ᠤᠷᠢᠶᠠᠩᠬᠠᠨ ᠤ᠂ ᠶᠤᠨᠳᠤᠨ | | ᠲᠠᠯᠠᠯᠭᠠ ᠬᠤᠷᠤᠶᠢᠯᠠᠬᠤ ᠪᠤᠯ ᠦᠵᠦᠮᠦᠴᠢᠨᠴᠤᠳ ᠤᠨ ᠪᠤᠶᠠᠨ ᠭᠡᠰᠢᠭ ᠬᠤᠷᠢᠶᠠᠬᠤ ᠨᠢᠭᠡ ᠵᠦᠢᠯ ᠤᠨ ᠵᠠᠩ | ᠦᠢᠯᠡ ᠪᠤᠯᠤᠨᠠ᠃ ᠲᠡᠷᠡ ᠨᠢ ᠠᠮᠢᠳᠤᠷᠠᠯ ᠤᠨ ᠲᠤᠮᠳᠠᠬᠢ ᠠᠯᠢᠪᠠ ᠰᠠᠶᠢᠨ ᠰᠠᠶᠢᠬᠠᠨ ᠠᠵᠠ ᠵᠠᠶᠠᠭᠠ ᠪᠤᠶᠠᠨ ᠭᠡᠰᠢᠭ | ᠬᠢᠭᠡᠳ ᠮᠠᠯ ᠪᠠ ᠡᠳ᠋ ᠬᠦᠷᠦᠩᠭᠡ ᠪᠠᠨ ᠭᠠᠳᠠᠭᠰᠢ ᠶᠠᠪᠤᠭᠤᠯᠬᠤ ᠦᠭᠡᠢ ᠪᠠᠷ ᠬᠤᠰᠢᠭᠤ ᠨᠤᠲᠤᠭ ᠪᠠ ᠦᠪᠡᠷ ᠤᠨ | ᠭᠡᠷ ᠭᠤᠯᠤᠮᠳᠠ ᠲᠡᠭᠡᠷᠡ ᠪᠠᠨ ᠦᠶᠡ ᠤᠯᠠᠷᠢᠨ ᠪᠠᠳᠤᠵᠢᠭᠤᠯᠤᠨ ᠲᠤᠭᠳᠠᠭᠠᠬᠤ᠂ ᠪᠠᠳᠠᠷᠠᠭᠤᠯᠤᠨ ᠲᠡᠯᠭᠡᠷᠡᠭᠦᠯᠬᠦ᠂ | ᠪᠠᠶᠠᠨ ᠴᠢᠨᠡᠭᠡᠯᠢᠭ ᠠᠮᠢᠳᠤᠷᠠᠵᠦ ᠶᠠᠪᠤᠬᠤ ᠤᠳᠬᠠ ᠰᠠᠨᠠᠭᠠ ᠶᠢ ᠠᠬᠤᠭᠤᠯᠵᠦ ᠪᠠᠶᠢᠳᠠᠭ ᠤᠬᠠᠭᠠᠨ ᠲᠠᠢ ᠶᠤᠮ᠃ | ᠲᠠᠯᠠᠯᠭᠠ ᠬᠤᠷᠤᠶᠢᠯᠠᠬᠤ ︵ᠲᠠᠯᠠᠯᠭᠠ ᠠᠪᠬᠤ᠂ ᠲᠠᠯᠠᠯᠭᠠ ᠲᠠᠯᠠᠯᠬᠤ ᠴᠤ ᠭᠡᠳᠡᠭ︶ ᠨᠢ ᠤᠯᠠᠨ ᠵᠦᠢᠯ ᠤᠨ ᠵᠠᠩ | ᠦᠢᠯᠡ ᠶᠢᠨ ᠶᠠᠪᠤᠴᠠ ᠳᠤ ᠬᠤᠯᠪᠤᠭᠳᠠᠳᠠᠭ᠂ ᠡᠭᠦᠨ ᠳᠤ ᠲᠦᠷᠪᠡᠨ ᠤᠯᠠᠷᠢᠯ ᠤᠨ ᠲᠠᠯᠠᠯᠭᠠ ᠶᠢ ᠬᠤᠷᠤᠶᠢᠯᠠᠬᠤ᠂ | ᠰᠢᠨᠡ ᠶᠢᠨ ᠨᠢᠭᠡᠨ ᠤ ᠲᠡᠭᠷᠢ ᠲᠤ ᠮᠦᠷᠭᠦᠵᠦ ᠲᠠᠯᠠᠯᠭᠠ ᠬᠤᠷᠤᠶᠢᠯᠠᠬᠤ᠂ ᠬᠤᠷᠢᠨ ᠭᠤᠷᠪᠠᠨ ᠤ ᠶᠡᠭᠡ ᠭᠠᠯ | ᠲᠠᠬᠢᠯᠭᠠ ᠳᠤ ᠲᠠᠯᠠᠯᠭᠠ ᠬᠤᠷᠤᠶᠢᠯᠠᠬᠤ᠂ ᠬᠦᠳᠡᠭᠡ ᠰᠦᠯᠳᠡ ᠶᠢᠨ ᠳᠠᠬᠢᠯᠭᠠ ᠳᠤ ᠲᠠᠯᠠᠯᠭᠠ ᠬᠤᠷᠤᠶᠢᠯᠠᠬᠤ᠂ ᠪᠤᠷᠬᠠᠨ | ᠲᠠᠬᠢᠬᠤ ᠳᠤ ᠲᠠᠯᠠᠯᠭᠠ ᠬᠤᠷᠤᠶᠢᠯᠠᠬᠤ᠂ ᠤᠪᠤᠭᠠᠨ ᠳᠠᠬᠢᠯᠭᠠ ᠳᠤ ᠲᠠᠯᠠᠯᠭᠠ ᠬᠤᠷᠤᠶᠢᠯᠠᠬᠤ ᠵᠡᠷᠭᠡ ᠨᠢ ᠡᠳᠡᠭᠡᠷ ᠶᠡᠭᠡ | ᠰᠢᠳᠦᠯᠭᠡ ᠶᠢᠨ ᠰᠠᠬᠢᠭᠤᠰᠤ ᠠᠴᠠ ᠪᠤᠶᠠᠨ ᠭᠡᠰᠢᠭ ᠢᠪᠡᠭᠡᠨᠡ ᠭᠡᠵᠦ ᠦᠵᠡᠳᠡᠭ᠃ ᠠᠷᠪᠢᠵᠢᠭᠤᠯᠬᠤ ᠪᠠ ᠦᠯᠡᠳᠡᠭᠡᠬᠦ | ᠭᠡᠰᠢᠭ ᠲᠠᠯᠠᠯᠭᠠ ᠳᠤ ᠨᠠᠮᠤᠷ ᠬᠠᠪᠤᠷ ᠤᠨ ᠲᠦᠯ ᠮᠠᠯ ᠢᠶᠠᠨ ᠮᠡᠨᠳᠦ ᠲᠤᠰᠬᠤ ᠪᠡᠯᠭᠡᠳᠡᠯ ᠢᠶᠠᠷ ᠲᠠᠯᠠᠯᠭᠠ ᠠᠪᠳᠠᠭ᠂ | ᠦᠯᠡᠳᠡᠭᠡᠬᠦ ᠲᠠᠯᠠᠯᠭᠠ ᠳᠤ ᠲᠡᠭᠡᠳᠦ ᠶᠢᠨ ᠪᠤᠶᠠᠨ ᠭᠡᠰᠢᠭ ᠰᠢᠯᠵᠢᠬᠦ ᠠᠴᠠ ᠪᠤᠯᠭᠤᠮᠵᠢᠯᠠᠨ ᠬᠡᠤᠬᠡᠨ ᠮᠤᠷᠳᠠᠭᠤᠯᠪᠠᠯ | ᠲᠠᠯᠠᠯᠭᠠ ᠬᠤᠷᠤᠶᠢᠯᠠᠬᠤ᠂ ᠤᠷᠤᠰᠢᠭᠤᠯᠭᠠ ᠶᠠᠪᠤᠭᠤᠯᠬᠤ ᠳᠤ ᠲᠠᠯᠠᠯᠭᠠ ᠬᠤᠷᠤᠶᠢᠯᠠᠵᠦ ᠬᠤᠴᠤᠷᠳᠠᠭ᠂ ᠮᠠᠯ | ᠬᠤᠳᠠᠯᠳᠤᠬᠤ ᠪᠤᠶᠤ ᠪᠤᠰᠤᠳ ᠲᠤ ᠮᠠᠯ ᠦᠭᠭᠦᠪᠡᠯ ᠪᠠᠰᠠ ᠠᠳᠤᠭᠤ ᠶᠢ ᠲᠡᠯ ᠮᠤᠨᠳᠠᠭᠠ ᠠᠴᠠ ᠨᠢ᠂ ᠦᠬᠡᠷ | ᠬᠤᠨᠢ ᠶᠢ ᠰᠡᠭᠦᠯ ᠠᠴᠠ ᠨᠢ᠂ ᠲᠡᠮᠡᠭᠡ ᠶᠢ ᠵᠤᠭᠳᠤᠷ ᠪᠦᠬᠦ ᠵᠡᠷᠭᠡ ᠠᠴᠠ ᠬᠢᠯᠭᠠᠰᠤᠨ ᠤᠷᠮᠤᠭ ᠠᠪᠴᠤ | ᠬᠤᠴᠤᠷᠬᠤ ᠳᠠᠭᠠᠨ ᠪᠠᠰᠠ ᠠᠮᠠ ᠶᠢ ᠨᠢ ᠦᠷᠡᠵᠦ ᠠᠮᠢᠰᠬᠤᠭᠠ ᠶᠢ ᠨᠢ ᠰᠢᠩᠭᠡᠭᠡᠨ ᠬᠠᠳᠠᠭᠠᠯᠠᠳᠠᠭ᠂ ᠲᠠᠷᠤᠢ | ᠲᠠᠯᠠᠯᠭᠠᠨ ᠤᠭᠤᠳᠠ ︵ᠱᠧᠩ︶ ᠪᠤᠶᠤ ᠲᠦᠷᠦᠬᠡ ︵ᠰᠠᠭᠤᠯᠭᠠ︶ ᠳᠡᠭᠡᠨ ᠬᠢᠵᠦ᠂ ᠭᠡᠰᠢᠭ ᠪᠤᠯᠭᠠᠨ ᠦᠨᠢ | ᠤᠳᠠᠭᠠᠨ ᠬᠠᠳᠠᠭᠠᠯᠠᠬᠤ ᠪᠦᠭᠡᠳ ᠲᠠᠯᠠᠯᠭᠠ ᠠᠪᠬᠤ ᠳᠤ ᠬᠡᠷᠡᠭᠯᠡᠳᠡᠭ ᠶᠤᠮ᠃ | ᠦᠵᠦᠮᠦᠴᠢᠨᠴᠤᠳ᠂ ᠬᠤᠰᠢᠭᠤ ᠵᠠᠰᠠᠭ ᠪᠠ ᠠᠶᠢᠯ ᠡᠷᠦᠬᠡ ᠪᠠᠷ ᠨᠠᠮᠤᠷ ᠤᠨ ᠤᠯᠠᠷᠢᠯ ᠤᠨ ᠲᠠᠪᠤᠨ ᠬᠤᠰᠢᠭᠤ | ᠮᠠᠯ ᠤᠨ ᠭᠡᠰᠢᠭ ᠲᠠᠯᠠᠯᠭᠠ ᠬᠤᠷᠤᠶᠢᠯᠠᠬᠤ ᠶᠢ ᠶᠡᠬᠡᠳᠡ ᠴᠢᠬᠤᠯᠠᠴᠢᠯᠠᠨ ᠶᠡᠬᠡᠪᠡᠷ ᠬᠢᠳᠡᠭ ᠪᠠᠶᠢᠵᠠᠢ᠃ ᠡᠭᠦᠨ ᠤ | ᠤᠳᠬᠠ ᠭᠡᠪᠡᠯ᠄ ᠨᠠᠮᠤᠷ ᠪᠤᠯ ᠡᠳ᠋ ᠮᠠᠯ ᠡᠯᠪᠡᠭ ᠮᠦᠷᠳᠡᠭᠡᠨ ᠪᠠᠶᠠᠨ ᠲᠠᠷᠭᠤᠨ ᠴᠠᠭ ᠲᠤᠯᠠ ᠬᠡᠵᠢᠶᠡᠳᠡ ᠡᠶᠢᠮᠦ | ᠪᠠᠶᠢᠬᠤ ᠶᠢᠨ ᠪᠡᠯᠭᠡᠳᠡᠯ ᠪᠠ ᠪᠤᠭ ᠮᠠᠯ ᠤᠨ ᠬᠦᠭᠡᠭᠡᠬᠦ ᠬᠤᠭᠤᠴᠠᠠᠭᠠ ᠪᠤᠯᠬᠤ ᠲᠤᠯᠠ ᠢᠷᠡᠬᠦ ᠬᠠᠪᠤᠷ ᠤᠨ ᠲᠦᠯ | ᠮᠠᠯ ᠤᠨ ᠲᠤᠭᠳᠠᠨ ᠲᠦᠯᠵᠢᠬᠦ ᠶᠢᠨ ᠦᠷᠡᠵᠢᠬᠦ ᠶᠢᠨ ᠵᠦᠩᠨᠡᠯ ᠢ ᠬᠤᠷᠤᠶᠢᠯᠠᠨ ᠠᠪᠴᠤ ᠪᠠᠶᠢᠬᠤ ᠪᠠ ᠵᠤᠳ | ᠭᠠᠮᠰᠢᠭ ᠠᠴᠠ ᠮᠡᠨᠳᠦ ᠭᠡᠳᠦᠯᠭᠡᠬᠦ ᠶᠢᠨ ᠤᠴᠢᠷ ᠤᠬᠠᠭᠠᠨ ᠪᠤᠯᠠᠢ᠃ ᠡᠨᠡ ᠨᠢ ᠮᠠᠯᠴᠢᠳ ᠲᠤ ᠠᠪᠴᠤ ᠬᠡᠯᠡᠪᠡᠯ | ᠠᠮᠢᠳᠤᠷᠠᠯ ᠦᠢᠯᠡᠳᠪᠦᠷᠢᠯᠡᠯ ᠲᠠᠢ ᠬᠤᠯᠪᠤᠭᠳᠠᠬᠤ ᠴᠢᠬᠤᠯᠠ ᠬᠤᠷᠤᠶᠢᠯᠠᠬᠤ ᠶᠢᠨ ᠠᠭᠤᠯᠭᠠ ᠪᠠᠶᠢᠵᠦ ᠲᠠᠭᠠᠷᠠᠨᠠ᠃ | ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠨᠠᠢᠮᠠᠨ ᠰᠠᠷᠠ ᠳᠤ ᠯᠦᠳᠦᠪ ︵ᠪᠤᠶᠠᠨ ᠦᠢᠯᠡᠳᠬᠦ︶ ᠡᠳᠦᠷ ᠢ ᠰᠤᠩᠭᠤᠵᠦ᠂ ᠪᠤᠷᠬᠠᠨ | ᠳᠠᠬᠢᠵᠦ ᠲᠠᠯᠠᠯᠭᠠ ᠠᠪᠳᠠᠭ ᠵᠤᠷᠰᠢᠯ ᠲᠠᠢ ᠰᠠᠨ᠃ ᠲᠠᠯᠠᠯᠭᠠᠨ ᠳᠠᠬᠢᠯᠭᠠ ᠳᠤ ᠭᠠᠭᠴᠠᠬᠦ ᠲᠡᠷᠡ ᠠᠶᠢᠯ ᠤᠨ ᠵᠢᠭᠡ | ᠬᠦᠮᠦᠨ ᠢ ᠤᠷᠤᠯᠴᠠᠭᠤᠯᠳᠠᠭ ᠦᠭᠡᠢ ᠤᠴᠢᠷ ᠲᠠᠢ᠃ ᠲᠤᠤᠷᠠ ᠪᠢ ᠠᠬᠠᠮᠠᠳ ᠲᠠᠯᠠᠯᠭᠠ ᠶᠢᠨ ᠵᠠᠩ ᠦᠢᠯᠡ ᠶᠢᠨ | ᠤᠯᠠᠮᠵᠢᠯᠠᠭᠴᠢ ᠪ᠊᠂ ᠤᠳᠬᠠᠨ ᠪᠤᠯᠤᠨ ᠶᠡᠭᠡ ᠵᠤᠬᠢᠶᠠᠯᠴᠢ ᠫ᠊᠂ ᠲᠤᠭᠠᠷ ᠨᠠᠷ ᠤᠨ ᠳᠡᠮᠳᠡᠭᠯᠡᠯ᠂ ᠨᠠᠶᠠ ᠭᠠᠷᠤᠭᠰᠠᠨ | ᠵᠦᠷᠮᠢᠳ ᠬᠢᠭᠡᠳ ᠵᠠᠳᠠᠮᠪᠠ ᠨᠠᠰᠤᠳᠠᠨ ᠤ ᠶᠡᠷᠢᠶᠡ ᠶᠢ ᠦᠨᠳᠦᠰᠦᠯᠡᠨ ᠨᠠᠶᠢᠷᠠᠭᠤᠯᠵᠦ ᠲᠤᠤᠷᠠᠬᠢ ᠮᠡᠳᠦ ᠳᠡᠰ | ᠲᠠᠷᠠᠮ ᠢᠶᠠᠷ ᠵᠢᠭᠰᠠᠭᠠᠨ ᠳᠡᠯᠭᠡᠰᠦᠭᠡᠢ᠄ | ᠨᠢᠭᠡ ᠲᠠᠯᠠᠯᠭᠠ ᠶᠢᠨ ᠭᠤᠤᠯ ᠰᠢᠳᠦᠭᠡᠨ ᠪᠤᠯᠤᠨ ᠬᠡᠷᠡᠭᠯᠡᠭᠳᠡᠬᠦ ᠵᠦᠢᠯᠡᠰ | ᠲᠠᠯᠠᠯᠭᠠᠨ ᠳᠤ ᠬᠡᠷᠡᠭᠯᠡᠬᠦ ᠰᠢᠳᠦᠭᠡᠨ ᠰᠠᠬᠢᠭᠤᠰᠤ᠂ ᠰᠤᠮᠤᠨ ᠲᠠᠯᠠᠯᠭᠠ ᠵᠢᠴᠢ ᠤᠭᠤᠳᠠ ᠱᠧᠩ᠂ ᠲᠠᠯᠠᠯᠭᠠᠨ | ᠬᠦᠨᠦᠭ᠂ ᠲᠠᠯᠠᠯᠭᠠᠨ ᠰᠢᠷᠡᠭᠡ᠂ ᠲᠠᠯᠠᠯᠭᠠᠨ ᠳᠤ ᠤᠷᠤᠬᠤ ᠡᠯᠳᠡᠪ ᠵᠦᠢᠯᠡᠰ ᠵᠡᠷᠭᠡ ᠶᠢ ᠪᠦᠬᠦᠶᠢᠯᠡ ᠳᠤᠨᠢ ︽ | ᠲᠠᠯᠠᠯᠭᠠᠨ ᠱᠠᠩ︾ ᠭᠡᠳᠡᠭ᠃ ᠪᠠᠶᠢᠷᠢᠰᠢᠯ ᠨᠢ ᠭᠡᠪᠡᠯ᠄ ᠲᠠᠯᠠᠯᠭᠠᠨ ᠰᠢᠷᠡᠭᠡ ᠳᠡᠭᠡᠷᠡ ᠰᠢᠳᠦᠭᠡᠨ ᠢᠶᠠᠨ ᠵᠠᠯᠠᠵᠦ᠂ | ᠡᠮᠦᠨᠡ ᠨᠢ ᠰᠤᠮᠤᠨ ᠲᠠᠯᠠᠯᠭᠠ ᠢᠶᠠᠨ ᠪᠤᠰᠬᠠᠵᠦ ᠲᠠᠯᠪᠢᠨᠠ᠂ ᠰᠤᠮᠤᠨ ᠲᠠᠯᠠᠯᠭᠠ ᠶᠢ ᠪᠦᠳᠦᠭᠡᠬᠦ ᠳᠤ ᠤᠷᠢᠳᠠᠪᠠᠷ | ᠱᠧᠩ ᠪᠤᠶᠤ ᠤᠭᠤᠳᠠᠨ ᠳᠤ ᠤᠯᠠᠨ ᠵᠦᠢᠯ ᠤᠨ ᠡᠷᠳᠡᠨᠢᠰ ᠪᠤᠶᠤ ᠮᠠᠯ ᠤᠨ ᠭᠡᠰᠢᠭ ᠢᠶᠠᠨ ᠬᠢᠵᠦ᠂ ᠲᠠᠭᠯᠠᠭᠠ ᠪᠤᠶᠤ | ᠪᠦᠳᠦᠭᠡᠯᠭᠡ ᠶᠢ ᠨᠦᠬᠡᠯᠡᠵᠦ᠂ ᠰᠤᠮᠤᠨ ᠦᠵᠦᠭᠦᠷ ᠢᠶᠠᠨ ᠲᠤᠷᠤᠭᠰᠢ ᠬᠠᠨᠳᠤᠭᠤᠯᠤᠨ ᠬᠠᠳᠬᠤᠵᠦ ᠳᠠᠯᠪᠢᠳᠠᠭ᠃ | ⒈ ᠲᠠᠯᠠᠯᠭᠠ ᠶᠢᠨ ᠭᠤᠤᠯ ᠰᠢᠳᠦᠭᠡᠨ ᠪᠤᠯ ᠠᠷᠪᠠᠨ ᠭᠤᠷᠪᠠᠨ ᠰᠦᠯᠳᠡ ᠲᠡᠭᠷᠢ ︵ᠬᠤᠰᠢᠭᠤ ᠵᠠᠰᠠᠭ ᠤᠨ | ᠲᠠᠬᠢᠯᠭᠠᠳᠤ︶ ᠪᠤᠶᠤ ᠶᠢᠰᠦᠨ ᠰᠦᠯᠳᠡ ᠲᠡᠭᠷᠢ ︵ᠬᠤᠰᠢᠭᠤ ᠨᠡᠶᠢᠳᠡ ᠪᠠ ᠠᠶᠢᠯ ᠡᠷᠦᠬᠡ︶ ᠶᠢ ᠲᠠᠬᠢᠬᠤ᠂ ᠪᠠᠶᠠᠨ | ᠨᠠᠮᠰᠠᠷᠠᠢ ᠪᠤᠷᠬᠠᠨ ᠢ ᠤᠷᠢᠨ ᠵᠠᠯᠠᠭᠠᠳ ᠭᠡᠰᠢᠭ ᠪᠤᠶᠠᠨ ᠢ ᠲᠠᠭᠠᠳᠬᠠᠨ ᠬᠤᠷᠤᠶᠢᠯᠠᠨ ᠲᠠᠯᠠᠯᠳᠠᠭ ᠠᠵᠤᠭᠤ᠃ | ᠲᠠᠬᠢᠯᠭᠠ ᠶᠢᠨ ᠵᠠᠰᠠᠯ ᠳᠤ ᠨᠠᠮᠰᠠᠷᠠᠢ ᠶᠢᠨ ᠪᠠᠯᠢᠩ᠂ ᠬᠦᠵᠢ ᠴᠡᠴᠡᠭ᠂ ᠱᠠᠯᠰᠠᠢ ᠵᠡᠷᠭᠡ ᠡᠳ᠋ᠯᠡᠯ᠂ ᠠᠷᠪᠠᠢ᠂ ᠪᠤᠭᠤᠳᠠᠢ᠂ | ᠠᠷᠢᠭᠤᠨ ᠴᠠᠪ ︵ᠤᠰᠤᠨ︶᠂ ᠵᠤᠯᠠ ᠬᠦᠵᠢ᠂ ᠠᠷᠢᠬᠢ᠂ ᠰᠦ᠂ ᠬᠤᠷᠤᠳ᠂ ᠴᠠᠢ᠂ ᠮᠢᠬᠠ ᠵᠡᠷᠭᠡ ᠶᠢᠨ | ᠡᠷᠭᠦᠯ ᠤᠨ ᠵᠦᠢᠯᠳᠡ ᠶᠢ ᠳᠠᠯᠪᠢᠨᠡ᠃ | ⒉ ᠰᠢᠳᠦᠭᠡᠨ ᠤ ᠡᠮᠦᠨᠡ ᠳᠠᠯᠪᠢᠬᠤ ᠰᠤᠮᠤᠨ ᠲᠠᠯᠠᠯᠭᠠ᠃ ᠲᠠᠯᠠᠯᠭᠠ ᠶᠢᠨ ᠤᠭᠤᠳᠠᠨ ᠳᠤ ᠪᠤᠶᠤ ᠱᠧᠩ ᠳᠤ | ᠬᠠᠳᠬᠤᠭᠰᠠᠨ ᠭᠤᠷᠪᠠᠯᠵᠢᠨ ᠦᠵᠦᠭᠦᠷ ᠲᠠᠢ᠂ ᠳᠡᠰ ᠤᠨ ᠦᠳᠦ ᠪᠠᠷ ᠦᠳᠦᠯᠡᠭᠰᠡᠨ ᠰᠤᠮᠤ ᠨᠢ ᠨᠢᠭᠡ ᠬᠤᠷᠤᠭᠤ | ᠬᠠᠭᠠᠰ ᠬᠢᠷᠢᠳᠠᠢ ᠨᠠᠷᠢᠨ᠂ ᠬᠤᠶᠠᠷ ᠲᠤᠬᠤᠢ ᠢᠯᠡᠭᠦᠤ ᠤᠷᠳᠤ ᠡᠰᠢ ᠲᠠᠢ᠂ ᠡᠰᠢᠨ ᠤ ᠤᠵᠤᠭᠤᠷ ᠤᠨ ᠭᠡᠰᠡᠭ ᠲᠤ | ᠰᠦᠮᠪᠦᠷ ᠠᠭᠤᠯᠠ ᠮᠡᠳᠦ ᠲᠠᠪᠤᠨ ᠤᠷᠤᠢ ᠰᠠᠯᠠᠭᠠ ᠲᠠᠢ᠂ ᠤᠵᠤᠭᠤᠷ ᠤᠨ ᠲᠦᠭᠡ ᠬᠢᠷᠢ ᠭᠡᠰᠡᠭ ᠢ ᠭᠤᠷᠪᠠᠨ | ᠲᠠᠯᠠ ᠶᠢ ᠨᠢ ᠬᠤᠪᠬᠢ ᠤᠬᠤᠵᠦ ᠦᠳᠦᠯᠡᠭᠰᠡᠨ ᠪᠠᠶᠢᠳᠠᠭ ᠂ ᠦᠳᠦᠨ ᠤ ᠬᠢᠨᠢ ᠲᠤᠤᠷᠠ ᠠᠴᠠ ᠲᠠᠪᠤᠨ ᠦᠩᠭᠡ ᠶᠢᠨ | ᠬᠠᠳᠠᠭ ᠲᠤᠷᠳᠤᠩ ᠢ ᠬᠦᠷᠡᠯ ︵ᠤᠰᠤᠨ︶ ᠲᠤᠯᠢ ᠪᠠᠷ ᠲᠠᠷᠤᠵᠦ ᠤᠶᠠᠨᠠ᠃ ᠬᠡᠷᠪᠡ ᠬᠦᠷᠡᠯ ᠲᠤᠯᠢ ᠦᠭᠡᠢ ᠪᠤᠯ | ᠮᠦᠩᠭᠦᠨ ᠵᠤᠭᠤᠰ ᠪᠤᠶᠤ ᠵᠠᠰ ᠵᠤᠭᠤᠰ ᠲᠤ ᠰᠡᠨᠵᠢ ᠬᠠᠳᠠᠭᠠᠳ ᠭᠬᠢᠪ ᠢᠶᠠᠷ ᠤᠶᠠᠭᠰᠠᠨ ᠴᠤ ᠪᠤᠯᠤᠨᠠ᠃ | ⒊ ᠲᠠᠯᠠᠯᠭᠠᠨ ᠱᠧᠩ ᠪᠤᠯᠤᠨ ᠲᠠᠭᠠᠷᠴᠤᠭ᠃ ᠲᠠᠯᠠᠯᠭᠠᠨ ᠱᠧᠩ ᠪᠤᠯ ᠠᠮᠤ ᠬᠦᠨᠠᠰᠤᠨ ᠤ ᠬᠡᠮᠵᠢᠭᠦᠷ ᠬᠢᠳᠡᠭ | ᠱᠧᠩ ᠲᠠᠢ ᠬᠡᠯᠪᠡᠷᠢ ᠨᠢ ᠠᠳᠠᠯᠢ ᠪᠤᠯᠪᠠᠴᠤ ᠲᠡᠭᠦᠨ ᠠᠴᠠ ᠵᠢᠭᠠᠬᠠᠨ ᠪᠠᠭᠠ ᠪᠠᠶᠢᠵᠦ᠂ ᠠᠮᠠᠰᠠᠷ ᠨᠢ ᠰᠠᠷᠪᠠᠭᠠᠷ᠂ | ᠢᠷᠤᠭᠠᠷ ᠲᠠᠭᠠᠨ ᠬᠠᠰ ᠲᠠᠮᠠᠭᠠ ᠶᠢᠨ ᠵᠢᠷᠤᠭ ᠲᠠᠢ ᠪᠠᠶᠢᠳᠠᠭ᠃ ᠬᠠᠰ ᠲᠠᠮᠠᠭᠠ ᠪᠤᠯ ᠵᠢᠷᠤᠬᠠᠢ ᠶᠢᠨ ᠨᠠᠢᠮᠠᠨ ᠤᠷᠤᠨ ᠤ | ᠭᠡᠰᠢᠭ ᠬᠤᠳᠤᠭ ᠢ ᠲᠦᠯᠦᠭᠡᠯᠡᠭᠰᠡᠨ ᠳᠡᠮᠳᠡᠭ ᠪᠤᠯᠬᠤ ᠲᠤᠯᠠ ᠵᠠᠪᠠᠯ ᠪᠠᠶᠢᠬᠤ ᠤᠴᠢᠷᠳᠠᠢ᠃ ᠱᠧᠩ ᠤᠨ ᠲᠦᠷᠪᠡᠨ | ᠲᠠᠯᠠ ᠳᠤ ᠴᠦᠮ ᠴᠢᠨᠳᠠᠮᠤᠨᠢ ᠡᠷᠳᠡᠨᠢ ᠶᠢᠨ ᠵᠢᠷᠤᠭ ᠪᠤᠶᠤ ᠡᠰᠡᠭᠦᠯᠡ ᠨᠠᠮᠰᠠᠷᠠᠢ ᠶᠢᠨ ᠪᠠᠷᠢᠭᠰᠠᠨ ᠡᠷᠳᠡᠨᠢ ᠶᠢᠨ ᠴᠠᠭᠠᠨ | ᠬᠤᠯᠤᠭᠭᠠᠨᠠ ᠴᠢᠨᠳᠠᠮᠤᠨᠢ ᠢᠶᠠᠷ ᠪᠦᠭᠡᠯᠵᠢᠵᠦ ᠪᠠᠶᠢᠭᠠ ᠵᠢᠷᠤᠭ ᠲᠠᠢ᠂ ᠠᠮᠠᠰᠠᠷ ᠲᠠᠭᠠᠨ ᠮᠦᠨ ᠮᠤᠳᠤᠨ ᠲᠠᠭᠯᠠᠭᠠ | ᠲᠠᠢ᠂ ᠲᠤᠮᠳᠠ ᠪᠠᠨ ᠲᠠᠯᠠᠯᠭᠠᠨ ᠰᠤᠮᠤ ᠬᠠᠳᠬᠤᠵᠦ ᠲᠠᠯᠪᠢᠬᠤ ᠨᠦᠬᠡ ᠲᠠᠢ ᠬᠢᠳᠡᠭ᠃ ᠲᠠᠯᠠᠯᠭᠠᠨ ᠱᠧᠩ ᠢ ᠲᠠᠪᠤᠨ | ᠲᠠᠷᠢᠶᠠ ᠶᠢᠨ ᠦᠷᠡ᠂ ᠡᠷᠳᠡᠨᠢᠰ ᠤᠨ ᠵᠦᠢᠯᠡᠰ ᠪᠤᠶᠤ ᠮᠠᠯ ᠤᠨ ᠭᠡᠰᠢᠭ ᠮᠡᠳᠦ ᠶᠢᠨ ᠤᠩᠭᠠᠰᠤ ᠬᠢᠯᠭᠠᠰᠤ ᠬᠢᠵᠦ | ᠲᠦᠭᠦᠷᠭᠡᠭᠡᠳ ᠭᠡᠰᠢᠭ ᠤᠨ ᠬᠦᠷᠢᠶᠡ ᠭᠡᠬᠦ ᠲᠤᠯᠤᠭᠠᠨ ᠡᠷᠳᠡᠨᠢ ᠪᠤᠶᠤ ᠨᠠᠢᠮᠠᠨ ᠲᠠᠬᠢᠯ ᠤᠨ ᠵᠢᠷᠤᠭ ᠲᠠᠢ ᠭᠬᠢᠪ ᠢᠶᠠᠷ | ᠪᠦᠳᠦᠭᠡᠵᠦ ᠲᠠᠯᠪᠢᠳᠠᠭ᠃ | ᠲᠠᠯᠠᠯᠭᠠᠨ ᠲᠠᠭᠠᠷᠴᠤᠭ ᠪᠤᠶᠤ ᠤᠭᠤᠳᠠ ᠭᠡᠵᠦ ᠵᠠᠷᠢᠮ ᠠᠶᠢᠯ ᠨᠢ ᠴᠠᠭᠠᠨ ᠪᠦᠰ ᠢᠶᠠᠷ ᠭᠠᠳᠠᠷᠯᠠᠭᠠᠳ ᠬᠠᠰ | ᠲᠠᠮᠠᠭᠠ ᠤᠶᠤᠵᠦ ᠬᠢᠭᠰᠡᠨ ᠪᠢᠴᠢᠬᠠᠨ ᠲᠦᠭᠦᠷᠢᠭ ᠬᠡᠯᠪᠡᠷᠢ ᠶᠢᠨ ᠢᠰᠡᠭᠡᠢ ᠰᠠᠪᠠ ᠶᠢ ᠬᠡᠷᠡᠭᠯᠡᠳᠡᠭ᠂ ᠱᠧᠩ ᠤᠨ | ᠤᠷᠤᠨ ᠳᠤ ᠲᠠᠯᠠᠯᠭᠠᠨ ᠤ ᠵᠦᠢᠯᠡᠰ ᠢᠶᠠᠨ ᠬᠢᠵᠦ ᠲᠠᠯᠪᠢᠳᠠᠭ᠃ ᠲᠤᠳᠤᠷᠠ ᠨᠢ ᠬᠡᠳᠦᠨ ᠦᠶᠡ ᠪᠠᠷ ᠢᠶᠠᠨ | ᠬᠠᠳᠠᠭᠠᠯᠠᠭᠰᠠᠨ ᠮᠠᠯ ᠤᠨ ᠭᠡᠰᠢᠭ ᠤᠳ ᠪᠠ ᠲᠠᠪᠤᠨ ᠲᠡᠷᠢᠶᠡ ᠶᠢᠨ ᠦᠷᠡᠰ ᠪᠠᠶᠢᠳᠠᠭ᠃ | ⒋ ᠬᠦᠨᠦᠭ ᠤᠨ ᠮᠢᠬᠠ᠃ ᠲᠠᠯᠠᠯᠭᠠᠨ ᠲᠦᠷᠦᠭᠡ ᠶᠢ ᠲᠠᠯᠠᠯᠭᠠᠨ ᠬᠦᠨᠦᠭ ᠭᠡᠳᠡᠭ᠃ ᠲᠠᠯᠠᠯᠭᠠᠨ | ᠲᠦᠷᠦᠬᠡ ᠳᠤ ᠬᠤᠨᠢᠨ ᠤ ᠪᠠᠷᠠᠭᠤᠨ ᠬᠠ᠂ ᠬᠤᠨᠢᠨ ᠤ ᠵᠦᠯᠳᠡ᠂ ᠡᠪᠴᠢᠭᠦᠤ᠂ ᠴᠢᠬᠢᠭᠰᠡᠨ ᠬᠤᠰ ᠵᠡᠷᠭᠡ ᠶᠢ | ᠪᠤᠴᠠᠯᠤᠭᠰᠠᠨ ᠤᠰᠤᠨ ᠳᠤ ᠪᠤᠷᠤᠯᠠᠭᠤᠯᠤᠨ ᠠᠪᠴᠤ ᠬᠢᠵᠦ ᠲᠠᠯᠪᠢᠭᠠᠳ ᠪᠢᠳᠡᠭᠦᠤ ᠬᠤᠷᠠᠭᠠᠨ ᠤ ᠠᠷᠠᠰᠤ ᠪᠤᠶᠤ | ᠰᠡᠮᠵᠡ ᠪᠠᠷ ᠪᠦᠳᠡᠭᠡᠭᠰᠡᠨ ᠪᠠᠶᠢᠳᠠᠭ᠃ ᠵᠦᠯᠳᠡ ᠭᠡᠳᠡᠭ ᠨᠢ ᠬᠤᠨᠢᠨ ᠤ ᠡᠷᠡᠤ᠂ ᠬᠡᠯᠡ᠂ ᠮᠦᠭᠡᠷᠰᠦᠨ ᠬᠤᠭᠤᠯᠠᠢ᠂ | ᠤᠯᠠᠭᠠᠨ ᠬᠤᠭᠤᠯᠠᠢ᠂ ᠵᠢᠷᠦᠬᠡ ᠠᠭᠤᠰᠬᠢ ᠲᠠᠢ ᠦᠷᠭᠦᠯᠵᠢ ᠭᠠᠷᠭᠠᠵᠦ ᠠᠪᠤᠭᠰᠠᠨ ᠭᠡᠰᠡᠭ ᠢ ᠬᠡᠯᠡᠳᠡᠭ᠃ ᠡᠭᠦᠨ ᠢ | ᠪᠠᠰᠠ ︽ᠵᠢᠳ︾ ᠭᠡᠨᠡ᠃ ᠡᠳᠡᠭᠡᠷ ᠢ ᠰᠢᠳᠦᠭᠡᠨ ᠤ ᠡᠮᠦᠨᠡ ᠦᠷᠦᠵᠦ ᠳᠠᠯᠪᠢᠬᠤ ᠪᠠ ᠲᠡᠭᠦᠨ ᠤ ᠬᠠᠵᠠᠭᠤ ᠳᠤ | ᠲᠤᠯᠤᠭᠠᠨ ᠡᠷᠳᠡᠨᠢ᠂ ᠨᠠᠢᠮᠠᠨ ᠲᠠᠬᠢᠯ ᠤᠨ ᠱᠡᠭᠯᠢ ︵ᠴᠠᠭᠠᠰᠤᠨ ᠵᠢᠷᠤᠭ︶ ᠬᠠᠳᠬᠤᠭᠰᠠᠨ ᠡᠷᠭᠦᠯ ᠫᠢᠯᠠ ᠲᠠᠢ | ᠠᠮᠤᠰᠤ ᠶᠢ ᠦᠷᠦᠬᠦ ᠪᠦᠭᠡᠳ ᠪᠠᠰᠠ ᠭᠠᠤᠯᠢᠨ ᠭᠠᠳᠤᠷᠠ ᠪᠤᠶᠤ ᠮᠤᠳᠤᠨ ᠴᠠᠷᠠ ᠲᠤ ᠪᠦᠬᠦᠯᠢ ᠰᠢᠭᠦᠰᠦ ᠶᠢ | ᠲᠤᠯᠤᠭᠠᠢ ᠲᠠᠢ ᠨᠢ ᠬᠢᠵᠦ ᠲᠠᠯᠪᠢᠳᠠᠭ᠃ | ᠦᠵᠦᠮᠦᠴᠢᠨ ᠳᠤ ᠲᠦᠷᠦᠭᠡ ᠲᠠᠢ ᠵᠦᠯᠳᠡ ᠪᠠᠨ ᠪᠢᠳᠠᠭᠦᠤ ᠲᠦᠷᠦᠭᠰᠡᠨ ᠬᠤᠷᠠᠭᠠᠨ ᠤ ᠠᠷᠠᠰᠤ ᠪᠠᠷ | ᠪᠦᠷᠬᠦᠵᠦ ᠲᠠᠯᠪᠢᠳᠠᠭ ᠤᠨ ᠤᠴᠢᠷ ᠪᠤᠯ ᠬᠠᠪᠤᠷ ᠤᠨ ᠲᠦᠯ ᠤᠨ ᠦᠶᠡ ᠪᠦᠭᠰᠡ ᠪᠢᠳᠡᠭᠦᠤ ᠬᠤᠷᠠᠭᠠ ᠭᠠᠷᠤᠭᠠᠳ | ᠦᠬᠦᠪᠡᠯ ᠲᠡᠭᠦᠨ ᠢ ᠭᠡᠰᠢᠭ ᠬᠤᠳᠤᠭ ᠲᠠᠢ ᠭᠡᠵᠦ ᠦᠵᠡᠳᠡᠭ᠂ ᠡᠶᠢᠮᠦ ᠪᠠᠷ ᠠᠷᠠᠰᠤ ᠶᠢ ᠨᠢ ᠠᠪᠴᠤ ᠬᠦᠨᠦᠭ ᠤᠨ | ᠮᠢᠬᠠ ᠪᠦᠷᠬᠦᠵᠦ ᠲᠠᠯᠪᠢᠬᠤ ᠤᠯᠠᠮᠵᠢᠯᠠᠯ ᠵᠠᠩᠰᠢᠯ ᠲᠠᠢ ᠠᠵᠤᠭᠤ᠃ ᠲᠠᠯᠠᠯᠭᠠ ᠲᠠᠯᠠᠯᠤᠭᠰᠠᠨ ᠤ ᠲᠠᠷᠠᠭᠠ ᠭᠤᠷᠪᠠ | ᠬᠤᠨᠤᠭ ᠢ ᠦᠩᠭᠡᠷᠡᠭᠡᠳ ᠬᠦᠨᠦᠭ ᠲᠠᠢ ᠵᠦᠯᠳᠡ ᠵᠡᠷᠭᠡ ᠮᠢᠬᠠ ᠪᠠᠨ ᠴᠢᠨᠠᠵᠦ ᠭᠡᠷ ᠵᠠᠭᠤᠷᠠ ᠢᠳᠡᠬᠦ ᠠᠴᠠ ᠪᠢᠰᠢ | ᠪᠤᠰᠤᠳ ᠲᠤ ᠤᠭᠳᠤ ᠢᠳᠡᠭᠦᠯᠳᠡᠭ ᠦᠭᠡᠢ᠂ ᠮᠤᠷᠳᠠᠭᠰᠠᠨ ᠬᠡᠤᠬᠡᠨ ᠳᠤ ᠴᠤ ᠦᠭᠳᠡᠭ ᠦᠭᠡᠢ ᠤᠴᠢᠷ ᠲᠠᠢ ᠪᠢᠯᠡ᠃ | ᠬᠤᠶᠠᠷ ᠲᠠᠬᠢᠯᠭᠠ ᠶᠢᠨ ᠵᠠᠩ ᠦᠢᠯᠡ ᠬᠢᠭᠡᠳ ᠲᠡᠭᠦᠨ ᠤ ᠶᠠᠪᠤᠴᠠ ᠶᠢᠨ ᠲᠤᠬᠠᠢ | ⒈ ᠳᠠᠬᠢᠯᠭᠠ ᠶᠢᠨ ᠯᠠᠮᠠ ᠨᠠᠷ ᠢ ᠵᠠᠯᠠᠬᠤ ᠪᠠ ᠳᠡᠳᠡᠨ ᠤ ᠦᠢᠯᠡᠳᠦᠬᠦ ᠶᠠᠪᠤᠳᠠᠯ᠃ ᠬᠡᠩᠭᠡᠷᠭᠡ ᠴᠠᠩ᠂ ᠲᠠᠮᠠᠷᠠᠤ | ᠬᠤᠩᠬᠠ ᠶᠢ ᠲᠤᠤᠭᠠᠷᠭᠠᠵᠦ᠂ ᠭᠤᠤᠯ ᠰᠢᠳᠦᠭᠡᠨ ᠢᠶᠠᠨ ᠤᠷᠢᠵᠦ ᠤᠬᠢᠶᠠᠯ ᠷᠠᠪᠠᠨᠠᠢ ᠡᠷᠭᠦᠵᠦ᠂ ᠰᠠᠩ ᠰᠤᠯᠬᠢ | ᠲᠠᠯᠪᠢᠨᠠ᠃ ᠭᠡᠷ ᠤᠨ ᠭᠠᠢ ᠶᠢ ᠠᠷᠢᠯᠭᠠᠬᠤ ᠭᠡᠭᠳᠡᠷ ᠪᠠᠯᠢᠩ ᠢ ᠡᠷᠭᠢᠭᠦᠯᠳᠡᠭ᠂ ᠡᠨᠡ ᠨᠢ ᠪᠢᠴᠢᠬᠠᠨ ᠫᠢᠯᠠᠨ ᠳᠤ | ᠬᠢᠭᠰᠡᠨ ᠪᠦᠭᠡᠷᠡᠩᠬᠡᠢ ᠭᠤᠷᠪᠠᠨ ᠪᠠᠯᠢᠩ ᠪᠠᠶᠢᠬᠤ ᠪᠦᠭᠡᠳ ᠡᠮᠦᠨᠡ ᠨᠢ ᠪᠠᠭᠠᠬᠠᠨ ᠭᠤᠷᠪᠠᠨ ᠵᠤᠯᠠ ᠨᠤᠴᠤᠭᠠᠭᠠᠳ | ᠵᠦᠪ ᠭᠤᠷᠪᠠ᠂ ᠪᠤᠷᠤᠭᠤ ᠭᠤᠷᠪᠠ ᠡᠷᠭᠢᠭᠦᠯᠦᠭᠡᠳ ᠲᠡᠷᠡ ᠭᠡᠷ ᠤᠨ ᠡᠵᠡᠨ ᠤ ᠲᠤᠰ ᠵᠢᠯ ᠤᠨ ᠰᠠᠭᠤᠭᠰᠠᠨ ᠤᠷᠤᠨ ᠤ | ᠠᠯᠢ ᠮᠠᠭᠤ ᠵᠦᠭ ᠲᠤ ᠬᠠᠶᠠᠵᠦ ᠭᠡᠷ ᠲᠤᠨᠢ ᠬᠠᠷᠠ ᠬᠦᠬᠦᠯ ᠤᠩᠭᠤᠰᠤᠭᠠᠨᠠ᠂ ᠭᠡᠴᠡᠭᠦᠤ ᠯᠤᠤᠰ ᠢ ᠨᠤᠮᠤᠬᠠᠳᠬᠠᠨᠠ | ᠭᠡᠵᠦ ᠯᠤᠤᠰ ᠤᠨ ᠰᠡᠷᠵᠢᠮ ᠡᠷᠭᠦᠵᠦ ᠪᠠᠷᠠᠭᠠᠳ ᠲᠠᠯᠠᠯᠭᠠ ᠶᠢᠨ ᠭᠤᠤᠯ ᠤᠩᠰᠢᠯᠭᠠ ᠪᠤᠯᠬᠤ ︽ᠠᠯᠳᠠᠨ ᠭᠡᠷᠡᠯ ᠤᠨ | ᠲᠠᠯᠠᠯᠭᠠ︾᠂ ︽ᠨᠠᠮᠰᠠᠷᠠᠢ ᠶᠢᠨ ᠲᠠᠯᠠᠯᠭᠠ︾᠂ ︽ᠶᠢᠰᠦᠨ ᠰᠦᠯᠳᠡ ᠶᠢᠨ ᠲᠠᠯᠠᠯᠭᠠ︾᠂ ︽ᠲᠠᠮᠷᠢᠨ ᠲᠠᠯᠠᠯᠭᠠ︾ | ᠵᠡᠷᠭᠡ ᠲᠠᠯᠠᠯᠭᠠᠨ ᠨᠤᠮ ᠠᠴᠠ ᠰᠤᠩᠭᠤᠨ ᠤᠩᠰᠢᠳᠠᠭ᠃ ᠶᠢᠰᠦᠨ ᠰᠦᠯᠳᠡ ᠪᠤᠯᠤᠨ ᠨᠠᠮᠰᠠᠷᠠᠢ ᠶᠢ ᠳᠠᠬᠢᠨ ᠲᠠᠬᠢᠨ | ᠤᠷᠢᠵᠦ ᠮᠠᠨᠳᠠᠯ ᠡᠷᠭᠦᠵᠦ ᠦᠷᠭᠦᠯᠵᠢᠯᠡᠨ ᠤᠩᠰᠢᠳᠠᠭ᠃ | ⒉ ᠰᠠᠭᠠᠬᠠᠯᠳᠠ ᠠᠶᠢᠯ ᠢᠶᠠᠨ ᠵᠠᠯᠠᠬᠤ ᠪᠠ ᠪᠡᠯᠡᠳᠭᠡᠬᠦ ᠵᠦᠢᠯᠡᠰ᠃ ᠦᠳᠡ ᠠᠴᠠ ᠡᠮᠦᠨᠡ ᠳᠠᠬᠢᠯᠭᠠ | ᠤᠩᠰᠢᠯᠭᠠ ᠶᠢ ᠪᠠᠷᠠᠭᠠᠳ ᠦᠳᠡ ᠶᠢᠨ ᠪᠠᠷᠤᠭ ᠢᠶᠠᠷ ᠠᠶᠢᠯ ᠰᠠᠭᠠᠬᠠᠯᠳᠠ ᠳᠠᠭᠠᠨ ᠲᠠᠯᠠᠯᠭᠠ ᠶᠢᠨ ᠴᠠᠢ | ᠤᠤᠭᠤᠯᠭᠠᠬᠤ ᠪᠠᠷ ᠵᠠᠯᠠᠳᠠᠭ᠂ ᠡᠭᠦᠨ ᠤ ᠬᠠᠮᠳᠤ ᠲᠠᠬᠢᠯᠭᠠ ᠳᠤ ᠬᠡᠷᠡᠭᠯᠡᠬᠦ ᠪᠤᠶᠤ ᠤᠷᠤᠯᠴᠠᠬᠤ ᠬᠦᠮᠦᠨ ᠠᠮᠠ᠂ ᠮᠠᠯ | ᠰᠦᠷᠦᠭ᠂ ᠤᠩᠭᠤᠯᠠᠵᠦ ᠰᠡᠳᠡᠷᠯᠡᠬᠦ ᠶᠠᠪᠤᠳᠠᠯ᠂ ᠡᠳ᠋ ᠪᠤᠳᠠᠰ ᠢ ᠪᠦᠬᠦᠨ ᠢ ᠪᠡᠯᠡᠨ ᠵᠠᠯᠠᠨ ᠪᠤᠯᠭᠠᠭᠰᠠᠨ ᠪᠠᠶᠢᠬᠤ | ᠬᠡᠷᠡᠭᠳᠡᠢ᠃ ᠲᠠᠯᠠᠯᠭᠠ ᠳᠤ ᠢᠷᠡᠭᠰᠡᠳ ᠨᠢ ᠲᠠᠯᠠᠯᠭᠠᠨ ᠰᠢᠳᠦᠭᠡᠨ ᠤ ᠡᠮᠦᠨᠡ ᠬᠠᠳᠠᠭ ᠪᠤᠶᠤ ᠡᠳ᠋ ᠢᠳᠡᠭᠡᠨ | ᠲᠡᠷᠢᠭᠦᠳᠡᠨ ᠢ ᠡᠷᠭᠦᠳᠡᠭ᠃ | ⒊ ᠲᠠᠯᠠᠯᠭᠠ ᠶᠢᠨ ᠤᠩᠭᠤᠨ ᠳᠤ ᠮᠠᠯ ᠰᠡᠳᠡᠷᠯᠡᠬᠦ᠃ ᠪᠡᠯᠴᠢᠭᠡᠷ ᠠᠴᠠ ᠮᠠᠯ ᠰᠦᠷᠦᠭ ᠢ ᠠᠪᠴᠢᠷᠠᠭᠰᠠᠨ ᠤ | ᠲᠠᠷᠠᠭᠠ᠂ ᠰᠢᠳᠦᠭᠡᠨ ᠰᠠᠭᠢᠭᠤᠰᠤ ᠳᠤ ᠰᠡᠳᠡᠷᠯᠡᠬᠦ ᠮᠠᠯ ᠲᠡᠷᠢᠭᠦᠳᠡᠨ ᠢ ᠪᠠᠷᠢᠵᠦ ᠬᠦᠳᠦᠯᠦᠨ ᠢᠷᠡᠭᠡᠳ ᠡᠭᠦᠳᠡ ᠪᠠᠨ | ᠳᠡᠭᠡᠷᠡ ᠳᠠᠯᠪᠢᠵᠦ ᠰᠢᠳᠦᠭᠡᠨ ᠳᠡᠭᠡᠨ ᠦᠵᠡᠭᠦᠯᠦᠭᠡᠳ ᠤᠩᠭᠤᠯᠠᠨ ᠰᠡᠳᠡᠷᠯᠡᠨᠡ᠂ ᠰᠡᠳᠡᠷᠯᠡᠬᠦ ᠳᠡᠭᠡᠨ ᠲᠤᠰᠬᠠᠢ | ᠰᠠᠩ ᠢᠶᠠᠷ ᠠᠷᠢᠭᠤᠳᠬᠠᠨ ᠷᠠᠰᠢᠶᠠᠨ ᠰᠠᠴᠤᠭᠰᠠᠨ ᠤ ᠲᠠᠷᠠᠭᠠ ᠰᠢᠨᠡ ᠬᠢᠭᠰᠡᠨ ᠰᠡᠳᠡᠷ ᠢᠶᠠᠨ ᠵᠡᠭᠦᠯᠭᠡᠵᠦ ᠳᠠᠯᠪᠢᠬᠤ | ᠪᠦᠭᠡᠳ ᠰᠡᠳᠡᠷ ᠶᠡᠭᠦᠯᠡᠬᠦ ᠪᠠ ᠰᠢᠨᠡ ᠤᠩᠭᠤᠯᠠᠬᠤ ᠶᠠᠪᠤᠳᠠᠯ ᠢ ᠲᠠᠯᠠᠯᠭᠠᠨ ᠠᠴᠠ ᠡᠮᠦᠨᠡ ᠭᠦᠢᠴᠡᠳᠭᠡᠳᠡᠭ ᠶᠤᠮ᠃ | ⒋ ᠮᠠᠯ ᠰᠦᠷᠦᠭ ᠢᠶᠠᠨ ᠠᠷᠢᠭᠤᠯᠠᠬᠤ᠃ ᠲᠠᠯᠠᠯᠭᠠᠨ ᠤ ᠡᠮᠦᠨᠡ ᠪᠦᠬᠦ ᠭᠡᠷ ᠢᠶᠠᠷ ᠢᠶᠠᠨ ᠰᠦ ᠲᠠᠢ | ᠤᠰᠤᠨ ᠳᠤ ᠨᠢᠭᠤᠷ ᠭᠠᠷ ᠢᠶᠠᠨ ᠷᠠᠰᠢᠶᠠᠯᠠᠵᠦ ᠤᠬᠢᠶᠠᠨᠠ᠂ ᠦᠳᠡ ᠠᠴᠠ ᠬᠤᠶᠢᠰᠢ ᠰᠦᠷᠦᠭ ᠪᠡᠯᠴᠢᠭᠡᠷ ᠠᠴᠠ | ᠡᠷᠭᠢᠬᠦ ᠶᠢᠨ ᠪᠠᠷᠤᠭ ᠲᠤ ︵ᠪᠡᠴᠢ ᠴᠠᠭ ᠤᠨ ᠦᠶᠡ︶ ᠮᠠᠯ ᠰᠦᠷᠦᠭ ᠢᠶᠠᠨ ᠬᠤᠷᠢᠶᠠᠵᠦ ᠠᠪᠴᠢᠷᠠᠭᠠᠳ᠂ ᠨᠡᠷᠡᠳᠡᠭ | ᠲᠤᠭᠤᠭᠠ ᠳᠠᠯᠪᠢᠵᠦ ᠭᠠᠯ ᠬᠢᠭᠰᠡᠨ ᠢᠶᠠᠨ ᠳᠡᠭᠡᠷᠡ ᠨᠢ ᠠᠷᠴᠠ᠂ ᠠᠬᠢ ᠬᠦᠭᠦᠷ ᠢ ᠤᠩᠭᠤᠳᠤᠭᠤᠯᠤᠨ᠂ | ᠲᠠᠯᠠᠯᠭᠠ ᠶᠢᠨ ᠯᠠᠮᠠ ᠠᠴᠠ ︽ᠪᠤᠮᠠᠨ ᠰᠠᠩ︾ ᠤᠩᠰᠢᠵᠦ ᠮᠠᠯ ᠰᠦᠷᠦᠭ ᠭᠠᠵᠠᠷ ᠤᠷᠤᠨ ᠢ ᠪᠦᠬᠦᠨ ᠢ | ᠠᠷᠢᠭᠤᠳᠬᠠᠨᠠ᠃ ᠴᠢᠩᠭᠢᠭᠡᠳ ᠲᠠᠬᠢᠯᠭᠠ ᠶᠢᠨ ᠯᠠᠮᠠ ᠠᠴᠠ ︽ᠨᠠᠮᠰᠠᠷᠠᠢ ᠶᠢᠨ ᠰᠠᠩ ᠳᠠᠬᠢᠯᠭᠠ︾ ᠪᠤᠶᠤ ︽ᠶᠢᠰᠦᠨ | ᠰᠦᠯᠳᠡ ᠶᠢᠨ ᠲᠠᠯᠠᠯᠭᠠ︾ ᠶᠢ ᠤᠩᠰᠢᠨ ᠲᠠᠯᠠᠯᠭᠠ ᠬᠤᠷᠤᠶᠢᠯᠠᠬᠤ ᠵᠠᠩ ᠦᠢᠯᠡ ᠶᠢ ᠡᠭᠦᠰᠭᠡᠨᠡ᠃ ᠤᠯᠠᠨ ᠮᠠᠯ | ᠰᠦᠷᠦᠭ ᠢ ᠰᠠᠩ ᠤᠨ ᠤᠳᠤᠭᠠᠨ ᠤ ᠲᠤᠤᠷᠠ ᠬᠤᠷᠢᠶᠠᠵᠦ ᠠᠷᠢᠭᠤᠯᠭᠠ ᠶᠢ ᠪᠠᠷᠠᠳᠠᠯᠠ ᠦᠷᠭᠦᠯᠵᠢᠯᠡᠭᠦᠯᠦᠨᠡ᠃ | ⒌ ᠲᠠᠯᠠᠯᠭᠠ ᠬᠤᠷᠤᠶᠢᠯᠠᠬᠤ ᠵᠦᠢᠯᠡᠰ ᠪᠠ ᠲᠠᠯᠠᠯᠭᠠ ᠠᠪᠬᠤ᠃ ᠲᠠᠯᠠᠯᠭᠠ ᠡᠬᠢᠯᠡᠬᠦ ᠦᠶᠡ ᠳᠤ ᠡᠭᠦᠳᠡ ᠪᠠᠨ | ᠭᠡᠷ ᠳᠡᠭᠡᠷᠡ ᠪᠠᠨ ᠰᠡᠭᠦᠵᠦ ᠳᠠᠯᠪᠢᠭᠠᠳ ᠰᠢᠨᠡ ᠴᠠᠭᠠᠨ ᠢᠰᠡᠭᠡᠢ ᠲᠤᠯᠭᠠ ᠶᠢᠨ ᠡᠮᠦᠨᠡ ᠲᠠᠯᠠ ᠠᠴᠠ ᠡᠭᠦᠳᠡ | ᠭᠠᠷᠳᠠᠯᠠ ᠦᠷᠭᠦᠯᠵᠢ ᠲᠠᠪᠢᠰᠦᠨᠡ᠂ ᠡᠵᠡᠨ ᠲᠦᠷᠦᠭᠦᠳᠡᠢ ᠬᠦᠮᠦᠰ ᠲᠤᠯᠭᠠ ᠶᠢᠨ ᠡᠮᠦᠨᠡ ᠠᠴᠠ ᠰᠢᠳᠦᠭᠡᠨ ᠤ ᠵᠦᠭ | ᠬᠤᠶᠢᠰᠢ ᠬᠠᠷᠠᠵᠦ ᠰᠠᠭᠤᠨᠡ᠂ ᠭᠡᠷ ᠤᠨ ᠡᠵᠡᠨ ᠪᠤᠶᠤ ᠬᠦᠪᠡᠭᠦᠨ ᠨᠢ ᠱᠧᠩ ᠳᠤ ᠬᠠᠳᠬᠤᠭᠰᠠᠨ ᠦᠳᠦᠳᠦ | ᠰᠤᠮᠤ ᠶᠢ ᠪᠡᠷᠢᠵᠦ ᠲᠤᠯᠭᠠ ᠶᠢᠨ ᠡᠮᠦᠨᠡ ᠲᠡᠪᠢᠰᠦᠭᠰᠡᠨ ᠲᠠᠯᠪᠠᠭ ᠳᠡᠭᠡᠷᠡ ᠰᠠᠭᠤᠵᠦ ᠲᠡᠷᠢᠭᠦᠯᠡᠨ ᠬᠤᠷᠤᠶᠢᠯᠠᠨᠠ᠂ | ᠠᠪᠤ ᠨᠢ ᠱᠧᠩ ᠲᠠᠢ ᠲᠠᠯᠠᠯᠭᠠ ᠶᠢᠨ ᠤᠭᠤᠳᠠ ᠶᠢ ᠪᠠᠷᠢᠵᠦ ᠬᠤᠷᠤᠶᠢᠯᠠᠳᠠᠭ᠂ ᠡᠨᠡ ᠠᠶᠢᠯ ᠤᠨ ᠡᠵᠢ ᠪᠡᠷᠢᠶᠡᠳ ᠨᠢ | ᠲᠠᠯᠠᠯᠭᠠ ᠶᠢᠨ ᠲᠦᠷᠦᠭᠡ ᠪᠠᠷᠢᠵᠦ ᠪᠤᠰᠴᠤ ᠵᠤᠭᠰᠤᠭᠠᠳ ᠬᠤᠷᠤᠶᠢᠯᠠᠨᠠ᠂ ᠪᠤᠰᠤᠳ ᠬᠦᠮᠦᠰ ᠨᠢ ᠱᠡᠭᠯᠢ | ᠬᠠᠳᠬᠤᠭᠰᠠᠨ ᠫᠢᠯᠠ ᠲᠠᠢ ᠠᠮᠤᠰᠤ ᠬᠤᠷᠤᠳ᠂ ᠪᠢᠰᠢᠯᠠᠭ ᠵᠡᠷᠭᠡ ᠶᠢ ᠪᠠᠷᠢᠵᠦ ᠤᠯᠠᠨ ᠲᠠᠢ ᠬᠠᠮᠳᠤ ᠬᠤᠷᠤᠶᠢᠯᠠᠨᠠ᠃ | ᠬᠤᠰᠢᠭᠤ ᠲᠠᠯᠠᠯᠭᠠᠨ ᠳᠤ ᠨᠤᠶᠠᠨ ᠬᠠᠳᠤᠨ ᠠᠴᠠ ᠡᠬᠢᠯᠡᠭᠡᠳ ᠲᠤᠰᠠᠯᠠᠭᠴᠢ᠂ ᠵᠠᠬᠢᠷᠤᠭᠴᠢ ᠲᠦᠷᠦᠭᠦᠳᠡᠢ | ᠶᠠᠮᠤᠨ ᠰᠠᠩ ᠪᠦᠬᠦᠳᠡ᠂ ᠡᠯᠡ ᠰᠤᠮᠤ ᠶᠢᠨ ᠵᠠᠩᠬᠢ᠂ ᠮᠠᠯᠴᠢᠳ ᠠᠷᠠᠳ ᠪᠦᠬᠦᠨ ᠢᠶᠠᠷ ᠤᠷᠤᠯᠴᠠᠵᠦ᠂ ᠮᠦᠨ | ᠲᠡᠭᠡᠷᠡᠬᠢ ᠳᠡᠰ ᠲᠠᠷᠠᠮ ᠢᠶᠠᠷ ᠨᠠᠮᠤᠷ ᠤᠨ ᠳᠠᠬᠢᠯᠭᠠ ᠢᠶᠠᠨ ᠶᠠᠪᠤᠭᠳᠠᠭᠤᠯᠳᠠᠭ᠃ | ⒍ ᠰᠤᠮᠤᠨ ᠲᠠᠯᠠᠯᠭᠠ ᠪᠠᠷ ᠬᠤᠷᠤᠶᠢᠯᠠᠬᠤ᠃ ᠰᠤᠳᠨᠠᠮᠷᠠᠪᠳᠠᠨ ᠴᠢᠨ ᠸᠠᠩ ᠤᠨ ᠦᠶᠡ ᠠᠴᠠ ᠮᠢᠩᠭᠠᠨ | ᠴᠠᠭᠠᠨ ᠮᠤᠷᠢᠳᠠᠨ ᠢᠶᠠᠷ ᠲᠠᠯᠠᠯᠭᠠ ᠬᠤᠷᠤᠶᠢᠯᠠᠬᠤ ᠪᠦᠭᠡᠳ ᠤᠷᠳᠤᠨ ᠰᠠᠩ ᠪᠠ ᠡᠯᠡ ᠮᠠᠯ ᠰᠦᠷᠦᠭ ᠢᠶᠠᠨ ᠲᠤᠭᠤᠷᠢᠨ | ᠲᠠᠯᠠᠯᠭᠠ ᠠᠪᠴᠤ᠂ ᠪᠦᠬᠦ ᠬᠤᠰᠢᠭᠤ ᠬᠤᠳᠠᠯᠠᠭᠠᠷ ᠤᠨ ᠬᠦᠮᠦᠨ ᠠᠷᠠᠳ ᠪᠤᠯᠤᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠭᠡᠰᠢᠭ | ᠪᠤᠶᠠᠨ ᠢ ᠲᠠᠭᠤᠳᠠᠨ ᠬᠤᠷᠤᠶᠢᠯᠠᠳᠠᠭ ᠤᠴᠢᠷ ᠲᠠᠢ᠃ ᠰᠤᠮᠤ ᠲᠠᠢ ᠲᠠᠯᠠᠯᠭᠠ ᠪᠠᠷᠢᠭᠰᠠᠨ ᠬᠦᠮᠦᠨ ᠲᠠᠬᠢᠯᠭᠠ ᠶᠢᠨ | ᠯᠠᠮᠠ ᠶᠢᠨ ᠵᠢᠭᠠᠯᠳᠠ ᠪᠠᠷ ᠭᠡᠷ ᠠᠴᠠ ᠭᠠᠷᠴᠤ ᠭᠡᠷ ᠤᠨ ᠡᠮᠦᠨᠡ ᠲᠡᠪᠢᠰᠦᠭᠰᠡᠨ ᠰᠢᠨᠡ ᠢᠰᠡᠭᠡᠢ ᠳᠡᠭᠡᠷᠡ ᠵᠤᠭᠰᠤᠵᠦ | ᠬᠤᠷᠤᠶᠢᠯᠠᠵᠦ ᠪᠠᠶᠢᠬᠤ ᠳᠤ ᠤᠷᠢᠳ ᠨᠢ ᠪᠡᠯᠡᠳᠭᠡᠭᠰᠡᠨ ᠡᠮᠡᠭᠡᠯ ᠲᠤᠬᠤᠭᠰᠠᠨ ᠴᠠᠭᠠᠨ ᠮᠤᠷᠢ ᠶᠢ ᠠᠪᠴᠢᠷᠠᠵᠦ | ᠦᠭᠬᠦ ᠳᠤ ᠮᠤᠷᠳᠡᠵᠦ ᠪᠦᠬᠦ ᠠᠶᠢᠯ ᠬᠤᠳᠠ᠂ ᠮᠠᠯ ᠰᠦᠷᠦᠭ ᠢ ᠵᠦᠪ ᠢᠶᠠᠷ ᠭᠤᠷᠪᠠ ᠲᠤᠭᠤᠷᠢᠵᠦ ᠮᠤᠷᠢᠨ ᠭᠦᠶᠦᠳᠡᠯ | ᠳᠡᠭᠡᠷᠡ ᠶᠡᠭᠡ ᠲᠠᠭᠤᠨ ᠢᠶᠠᠷ ᠬᠤᠷᠤᠶᠢᠯᠠᠵᠦ ᠢᠷᠡᠬᠦ ᠳᠤ ᠬᠦᠮᠦᠨ ᠲᠤᠰᠴᠤ ᠬᠦᠷᠦᠭᠡᠳ ᠮᠤᠷᠢ ᠶᠢ ᠨᠢ ᠠᠪᠬᠤᠶᠠ ᠲᠡᠷᠡ | ᠲᠠᠯᠠᠯᠭᠠᠨ ᠰᠤᠮᠤ ᠪᠠᠨ ᠬᠤᠷᠤᠶᠢᠯᠠᠭᠰᠠᠭᠠᠷ ᠭᠡᠷ ᠲᠤ ᠤᠷᠤᠵᠦ ᠲᠤᠯᠭᠠ ᠶᠢᠨ ᠡᠮᠦᠨᠡ ᠲᠡᠪᠢᠰᠦᠭᠰᠡᠨ ᠲᠠᠯᠪᠠᠭ ᠳᠡᠭᠡᠷᠡ | ᠰᠠᠭᠤᠵᠦ ᠪᠠᠰᠠ ᠨᠢᠭᠡ ᠵᠡᠷᠭᠡ ᠬᠤᠷᠤᠶᠢᠯᠠᠨᠠ᠂ ᠬᠤᠷᠤᠶᠢᠯᠠᠬᠤ ᠳᠠᠭᠠᠨ ᠶᠠᠭ ᠲᠠᠯᠠᠯᠭᠠᠨ ᠰᠠᠩ ᠳᠤ | ᠤᠶᠠᠩᠭᠠᠯᠠᠭᠰᠠᠨᠴᠢᠯᠠᠨ᠄ | ︽ᠤᠨᠠᠭᠠᠨ ᠲᠡᠯ ᠲᠠᠢ ᠠᠵᠢᠷᠭᠠ \ ᠤᠰᠤᠨ ᠵᠢᠷᠤᠭᠠ ᠠᠳᠤᠭᠤᠳ | ᠬᠦᠷᠳᠦᠨ ᠡᠪᠡᠷ ᠲᠠᠢ ᠬᠤᠴᠠ \ ᠬᠦᠳᠡᠷ ᠪᠡᠶᠡ ᠲᠠᠢ ᠬᠤᠨᠢᠳ | ᠰᠦᠷᠦᠭ ᠤᠨ ᠮᠠᠩᠯᠠᠢ ᠪᠤᠬᠠ \ ᠰᠦ ᠰᠠᠶᠢᠳᠠᠢ ᠦᠨᠢᠶᠡᠳ | ᠪᠤᠰᠤᠭᠠ ᠪᠦᠬᠦ ᠲᠠᠢ ᠪᠤᠤᠷᠠ \ ᠪᠤᠳᠤᠭᠤ ᠢᠩᠭᠡ ᠠᠳᠠ ᠨᠤᠭᠤᠳ | ᠦᠵᠦᠭᠦᠷ ᠡᠪᠡᠷ ᠲᠠᠢ ᠤᠬᠤᠨᠠ \ ᠦᠷᠡᠵᠢᠯ ᠰᠠᠶᠢᠳᠠᠢ ᠢᠮᠠᠭᠠᠳ | ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢ ᠮᠢᠨᠢ \ ᠲᠠᠯᠠ ᠲᠦᠭᠦᠷᠡᠩ ᠦᠷᠦᠰᠢᠶᠡᠮᠦ︕ ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ | ᠠᠯᠳᠠᠨ ᠰᠤᠮᠤ ᠲᠠᠢ ᠲᠠᠯᠠᠯᠭᠠ ᠪᠠᠷ ᠢᠶᠠᠨ \ ᠠᠯᠤᠰ ᠢᠶᠠᠷ ᠲᠤᠭᠤᠷᠢᠨ ᠬᠤᠷᠤᠶᠢᠯᠠᠶᠠ | ᠠᠷᠪᠠᠨ ᠵᠦᠭ ᠤᠨ ᠭᠡᠰᠢᠭ ᠪᠤᠶᠠᠨ ᠢ \ ᠠᠯᠠᠭᠠᠰᠠᠯ ᠦᠭᠡᠢ ᠢᠷᠡᠭᠦᠯᠡᠮᠦ ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ︕︾ | ᠭᠡᠬᠦ ᠮᠡᠳᠦᠴᠢᠯᠡᠨ ᠲᠠᠭᠠᠳᠬᠠᠨ ᠬᠤᠷᠤᠶᠢᠯᠠᠳᠠᠭ ᠤᠴᠢᠷ ᠲᠠᠢ᠃ | ⒎ ᠲᠠᠯᠠᠯᠭᠠᠨ ᠤ ᠦᠶᠡ ᠳᠤ ᠭᠠᠯ ᠢᠶᠠᠨ ᠲᠠᠬᠢᠳᠠᠭ ᠴᠤ ᠪᠤᠢ᠃ | ⒏ ᠲᠠᠯᠠᠯᠭᠠ ᠶᠢᠨ ᠡᠳ᠋ ᠢ ᠬᠤᠷᠢᠶᠠᠬᠤ ᠪᠠ ᠰᠦᠷᠦᠭ ᠪᠡᠯᠴᠢᠭᠡᠵᠦ ᠬᠤᠷᠢᠶᠠᠬᠤ ᠶᠤᠰᠤᠨ᠃ ᠲᠠᠯᠠᠯᠭᠠ | ᠬᠤᠷᠤᠶᠢᠯᠠᠵᠦ ᠵᠠᠪᠰᠠᠷᠯᠠᠬᠤ ᠳᠤ᠂ ᠲᠠᠯᠠᠯᠭᠠ ᠶᠢᠨ ᠰᠤᠮᠤ ᠠᠴᠠ ᠲᠡᠷᠢᠭᠦᠯᠠᠨ ᠱᠧᠩ ᠳᠤᠷ ᠵᠠᠯᠠᠵᠦ᠂ ᠪᠤᠰᠤᠳ | ᠲᠠᠯᠠᠯᠭᠠᠨ ᠲᠦᠷᠦᠭᠡ᠂ ᠫᠢᠯᠠ ᠰᠠᠪᠠ᠂ ᠬᠤᠷᠤᠳ ᠪᠢᠰᠢᠯᠠᠭ ᠢ ᠪᠦᠷ ᠤᠭ ᠤᠷᠤᠨ ᠳᠤᠨᠢ ᠲᠠᠯᠪᠢᠵᠦ᠂ | ᠤᠯᠠᠨ ᠢᠶᠠᠷ ᠢᠶᠠᠨ ᠭᠠᠷᠴᠤ᠂ ᠭᠠᠳᠠᠨᠠ ᠬᠤᠷᠢᠶᠠᠭᠰᠠᠨ ᠮᠠᠯ ᠰᠦᠷᠦᠭ ᠤᠳ ᠢ ᠬᠡᠶᠢᠮᠦᠷᠢ ᠶᠢᠨ ᠵᠦᠭ ᠲᠤ ᠪᠡᠯᠴᠢᠭᠡᠵᠦ᠂ | ᠤᠷᠤᠢ ᠪᠤᠶᠠᠨ ᠭᠡᠰᠢᠭ ᠤᠨ ᠵᠦᠭ ᠠᠴᠠ ᠮᠠᠯ ᠢᠶᠠᠨ ᠬᠤᠳᠠᠯᠠᠳᠠᠭ᠃ | ⒐ ᠲᠠᠯᠠᠯᠭᠠ ᠶᠢᠨ ᠨᠠᠭᠠᠳᠤᠮ᠃ ᠲᠠᠯᠠᠯᠭᠠ ᠶᠢᠨ ᠰᠡᠭᠦᠯᠴᠢ ᠪᠠᠷ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ ᠠᠳᠤᠭᠤ | ᠲᠠᠭᠠᠷᠢᠭᠤᠯᠵᠦ ᠨᠠᠭᠠᠳᠤᠨᠠ᠂ ᠲᠠᠷᠠᠭᠠᠪᠠᠷ ᠨᠢ ᠭᠡᠷ ᠤᠨ ᠡᠮᠦᠨᠡ ᠲᠠᠪᠢᠰᠦᠭᠰᠡᠨ ᠢᠰᠡᠭᠡᠢ ᠳᠡᠭᠡᠷᠡ ᠪᠠᠭᠠᠴᠤᠳ | ᠬᠡᠤᠬᠡᠳ ᠢ ᠵᠤᠭᠰᠤᠭᠠᠵᠦ᠂ ᠲᠠᠯᠠᠯᠭᠠ ᠭᠡᠰᠢᠭ ᠲᠦᠭᠡᠭᠡᠨᠡ᠃ ᠲᠦᠭᠡᠭᠡᠬᠦ ᠳᠡᠭᠡᠨ ᠪᠦᠳᠦᠭᠦᠨ ᠲᠡᠪᠢᠭᠦᠷ ᠲᠤ ᠬᠢᠭᠰᠡᠨ | ᠬᠤᠷᠤᠳ᠂ ᠪᠢᠰᠢᠯᠠᠭ᠂ ᠪᠢᠳᠡᠮᠤᠷ᠂ ᠬᠠᠭᠠᠷᠢᠭᠰᠠᠨ ᠪᠤᠤᠪᠤ᠂ ᠰᠢᠬᠢᠷ ᠵᠢᠮᠢᠰ ᠲᠡᠷᠢᠭᠦᠳᠡᠨ ᠢ ᠭᠡᠷ ᠤᠨ ᠡᠵᠡᠨ ᠠᠴᠠ ︽ | ᠬᠡᠤᠭᠡᠳ ᠤᠳ ᠮᠢᠨᠢ ᠲᠡᠭᠷᠢ ᠶᠢᠨ ᠭᠡᠰᠢᠭ ᠭᠦᠷᠳᠡ︾ ᠭᠡᠵᠦ ᠲᠡᠭᠡᠭᠰᠢ ᠪᠠᠨ ᠰᠠᠴᠤᠬᠤ ᠳᠤ ᠤᠯᠠᠨ ᠬᠡᠤᠬᠡᠳ | ᠪᠤᠯᠢᠶᠠᠯᠳᠤᠨ ᠲᠤᠰᠴᠤ ᠠᠪᠳᠠᠭ᠂ ᠢᠩᠭᠢᠭᠡᠳ ᠶᠡᠭᠡ ᠪᠠᠭᠠ ᠦᠭᠡᠢ ᠬᠤᠪᠢᠶᠠᠯᠴᠠᠨ ᠬᠦᠷᠳᠡᠳᠡᠭ᠃ ᠡᠭᠦᠨ ᠢ ︽ | ᠲᠠᠯᠠᠯᠭᠠ ᠶᠢᠨ ᠭᠡᠰᠢᠭ︾ ᠴᠤ ᠭᠡᠳᠡᠭ᠃ ᠲᠠᠯᠠᠯᠭᠠᠨ ᠭᠡᠰᠢᠭ ᠭᠡᠵᠦ ᠢᠷᠡᠭᠰᠡᠨ ᠬᠦᠮᠦᠰ ᠤᠨ ᠭᠡᠷ ᠲᠤᠨᠢ ᠠᠮᠤᠰᠤ | ᠰᠢᠭᠦᠰᠦ ᠵᠡᠷᠭᠡ ᠶᠢ ᠲᠡᠷᠡ ᠤᠷᠤᠢ ᠳᠤᠨᠢ ᠬᠡᠤᠬᠡᠳ ᠪᠠᠭᠠᠴᠤᠳ ᠢᠶᠠᠷ ᠬᠦᠷᠭᠡᠭᠦᠯᠳᠡᠭ ᠶᠤᠰᠤ ᠪᠤᠢ᠃ | ⒑ ᠲᠠᠯᠠᠯᠭᠠ ᠶᠢᠨ ᠨᠠᠶᠢᠷ᠃ ᠬᠤᠰᠢᠭᠤ ᠬᠤᠳᠠᠯᠠᠭᠠᠷ ᠪᠤᠯ ᠪᠦᠬᠡ ᠶᠢᠨ ᠪᠠᠷᠢᠯᠳᠤᠭᠠᠨ ᠮᠤᠷᠢᠨ ᠤᠷᠤᠯᠳᠤᠭᠠᠨ | ᠲᠠᠢ ᠲᠠᠯᠠᠯᠭᠠᠨ ᠤ ᠶᠡᠭᠡ ᠨᠠᠶᠢᠷ ᠢ ᠡᠷᠬᠢᠯᠡᠨ ᠬᠢᠳᠡᠭ᠂ ᠠᠶᠢᠯ ᠡᠷᠦᠬᠡ ᠪᠤᠯ ᠬᠠᠮᠤᠭ ᠰᠡᠭᠦᠯ ᠳᠤ ᠭᠡᠷ ᠲᠤ ᠪᠠᠭᠤᠵᠦ | ᠲᠠᠯᠠᠯᠭᠠ ᠶᠢᠨ ᠴᠠᠢ ᠤᠤᠭᠤᠬᠤ ᠶᠢᠨ ᠲᠠᠭᠠᠤ ᠨᠠᠰᠤᠳᠠᠳ ᠠᠴᠠ ᠡᠬᠢᠯᠡᠨ ᠠᠷᠢᠬᠢ ᠬᠡᠮᠨᠡᠨ᠂ ᠬᠠᠷᠢᠭᠤ ᠢᠷᠦᠭᠡᠯ ᠳᠤ | ᠮᠦᠷᠭᠦᠵᠦ ᠲᠠᠭᠤᠤ ᠲᠠᠭᠤᠯᠠᠵᠦ ᠨᠠᠶᠢᠷᠯᠠᠳᠠᠭ᠃ ᠨᠠᠶᠢᠷ ᠤᠨ ᠲᠤᠮᠳᠠ ᠲᠠᠯᠠᠯᠭᠠ ᠶᠢᠨ ᠰᠢᠭᠦᠰᠦ ᠤᠭᠤᠴᠠ ᠶᠢ | ᠲᠠᠬᠢᠯᠭᠠ ᠶᠢᠨ ᠯᠠᠮᠠ ᠪᠠ ᠨᠠᠰᠤᠳᠠᠳ ᠲᠤ ᠠᠮᠬᠠᠷᠠᠭᠤᠯᠬᠤ ᠠᠴᠠ ᠡᠮᠦᠨᠡ ᠪᠠᠭᠠᠴᠤᠳ ᠪᠤᠰᠴᠤ ᠬᠠᠰᠢᠭᠠᠳ ᠲᠡᠭᠷᠢ | ᠰᠢᠳᠦᠭᠡᠨ᠂ ᠭᠠᠯ ᠭᠤᠯᠤᠮᠳᠠ ᠳᠤ ᠡᠷᠭᠦᠵᠦ ᠪᠠᠷᠠᠭᠠᠳ᠂ ᠤᠭᠤᠴᠠᠨ ᠬᠠᠵᠠᠭᠤ ᠶᠢ ᠬᠡᠤᠬᠡᠳ ᠤᠳ ᠲᠤ ᠲᠦᠭᠡᠭᠡᠵᠦ | ᠦᠭᠭᠦᠭᠡᠳ᠂ ᠲᠠᠯᠠᠯᠭᠠ ᠶᠢᠨ ᠯᠠᠮᠠ ᠪᠤᠯᠤᠨ ᠨᠠᠰᠤᠳᠠᠳ ᠲᠤ ᠤᠭᠤᠴᠠ ᠪᠠᠨ ᠳᠠᠯᠪᠢᠵᠦ ᠦᠭᠴᠤ ᠠᠮᠰᠠᠭᠤᠯᠤᠭᠠᠳ | ᠵᠤᠭᠤᠭᠯᠠᠭᠤᠯᠵᠦ ᠪᠤᠴᠠᠭᠠᠳᠠᠭ᠃ ᠨᠡᠯᠢᠶᠡᠳ ᠨᠠᠶᠢᠷᠠᠯᠠᠭᠰᠠᠨ ᠤ ᠲᠠᠷᠠᠭᠠ ᠲᠠᠯᠠᠯᠭᠠ ᠶᠢᠨ ᠨᠠᠶᠢᠷ ᠦᠨᠳᠦᠷᠯᠡᠨᠡ᠃ | ᠭᠤᠷᠪᠠ ᠶᠢᠰᠦᠨ ᠰᠦᠯᠳᠡ ᠶᠢᠨ ᠲᠠᠯᠠᠯᠭᠠ ᠶᠢᠨ ᠰᠠᠩ | ᠶᠢᠷᠳᠢᠨᠴᠤ ᠶᠢᠨ ᠬᠠᠷᠠᠩᠭᠤᠢ ᠶᠢ ᠬᠡᠶᠢᠭᠦᠯᠦᠭᠴᠢ ᠨᠠᠷᠠᠨ ᠰᠠᠷᠠᠨ ᠤ ᠭᠡᠰᠢᠭ ᠢ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕ | | ᠢᠯᠡᠳᠳᠡ ᠬᠦᠰᠡᠯ ᠢ ᠬᠠᠩᠭᠠᠭᠴᠢ ᠴᠢᠨᠳᠠᠮᠤᠨᠢ ᠡᠷᠳᠡᠨᠢ ᠶᠢᠨ ᠭᠡᠰᠢᠭ ᠢ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕ | ᠬᠠᠨ ᠬᠤᠷᠮᠤᠰᠳᠠ ᠲᠡᠷᠢᠭᠦᠳᠡᠨ ᠲᠡᠭᠷᠢ ᠨᠠᠷ ᠤᠨ ᠭᠡᠰᠢᠭ ᠢ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕ | ᠬᠠᠮᠤᠭ ᠢ ᠵᠠᠬᠢᠷᠤᠭᠴᠢ ᠬᠠᠭᠠᠳ ᠤᠨ ᠬᠦᠮᠦᠨ ᠤ ᠪᠤᠶᠠᠨ ᠭᠡᠰᠢᠭ ᠢ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕ | ᠡᠭᠦᠷᠢᠳᠡ ᠬᠤᠷᠢᠮ ᠲᠠᠯᠪᠢᠭᠴᠢ ᠯᠤᠤᠰ ᠤᠨ ᠬᠠᠳ ᠤᠨ ᠭᠡᠰᠢᠭ ᠢ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕ | ᠡᠳ᠋ ᠤᠯᠵᠠ ᠪᠠᠷ ᠪᠢᠯᠬᠠᠮᠠᠯ ᠶᠠᠭᠴᠢᠰ ᠤᠨ ᠪᠤᠶᠠᠨ ᠭᠡᠰᠢᠭ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕ | ᠢᠯᠠᠭᠤᠭᠰᠠᠨ ᠭᠡᠰᠡᠷ ᠬᠠᠭᠠᠨ ᠤ ᠴᠡᠷᠢᠭ ᠲᠠᠶᠢᠨ ᠤ ᠭᠡᠰᠢᠭ ᠢ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕ | ᠢᠵᠠᠭᠤᠷ ᠦᠨᠳᠦᠰᠦ ᠳᠡᠯᠭᠡᠷᠡᠭᠦᠯᠬᠦ ᠤᠯᠠᠨ ᠬᠡᠤᠬᠡᠳ ᠤᠨ ᠭᠡᠰᠢᠭ ᠢ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕ | ᠢᠮᠠᠭᠳᠠ ᠰᠠᠯᠬᠢᠨ ᠭᠦᠶᠦᠳᠡᠯ ᠲᠠᠢ ᠬᠤᠷᠳᠤᠨ ᠮᠤᠷᠢᠨ ᠤ ᠭᠡᠰᠢᠭ ᠢ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕ | ᠢᠯᠳᠦ ᠮᠡᠰᠡ ᠳᠤ ᠨᠡᠪᠳᠡᠷᠡᠰᠢ ᠦᠭᠡᠢ ᠬᠤᠶᠠᠭ ᠲᠤᠭᠤᠯᠠᠭᠠ ᠶᠢᠨ ᠭᠡᠰᠢᠭ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕ | ᠪᠦᠬᠦᠨᠡ ᠵᠦᠭ ᠲᠤ ᠢᠯᠠᠭᠤᠭᠰᠠᠨ ᠬᠤᠳᠠᠯᠠ ᠲᠡᠭᠦᠰ ᠭᠡᠰᠢᠭ ᠤᠳ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕ | ᠪᠦᠷᠢᠨ ᠦᠯᠵᠠᠢ ᠬᠤᠲᠤᠭ ᠤᠳ ᠡᠨᠡ ᠤᠷᠤᠨ ᠳᠤ ᠪᠢᠯᠬᠠᠭᠳᠤᠨ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕ | ᠦᠮᠦᠭ ᠲᠦᠰᠢᠭ ᠤᠨ ᠰᠠᠬᠢᠭᠤᠯᠰᠤᠨ ᠰᠦᠯᠳᠡ ᠲᠡᠭᠷᠢ ᠨᠦᠬᠦᠷ ᠰᠠᠯᠳᠠ | ᠡᠳᠦᠷ ᠭᠤᠷᠪᠠ ᠬᠠᠷᠠᠭᠠᠳ ᠰᠦᠨᠢ ᠭᠤᠷᠪᠠ ᠰᠠᠬᠢᠭᠳᠤᠨ︕ | ᠠᠷᠤ ᠠᠴᠠ ᠡᠭᠦᠷᠢᠳᠡ ᠲᠦᠰᠢᠵᠦ ᠡᠮᠦᠨᠡ ᠠᠴᠠ ᠦᠷᠭᠦᠯᠵᠢ ᠲᠤᠯᠤᠭᠠᠳ | ᠠᠯᠤᠰ ᠶᠠᠪᠤᠬᠤ ᠳᠤ ᠦᠳᠡᠭᠡᠳ ᠡᠷᠭᠢᠵᠦ ᠢᠷᠡᠬᠦ ᠳᠤ ᠤᠭᠳᠤᠭᠳᠤᠨ︕ | ᠬᠦᠨᠦᠭᠡᠯ ᠰᠠᠭᠠᠳ ᠲᠤᠳᠬᠠᠷ ᠪᠠ ᠡᠪᠡᠳᠴᠢᠨ ᠠᠳᠠ ᠠᠴᠠ ᠠᠪᠤᠷᠠᠭᠠᠳ | ᠬᠦᠰᠡᠵᠦ ᠰᠠᠨᠠᠭᠰᠠᠨ ᠵᠦᠢᠯ ᠤᠳ ᠦᠪᠡᠷ ᠢᠶᠠᠨ ᠪᠦᠳᠦᠬᠦ ᠪᠤᠯᠳᠤᠭᠠᠢ︕ | ᠲᠠᠯᠠᠯᠭᠠᠨ ᠤ ᠰᠡᠭᠦᠯ ᠳᠤ ᠴᠠᠭᠠᠨ ᠪᠤᠳᠠᠭᠠ ᠰᠠᠴᠤᠵᠦ᠂ ᠭᠡᠰᠢᠭ ᠬᠤᠲᠤᠭ ᠲᠤᠭᠳᠠᠬᠤ ᠢᠷᠦᠭᠡᠯ ᠲᠠᠯᠪᠢᠨᠠ᠂ | ᠡᠭᠦᠨ ᠢ ︽ᠷᠠᠰᠢ ᠡᠷᠭᠦᠨᠡ︾ ᠭᠡᠳᠡᠭ᠃ ᠲᠡᠷᠡ ᠠᠶᠢᠯ ᠤᠨ ᠬᠢᠨ ᠲᠠᠯᠠᠯᠭᠠ ᠲᠠᠯᠠᠯᠤᠭᠰᠠᠨ ᠡᠳ᠋ ᠢᠳᠡᠭᠡᠨ ᠢ | ᠪᠦᠬᠦᠨ ᠢ ᠬᠤᠷᠢᠶᠠᠨᠠ᠃ ᠲᠠᠯᠠᠯᠭᠠ ᠲᠡᠭᠦᠰᠬᠦ ᠳᠤ ᠲᠠᠬᠢᠯᠭᠠ ᠶᠢᠨ ᠯᠠᠮᠠ ᠶᠢᠨ ᠬᠤᠮᠬᠠ ᠲᠠᠢ ᠷᠠᠰᠢᠶᠠᠨ ᠢ | ᠲᠦᠷᠦᠬᠡ ᠳᠤ ᠬᠢᠭᠰᠡᠨ ᠰᠦ ᠲᠠᠢ ᠤᠰᠤᠨ ᠳᠤ ᠨᠡᠶᠢᠯᠡᠭᠦᠯᠦᠭᠡᠳ ᠮᠤᠷᠢ ᠲᠠᠢ ᠪᠠᠷᠢᠨ ᠮᠤᠷᠳᠡᠵᠦ᠂ ᠬᠤᠷᠢᠶᠠᠭᠰᠠᠨ ᠮᠠᠯ | ᠰᠦᠷᠦᠭ ᠤᠨ ᠲᠤᠮᠳᠠᠭᠤᠷ ᠶᠠᠪᠤᠵᠦ ᠰᠢᠨᠠᠭᠠ ᠪᠠᠷ ᠷᠠᠰᠢᠶᠠᠨ ᠰᠠᠴᠤᠵᠦ ᠮᠠᠯ ᠰᠦᠷᠦᠭ ᠢᠶᠠᠨ ᠷᠠᠰᠢᠶᠠᠯᠠᠨᠠ᠃ | ᠢᠩᠬᠢᠭᠡᠳ ᠮᠠᠯ ᠰᠦᠷᠦᠭ ᠢᠶᠠᠨ ᠬᠡᠶᠢᠮᠦᠷᠢ ᠪᠤᠶᠤ ᠭᠡᠰᠢᠭ ᠤᠨ ᠵᠦᠭ ᠲᠡᠭᠡᠨ ᠪᠡᠯᠴᠢᠭᠡᠵᠦ ᠳᠠᠯᠪᠢᠨᠡ᠃ | | ᠠᠰᠢᠭᠯᠠᠭᠰᠠᠨ ᠨᠤᠮ ᠵᠦᠢ | ᠪ᠊᠂ ᠤᠳᠬᠠᠨ ᠤ ︽ᠲᠠᠯᠠᠯᠭᠠ ᠲᠠᠯᠠᠯᠬᠤ ᠶᠤᠰᠤᠨ︾ | ︽ᠮᠤᠩᠭᠤᠯ ᠵᠠᠩ ᠦᠢᠯᠡ ᠶᠢᠨ ᠨᠡᠪᠳᠡᠷᠬᠡᠢ ᠲᠤᠯᠢ᠂ ᠤᠶᠤᠨ ᠤ ᠪᠤᠳᠢ︾ | ᠫ᠊᠂ ᠲᠤᠭᠠᠷ ᠤᠨ ︽ᠮᠤᠩᠭᠤᠯ ᠭᠡᠷ ᠤᠨ ᠰᠤᠶᠤᠯ︾ | ᠵᠦᠷᠮᠢᠳ ᠨᠠᠰᠤᠳᠠᠨ ᠤ ᠶᠠᠷᠢᠶᠠ | ᠵᠠᠳᠠᠮᠪᠠ ᠨᠠᠰᠤᠳᠠᠨ ᠤ ᠶᠠᠷᠢᠶᠠ |