| ᠷᠢ᠊᠂ ᠰᠡᠴᠡᠨᠳᠤ | ᠰᠦᠯᠳᠡ ᠨᠢ ᠨᠢᠭᠡ ᠤᠯᠤᠰ ᠦᠨᠳᠤᠰᠤᠳᠠᠨ᠂ ᠠᠶᠢᠮᠠᠭ ᠪᠦᠯᠦᠭ ᠤᠨ ᠰᠦᠷ ᠬᠦᠴᠤᠨ ᠂ ᠵᠢᠴᠢ | ᠲᠡᠬᠦᠨ ᠤ ᠴᠤᠭ ᠵᠤᠯᠪᠠᠭᠠ᠂ ᠦᠭᠡᠳᠡᠯᠡᠯ ᠲᠡᠭᠵᠢᠷᠡᠯ ᠂ ᠵᠦᠩ ᠪᠡᠯᠭᠡᠳᠡᠯ ᠢ ᠢᠯᠡᠷᠬᠡᠶᠢᠯᠡᠵᠤ ᠪᠠᠶᠢᠳᠠᠭ | ᠪᠤᠯ ᠴᠢᠩᠬᠢᠰ ᠪᠤᠭᠳᠠ ᠶᠢ ᠪᠦᠷᠳᠡ ᠬᠠᠳᠤᠨ ᠲᠠᠢ ᠨᠢ ᠰᠠᠨᠳᠡᠢ ᠵᠡᠷᠭᠡᠴᠡᠬᠦᠯᠤᠨ ᠰᠠᠭᠤᠯᠭᠠᠵᠤ᠂ | ᠬᠤᠶᠠᠭᠤᠯᠠ ᠪᠠᠨ ᠴᠦᠮ ᠵᠡᠬᠦᠨ ᠭᠠᠷ ᠲᠠᠭᠠᠨ ᠴᠢᠨᠳᠡᠮᠤᠨᠢ ᠡᠷᠳᠡᠨᠢ ᠶᠢᠨ ᠪᠤᠮᠪᠤ ᠂ ᠡᠪᠤᠷ ᠲᠡᠭᠡᠷᠡ | ᠪᠠᠨ ᠠᠳᠬᠤᠵᠤ᠂ ᠲᠤᠩ ᠲᠦᠪ ᠴᠢᠬᠢᠮᠠᠢ ᠂ ᠡᠨᠡᠷᠢᠩᠬᠦᠢ ᠶᠡᠬᠡᠮᠰᠤᠭ᠌ ᠤᠪᠤᠷ ᠪᠠᠶᠢᠳᠠᠯ ᠢᠶᠠᠷ ᠵᠢᠷᠤᠭᠰᠠᠨ | ᠭᠠᠶᠢᠬᠠᠮᠰᠢᠭᠳᠤ ᠲᠦᠷᠢ ᠦᠵᠤᠮᠤᠴᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ︽ ᠬᠦᠳᠡᠭᠡ ᠰᠦᠯᠳᠡᠨ ︾ ᠲᠠᠬᠢᠯᠭᠠ | ᠶᠢᠨ ᠲᠠᠯᠪᠠᠭᠠ ᠲᠡᠭᠡᠷᠡ ᠬᠠᠷᠠ ᠤᠶᠢᠰᠤᠨ ᠪᠠᠬᠢ ᠪᠠᠷ ᠲᠤᠳᠤᠬᠠᠨ ᠵᠢᠷᠤᠭᠳᠠᠵᠤ ᠪᠠᠶᠢᠳᠠᠭ ᠃ | ᠲᠡᠭᠷᠢᠯᠢᠭ ᠲᠦᠷᠤ ᠂ ᠠᠯᠳᠠᠨ ᠤᠭᠰᠠᠭᠠ ᠂ ᠡᠵᠡᠨ ᠬᠤᠶᠢᠮᠤᠷ ᠤᠨ ᠪᠠᠶᠢᠷᠢ ᠰᠠᠭᠤᠷᠢ | ᠭᠤᠤᠯᠯᠠᠭᠰᠠᠨ ᠦᠩᠭᠡᠷᠡᠭᠰᠡᠨ ᠵᠠᠭᠤᠨ ᠳᠤ ᠡᠶᠢᠨ ᠬᠦ ᠵᠢᠷᠤᠭ ᠲᠦᠷᠢ ᠲᠤᠭ ᠰᠦᠯᠳᠡᠨ ᠲᠡᠭᠡᠷᠡ ᠪᠠᠶᠢᠨᠠ | ᠭᠡᠳᠡᠭ ᠶᠡᠷᠤᠨᠢ ᠰᠡᠳᠬᠢᠬᠦ ᠶᠢᠨ ᠠᠷᠭᠠ ᠦᠭᠡᠢ ᠵᠡᠬᠦᠳᠤ ᠮᠦᠷᠤᠭᠡᠳᠤᠯ ᠰᠢᠭ᠋ ᠪᠠᠰᠠ ᠴᠦ ᠬᠡᠨ ᠨᠢᠭᠡᠨ ᠤ | ᠲᠠᠮ ᠲᠠᠯᠳᠠ ᠶᠢᠨ ᠤᠷᠢᠳᠠᠴᠢ ᠪᠡᠶᠡᠯᠡᠯ ᠵᠦᠩᠨᠡᠯ ᠮᠡᠳᠤ ᠠᠵᠠᠢ᠃ ᠨᠡᠩ ᠴᠦ ᠲᠤᠷᠠ ᠵᠤᠷᠢᠭ ᠤᠨ | ᠨᠢᠭᠡᠨ ᠠᠶᠢᠮᠠᠭ ᠪᠦᠯᠦᠭ ᠤᠨ ᠰᠦᠯᠳᠡ ᠶᠢ ᠪᠤᠤ ᠬᠡᠯᠡ ᠂ ᠦᠴᠤᠬᠡᠨ ᠨᠢᠭᠡᠨ ᠤᠪᠤᠭ ᠢᠵᠠᠭᠤᠷᠳᠡᠨ | ᠠᠴᠠ ᠡᠵᠡᠨ ᠬᠠᠭᠠᠳ ᠤᠨ ᠰᠠᠨᠳᠡᠢ ᠶᠢᠨ ᠲᠡᠷᠭᠡᠳᠡ ᠪᠦᠰᠡᠬᠦᠢ ᠬᠦᠮᠤᠨ ᠢ ᠶᠠᠭ ᠢᠩᠬᠢᠵᠤ | ᠵᠡᠷᠭᠡᠴᠡᠬᠦᠯᠤᠨ ᠰᠠᠭᠤᠯᠭᠠᠵᠤ ᠲᠦᠷᠤ ᠬᠦᠷᠤᠨ ᠤ ᠶᠤᠰᠤ ᠲᠢᠭᠯᠢᠮ ᠢᠶᠠᠨ ᠠᠶᠢᠯᠠᠳᠬᠠᠳᠠᠭ ᠦᠷᠤᠰᠢᠶᠠᠯᠳᠤ | ᠬᠠᠭᠠᠨ ᠤ ᠡᠶᠡᠪᠡᠷᠬᠦᠤ ᠲᠦᠷᠤ ᠡᠪᠡᠷᠢᠯᠳᠤ ᠰᠠᠢᠳ᠂ ᠸᠠᠩ ᠬᠦᠩ ᠠᠴᠠ ᠪᠠᠶᠠᠳ ᠨᠤᠶᠠᠳ ᠤᠳ ᠲᠤ | ᠬᠦᠷᠳᠡᠯᠡ ᠲᠡᠶᠢᠮᠤ ᠬᠦᠮᠦᠯᠢᠭ ᠶᠢᠷᠳᠢᠨᠴᠤ ᠬᠠᠮᠢᠭᠠ ᠪᠠᠶᠢᠯᠠ ᠃ ᠨᠡᠷᠡ ᠲᠦᠷᠤ ᠮᠠᠨᠳᠤᠭᠰᠠᠨ ᠬᠠᠨᠠ ᠶᠢᠨ | ᠵᠢᠷᠤᠭ᠂ ᠬᠡᠪᠢᠰ ᠲᠤᠷᠭᠠ ᠪᠦᠰ᠂ ᠱᠠᠭᠠᠵᠢᠩ ᠰᠠᠪᠠ ᠡᠳ᠋ᠯᠡᠯ ᠤᠨ ᠠᠯᠢ ᠦᠨᠴᠦᠭ ᠪᠦᠯᠦᠩ ᠲᠤᠨᠢ | ᠵᠢᠷᠤᠭᠳᠠᠵᠤ ᠪᠠᠶᠢᠭᠰᠠᠨ ᠪᠤᠢ ᠃ | ᠶᠠᠮᠠᠷ ᠤᠷᠴᠢᠨ ᠦᠶᠡ ᠶᠢᠨ ᠨᠡᠶᠢᠭᠡᠮ᠂ ᠤᠯᠤᠰ ᠬᠦᠷᠤᠨ ᠤ ᠬᠦᠭᠵᠢᠯ ᠲᠠᠪᠰᠢᠯᠳᠠ᠂ ᠦᠨᠳᠤᠰᠤᠳᠠᠨ | ᠶᠠᠰᠤᠳᠠᠨ ᠤ ᠵᠦᠷᠢᠴᠡᠯ ᠮᠦᠷᠬᠦᠯᠳᠡᠭᠡᠨ ᠢᠶᠠᠷ ᠲᠤᠷᠠᠳᠤᠳᠠᠭ ᠬᠦᠮᠤᠨ ᠤ ᠡᠷᠬᠡ ᠂ ᠠᠷᠠᠳᠴᠢᠯᠠᠯ ᠤᠨ | ᠬᠦᠮᠤᠯᠢᠭ ᠦᠵᠡᠯ ᠂ ᠰᠢᠳᠤᠷᠭᠤ ᠶᠤᠰᠤᠨ ᠤ ᠪᠡᠶᠡᠯᠡᠯ ᠲᠡᠮᠡᠤᠬᠦᠯᠤᠯ ᠤᠨ ᠴᠠᠭ ᠴᠦ ᠪᠢᠰᠢ ᠃ | ᠡᠶᠢᠮᠤ ᠶᠡᠭᠡ ᠡᠷᠬᠡ ᠲᠡᠭᠰᠢ ᠂ ᠬᠠᠶᠢᠷᠠ ᠬᠦᠨᠳᠤᠳᠬᠡᠯ ᠤᠨ ᠵᠡᠷᠭᠡᠴᠡᠯ᠂ ᠪᠤᠯᠪᠠᠰᠤᠨ ᠶᠤᠰᠤᠷᠬᠠᠭ ᠮᠤᠷᠠᠯ | ᠵᠦᠢᠴᠡᠯᠡᠯ ᠡᠷᠳᠡᠨ ᠳᠤ ᠪᠠᠶᠢᠨᠠ ᠭᠡᠳᠡᠭ ᠬᠠᠴᠢᠨ᠃ ᠬᠡᠳᠤᠶᠢᠪᠡᠷ ᠮᠠᠨ ᠤ ᠲᠡᠭᠡᠷᠡ ᠦᠶᠡ ᠶᠢᠨ ᠬᠢᠨᠢ | ᠡᠪᠤᠭᠡᠳ ᠲᠡᠭᠡᠳᠤᠰ ᠬᠠᠳᠠᠬᠢᠨ ᠤᠪᠤᠭ ᠤᠨ ᠶᠠᠰᠤᠳᠠᠨ ᠪᠤᠯᠪᠠᠴᠤ ᠮᠢᠨᠤ ᠬᠤᠪᠢ ᠳᠤ ᠦᠵᠤᠮᠤᠴᠢᠨ ᠤ | ᠬᠠᠳᠠᠬᠢᠨᠴᠤᠳ ᠤᠨ ᠵᠢᠷᠤᠮ ᠢᠶᠠᠷ ᠨᠠᠷᠠᠨ ᠤ ᠠᠯᠳᠠᠨ ᠠᠮᠢᠰᠬᠤᠯ ᠲᠤᠭᠠᠯᠠᠩ ᠨᠠᠮᠢᠷᠠᠬᠤ ᠡᠨᠡ ᠬᠦᠳᠡᠭᠡ ᠰᠦᠯᠳᠡ | ᠶᠢ ᠤᠨᠴᠠ ᠶᠢᠨ ᠶᠡᠭᠡ ᠪᠠᠷ ᠰᠤᠨᠢᠷᠬᠠᠳᠠᠭ ᠰᠠᠨ ᠃ ᠡᠨᠡ ᠪᠤᠯ ᠰᠠᠨᠠᠭᠠᠨ ᠳᠤ ᠦᠭᠡᠢ ᠨᠢᠭᠡᠨ | ᠪᠠᠶᠢᠷᠠᠰᠢᠭᠤᠯᠤᠯᠳᠠ᠂ ᠵᠢᠷᠤᠭᠴᠢᠨ ᠤ ᠠᠬᠤᠢ ᠢᠯᠡᠷᠬᠡᠶᠢᠯᠡᠯ ᠤᠭᠳᠤ ᠪᠢᠰᠢ ᠶᠤᠮ᠃ ᠲᠦᠷᠤ ᠲᠦᠮᠡᠨ ᠤ | ᠡᠪ ᠨᠠᠶᠢᠷ ᠂ ᠪᠦᠯᠬᠦᠮᠳᠡᠯ ᠨᠢᠭᠳᠤᠷᠠᠯ ᠤᠨ ᠬᠦᠴᠤᠨ ᠂ ᠬᠠᠮᠳᠤ ᠶᠢᠨ ᠬᠠᠶᠢᠷᠠ ᠰᠡᠳᠬᠢᠯᠭᠡ ᠶᠢ | ᠬᠠᠷᠠᠭᠤᠯᠤᠭᠰᠠᠨ ᠡᠷᠬᠡ ᠪᠠᠷᠢᠵᠤ ᠡᠵᠡᠨ ᠰᠠᠭᠤᠬᠤ ᠶᠢᠨ ᠤᠳᠤᠷᠢᠳᠤᠭᠴᠢ ᠤᠬᠠᠭᠠᠯᠢᠭ ᠤᠳᠬᠠ ᠂ ᠲᠡᠤᠬᠡ | ᠶᠢᠨ ᠲᠠᠯᠳᠠᠴᠢ ᠵᠠᠩᠬᠢᠯᠭᠠ ᠠᠭᠤᠯᠠᠵᠤ ᠪᠠᠶᠢᠨᠠ ᠭᠡᠵᠤ ᠰᠠᠨᠠᠭᠠᠰᠢᠷᠠᠨ ᠪᠤᠳᠤᠬᠤ ᠲᠤᠳᠤᠮ ᠪᠤᠳᠤᠯ ᠤᠨ | ᠨᠢᠭᠡᠨ ᠭᠠᠴᠢᠯᠠᠩ ᠪᠤᠯᠵᠤ ᠡᠴᠢᠨᠡᠬᠡᠨ ᠭᠠᠯᠠᠪ ᠤᠨ ᠲᠤᠭᠤᠰᠤ ᠦᠩᠭᠡᠭᠰᠡᠨ ︽ ᠬᠦᠳᠡᠭᠡ ᠰᠦᠯᠳᠡ︾ ᠶᠢᠨ | ᠲᠤᠭ ᠲᠠᠯᠪᠠᠭᠠ ᠨᠠᠮᠠᠢᠢ ᠴᠢᠯᠠᠭᠤᠨ ᠲᠤᠳᠤᠷᠠ ᠰᠢᠷᠭᠤᠵᠤ ᠤᠷᠤᠬᠤ ᠠᠴᠠ ᠲᠤᠤᠷᠠ ᠦᠭᠡᠢ ᠰᠤᠷᠪᠤᠯᠵᠢ | ᠪᠢᠴᠢᠭ ᠤᠨ ᠮᠤᠬᠤᠷᠳᠡᠯ ᠳᠤ ᠭᠠᠰᠠᠯᠭᠠᠳᠠᠭ᠃ | ᠠᠷᠤ ᠬᠠᠩᠭᠠᠢ ᠦᠵᠤᠮ ᠤᠨ ᠴᠠᠭᠠᠨ ᠠᠭᠤᠯᠠᠨ ᠠᠴᠠ ᠲᠦᠷᠪᠡᠨ ᠵᠠᠭᠤᠭᠠᠳ ᠵᠢᠯ ᠤᠨ ᠡᠮᠤᠨᠡ | ᠭᠤᠪᠢ ᠶᠢᠨ ᠤᠮᠠᠷᠠ ᠳᠤ ᠨᠡᠬᠦᠳᠡᠯᠵᠤ ᠢᠷᠡᠭᠰᠡᠨ ᠭᠡᠬᠦ ᠲᠡᠮᠳᠡᠭᠯᠡᠯ ᠲᠠᠢ ᠦᠵᠤᠮᠤᠴᠢᠨ ᠮᠤᠩᠭᠤᠯᠴᠤᠳ ᠂ | ᠦᠨᠤ ᠴᠦ ᠭᠡᠰᠡᠨ ᠲᠡᠯᠡᠬᠡᠢ ᠶᠢᠨ ᠮᠤᠩᠭᠤᠯ ᠤᠭᠰᠠᠭᠠᠳᠠᠨ ᠤ ᠲᠡᠤᠬᠡᠨ ᠳᠤ ᠯᠤᠳᠤ ᠶᠡᠭᠡ ᠬᠤᠪᠢ | ᠨᠡᠮᠡᠬᠦᠷᠢ ᠲᠠᠢ ᠶᠠᠪᠤᠭᠠ ᠪᠦᠭᠡᠳ ᠡᠷᠴᠢᠮ ᠰᠦᠯᠵᠢᠶᠡᠨ ᠳᠤ ᠰᠤᠩᠭᠤᠳᠠᠭ ᠲᠡᠯᠭᠡᠴᠡ ᠲᠠᠢ ᠂ ᠡᠷᠡᠨ | ᠦᠶᠡ ᠳᠤ ᠨᠡᠬᠦᠳᠡᠯ ᠮᠠᠯᠵᠢᠯ ᠤᠨ ᠰᠤᠨᠢᠷᠬᠠᠯ ᠲᠠᠢ ᠠᠶᠢᠮᠠᠭ ᠪᠦᠯᠦᠭ ᠪᠢᠯᠡ ᠃ | ᠬᠡᠳᠤᠶᠢᠪᠡᠷ ᠮᠤᠩᠭᠤᠯ ᠤᠨ ᠲᠤᠯᠭᠠᠭᠤᠷᠢ ᠪᠢᠴᠢᠭ ᠤᠳ ᠲᠤ ᠦᠵᠤᠮᠤᠴᠢᠨ ᠠᠶᠢᠮᠠᠭ ᠨᠢ | ᠤᠶᠢᠷᠠᠳ ᠲᠦᠮᠡᠨ ᠤ ᠰᠠᠯᠪᠤᠷᠢ ᠲᠤᠳᠤᠷᠠ ᠰᠤᠳᠤᠯᠤᠭᠳᠠᠨ ᠭᠠᠷᠳᠠᠭ ᠴᠦ ᠮᠤᠩᠭᠤᠯ ᠤᠨ ᠠᠯᠳᠠᠨ ᠤᠷᠤᠭ | ᠤᠨ ᠪᠦᠷᠢᠯᠳᠤᠬᠦᠨ ᠢᠶᠠᠷ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠨᠢᠷᠤᠭᠤᠨ ᠮᠤᠩᠭᠤᠯ ᠤᠨ ᠤᠭᠰᠠᠭᠠ ᠭᠠᠷᠪᠠᠯᠢ | ᠳᠤ ᠪᠠᠭᠳᠠᠳᠠᠭ ᠃ ᠦᠵᠤᠮᠤᠴᠢᠨ ᠬᠦᠮᠤᠰ ᠠᠶᠢᠯ ᠰᠠᠭᠠᠬᠠᠯᠳᠠ ᠶᠢᠨ ᠡᠪ ᠨᠠᠶᠢᠷ ᠢ ᠶᠡᠬᠡᠳᠡ | ᠴᠢᠬᠤᠯᠠᠴᠢᠯᠠᠨ ᠂ ᠠᠶᠢᠯ ᠤᠨ ᠬᠦᠮᠤᠨ ᠤ ᠠᠮᠢ ᠨᠢᠭᠡ ᠂ ᠰᠠᠭᠠᠬᠠᠯᠳᠠ ᠶᠢᠨ ᠤᠯᠠᠨ ᠤ ᠰᠠᠨᠠᠭᠠ ᠨᠢᠭᠡ | ᠭᠡᠵᠤ ᠨᠡᠶᠢᠭᠡᠮᠴᠢᠯᠡᠨ ᠪᠦᠬᠦᠳᠡ ᠨᠡᠶᠢᠳᠡᠮ ᠳᠡᠭᠡᠨ ᠪᠤᠯᠪᠠᠰᠤᠨ ᠲᠠᠷᠤᠤᠬᠠᠨ ᠤᠷᠤᠰᠢᠬᠤ ᠶᠢ ᠵᠢᠷᠤᠮᠯᠡᠳᠡᠭ ᠃ | ᠡᠨᠡ ᠲᠤᠬᠠᠢ ᠠᠵᠢᠭᠯᠠᠯᠳᠠ ᠶᠡᠬᠡᠴᠤᠤᠯ ᠤᠨ ᠬᠢᠨᠢ ᠤᠪᠤᠷ ᠰᠤᠷᠳᠡᠯ ᠠᠴᠠ ᠴᠦ ᠢᠯᠡ ᠲᠤᠳᠤᠷᠬᠠᠢ | ᠬᠠᠷᠠᠭᠳᠠᠳᠠᠭ ᠃ | ︽ ᠬᠦᠳᠡᠭᠡ ᠰᠦᠯᠳᠡ︾ ᠲᠠᠬᠢᠬᠤ ᠡᠳᠤᠷ ᠦᠵᠤᠮᠤᠴᠢᠨ ᠤ ᠪᠦᠬᠦ ᠠᠷᠠᠳ ᠤᠨ ᠴᠤᠭᠯᠠᠭᠠᠨ | ᠪᠤᠯᠵᠤ ᠂ ᠬᠠᠮᠢᠭᠠᠨᠡᠬᠢ ᠶᠢᠨ ᠬᠡᠨ ᠭᠡᠭᠴᠢ ᠂ ᠠᠯᠢ ᠨᠤᠳᠤᠭ ᠤᠨ ᠶᠠᠮᠠᠷ ᠤᠪᠤᠭᠳᠠᠨ ᠪᠤᠯᠬᠤ ᠪᠠᠨ | ᠲᠠᠬᠢᠯᠭᠠᠨ ᠳᠤ ᠤᠷᠤᠯᠴᠬᠤ ᠬᠦᠮᠤᠰ ᠴᠡᠭᠡ ᠠᠮᠰᠠᠬᠤ ᠶᠢᠨ ᠦᠶᠡ ᠳᠤ ᠴᠦᠮ ᠢᠯᠭᠤᠮᠠ ᠲᠤᠳᠤᠷᠬᠠᠢ | ᠦᠴᠢᠳᠡᠭ ᠵᠠᠩᠰᠢᠯ ᠲᠠᠢ ᠃ ᠦᠵᠤᠮᠤᠴᠢᠨ ᠸᠠᠩ ᠨᠤᠶᠠᠨ ᠴᠦ ᠲᠠᠬᠢᠯᠭᠠ ᠶᠢᠨ ᠦᠶᠡ ᠳᠤ | ᠤᠷᠳᠤᠴᠢᠨ ᠤᠪᠤᠭ ᠤᠨ ︽ ᠬᠦᠳᠡᠭᠡ ᠰᠦᠯᠳᠡᠨ︾ ᠵᠠᠩᠬᠢ ᠳᠤ ᠮᠡᠬᠦᠶᠢᠨ ᠮᠦᠷᠬᠦᠵᠤ ᠬᠦᠨᠳᠤᠳᠬᠡᠯ | ᠦᠵᠡᠬᠦᠯᠳᠡᠭ ᠬᠡᠬᠦ ᠪᠠᠷ ︽ ᠬᠦᠳᠡᠭᠡ ᠰᠦᠯᠳᠡᠨ︾ ᠳᠤ ᠠᠤᠭᠠ ᠶᠡᠭᠡ ᠲᠡᠭᠷᠢᠯᠢᠭ ᠶᠤᠰᠤ ᠵᠦᠢ | ᠠᠭᠤᠯᠤᠭᠳᠠᠵᠤ ᠴᠠᠭᠠᠨᠠ ᠪᠠᠨ ᠨᠢᠭᠡᠯᠡ ᠶᠡᠷᠤ ᠪᠤᠰᠤ ᠶᠢᠨ ᠨᠢᠭᠤᠴᠠᠬᠠᠢ ᠲᠠᠯᠳᠠ ᠶᠢᠨ ᠬᠦᠴᠤ ᠡᠨᠧᠷᠬᠢ | ᠲᠠᠪᠬᠤᠷ ᠲᠠᠪᠬᠤᠷ ᠤᠷᠤᠰᠢᠵᠤ ᠪᠤᠢ ᠃ ᠦᠵᠤᠮᠤᠴᠢᠨ ᠬᠦᠮᠤᠰ ᠬᠡᠵᠢᠶᠡ ᠡᠬᠦᠷᠢᠳᠡ ᠬᠠᠨᠢ ᠢᠵᠢᠯᠢ ᠂ | ᠭᠡᠷ ᠪᠦᠯᠢ ᠠᠶᠢᠯ ᠰᠠᠭᠠᠬᠠᠯᠳᠠ ᠳᠠᠭᠠᠨ ᠲᠦᠪ ᠭᠤᠤᠯᠴᠢ ᠢᠶᠠᠷ ᠬᠠᠨᠳᠤᠵᠤ ᠂ ᠡᠨᠡᠷᠢᠯ ᠬᠠᠶᠢᠷᠠ ᠂ | ᠠᠴᠢᠯᠠᠯ ᠵᠢᠷᠤᠮ ᠢ ᠬᠦᠢᠴᠡᠳᠬᠡᠳᠡᠭ᠃ ︽ ᠬᠦᠳᠡᠭᠡ ᠰᠦᠯᠳᠡᠨ ︾ ᠲᠡᠭᠡᠷᠡᠬᠢ ᠡᠨᠡ ᠰᠠᠨᠠᠭᠠ ᠵᠤᠷᠢᠯᠭᠠ | ᠡᠵᠡᠨ ᠴᠢᠩᠭᠢᠰ ᠂ ᠡᠬᠡ ᠪᠦᠷᠳᠡ ᠬᠠᠳᠤᠨ ᠢᠶᠠᠷ ᠦᠯᠢᠭᠡᠷᠯᠡᠨ ᠪᠢᠳᠡᠨ ᠤ ᠮᠦᠩᠬᠡᠳᠡ ᠰᠠᠬᠢᠬᠤ | ᠲᠦᠪᠰᠢᠨ ᠡᠩᠬᠡ ᠲᠦᠷᠤ ᠂ ᠭᠠᠯ ᠭᠤᠯᠤᠮᠳᠠ ᠂ ᠠᠶᠢᠯ ᠰᠠᠭᠠᠬᠠᠯᠳᠠ ᠂ ᠬᠦᠮᠤᠨ ᠠᠷᠠᠳ ᠤᠨ ᠮᠢᠨᠢ | ᠡᠪ ᠨᠢᠭᠳᠠᠷᠠᠯ ᠤᠨ ᠲᠢᠭ ᠵᠠᠶ᠋ᠢᠭ ᠪᠤᠶᠤ ᠃ | ᠦᠵᠤᠮᠤᠴᠢᠨᠴᠤᠤᠯ ᠡᠨᠡ ᠠᠷᠠᠳᠴᠢᠯᠠᠯ ᠤᠨ ᠠᠯᠳᠠᠨ ᠪᠤᠮᠪᠤ ᠪᠠᠷᠢᠭᠰᠠᠨ ᠴᠢᠩᠬᠢᠰ ᠪᠤᠭᠳᠠ ᠂ | ᠪᠦᠷᠳᠡ ᠬᠠᠳᠤᠨ ᠲᠠᠢ ︽ᠬᠦᠳᠡᠭᠡ ᠰᠦᠯᠳᠡ︾ ᠪᠠᠨ ᠤᠮᠠᠷᠠᠳᠤ ᠶᠤᠸ᠋ᠨᠨ ᠤᠯᠤᠰ ᠤᠨ ᠦᠶᠡ ᠳᠤ | 140 ᠵᠢᠯ ᠲᠠᠬᠢᠵᠤ ᠮᠠᠨᠵᠤ ᠴᠢᠩ ᠤᠯᠤᠰ ᠤᠨ ᠦᠶᠡ ᠳᠤ 270 ᠭᠠᠷᠤᠢ ᠵᠢᠯ ᠲᠠᠬᠢᠵᠤ ᠂ ᠬᠤᠱᠤᠢ | ᠰᠡᠴᠡᠨ ᠴᠢᠨ ᠸᠠᠩ ᠤᠨ ᠰᠤᠳᠨᠠᠮᠷᠠᠪᠳᠠᠨ ᠤ ᠦᠶᠡ ᠳᠤ 30 ᠵᠢᠯ ᠲᠠᠬᠢᠵᠤ ᠂ 1947 ᠤᠨ ᠳᠤ | ᠲᠠᠬᠢᠯᠭᠠ ᠵᠤᠭᠰᠠᠳᠠᠯᠠ 450 ᠵᠢᠯ ᠲᠠᠬᠢᠵᠠᠢ ᠃ | 2005 ᠤᠨ ᠳᠤ ᠰᠡᠷᠬᠦᠭᠡᠨ ᠲᠠᠬᠢᠳᠠᠯᠠ ᠪᠠᠨ60 ᠵᠢᠯ ᠵᠠᠪᠰᠠᠷᠯᠠᠪᠠ ᠃ | ︽ ᠬᠦᠳᠡᠭᠡ ᠰᠦᠯᠳᠡ︾ ᠨᠢ ᠮᠤᠩᠭᠤᠯ ᠤᠨ ᠡᠯᠡ ᠢᠵᠠᠭᠤᠷᠳᠠᠨ ᠤᠪᠤᠭ ᠠᠶᠢᠮᠠᠭ ᠤᠨ ᠲᠤᠭ | ᠰᠦᠯᠳᠡᠨ ᠲᠤᠳᠤᠷᠠ ᠪᠠᠨ ᠢᠯᠡ ᠪᠤᠳᠠᠳᠠᠢ ᠂ ᠲᠡᠤᠬᠡᠨ ᠬᠦᠮᠤᠨ ᠤ ᠰᠢᠳᠤᠭᠡᠨ ᠲᠠᠢ ᠪᠠᠶᠢᠳᠠᠭ ᠠᠴᠠ | ᠠᠭᠤᠯᠭᠠ ᠬᠡᠶᠢᠰᠪᠤᠷᠢᠯᠡᠭᠳᠡᠬᠦ ᠦᠭᠡᠢ ᠃ ᠢᠳᠡᠭᠡᠯ ᠠᠯᠤᠰ ᠠᠯᠭᠠᠰᠠᠳᠠᠭ ᠦᠭᠡᠢ ᠃ ᠪᠢᠳᠡᠨ ᠤ ᠯᠡ | ᠦᠷᠬᠦᠯᠵᠢᠯᠡᠯ ᠮᠠᠨ ᠤ ᠤᠭ ᠡᠬᠦᠰᠤᠯ ᠡᠬᠢ ᠲᠡᠷᠡ ᠶᠤᠮ ᠭᠡᠰᠡᠨ ᠲᠠᠰᠤᠯᠳᠠᠰᠢ ᠦᠭᠡᠢ ᠂ ᠤᠮᠠᠷᠳᠠᠰᠢ | ᠦᠭᠡᠢ ᠤᠶᠤᠨ ᠤᠬᠠᠭᠠᠨ ᠤ ᠭᠡᠷᠡᠯᠳᠤ ᠵᠤᠯᠠ ︽ ᠬᠦᠳᠡᠭᠡ ᠰᠦᠯᠳᠡ︾ ᠮᠦᠩᠬᠡ ᠲᠡᠭᠷᠢ ᠳᠤ ᠠᠰᠠᠵᠤ | ᠪᠠᠶᠢᠳᠠᠭ ᠃ ᠡᠨᠡ ᠲᠤᠭ ᠰᠦᠯᠳᠡ ᠶᠢ ᠤᠨ ᠵᠢᠯ ᠤᠨ ᠠᠳᠠᠷᠭᠠᠨ ᠰᠠᠯᠬᠢᠨ ᠤ ᠠᠶᠠᠰ ᠢᠶᠠᠷ | ᠦᠵᠤᠮᠤᠴᠢᠨ ᠤ ᠲᠦᠷᠪᠡᠨ ᠤᠯᠠᠷᠢᠯ ᠤᠨ ᠲᠠᠯᠠ ᠨᠤᠳᠤᠭ ᠲᠤ ᠭᠠᠩᠳᠠᠨ ᠪᠠᠭᠤᠷᠠᠰᠢ ᠦᠭᠡᠢ ᠰᠦᠷ | ᠬᠦᠴᠤᠨ ᠂ ᠡᠪ ᠨᠠᠶᠢᠷ ᠤᠨ ᠤᠷᠤᠰᠢᠯ ᠲᠤᠭᠳᠠᠨᠢᠯ ᠢᠶᠠᠷ ᠨᠠᠮᠢᠷᠠᠭᠤᠯᠵᠤ ᠢᠷᠡᠭᠰᠡᠨ ᠢ ᠲᠤᠷᠠᠰᠠᠬᠤᠶᠠ | ᠡᠯᠢᠭᠡ ᠵᠢᠷᠤᠬᠡᠨ ᠤ ᠡᠰ ᠴᠢᠰᠤ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠴᠡᠭᠡᠵᠢ ᠦᠭᠰᠤᠨ ᠤᠷᠬᠢᠬᠤ ᠶᠤᠮ ᠃ | ᠡᠨᠡ ᠰᠦᠯᠳᠡᠨ ᠳᠤ ᠮᠦᠩᠬᠡ ᠲᠡᠭᠷᠢ ᠶᠢᠨ ᠠᠤᠭᠠ ᠡᠪ ᠪᠦᠯᠬᠦᠮᠳᠡᠯ ᠤᠨ ᠡᠷᠴᠢᠮ ᠂ ᠮᠤᠷᠠᠯ | ᠪᠤᠯᠪᠠᠰᠤᠨ ᠤ ᠡᠪ ᠨᠠᠶᠢᠷ ᠤᠨ ᠲᠡᠬᠦᠰ ᠬᠦᠴᠤ ᠂ ᠮᠠᠨ ᠤ ᠲᠠᠨ ᠤ ᠦᠭᠡᠢ ᠪᠡᠯᠭᠡ ᠲᠡᠮᠪᠡᠷᠢᠯᠳᠤ ᠡᠶᠡ | ᠵᠤᠬᠢᠴᠠᠯ ᠤᠨ ᠤᠷᠠᠢ ᠂ ᠮᠠᠯᠴᠢᠨ ᠮᠤᠩᠭᠤᠯ ᠨᠡᠬᠦᠳᠡᠯᠴᠢᠨ ᠤ ᠡᠷᠮᠡᠬᠡᠢ ᠬᠠᠳᠠᠨ ᠵᠤᠷᠢᠭ ᠰᠠᠨᠠᠭᠠᠨ ᠤ | ᠰᠢᠳᠤᠭᠡᠨ ᠂ ᠮᠠᠷᠭᠤᠰᠢ ᠦᠭᠡᠢ ᠤᠩᠭᠤᠨ ᠲᠠᠷᠬᠠᠨ ᠲᠤᠭᠳᠠᠴᠠᠯᠳᠤ ᠨᠤᠳᠤᠭ ᠤᠰᠤ ᠪᠠᠭᠳᠠᠯᠴᠠᠨᠠ᠃ | ᠡᠨᠡ ᠰᠦᠯᠳᠡᠨ ᠳᠤ ᠶᠢᠷᠳᠢᠨᠴᠤ ᠶᠢᠨ ᠠᠷᠭᠠ ᠪᠢᠯᠢᠭ ᠤᠨ ᠴᠢᠨᠠᠷ ᠂ ᠨᠠᠷᠠ ᠰᠠᠷᠠᠨ ᠤ | ᠤᠶᠤᠯᠢᠭ ᠢᠯᠴᠢ ᠡᠨᠧᠷᠬᠢ ᠂ ᠭᠠᠯ ᠤᠰᠤᠨ ᠤ ᠤᠯᠠᠷᠢᠯ ᠲᠦᠯᠵᠢᠯ ᠤᠨ ᠰᠢᠮᠡ᠂ ᠡᠷᠡ ᠡᠮᠡ ᠶᠢᠨ | ᠵᠠᠶᠠᠭᠠ ᠪᠠᠷᠢᠯᠳᠤᠯᠭᠠ ᠪᠠᠭᠳᠠᠯᠴᠠᠨᠠ ᠃ | ᠡᠨᠡ ᠰᠦᠯᠳᠡ ᠦᠵᠤᠮᠤᠴᠨ ᠠᠶᠢᠮᠠᠭ ᠪᠦᠯᠦᠭ ᠤᠨ ᠲᠦᠷᠤ ᠲᠦᠮᠡᠨ ᠢ ᠲᠦᠯᠤᠭᠡᠯᠡᠨ ᠠᠰᠠᠵᠤ ᠂ | ᠠᠤᠭᠠ ᠶᠡᠭᠡ ᠠᠴᠢ ᠡᠨᠡᠷᠢᠯ ᠂ ᠡᠷᠬᠢᠮ ᠲᠡᠭᠡᠳᠤ ᠡᠷᠬᠡ ᠴᠢᠯᠤᠭᠡ ᠂ ᠨᠢᠭᠳᠠᠷᠠᠯ ᠪᠦᠯᠬᠦᠮᠳᠡᠯ ᠤᠨ | ᠰᠦᠷ ᠬᠦᠴᠤᠨ ᠂ ᠦᠨᠢᠳᠡ ᠬᠠᠭᠠᠴᠠᠰᠢ ᠦᠭᠡᠢ ᠬᠠᠶᠢᠷᠠ ᠰᠡᠳᠬᠢᠯᠭᠡ ᠂ ᠪᠠᠳᠤ ᠵᠢᠷᠤᠮᠯᠠᠯ ᠢ | ᠢᠯᠡᠷᠬᠡᠶᠢᠯᠵᠤ ᠪᠠᠶᠢᠭᠠ ᠶᠤᠮ ᠃ ᠮᠢᠨᠤ ᠬᠤᠪᠢ ᠳᠤ ︽ ᠬᠦᠳᠡᠭᠡ ᠰᠦᠯᠳᠡᠨ ︾ ᠲᠡᠭᠡᠷᠡᠬᠡᠢ ᠴᠢᠩᠬᠢᠰ | ᠪᠤᠭᠳᠠ ᠪᠦᠷᠳᠡ ᠬᠠᠳᠤᠨ ᠬᠤᠶᠠᠷ ᠤᠨ ᠡᠷᠳᠡᠨ ᠤ ᠠᠳᠠᠯᠠ ᠡᠳᠤᠭᠡ ᠶᠢᠨ ᠰᠢᠭ᠋ ᠡᠨᠡ ᠲᠦᠷᠢ ᠶᠢ | ᠡᠷᠬᠡ ᠴᠢᠯᠤᠭᠡᠨ ᠤ ᠵᠡᠷᠭᠡᠴᠡᠯ ᠂ ᠡᠪ ᠨᠠᠶᠢᠷ ᠤᠨ ᠵᠡᠷᠭᠡᠴᠡᠯ ᠂ ᠡᠵᠡᠨ ᠲᠦᠷᠤ ᠪᠠᠷᠢᠬᠤ ᠶᠢᠨ | ᠵᠡᠷᠭᠡᠴᠡᠯ᠂ ᠡᠷᠬᠢᠮ ᠲᠡᠭᠡᠳᠤ ᠠᠷᠠᠳᠴᠢᠯᠠᠯ ᠭᠡᠵᠤ ᠰᠠᠨᠠᠨᠠ ᠃ | | | ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠵᠡᠬᠦᠨ ᠦᠵᠤᠮᠤᠴᠢᠨ | ᠬᠤᠰᠢᠭᠤᠨ ᠤ ᠤᠳᠬᠠ ᠤᠷᠠᠯᠢᠭ ᠤᠨ ᠬᠢᠨ ᠬᠤᠯᠪᠤᠭᠠ |