨ ᠤ ᠤᠩᠭᠠᠰᠤᠨ ᠤᠳᠠᠰᠦ ᠪᠠᠷ ᠤᠷᠢᠶᠠᠵᠦ ᠳᠠᠯᠪᠢᠨᠠ᠂ ᠵᠡᠷᠢᠮ ᠨᠢ ᠡᠪᠴᠢᠭᠦᠨ ᠳᠡᠭᠡᠷᠡ | ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠲᠦᠷᠰᠦ ᠪᠦᠬᠦᠢ ᠪᠠᠯᠢᠩ ᠬᠢᠵᠦ ᠡᠷᠭᠦᠬᠦ ᠴᠤ ᠪᠤᠢ᠃ | ᠵᠠᠯᠮᠠ ᠬᠢᠬᠦ — ᠲᠤᠯᠭᠠ ᠶᠢᠨ ᠲᠤᠳᠤᠭᠤ ᠪᠠ ᠡᠷᠭᠦᠯ ᠳᠤ ᠬᠡᠷᠡᠭᠯᠡᠬᠦ ᠪᠠᠷ ᠬᠦᠬᠡ᠂ ᠴᠠᠭᠠᠨ᠂ ᠤᠯᠠᠭᠠᠨ᠂ | ᠰᠢᠷᠠ᠂ ᠨᠤᠭᠤᠭᠠᠨ ᠵᠡᠷᠭᠡ ᠲᠠᠪᠤᠨ ᠦᠩᠭᠡ ᠵᠢᠨᠲ᠋ᠤᠷᠭᠠ ᠪᠤᠶᠤ ᠪᠦᠰ ᠢᠶᠠᠷ ᠵᠠᠯᠮᠠ ᠬᠢᠳᠡᠭ᠂ ᠦᠷᠭᠡᠨ ᠢᠶᠠᠷ ᠨᠢᠭᠡ | ᠢᠮᠠᠬᠤ ᠤᠷᠳᠦ ᠪᠠᠷ ᠢᠶᠠᠨ ᠨᠢᠭᠡ ᠰᠦᠭᠡᠮ ︵ᠭᠤᠷᠪᠠᠨ ᠢᠮᠠᠬᠤ︶ ᠤᠷᠴᠢᠮ ᠤᠨ ᠲᠤᠷᠭᠠ ᠪᠦᠰ ᠪᠠᠷ ᠲᠠᠪᠤ ᠶᠢ | ᠪᠡᠯᠡᠳᠭᠡᠳᠡᠭ᠂ ᠲᠦᠷᠪᠡ ᠶᠢ ᠨᠢ ᠲᠤᠳᠤᠭᠤᠨ ᠳᠤ ᠡᠯᠭᠦᠬᠦ ᠪᠠᠷ᠂ ᠨᠢᠭᠡ ᠶᠢ ᠨᠢ ᠡᠪᠴᠢᠭᠦᠨ ᠤ ᠬᠠᠮᠳᠦ ᠭᠠᠯ ᠳᠤ | ᠡᠷᠭᠦᠬᠦ ᠪᠠᠷ ᠬᠢᠳᠡᠭ ᠶᠤᠮ᠂ ᠵᠠᠯᠮᠠ ᠶᠢ ᠡᠮᠦᠰᠭᠡᠯ ᠴᠤ ᠭᠡᠳᠡᠭ᠂ ᠭᠠᠯ ᠭᠠᠯᠠᠶᠢᠬᠠᠨ ᠡᠬᠡ ᠳᠤ ᠡᠮᠦᠰᠭᠡᠯ ᠬᠤᠪᠴᠠᠰᠦ | ᠡᠷᠭᠦᠵᠦ ᠪᠠᠶᠢᠬᠤ ᠤᠴᠢᠷ ᠲᠠᠢ᠂ ᠦᠵᠦᠮᠦᠴᠢᠨᠴᠤᠳ ᠲᠠᠪᠤᠨ ᠦᠩᠭᠡ ᠶᠢ ᠬᠦᠬᠡ ᠲᠡᠭᠷᠢ᠂ ᠴᠠᠭᠠᠨ ᠡᠭᠦᠯᠡ᠂ | ᠤᠯᠠᠭᠠᠨ ᠭᠠᠯ᠂ ᠨᠤᠭᠤᠭᠠᠨ ᠤᠷᠭᠤᠮᠠᠯ᠂ ᠰᠢᠷᠠ ᠰᠢᠷᠤᠢ ︵ᠪᠦᠮᠪᠦᠷᠴᠡᠭ︶ ᠭᠡᠵᠦ ᠳᠠᠶᠢᠯᠪᠤᠷᠢᠯᠠᠳᠠᠭ᠃ ᠬᠦᠬᠡ | ᠦᠩᠭᠡ ᠶᠢ ᠳᠡᠭᠡᠷᠡ ᠳᠠᠯᠠ ᠳᠤ ᠭᠠᠷᠭᠠᠵᠦ᠂ ᠴᠠᠭᠠᠨ᠂ ᠤᠯᠠᠭᠠᠨ᠂ ᠰᠢᠷᠠ᠂ ᠨᠤᠭᠤᠭᠠᠨ ᠭᠡᠬᠦ ᠲᠠᠷᠠᠭᠠᠯᠠᠯ ᠢᠶᠠᠷ | ᠤᠩᠭᠠᠰᠤᠨ ᠤᠳᠠᠰᠤ ᠪᠠᠷ ᠰᠦᠪᠡᠯᠡᠨ ᠭᠤᠭᠴᠤᠭᠠ ᠭᠠᠷᠭᠠᠨ ᠬᠢᠳᠡᠭ ᠶᠤᠮ᠃ | ᠰᠡᠳᠡᠷ ᠬᠢᠬᠦ — ᠭᠠᠯ ᠳᠠᠬᠢᠯᠭᠠ ᠤᠨ ᠦᠶᠡ ᠳᠤ ᠮᠠᠯ ᠤᠩᠭᠤᠯᠠᠬᠤ ᠳᠤ ᠬᠡᠷᠡᠭᠯᠡᠳᠡᠭ ᠲᠠᠪᠤᠨ ᠦᠩᠭᠡ ᠶᠢᠨ | ᠪᠦᠰ ᠲᠤᠷᠭᠠ ᠪᠤᠶᠤ ᠲᠤᠷᠭᠠᠨ ᠤᠳᠠᠰᠤ ᠪᠠᠷ ᠬᠢᠭᠰᠡᠨ ᠰᠠᠯᠠᠮᠠᠭᠠ ᠡᠳ᠋᠂ ᠳᠠᠷᠤᠢ ᠵᠠᠯᠮᠠ ᠶᠢᠨ ᠨᠦᠭᠦᠭᠡ ᠨᠡᠷᠡᠶᠢᠳᠦᠯ | ᠪᠤᠯᠬᠤ ᠶᠤᠮ᠂ ᠦᠷᠭᠡᠨ ᠪᠠ ᠤᠷᠳᠦ ᠨᠢ ᠵᠠᠯᠮᠠ ᠲᠠᠢ ᠠᠳᠠᠯᠢ ᠪᠠᠶᠢᠵᠦ᠂ ᠰᠡᠳᠡᠷᠯᠡᠬᠦ ᠮᠠᠯ ᠢᠶᠠᠨ ᠦᠨᠳᠦᠰᠦᠯᠡᠨ | ᠬᠦᠵᠦᠪᠴᠢ ᠪᠤᠶᠤ ᠤᠶᠠᠭᠠᠨ ᠤ ᠪᠦᠴᠡ ᠭᠠᠷᠭᠠᠵᠦ ᠬᠢᠳᠡᠭ᠂ ᠦᠳᠡᠰᠢ ᠮᠠᠯ ᠢᠶᠠᠨ ᠰᠡᠳᠡᠷᠯᠡᠬᠦ ᠳᠡᠭᠡᠨ ᠭᠠᠯ ᠤᠨ | ᠰᠠᠩ ᠢᠶᠠᠷ ᠠᠷᠢᠭᠤᠯᠬᠤ ᠪᠠ ᠯᠠᠮᠠ ᠪᠠᠷ ᠷᠠᠪᠨᠠᠶᠢᠯᠠᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠰᠠᠶ᠋ᠢ ᠬᠡᠷᠡᠭᠯᠡᠳᠡᠭ᠃ | ᠲᠤᠯᠭᠠ ᠵᠠᠰᠠᠬᠤ — ᠭᠡᠷ ᠤᠨ ᠲᠦᠪ ᠲᠤᠮᠳᠠ ᠲᠤᠭᠤᠨᠤᠨ ᠤ ᠭᠤᠤᠯ ᠠᠰᠠᠯᠠᠭᠤᠯᠵᠦ ᠳᠠᠬᠢᠯᠭᠠ ᠶᠢᠨ | ᠤᠩᠭᠤᠨ ᠲᠤᠯᠭᠠ ᠪᠠᠨ ᠳᠡᠭᠰᠢ ᠰᠠᠶᠢᠬᠠᠨ ᠵᠠᠯᠠᠵᠦ ᠳᠠᠯᠪᠢᠭᠠᠳ ᠲᠤᠲᠤᠷᠠ ᠨᠢ ᠬᠦᠬᠡ ᠠᠷᠭᠠᠯ᠂ ᠬᠠᠶᠢᠯᠠᠰᠤ ᠪᠤᠶᠤ | ᠴᠠᠷᠠᠰᠤᠨ ᠮᠤᠳᠤᠨ ᠢ ᠬᠠᠭᠠᠯᠤᠨ ᠲᠦᠷᠪᠡᠯᠵᠢᠯᠡᠭᠦᠯᠦᠨ ᠵᠢᠷᠭᠢᠯᠡᠭᠰᠡᠨ ᠢᠶᠠᠨ ᠲᠦᠷᠪᠡᠨ ᠲᠤᠳᠤᠭᠤ ᠳᠤᠨᠢ ᠳᠠᠪᠤᠨ | ᠦᠩᠭᠡ ᠶᠢᠨ ᠪᠦᠰ ᠢᠶᠠᠷ ᠨᠠᠮᠠᠭᠠ ᠰᠠᠶᠢᠳᠠᠢ ᠳᠡᠷᠡᠰᠦ ᠪᠤᠶᠤ ᠵᠢᠩᠰᠡ ᠬᠤᠯᠤᠰᠤ ᠤᠷᠢᠶᠠᠨ ᠤᠶᠠᠵᠦ᠂ ᠲᠦᠷᠪᠡᠨ ᠳᠠᠯᠠ | ᠳᠤᠨᠢ ᠵᠠᠯᠮᠠ ᠬᠢᠵᠦ᠂ ᠰᠡᠭᠦᠯ ᠦᠭᠡᠬᠦ ᠪᠤᠶᠤ ᠰᠡᠮᠵᠢᠨ ᠦᠭᠡᠬᠦ ᠡᠯᠭᠦᠵᠦ ᠳᠠᠯᠪᠢᠬᠤ᠂ ᠬᠠᠰᠠᠭ ᠢ ᠨᠢ ᠦᠶᠡ | ᠰᠡᠭᠦᠯ ᠢᠶᠠᠷ ᠴᠢᠮᠡᠵᠦ ᠳᠠᠯᠪᠢᠨᠠ | ᠳᠠᠯᠠᠯᠭᠠ ᠠᠪᠬᠤ — ᠳᠠᠯᠠᠯᠭᠠ ᠠᠪᠬᠤ ᠪᠤᠯ ᠭᠡᠰᠢᠭ ᠪᠤᠶᠠᠨ ᠬᠤᠷᠢᠶᠠᠬᠤ ᠦᠢᠯᠡ ᠶᠤᠮ᠂ ᠡᠭᠦᠨ ᠳᠤ | ᠠᠭᠠᠷᠦ ᠮᠤᠳᠤᠨ ᠢᠶᠠᠷ ᠬᠢᠭᠰᠡᠨ ᠵᠢᠵᠢᠭ ᠳᠠᠯᠠᠯᠠᠭᠠᠨ ᠲᠦᠷᠦᠭᠡᠨ ᠳᠤ ᠪᠤᠳᠠᠭᠠ ᠰᠠᠴᠤᠵᠦ᠂ ᠱᠠᠭᠠᠨᠳᠦ᠂ ᠲᠦᠷᠪᠡᠨ | ᠦᠨᠳᠦᠷ ︵ᠬᠠᠪᠢᠰᠤ︶᠂ ᠭᠤᠳᠤᠩ ᠲᠠᠢ ᠰᠡᠭᠦᠯ᠂ ᠪᠢᠳᠡᠭᠦᠤ ᠬᠤᠰ᠂ ᠡᠪᠴᠢᠭᠦᠨ ᠭᠡᠷᠰᠡᠩ ᠪᠠ ᠬᠤᠷᠮᠤᠢ᠂ ᠬᠠᠳᠠᠭ | ᠳᠡᠷᠢᠭᠦᠳᠡᠨ ᠢ ᠬᠢᠵᠦ᠂ ᠬᠤᠨᠢᠨ ︵ᠬᠤᠷᠠᠭᠠ︶ ᠠᠷᠠᠰᠤ ᠪᠠᠷ ᠪᠦᠲᠦᠭᠡᠵᠦ ᠳᠠᠯᠪᠢᠨᠠ᠂ ᠬᠡᠷᠡᠭᠯᠡᠬᠦ ᠳᠡᠭᠡᠨ ᠤᠷᠢᠳᠠᠪᠡᠷ | ᠭᠠᠷ ᠢᠶᠠᠨ ᠤᠬᠢᠶᠠᠨ ᠴᠡᠪᠡᠷᠯᠡᠭᠰᠡᠨ ᠢᠶᠠᠨ ᠲᠦᠷᠦᠭᠡ ᠪᠠᠨ ᠭᠠᠷᠭᠠᠨ ᠠᠪᠴᠤ᠂ ᠠᠷᠴᠠ ᠬᠦᠵᠢ ᠪᠠᠷ ᠠᠷᠢᠭᠤᠯᠤᠨ᠂ | ᠠᠮᠰᠠᠷ ᠢ ᠨᠢ ᠰᠢᠷᠠ ᠴᠠᠭᠠᠨ ᠲᠤᠰᠤ ᠪᠠᠷ ᠮᠢᠯᠢᠶᠠᠳᠠᠭ ᠶᠤᠮ᠃ ᠭᠠᠯ ᠳᠠᠬᠢᠯᠭᠠ ᠶᠢᠨ ᠳᠠᠯᠠᠯᠭᠠ ᠶᠢ ᠭᠡᠷ ᠤᠨ ᠡᠵᠡᠭᠳᠡᠢ | ᠬᠦᠮᠦᠨ ᠬᠤᠷᠤᠶᠢᠯᠠᠨ ᠠᠪᠳᠠᠭ᠃ | ᠭᠡᠷ ᠦᠷᠦᠭᠡ ᠪᠠᠨ ᠴᠡᠪᠡᠷᠯᠡᠬᠦ — ᠭᠠᠯ ᠳᠠᠬᠢᠬᠤ ᠠᠴᠠ ᠡᠮᠦᠨᠡ ᠭᠠᠯ ᠤᠨ ᠲᠤᠭᠤᠰᠤ ᠭᠦᠪᠢᠬᠦ ᠪᠠᠷ | ᠰᠢᠷᠳᠡᠭ ᠳᠡᠪᠢᠰᠭᠡᠷ ᠢᠶᠠᠨ ᠭᠠᠷᠭᠠᠵᠦ᠂ ᠭᠡᠷ ᠤᠨ ᠪᠦᠷᠢᠶᠡᠰᠦ ᠪᠠᠨ ᠬᠠᠭᠤᠯᠤᠨ ᠤᠳᠤᠭᠠ ᠲᠤᠭᠤᠰᠤ ᠶᠢ ᠨᠢ | ᠰᠡᠭᠰᠤᠷᠴᠤ᠂ ᠲᠤᠭᠤᠨᠤ ᠬᠠᠨᠠ ᠶᠢᠨ ᠬᠦ᠋ ᠪᠤᠷᠲᠤᠭ ᠢ ᠠᠷᠢᠯᠭᠠᠵᠦ ᠭᠡᠷ ᠤᠷᠤᠨ ᠢᠶᠠᠨ ᠲᠦᠪᠬᠢᠨᠡᠭᠦᠯᠦᠨ ᠵᠠᠰᠠᠵᠦ | ᠪᠠᠷᠢᠳᠠᠭ᠂ ᠭᠡᠷ ᠲᠤᠳᠤᠷᠠᠬᠢ ᠪᠤᠷᠬᠠᠨ ᠤ ᠭᠦᠩᠭᠠᠷᠪᠠ᠂ ᠠᠪᠳᠠᠷᠠ᠂ ᠬᠤᠷᠭᠤ ᠡᠷᠭᠢᠨᠡᠭ ᠪᠠᠨ ᠵᠦᠯᠭᠦᠵᠦ᠂ ᠲᠤᠭᠤᠭᠠ | ᠰᠢᠨᠠᠭᠠ ᠠᠶᠠᠭᠠ ᠰᠠᠪᠠᠬᠠ ᠪᠠᠨ ᠤᠬᠢᠶᠠᠨ᠂ ᠠᠷᠴᠠ ᠬᠦᠵᠢ ᠪᠠᠷ ᠠᠷᠢᠭᠤᠯᠤᠨ ᠳᠠᠯᠪᠢᠳᠠᠭ᠂ ᠪᠠᠰᠠ ᠭᠡᠷ ᠤᠨ ᠤᠶᠢᠷᠠ | ᠬᠠᠪᠢ ᠶᠢᠨ ᠬᠤᠭ ᠨᠤᠪᠰᠢ ᠪᠠᠨ ᠴᠤ ᠴᠡᠪᠡᠷᠯᠡᠨ ᠳᠠᠯᠪᠢᠳᠠᠭ ᠤᠴᠢᠷ ᠲᠠᠢ᠃ | ᠬᠤᠪᠴᠠᠰᠤ ᠵᠠᠰᠠᠯ ᠡᠮᠦᠰᠬᠦ — ᠭᠠᠯ ᠰᠢᠳᠦᠭᠡᠨ ᠢᠶᠠᠨ ᠬᠦᠨᠳᠦᠳᠭᠡᠵᠦ᠂ ᠬᠦᠮᠦᠰ ᠰᠢᠨᠡ ᠰᠠᠶᠢᠬᠠᠨ | ᠪᠦᠭᠡᠳ ᠬᠦᠨᠳᠦᠳᠭᠡᠯ ᠤᠨ ᠶᠤᠰᠤᠨ ᠤ ᠬᠤᠪᠴᠠᠰᠤ ᠪᠠᠨ ᠭᠠᠯ ᠳᠠᠬᠢᠯᠭᠠ ᠤᠨ ᠡᠳᠦᠷ ᠡᠮᠦᠰᠳᠡᠭ᠂ ᠲᠦᠷᠦ | ᠶᠣᠰᠤᠨ ᠤ ᠬᠤᠪᠴᠠᠰᠤ ᠲᠠᠢ ᠡᠷᠡᠭᠳᠡᠶᠢᠴᠤᠳ ᠨᠢ ᠵᠢᠩᠰᠡᠳᠦ ᠮᠠᠯᠠᠭᠠᠢ ᠪᠤᠶᠤ ᠤᠷᠤᠢ ᠮᠠᠯᠠᠭᠠᠢ ᠪᠠᠨ ᠳᠠᠯᠪᠢᠵᠦ᠂ ᠭᠡᠳᠡ | ᠲᠤᠬᠤ ᠪᠠᠨ ᠵᠡᠭᠦᠵᠦ᠂ ᠬᠠᠷᠠ ᠬᠤᠷᠠᠭᠠᠨ ᠬᠦᠷᠮᠡ ᠡᠮᠦᠰᠴᠤ ᠪᠠᠶᠢᠳᠠᠭ ᠪᠠ ᠡᠬᠡᠨᠡᠷ ᠬᠦᠮᠦᠨ ᠪᠤᠯ ᠤᠤᠵᠠᠢ ᠪᠠᠨ | ᠡᠮᠦᠰᠴᠤ᠂ ᠵᠢᠨᠳᠠᠭᠠᠷ ᠮᠠᠯᠠᠭᠠᠢ ᠱᠢᠷᠦ ᠮᠦᠩᠭᠦᠨ ᠵᠠᠰᠠᠯ ᠲᠠᠢ ᠳᠠᠳᠠᠭᠤᠷᠢ ᠪᠠᠨ ᠳᠠᠯᠪᠢᠵᠦ ᠴᠢᠮᠡᠭᠯᠡᠳᠡᠭ᠂ ᠬᠡᠤᠬᠡᠨᠴᠤᠳ | ᠨᠢ ᠦᠰᠦ ᠵᠢᠰᠦ ᠪᠠᠨ ᠵᠠᠰᠠᠵᠦ᠂ ᠮᠦᠩᠭᠦ ᠱᠢᠷᠦᠨ ᠴᠢᠮᠡᠭᠯᠡᠯ ᠲᠠᠢ ᠠᠷᠤᠨ ᠤ ᠠᠮᠠᠳᠠᠢ ᠬᠡᠮᠡᠭᠴᠢ ᠦᠰᠦᠨ ᠤ ᠵᠠᠰᠠᠯ | ᠪᠠ ᠪᠤᠷᠬᠠᠨ ᠭᠤᠤ ᠬᠡᠮᠡᠭᠴᠢ ᠬᠦᠵᠦᠭᠦᠨ ᠤ ᠵᠠᠰᠠᠯ ᠢᠶᠠᠨ ᠵᠡᠭᠦᠳᠡᠭ᠂ ᠡᠭᠦᠨ ᠤ ᠳᠠᠭᠠᠤ ᠪᠦᠰᠡᠭᠦᠶᠢᠴᠤᠳ ᠠᠯᠳᠠ | ᠮᠦᠩᠭᠦ ᠱᠢᠷᠦ ᠰᠤᠪᠤᠳ ᠢᠶᠠᠷ ᠬᠢᠭᠰᠡᠨ ᠡᠭᠡᠮᠡᠭ ᠢᠶᠠᠷ ᠴᠢᠬᠢᠨ ᠤ ᠵᠠᠰᠠᠯ ᠬᠢᠳᠡᠭ᠂ ᠬᠡᠤᠬᠡᠳ ᠤᠳ ᠰᠢᠨᠡ ᠬᠤᠪᠴᠠᠰᠤ | ᠡᠮᠦᠰᠬᠦ ᠪᠠ ᠲᠤᠬᠤ ᠲᠠᠢ ᠬᠡᠤᠬᠡᠳ ᠦᠰᠦᠨ ᠳᠡᠭᠡᠨ ᠵᠢᠵᠢᠭ ᠮᠦᠩᠭᠦ ᠱᠢᠷᠦᠨ ᠤᠨᠵᠢᠯᠠᠭᠠ ᠳᠡᠭᠦᠵᠢᠯᠡᠳᠡᠭ ᠶᠤᠮ᠃ | ᠮᠠᠯ ᠰᠡᠳᠡᠷᠯᠡᠬᠦ ᠪᠠ ᠠᠷᠢᠭᠤᠯᠬᠤ — ᠤᠯᠠᠩᠬᠢ ᠠᠶᠢᠯ ᠡᠷᠦᠬᠡ ᠭᠠᠯ ᠳᠠᠭᠠᠨ ᠮᠠᠯ ᠰᠡᠳᠡᠷᠯᠡᠨ ᠤᠩᠭᠤᠯᠠᠳᠠᠭ | ᠂ ᠡᠨᠡ ᠨᠢ ᠭᠠᠯ ᠤᠨ ᠪᠤᠷᠬᠠᠨ ᠳᠤ ᠮᠠᠯ ᠬᠦᠷᠦᠩᠭᠡ ᠡᠷᠭᠦᠵᠦ ᠪᠠᠶᠢᠬᠤ ᠤᠬᠠᠭᠠᠨ ᠲᠠᠢ ᠶᠤᠮ᠂ ᠭᠠᠯ ᠤᠨ ᠪᠤᠷᠬᠠᠨ ᠤ | ᠮᠠᠯ ᠨᠢ ᠰᠦᠷᠦᠭ ᠲᠤ ᠪᠠᠶᠢᠬᠤ ᠲᠤᠯᠠ ᠮᠠᠯ ᠰᠦᠷᠦᠭ ᠲᠤ ᠡᠪᠡᠳᠴᠢᠨ ᠬᠢᠵᠢᠭ᠂ ᠬᠤᠤᠷᠯᠠᠯ ᠰᠦᠢᠳᠦᠯ ᠳᠤ | ᠤᠴᠠᠷᠠᠬᠤ ᠦᠭᠡᠢ ᠭᠡᠵᠦ ᠦᠵᠡᠳᠡᠭ᠂ ᠭᠠᠯᠠᠶᠢᠬᠠᠨ ᠡᠬᠡ ᠶᠢᠨ ᠤᠨᠤᠭᠠ ᠪᠤᠯ ᠤᠯᠠᠭᠠᠨ ᠢᠮᠠᠭᠠ ᠪᠠᠶᠢᠳᠠᠭ ᠠᠴᠠ | ᠤᠯᠠᠩᠬᠢ ᠳᠠᠭᠠᠨ ᠤᠯᠠᠭᠠᠨ ᠤᠷᠤᠭ ᠢᠮᠠᠭᠠ ᠰᠡᠳᠡᠷᠯᠡᠵᠦ ᠳᠠᠯᠪᠢᠳᠠᠭ᠂ ᠤᠯᠠᠭᠠᠨ ᠢᠮᠠᠭᠠ ᠦᠭᠡᠢ ᠪᠤᠯ ᠲᠠᠪᠤᠨ | ᠬᠤᠰᠢᠭᠤ ᠮᠠᠯ ᠤᠨ ᠢᠶᠠᠨ ᠰᠤᠷᠭᠤᠭ ᠳᠡᠭᠰᠢ ᠰᠠᠶᠢᠬᠠᠨ ᠪᠡᠶᠡ ᠲᠠᠢ ᠠᠴᠠ ᠨᠢ ᠰᠢᠯᠢᠵᠦ ᠰᠡᠳᠡᠷᠯᠡᠨ ᠳᠠᠯᠪᠢᠳᠠᠭ᠃ | ᠭᠠᠯ ᠳᠠᠬᠢᠯᠭᠠ ᠶᠢᠨ ᠶᠤᠰᠤᠨ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠤᠩᠭᠤᠯᠠᠭᠰᠠᠨ ᠮᠠᠯ ᠢᠶᠠᠨ ᠰᠦᠷᠦᠭ ᠲᠡᠭᠡᠨ ᠨᠡᠶᠢᠯᠡᠭᠦᠯᠦᠨ | ᠳᠠᠯᠪᠢᠬᠤ ᠪᠦᠭᠡᠳ ᠠᠷᠢᠭᠤᠯᠭᠠ ᠶᠢᠨ ᠰᠠᠪᠠᠨ ᠳᠤ ᠨᠤᠷᠤᠮ ᠬᠢᠵᠦ ᠳᠡᠭᠡᠷᠡ ᠨᠢ ᠬᠠᠲᠠᠭᠠᠨ ᠬᠠᠳᠠᠭᠠᠯᠠᠭᠰᠠᠨ ᠠᠭᠢ | ᠪᠤᠶᠤ ᠭᠠᠩᠭᠠ ᠡᠪᠡᠰᠦ᠂ ᠠᠷᠴᠠ ᠤᠲᠤᠯᠭᠠ ᠶᠢᠨ ᠵᠦᠢᠯᠳᠡ ᠶᠢ ᠤᠩᠭᠤᠳᠤᠭᠤᠯᠤᠭᠰᠠᠨ ᠢᠶᠠᠨ ᠬᠤᠳᠠᠨ ᠳᠠᠬᠢ ᠮᠠᠯ | ᠰᠦᠷᠦᠭ ᠢᠶᠠᠨ ᠰᠠᠯᠬᠢᠨ ᠳᠡᠭᠡᠷᠡ ᠳᠠᠯᠠ ᠳᠤᠨᠢ ᠳᠠᠯᠪᠢᠵᠦ ᠤᠲᠤᠵᠦ ᠠᠷᠢᠭᠤᠯᠤᠨᠠ᠂ ᠡᠨᠡ ᠨᠢ ᠠᠯᠢᠪᠠ ᠪᠤᠵᠠᠷ | ᠪᠤᠷᠲᠤᠭ ᠬᠤᠤᠷᠯᠠᠯ ᠢ ᠬᠦᠭᠡᠭᠡᠵᠦ᠂ ᠡᠪᠡᠳᠴᠢᠨ ᠬᠢᠵᠢᠭ ᠢ ᠰᠡᠷᠭᠡᠶᠢᠯᠡᠬᠦ ᠤᠬᠠᠭᠠᠨ ᠲᠠᠢ ᠪᠠᠶᠢᠳᠠᠭ᠃ | ᠤᠭᠤᠴᠠ ᠵᠠᠰᠠᠬᠤ ᠪᠠ ᠬᠠᠰᠢᠬᠤ — ᠬᠤᠨᠢᠨ ᠤᠭᠤᠴᠠ ᠪᠤᠯ ᠪᠦᠬᠦᠯᠢ ᠰᠢᠭᠦᠰᠦᠨ ᠤ ᠳᠠᠷᠠᠭᠠ ᠤᠷᠤᠬᠤ | ᠬᠦᠨᠳᠦᠳᠭᠡᠯ ᠤᠨ ᠢᠳᠡᠭᠡᠨ ᠤ ᠲᠦᠷᠦᠯ ᠵᠦᠢᠯ ᠪᠤᠯᠤᠨᠠ᠂ ᠤᠭᠤᠴᠠ ᠵᠠᠰᠠᠬᠤ ︵ᠳᠠᠪᠠᠭᠯᠠᠬᠤ︶ ᠳᠤ ᠮᠢᠬᠠ ᠪᠠᠨ | ᠴᠢᠨᠠᠵᠦ ᠪᠤᠯᠭᠤᠭᠰᠠᠨ ᠢᠶᠠᠨ ᠫᠢᠯᠡᠨ ᠳᠠᠭᠠᠨ ᠬᠤᠶᠠᠷ ᠬᠠ ᠬᠤᠶᠠᠷ ᠭᠤᠶᠠ ᠶᠢ ᠨᠠᠷᠢᠨ ᠳᠠᠯᠠ ᠪᠠᠷ ᠨᠢ ᠳᠡᠭᠡᠭᠰᠢ | ᠬᠠᠳᠤᠭᠤᠯᠤᠨ ᠳᠠᠯᠪᠢᠵᠦ᠂ ᠬᠦᠵᠦᠭᠦᠤ ᠰᠡᠭᠡᠷ ᠶᠢ ᠨᠢ ᠳᠡᠷᠡᠯᠡᠭᠦᠯᠦᠨ ᠡᠪᠴᠢᠭᠦᠤ ︵ᠡᠪᠴᠢᠭᠦᠤ ᠶᠢᠨ ᠪᠦᠳᠦᠷᠬᠡᠢ ᠶᠢ | ᠨᠢ ᠨᠤᠭᠤᠯᠵᠦ ᠠᠪᠤᠨᠠ︶ ᠪᠠᠨ ᠬᠤᠩᠬᠤᠷ ᠳᠠᠯᠠ ᠶᠢ ᠨᠢ ᠲᠡᠭᠡᠭᠰᠢ ᠬᠠᠳᠤᠭᠤᠯᠤᠨ ᠳᠠᠯᠪᠢᠭᠰᠠᠨ ᠢᠶᠠᠨ ᠤᠭᠤᠴᠠ ᠪᠠᠨ | ᠳᠡᠭᠡᠷᠡ ᠨᠢ ᠬᠦᠮᠦᠷᠢᠵᠦ ᠳᠠᠯᠪᠢᠨᠠ᠂ ᠤᠭᠤᠴᠠᠨ ᠤ ᠳᠡᠭᠡᠷᠡ ᠨᠢ ᠬᠤᠶᠢᠬᠠᠯᠠᠨ ᠪᠤᠯᠭᠤᠭᠰᠠᠨ ᠬᠤᠨᠢᠨ ᠲᠤᠯᠤᠭᠠᠢ ᠪᠠᠨ | ᠮᠠᠩᠨᠠᠢ ᠶᠢ ᠨᠢ ᠴᠠᠭᠠᠨ ᠰᠢᠷᠠ ᠲᠤᠰᠤ ᠪᠠᠷ ᠮᠢᠯᠢᠶᠠᠵᠦ ᠳᠠᠯᠪᠢᠨᠠ᠂ ᠳᠠᠪᠠᠭᠯᠠᠬᠤ ᠳᠠᠭᠠᠨ ᠤᠭᠤᠴᠠᠨ ᠤ ᠨᠢᠷᠤᠭᠤᠨ | ᠦᠵᠦᠭᠦᠷ ᠪᠠ ᠲᠤᠯᠤᠭᠠᠢ ᠶᠢᠨ ᠬᠤᠩᠰᠢᠶᠠᠷ ᠳᠠᠯᠠ ᠶᠢ ᠬᠦᠵᠦᠭᠦᠤ ᠰᠡᠭᠡᠷ ᠤᠨ ᠳᠠᠯᠠ ᠵᠦᠭ ᠬᠠᠨᠳᠤᠭᠤᠯᠵᠦ ᠳᠠᠯᠪᠢᠬᠤ | ᠤᠴᠢᠷᠳᠠᠢ᠂ ᠳᠡᠭᠡᠷᠡᠬᠢ ᠪᠤᠯ ᠪᠦᠬᠦᠯᠢ ᠤᠭᠤᠴᠠᠨ ᠤ ᠬᠡᠯᠪᠡᠷᠢ ᠮᠠᠶ᠋ᠢᠭ ᠪᠤᠯᠤᠨᠠ᠃ ᠤᠭᠤᠴᠠ ᠬᠠᠰᠢᠬᠤ ᠳᠤ | ᠤᠭᠤᠴᠠ ᠬᠦᠨᠳᠡᠭᠴᠢ ᠠᠴᠠ ᠤᠷᠢᠳᠠᠪᠡᠷ ᠴᠠᠭᠠᠨ ᠢᠳᠡᠭᠡᠨ ᠠᠴᠠ ᠲᠡᠭᠷᠢ ᠪᠠ ᠭᠠᠯ ᠪᠤᠷᠬᠠᠨ ᠳᠤ ᠡᠷᠭᠦᠵᠦ᠂ | ᠰᠢᠭᠦᠰᠦᠨ ᠲᠤᠯᠤᠭᠠᠢ ᠶᠢᠨ ᠮᠠᠩᠨᠠᠢ ᠶᠢ ᠬᠢᠳᠤᠭᠠ ᠪᠠᠷ ᠲᠤᠨᠤᠯᠵᠢᠨ ᠵᠦᠰᠦᠵᠦ ᠬᠦᠨᠳᠡᠨᠡ᠂ ᠡᠨᠡ ᠨᠢ ᠮᠠᠯ ᠤᠨ | ᠦᠷᠡᠵᠢᠨ ᠲᠦᠯᠵᠢᠬᠦ ᠶᠢ ᠪᠡᠯᠭᠡᠳᠡᠭᠰᠡᠨ ᠤᠬᠠᠭᠠᠨ ᠲᠠᠢ᠃ ᠬᠦᠨᠳᠡᠭᠰᠡᠨ ᠲᠤᠯᠤᠭᠠᠢ ︵ᠰᠢᠨᠡ ᠶᠢᠨ ᠨᠢᠭᠡᠨ ᠤ | ᠲᠡᠭᠷᠢ ᠳᠤ ᠮᠦᠷᠭᠦᠭᠦ ᠳᠤ ᠬᠡᠷᠡᠭᠯᠡᠨᠡ︶ ᠪᠠᠨ ᠲᠤᠰᠬᠠᠢ ᠵᠢᠵᠢᠭ ᠫᠢᠯᠡᠨ ᠳᠤ ᠪᠤᠷᠬᠠᠨ ᠤ ᠠᠪᠳᠡᠷᠠ ᠳᠡᠭᠡᠷᠡ ᠳᠡᠯᠪᠢᠨᠠ᠂ | ᠤᠭᠤᠴᠠ ᠬᠠᠰᠢᠬᠤ ᠳᠠᠭᠠᠨ ᠤᠭᠤᠴᠠ ᠶᠢᠨ ᠭᠤᠤᠯ ᠳᠤ ᠮᠦᠨ ᠲᠤᠨᠤᠯᠵᠢᠨ ᠵᠦᠰᠦᠵᠦ ᠳᠡᠮᠳᠡᠭᠯᠡᠭᠰᠡᠨ ᠢᠶᠠᠨ ᠭᠠᠯ ᠤᠨ | ᠪᠤᠷᠬᠠᠨ ᠳᠤ ᠳᠡᠭᠡᠵᠢ ᠶᠢ ᠨᠢ ᠡᠷᠭᠦᠵᠦ ᠳᠠᠷᠠᠭᠠ ᠨᠢ ᠬᠤᠶᠠᠷ ᠬᠠᠵᠠᠭᠤ ᠪᠠ ᠰᠡᠭᠦᠯ ᠠᠴᠠ ᠨᠢ ᠬᠠᠰᠢᠵᠦ ᠵᠦᠰᠦᠭᠡᠳ | ᠰᠤᠯᠪᠢᠴᠠᠭᠤᠯᠤᠨ ᠳᠠᠯᠪᠢᠵᠦ᠂ ᠤᠯᠠᠨ ᠳᠤ ᠭᠡᠰᠢᠭ ᠲᠦᠭᠡᠭᠡᠨᠡ᠃ | ᠭᠠᠯ ᠤᠨ ᠴᠡᠭᠡᠷ ᠶᠤᠰᠤᠨ — ᠦᠵᠦᠮᠦᠴᠢᠨᠴᠤᠳ᠂ ᠭᠠᠯ ᠲᠤᠯᠭᠠ ᠪᠠᠨ ᠠᠶᠢᠯ ᠭᠡᠷ ᠤᠨ ᠠᠮᠢᠨ ᠰᠦᠨᠡᠰᠤ | ᠪᠦᠭᠡᠳ ᠬᠠᠮᠤᠭ ᠴᠡᠪᠡᠷ ᠠᠷᠢᠭᠤᠨ᠂ ᠬᠦᠴᠦᠨ ᠴᠢᠳᠠᠯ ᠲᠠᠢ᠂ ᠢᠳᠡ ᠰᠢᠳᠢ ᠲᠠᠢ᠂ ᠦᠭᠡᠳᠡᠯᠡᠨ ᠳᠡᠭᠵᠢᠷᠡᠬᠦ ᠶᠢᠨ | ᠪᠡᠯᠭᠡ ᠳᠡᠮᠳᠡᠭ ᠢᠶᠠᠷ ᠦᠵᠡᠳᠡᠭ᠂ ᠡᠶᠢᠮᠦ ᠠᠴᠠ ᠭᠠᠯ ᠢᠶᠠᠨ ᠬᠦᠨᠳᠦᠯᠡᠨ ᠳᠡᠭᠡᠳᠦᠯᠡᠵᠦ᠂ ᠠᠶᠤᠵᠦ ᠪᠢᠰᠢᠷᠡᠨ᠂ | ᠦᠢᠯᠡ ᠠᠵᠢᠯᠯᠠᠭᠠ ᠪᠠᠨ ᠬᠢᠮᠭᠠᠳᠠᠵᠦ ᠬᠠᠮᠢᠶᠠᠷᠴᠤ ᠤᠯᠠᠨ ᠴᠡᠭᠡᠷ ᠶᠤᠰᠤᠨ ᠲᠠᠢ ᠪᠠᠶᠢᠳᠠᠭ᠃ ᠭᠠᠯ ᠭᠤᠯᠤᠮᠳᠠ | ᠪᠤᠯᠬᠤ — ᠲᠤᠯᠭᠠ ᠨᠤᠷᠤᠮ ᠳᠡᠭᠡᠭᠦᠷ ᠠᠯᠬᠤᠨ ᠭᠠᠷᠴᠤ ᠪᠤᠯᠬᠤ ᠦᠭᠡᠢ᠂ ᠭᠠᠯ ᠵᠦᠭ ᠬᠢᠳᠤᠭᠠ ᠰᠢᠪᠦᠭᠡ ᠶᠢᠨ | ᠦᠵᠦᠭᠦᠷ ᠬᠠᠨᠳᠤᠭᠤᠯᠵᠦ ᠪᠤᠯᠬᠤ ᠦᠭᠡᠢ᠂ ᠤᠩᠭᠤᠨ ᠲᠤᠯᠭᠠ ᠳᠤ ᠬᠦᠯ ᠡᠭᠡᠭᠡᠵᠦ ᠪᠤᠯᠬᠤ ᠦᠭᠡᠢ᠂ ᠭᠠᠯ ᠢ | ᠬᠠᠷᠢᠶᠠᠵᠦ ᠮᠠᠭᠤᠯᠠᠵᠦ ᠪᠤᠯᠬᠤ ᠦᠭᠡᠢ ᠭᠡᠬᠦ ᠪᠦᠭᠡᠳ ᠪᠠᠰᠠ ᠭᠠᠯ ᠳᠤ ᠪᠤᠵᠡᠷ ᠪᠤᠷᠳᠠᠭ ᠶᠠᠭᠤᠮᠠ ᠤᠷᠤᠬᠤ ᠠᠴᠠ | ᠬᠢᠴᠢᠶᠡᠬᠦ ᠴᠢᠬᠤᠯᠠ ᠲᠠᠢ ᠪᠠᠶᠢᠳᠠᠭ᠂ ᠡᠭᠦᠨ ᠳᠤ ᠨᠤᠬᠠᠢ ᠰᠢᠪᠠᠭᠤᠨ ᠵᠡᠷᠭᠡ ᠡᠯᠳᠡᠪ ᠠᠮᠢᠳᠠᠨ ᠤ ᠪᠠᠭᠠᠰᠤ ᠰᠢᠭᠡᠰᠦᠨ | ᠪᠠ ᠭᠠᠷ ᠬᠦᠯ ᠤᠨ ᠬᠢᠮᠤᠰᠤ ᠤᠷᠤᠬᠤ ᠶᠢ ᠴᠢᠩᠭᠠ ᠴᠡᠭᠡᠷᠯᠡᠳᠡᠭ᠂ ᠮᠦᠨᠴᠤ ᠨᠢᠰᠦ ᠨᠢᠯᠪᠤᠰᠤ ᠪᠤᠶᠤ ᠬᠦᠩᠭᠡᠵᠢᠭᠰᠡᠨ | ᠡᠮᠡᠭᠳᠡᠢ ᠶᠢᠨ ᠭᠠᠯ ᠳᠤ ᠤᠶᠢᠷᠠᠲᠤᠬᠤ᠂ ᠭᠠᠯ ᠳᠤ ᠰᠦ ᠲᠤᠰᠤᠭᠠᠬᠤ᠂ ᠤᠰᠤ ᠤᠷᠤᠬᠤ᠂ ᠭᠠᠯ ᠤᠨ ᠳᠡᠭᠡᠭᠦᠷ ᠪᠤᠵᠠᠷ | ᠶᠠᠭᠤᠮᠡᠰ ᠡᠷᠭᠢᠭᠦᠯᠬᠦ ᠶᠢ ᠴᠣ᠋ ᠴᠡᠭᠡᠷᠯᠡᠨᠡ᠂ ᠬᠡᠷᠪᠡ ᠭᠠᠯ ᠪᠤᠵᠠᠷᠳᠠᠪᠠᠯ ᠡᠪᠡᠳᠴᠢᠨ ᠳᠠᠬᠤᠯ ᠳᠡᠯᠭᠡᠷᠡᠨᠡ ᠭᠡᠳᠡᠭ᠂ ᠭᠠᠯ | ᠳᠠᠬᠢᠯᠭᠠ ᠶᠢᠨ ᠭᠤᠷᠪᠠᠨ ᠬᠤᠨᠤᠭ ᠲᠤ ᠮᠠᠯ ᠪᠤᠳᠠᠰ ᠭᠠᠷᠭᠠᠵᠦ ᠪᠤᠯᠬᠤ ᠦᠭᠡᠢ᠂ ᠬᠡᠷᠪᠡ ᠭᠠᠷᠭᠠᠪᠠᠯ ᠪᠤᠶᠠᠨ ᠭᠡᠰᠢᠭ | ᠨᠢᠮᠭᠡᠷᠡᠨᠡ ᠭᠡᠳᠡᠭ ᠶᠤᠮ᠃ | ᠭᠠᠯ ᠳᠠᠬᠢᠬᠤ ᠶᠢᠨ ᠶᠤᠰᠤᠨ ᠪᠠ ᠶᠠᠪᠤᠴᠠ — ᠭᠠᠯ ᠳᠠᠬᠢᠯᠭᠠ ᠶᠢᠨ ᠤᠷᠤᠢ᠂ ᠤᠭᠳᠠᠷᠭᠤᠢ ᠶᠢᠨ ᠤᠳᠤᠳ | ᠲᠦᠭᠡᠵᠦ᠂ ᠤᠯᠠᠨ ᠮᠠᠯ ᠰᠦᠷᠦᠭ ᠢᠶᠠᠨ ᠬᠤᠳᠠᠯᠠᠭᠰᠠᠨ ᠤ ᠳᠠᠷᠠᠭᠠ᠂ ᠭᠡᠷ ᠤᠨ ᠬᠦᠮᠦᠰ ᠪᠦᠭᠦᠳᠡᠭᠡᠷ ᠶᠣᠰᠤᠨ ᠤ | ᠬᠤᠪᠴᠠᠰᠦ ᠵᠠᠰᠠᠯ ᠢᠶᠠᠨ ᠡᠮᠦᠰᠴᠦ᠂ ᠭᠠᠯ ᠳᠤ ᠡᠷᠭᠦᠬᠦ ᠵᠦᠢᠯᠳᠡ ᠪᠠᠨ ᠪᠡᠯᠡᠨ ᠪᠤᠯᠭᠠᠭᠰᠠᠨ ᠢᠶᠠᠨ ᠭᠠᠯ ᠲᠤᠯᠭᠠ ᠪᠠᠨ | ᠲᠤᠭᠤᠷᠢᠨ ᠰᠠᠭᠤᠵᠠᠭᠠᠵᠦ᠂ ᠳᠠᠬᠢᠯᠭᠠ ᠪᠠᠨ ᠬᠦᠯᠢᠶᠠᠨᠠ᠂ ᠭᠡᠷ ᠤᠨ ᠡᠵᠡᠨ ︵ᠳᠠᠬᠢᠯᠭᠠ ᠶᠢᠨ ᠯᠠᠮᠠ︶ ᠠᠴᠠ ᠭᠠᠯ | ᠪᠤᠷᠬᠠᠨ ᠳᠠᠭᠠᠨ ᠵᠤᠯᠠ ᠪᠠᠨ ᠠᠰᠠᠭᠠᠵᠦ᠂ ᠬᠦᠵᠢ ᠰᠠᠩ ᠢᠶᠠᠨ ᠤᠩᠭᠤᠳᠤᠭᠤᠯᠤᠨ ᠡᠷᠭᠦᠭᠰᠡᠨ ᠢᠶᠠᠨ ᠭᠡᠷ ᠤᠨ ᠡᠵᠡᠨ | ᠪᠤᠯᠤᠨ ᠡᠵᠡᠭᠳᠡᠢ ᠠᠴᠠ ᠭᠠᠯ ᠢᠶᠠᠨ ᠨᠤᠴᠤᠭᠠᠨ᠂ ᠭᠦᠭᠵᠢᠭᠡᠨ ᠲᠦᠷᠡᠯᠵᠢᠭᠦᠯᠦᠨᠡ᠂ ᠭᠡᠷ ᠤᠨ ᠡᠵᠡᠨ ᠲᠤᠯᠭᠠ ᠶᠢᠨ | ᠡᠮᠦᠨᠡ ᠳᠡᠪᠢᠰᠦᠭᠰᠡᠨ ᠳᠡᠪᠠᠯᠠᠭ ᠳᠡᠭᠡᠷᠡ ᠴᠤᠮᠴᠣᠶᠢᠨ ᠰᠠᠭᠤᠵᠦ᠂ ᠭᠠᠯ ᠳᠠᠬᠢᠯᠭᠠ ᠶᠢᠨ ᠰᠠᠩ ᠢᠶᠠᠨ ᠡᠬᠢᠯᠡᠭᠦᠯᠦᠨ | ᠤᠩᠰᠢᠵᠦ᠄ | ︿︿ᠤᠮ ᠰᠠᠶᠢᠨ ᠠᠮᠤᠭᠤᠯᠠᠩ ᠪᠤᠯᠳᠤᠭᠠᠢ | ᠡᠩᠬᠡ ᠰᠠᠶᠢᠨ ᠵᠢᠷᠭᠠᠯᠠᠩ ᠪᠤᠯᠲᠤᠭᠠᠢ | ᠳᠡᠭᠡᠷᠡ ᠮᠦᠩᠬᠡ ᠲᠡᠭᠷᠢ ᠶᠢ | ᠳᠡᠪᠰᠢ ᠶᠢᠨ ᠴᠢᠨᠡᠭᠡ ᠪᠦᠬᠦᠢ ᠠᠴᠠ | ᠲᠤᠤᠷᠠ ᠡᠳᠦᠭᠡᠨ ᠳᠡᠯᠡᠬᠡᠢ ᠶᠢ | ᠦᠯᠮᠡᠢ ᠶᠢᠨ ᠲᠡᠳᠦᠢ ᠪᠦᠬᠦᠢ ᠠᠴᠠ | ᠰᠦᠮᠪᠦᠷ ᠶᠡᠭᠡ ᠠᠭᠤᠯᠠ ᠶᠢ ᠲᠤᠪᠤ ᠲᠡᠳᠦᠢ ᠪᠦᠬᠦᠢ ᠠᠴᠠ | ᠰᠦᠨ ᠶᠡᠭᠡ ᠳᠠᠯᠠᠢ ᠶᠢ ᠱᠠᠯᠪᠠᠭ ᠲᠡᠳᠦᠢ ᠪᠦᠬᠦᠢ ᠠᠴᠠ | ᠡᠭᠦᠷᠢᠳᠡ ᠶᠢᠨ ᠰᠦᠷᠳᠦ | ᠡᠭᠦᠳᠦᠨ ᠵᠠᠶᠠᠭᠠᠭᠰᠠᠨ ᠭᠠᠯ ᠭᠠᠯᠠᠶᠢᠬᠠᠨ ᠡᠬᠡ ᠳᠡᠭᠡᠨ | ᠡᠪᠴᠢᠭᠦᠤ ᠲᠡᠷᠢᠭᠦᠳᠡᠨ ᠢ ᠡᠷᠭᠦᠨᠡᠮ | ᠡᠰᠦᠭ ᠲᠠᠷᠠᠰᠤᠨ ᠢ ᠲᠤᠰᠤᠭᠠᠨᠠᠮ | ᠦᠭᠡᠳᠡ ᠲᠠᠢ ᠦᠵᠡᠰᠭᠦᠯᠡᠩ ᠴᠢᠷᠠᠢ ᠪᠠᠷ | ᠦᠷᠨᠢᠨ ᠪᠠᠶᠠᠰᠬᠤ ᠪᠤᠯᠳᠤᠭᠠᠢ᠂ ᠬᠤᠷᠤᠢ︕ ᠬᠤᠷᠤᠢ︕ ᠬᠤᠷᠤᠢ︕﹀﹀ ᠭᠡᠵᠦ | ᠢᠷᠦᠭᠡᠭᠰᠡᠨ ᠢᠶᠠᠨ ᠭᠡᠷ ᠤᠨ ᠡᠵᠡᠨ ᠪᠤᠰᠴᠤ᠂ ᠳᠠᠪᠠᠭᠯᠠᠭᠰᠠᠨ ᠳᠠᠬᠢᠯᠭᠠ ᠶᠢᠨ ᠬᠤᠨᠢᠨ ᠡᠪᠴᠢᠭᠦᠤ ᠳᠡᠷᠢᠭᠦᠳᠡᠨ ᠢᠶᠠᠨ | ᠬᠢᠴᠢᠶᠡᠩᠭᠦᠶᠢᠯᠡᠨ ᠭᠠᠯ ᠳᠠᠭᠠᠨ ᠡᠷᠭᠦᠭᠰᠡᠨ ᠢᠶᠠᠨ ᠭᠤᠷᠪᠠᠨᠳᠡ ᠰᠦᠭᠦᠳᠴᠦ ᠶᠢᠰᠦᠨᠳᠡ ᠮᠦᠷᠭᠦᠨᠡ᠂ ᠭᠡᠷ | ᠬᠤᠳᠠᠯᠠᠭᠠᠷ ᠢᠶᠠᠨ ᠳᠠᠭᠠᠵᠦ ᠡᠷᠭᠦᠯ ᠮᠦᠷᠭᠦᠯ ᠢᠶᠠᠨ ᠬᠢᠨᠡ᠂ ᠮᠦᠷᠭᠦᠵᠦ ᠪᠠᠷᠠᠭᠠᠳ ᠭᠡᠷ ᠤᠨ ᠡᠵᠡᠨ ᠭᠠᠯ ᠤᠨ | ᠰᠠᠩ ᠢᠶᠠᠨ ᠦᠷᠭᠦᠯᠵᠢᠯᠡᠭᠦᠯᠦᠨ ᠤᠩᠰᠢᠭᠰᠠᠭᠠᠷ ᠳᠠᠯᠠᠯᠭᠠ ᠶᠢᠨ ᠪᠦᠯᠦᠭ ᠲᠤ ᠬᠦᠷᠬᠦ ᠳᠤ᠄ | ︿︿ᠮᠦᠩᠬᠡ ᠲᠡᠭᠷᠢ ᠡᠴᠢᠭᠡ ᠶᠢᠨ ᠮᠢᠨᠤ ᠪᠤᠶᠠᠨ ᠭᠡᠰᠢᠭ ᠬᠤᠷᠤᠢ ᠬᠤᠷᠤᠢ | ᠨᠠᠷᠠ ᠰᠠᠷᠠ᠂ ᠤᠳᠤᠨ ᠮᠡᠴᠢᠳ ᠤᠨ ᠪᠤᠶᠠᠨ ᠭᠡᠰᠢᠭ ᠬᠤᠷᠤᠢ ᠬᠤᠷᠤᠢ | ᠭᠠᠩᠭᠠ ᠮᠦᠷᠡᠨ ᠮᠡᠳᠦ ᠰᠢᠷᠭᠢᠰᠢ ᠦᠭᠡᠢ ᠪᠤᠶᠠᠨ ᠭᠡᠰᠢᠭ ᠬᠤᠷᠤᠢ ᠬᠤᠷᠤᠢ | ᠬᠠᠨ ᠰᠦᠮᠪᠤᠷ ᠮᠡᠳᠦ ᠪᠠᠳᠦ ᠪᠠᠬᠢ ᠪᠤᠶᠠᠨ ᠭᠡᠰᠢᠭ ᠬᠤᠷᠤᠢ ᠬᠤᠷᠤᠢ︕ | ᠁ ᠁ | ᠬᠦᠳᠡᠭᠡ ᠳᠤ ᠪᠠᠶᠢᠬᠤ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠮᠠᠨᠢ ᠰᠦᠷ ᠰᠦᠨᠡᠰᠦᠨ ᠤ ᠪᠤᠶᠠᠨ ᠭᠡᠰᠢᠭ ᠬᠤᠷᠤᠢ | ᠬᠤᠷᠤᠢ | ᠵᠤᠭᠳᠤᠷ ᠶᠡᠬᠡᠳᠦ ᠪᠤᠤᠷᠠ᠂ ᠲᠠᠭᠤᠨ ᠶᠡᠬᠡᠳᠦ ᠪᠤᠬᠠ᠂ ᠳᠡᠯ ᠶᠡᠬᠡᠳᠦ ᠠᠵᠢᠷᠭᠠ᠂ ᠰᠡᠭᠦᠯ ᠶᠡᠬᠡᠳᠦ | ᠬᠤᠴᠠ᠂ ᠨᠤᠯᠤᠤᠷ ᠶᠡᠬᠡᠳᠦ ᠤᠬᠤᠨᠠ ᠶᠢᠨ ᠰᠦᠷ ᠰᠦᠨᠡᠰᠦᠨ ᠤ ᠪᠤᠶᠠᠨ ᠭᠡᠰᠢᠭ ᠬᠤᠷᠤᠢ ᠬᠤᠷᠤᠢ | ᠳᠡᠯᠡᠩ ᠶᠡᠬᠡᠳᠡᠢ ᠭᠡᠭᠦᠤ᠂ ᠰᠦ ᠰᠠᠶᠢᠳᠠᠢ ᠦᠨᠢᠶᠡ ᠶᠢᠨ ᠰᠦᠷ ᠰᠦᠨᠡᠰᠦᠨ ᠬᠤᠷᠤᠢ ᠬᠤᠷᠤᠢ | ᠳᠠᠯᠠᠯᠤᠭᠰᠠᠨ ᠢ ᠮᠢᠨᠦ ᠳᠠᠯᠳᠢᠷᠠᠯ ᠦᠭᠡᠢ᠂ ᠳᠠᠭᠠᠭᠠᠰᠢ ᠦᠭᠡᠢ ᠪᠤᠶᠠᠨ ᠭᠡᠰᠢᠭ ᠠᠳᠡ ᠢᠷᠡᠨ ᠬᠤᠷᠠᠲᠤᠭᠠᠢ | ᠂ ᠬᠤᠷᠤᠢ ᠬᠤᠷᠤᠢ ᠁﹀﹀ ᠭᠡᠵᠦ ᠤᠩᠰᠢᠬᠤ ᠶᠢᠨ ᠬᠠᠮᠳᠦ ᠳᠠᠯᠠᠯᠭᠠᠨ ᠲᠦᠷᠦᠭᠡ ᠪᠠᠨ ᠬᠤᠷᠤᠶᠢᠯᠠᠨ ᠳᠠᠯᠠᠯᠭᠠ | ᠠᠪᠳᠠᠭ᠂ ᠪᠠᠰᠠ ᠬᠤᠳᠠᠨ ᠳᠤ ᠪᠠᠶᠢᠬᠤ ᠮᠠᠯ ᠢᠶᠠᠨ ᠠᠷᠴᠠ ᠰᠠᠩ ᠵᠡᠷᠭᠡ ᠤᠲᠤᠯᠭᠠ ᠲᠡᠷᠢᠭᠦᠳᠡᠨ ᠢᠶᠠᠷ ᠠᠷᠢᠭᠤᠯᠤᠨᠠ᠂ | ᠳᠠᠬᠢᠯᠭᠠ ᠪᠠᠨ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠳᠠᠬᠢᠯᠭᠠ ᠶᠢᠨ ᠤᠯᠠᠨ ᠳᠤ ᠴᠠᠢ ᠠᠶᠠᠭᠠᠯᠠᠵᠦ᠂ ᠴᠠᠭᠠᠨ ᠢᠳᠡᠭᠡ | ᠠᠮᠬᠠᠷᠠᠭᠤᠯᠵᠦ᠂ ᠤᠭᠤᠴᠠ ᠬᠦᠨᠳᠡᠵᠦ᠂ ᠤᠭᠤᠴᠠᠨ ᠭᠡᠰᠢᠭ ᠲᠦᠭᠡᠬᠦ ᠪᠠ ᠠᠷᠵᠠ ᠰᠠᠷᠬᠤᠳ ᠬᠡᠮᠨᠡᠨ᠂ ᠢᠷᠦᠭᠡᠯ | ᠪᠡᠯᠭᠡ ᠶᠢᠨ ᠦᠭᠡ ᠬᠡᠯᠡᠯᠴᠡᠨ᠂ ᠲᠦᠷᠦ ᠶᠢᠨ ᠭᠤᠷᠪᠠᠨ ᠳᠠᠭᠤᠤ ᠪᠠᠨ ᠨᠠᠶᠢᠷᠯᠠᠨ ᠲᠠᠭᠤᠯᠠᠵᠠᠭᠠᠵᠦ᠂ ᠭᠠᠯ | ᠳᠠᠬᠢᠯᠭᠠ ᠶᠢᠨ ᠠᠮᠤᠰᠤ ᠲᠠᠢ ᠬᠤᠭᠤᠯᠠ ᠵᠤᠭᠤᠭ ᠢᠶᠠᠨ ᠢᠳᠡᠵᠡᠭᠡᠵᠦ ᠳᠠᠷᠬᠠᠳᠠᠭ ᠪᠠᠶᠢᠨᠠ᠃ |