ᠤᠷᠢᠶᠠᠩᠬᠠᠨ ᠵᠠ᠊᠂ ᠲᠡᠮᠴᠤᠭ | | ᠦᠵᠦᠮᠦᠴᠢᠨ ᠤ ᠨᠡᠷᠡᠳᠦ ᠠᠮᠠᠨ ᠢᠷᠠᠭᠤ ᠨᠠᠶᠢᠷᠠᠭᠴᠢ — ᠠᠮᠤᠭᠤᠯᠠᠩ | ᠤᠤᠯ ᠤᠨ ᠦᠵᠦᠮᠦᠴᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠰᠢᠷᠠᠨᠤᠳ ᠰᠤᠮᠤᠨ ᠤ ᠪᠦᠷᠢᠶᠡᠴᠢᠨ ᠤᠪᠤᠭᠳᠤ | ᠠᠮᠤᠭᠤᠯᠠᠩ ᠭᠡᠭᠴᠢ ᠶᠡᠭᠡ ᠠᠮᠠᠨ ᠨᠠᠶᠢᠷᠠᠭᠴᠢ ᠬᠦᠮᠦᠨ ᠪᠠᠶᠢᠵᠦ᠂ 19 ᠶᠢᠰᠦᠳᠦᠭᠡᠷ ᠵᠠᠭᠤᠨ ᠤ ᠰᠡᠭᠦᠯᠴᠢ ᠪᠠᠷ | ᠲᠦᠷᠦᠵᠦ ᠬᠤᠷᠢᠳᠤᠭᠠᠷ ᠵᠠᠭᠤᠨ ᠤ ᠡᠬᠢ ᠪᠠᠷ ᠠᠮᠢᠳᠤᠷᠠᠵᠦ ᠪᠠᠶᠢᠵᠠᠢ᠃ ᠪᠠᠰᠠ ᠵᠢᠵᠢᠭᠷᠡᠭᠰᠡᠨ ᠰᠢᠳᠦ ᠲᠠᠢ ᠪᠤᠯᠬᠤᠷ ︽ | ᠰᠢᠳᠦ ᠦᠭᠡᠢ ᠠᠮᠤᠭᠤᠯᠠᠩ︾ ᠴᠤ ᠭᠡᠳᠡᠭ᠃ ᠲᠡᠷᠡ ᠦᠵᠦᠮᠦᠴᠢᠨ ᠤ ᠬᠤᠶᠢᠳᠦ ᠪᠡᠶᠡ ᠳᠡᠭᠡᠨ ᠪᠠᠷᠬᠢᠷᠠᠭᠠ ᠮᠤᠤᠬᠠᠢ᠂ | ᠵᠠᠭᠠᠢ ᠶᠢᠨ ᠷᠠᠰᠢ ᠲᠠᠢ ᠦᠶᠡ ᠬᠤᠷᠠᠭ ᠤᠨ ᠪᠠᠰᠠ ᠨᠢᠭᠡᠨ ᠦᠵᠦᠭᠦᠷ ᠮᠠᠯᠴᠢᠨ ᠶᠠᠪᠤᠭᠰᠠᠨ ᠪᠦᠭᠡᠳ ᠨᠡᠷᠡᠳᠡᠢ | ᠬᠡᠯᠡᠮᠤᠷᠴᠢ ᠬᠡᠮᠡᠨ ᠠᠯᠳᠠᠷᠰᠢᠵᠦ᠂ ᠨᠢᠭᠡᠨ ᠦᠶᠡ ᠶᠢᠨ ᠰᠡᠴᠡᠨ ᠭᠤᠪᠠᠢ ᠬᠡᠯᠡᠯᠭᠡ ᠤᠶᠤᠨ ᠪᠢᠯᠢᠭ ᠬᠤᠷᠴᠠ ᠬᠤᠯᠪᠤᠭᠠ | ᠨᠠᠶᠢᠷᠠᠭ ᠢᠶᠠᠷ ᠢᠶᠠᠨ ᠤᠷᠤᠰᠬᠠᠵᠦ ᠶᠠᠪᠤᠭᠰᠠᠨ ᠮᠡᠷᠭᠡᠨ ᠬᠦᠮᠦᠨ ᠭᠡᠳᠡᠭ᠃ ᠦᠵᠦᠮᠦᠴᠢᠨ ᠤ ᠠᠷᠠᠳ ᠤᠨ ᠢᠷᠠᠭᠤ | ᠨᠠᠶᠢᠷᠠᠭᠴᠢ ᠪᠢᠯᠢᠭ ᠤᠨ ᠲᠡᠮᠦᠷ ᠲᠠᠢ ᠨᠠᠰᠤ ᠬᠤᠷᠠᠭ ᠤᠨ ᠬᠦᠮᠦᠨ ᠪᠠᠶᠢᠵᠦ᠂ ᠨᠤᠲᠤᠭ ᠤᠰᠤᠨ ᠨᠢ ᠤᠶᠢᠷᠠᠯᠴᠠᠭᠠ᠂ | ᠦᠷᠦᠭᠡ ᠨᠤᠲᠤᠭ ᠵᠦᠷᠢᠶᠡ ᠪᠡᠯᠴᠢᠭᠡᠷ ᠲᠡᠭᠡᠷᠡ ᠮᠠᠯᠵᠢᠨ ᠪᠠᠶᠢᠳᠠᠭ ᠠᠴᠠ ᠲᠡᠭᠦᠨ ᠲᠠᠢ ᠪᠠᠭᠠ ᠨᠠᠰᠤᠨ ᠠᠴᠠ | ᠢᠵᠢᠯᠳᠦᠨ ᠲᠠᠰᠤᠯᠴᠠᠵᠦ ᠨᠠᠭᠠᠳᠤᠨ ᠨᠠᠶᠢᠵᠠᠯᠠᠵᠦ ᠶᠠᠪᠤᠭᠰᠠᠨ ᠨᠦᠬᠦᠳ ᠤᠯᠤᠰ ᠪᠠᠶᠢᠵᠠᠢ᠃ ᠡᠳᠡ ᠬᠤᠶᠠᠭᠤᠯᠠ | ᠠᠭᠤᠯᠵᠠᠮᠠᠭᠴᠠ ᠬᠤᠯᠪᠤᠭᠠ ᠦᠭᠡ ᠪᠠᠷ ᠬᠠᠷᠢᠯᠴᠠᠨ ᠨᠢᠭᠡᠨ ᠢᠶᠠᠨ ᠵᠢᠳᠭᠦᠭᠦᠯᠵᠦ᠂ ᠲᠠᠭᠠᠷᠢᠭᠤᠯᠵᠦ᠂ ᠬᠤᠴᠢᠯᠠᠵᠦ᠂ | ᠦᠭᠡᠨ ᠤ ᠰᠡᠴᠡ ᠪᠤᠯᠢᠶᠠᠯᠳᠤᠳᠠᠭ ᠶᠤᠮ ᠭᠡᠨᠡ᠃ ᠠᠮᠤᠭᠤᠯᠠᠩ ᠤᠨ ᠨᠠᠶᠢᠷᠠᠭᠴᠢᠨ ᠤ ᠠᠪᠢᠶᠠᠰ ᠨᠢ ᠠᠷᠪᠠᠭᠠᠳ | ᠨᠠᠰᠤᠨ ᠳᠠᠭᠠᠨ ᠡᠬᠢᠯᠡᠨ ᠢᠯᠡᠷᠡᠭᠰᠡᠨ ᠭᠡᠳᠡᠭ᠃ | ᠬᠠᠷᠢᠯᠴᠠᠨ ᠠᠪᠤ ᠡᠵᠢ ᠪᠠᠨ ᠬᠤᠴᠢᠯᠠᠵᠦ ᠮᠡᠷᠭᠡ ᠪᠤᠯᠢᠶᠠᠯᠳᠤᠭᠰᠠᠨ ᠨᠢ | ᠨᠢᠭᠡ ᠤᠳᠠᠭᠠ ᠬᠡᠤᠬᠡᠳ ᠪᠠᠶᠢᠬᠤ ᠳᠠᠭᠠᠨ ᠠᠮᠤᠭᠤᠯᠠᠩ᠂ ᠲᠡᠮᠦᠷ ᠬᠤᠶᠠᠭᠤᠯᠠ ᠨᠠᠭᠠᠳᠤᠵᠦ ᠪᠠᠶᠢᠭᠠᠳ ᠲᠡᠮᠦᠷ | ᠨᠢ ᠭᠡᠨᠡᠳᠳᠡ ᠠᠯᠢᠶᠠ ᠨᠢ ᠬᠦᠳᠡᠯᠵᠦ᠄ | ︽ᠡᠭᠦᠯᠡᠨ ᠬᠦᠬᠡ ᠠᠪᠤ ᠲᠠᠢ | ᠦᠨᠡᠰᠦᠨ ᠬᠦᠬᠡ ᠡᠵᠢ ᠲᠠᠢ | ᠦᠬᠦᠯ ᠲᠠᠭᠠᠷᠢᠭᠰᠠᠨ ᠴᠢᠮᠠᠶᠢ | ᠦᠰᠦᠷᠳᠡᠯᠡ ᠠᠯᠠᠭᠠᠳᠠᠬᠤ ᠳᠤ ᠶᠠᠭᠠᠬᠢᠳᠠᠭ ᠶᠤᠮ︾ ᠭᠡᠳ ᠠᠮᠤᠭᠤᠯᠠᠩ ᠢᠶᠠᠨ ᠲᠦᠭᠦᠰᠢᠯᠡᠵᠠᠢ᠃ ᠡᠭᠦᠨ ᠳᠤ | ᠠᠮᠤᠭᠤᠯᠠᠩ ᠬᠠᠷᠢᠭᠤ ᠳᠤᠨᠢ᠄ | ︽ᠰᠢᠷᠠᠰᠤᠨ ᠰᠢᠷᠠ ᠠᠪᠤ ᠲᠠᠢ | ᠰᠢᠯᠪᠠ ᠰᠢᠷᠠ ᠡᠵᠢ ᠲᠠᠢ | ᠰᠠᠭᠠᠷᠮᠠᠭ ᠢᠶᠠᠷ ᠦᠭᠦᠭᠰᠡᠨ ᠴᠢᠮᠠᠶᠢ | ᠰᠢᠯᠪᠤᠷᠳᠠᠯᠠ ᠠᠯᠠᠭᠠᠳᠠᠬᠤ ᠳᠤ ᠶᠠᠭᠠᠬᠢᠳᠠᠭ ᠶᠤᠮ︾ ᠭᠡᠵᠦ ᠦᠬᠡ ᠬᠤᠨᠵᠢᠭᠳᠠᠯ ᠦᠭᠡᠢ ᠬᠤᠴᠢᠯᠠᠵᠦ ᠪᠠᠶᠢᠯᠠ | ᠭᠡᠳᠡᠭ᠃ | ᠠᠮᠤᠭᠤᠯᠠᠩ᠂ ᠲᠡᠮᠦᠷ ᠬᠤᠶᠠᠭᠤᠯᠠ ᠬᠠᠷᠢᠯᠴᠠᠨ ᠬᠤᠴᠢᠯᠠᠭᠰᠠᠨ ᠨᠢ | ᠪᠢᠯᠢᠭ ᠤᠨ ᠲᠡᠮᠦᠷ ᠤᠨ ᠬᠢᠨ ᠲᠦᠰᠢᠶᠡᠳᠦ ᠶᠢᠨ ᠬᠠᠪᠢ ᠪᠠᠷ ᠵᠤᠰᠠᠵᠦ ᠪᠠᠶᠢᠵᠠᠢ᠃ ᠨᠢᠭᠡᠨ ᠡᠳᠦᠷ ᠲᠡᠮᠦᠷ | ᠰᠦᠮᠡ ᠰᠠᠩ ᠢᠶᠠᠷ ᠤᠷᠤᠵᠦ ᠯᠠᠮᠠ ᠠᠬᠠᠮᠠᠳ ᠨᠠᠷ ᠢᠶᠠᠨ ᠦᠵᠡᠬᠦ ᠪᠠᠷ ᠬᠦᠷᠢᠶᠡ ᠰᠦᠮᠡ ᠳᠤ ᠶᠠᠪᠤᠬᠤ ᠵᠠᠮ ᠵᠠᠭᠤᠷᠠ᠂ | ᠠᠮᠤᠭᠤᠯᠠᠩ ᠢ ᠤᠪᠤᠭᠠᠨ ᠤ ᠠᠷᠤ ᠶᠢᠨ ᠬᠠᠰᠢᠶᠠᠳᠤ ᠶᠢᠨ ᠷᠠᠰᠢᠶᠠᠨ ᠳᠤ ᠰᠠᠭᠤᠵᠦ ᠪᠠᠶᠢᠬᠤ ᠶᠢ ᠰᠤᠨᠤᠰᠤᠭᠠᠳ | ᠦᠵᠡᠬᠦ ᠪᠠᠷ ᠲᠠᠮᠵᠢᠳᠠᠭ ᠶᠤᠮ ᠪᠠᠶᠢᠨᠠ᠃ ᠲᠡᠮᠦᠷ ᠢ ᠢᠷᠡᠬᠦ ᠳᠤ᠂ ᠠᠮᠤᠭᠤᠯᠠᠩ ᠨᠢ ᠶᠠᠭ ᠤᠰᠤᠨ ᠳᠤ ᠤᠷᠤᠬᠤ ᠪᠠᠷ | ᠡᠪᠡᠰᠦᠨ ᠮᠠᠯᠠᠭᠠᠢ ᠲᠠᠯᠪᠢᠵᠦ ᠠᠯᠬᠤᠵᠦ ᠪᠠᠶᠢᠭᠠ ᠲᠠᠢ ᠲᠠᠭᠠᠷᠠᠯᠳᠤᠵᠠᠢ᠃ ᠡᠭᠦᠨ ᠢ ᠦᠵᠡᠭᠰᠡᠨ ᠲᠡᠮᠦᠷ ᠲᠡᠰᠭᠡᠯ | ᠦᠭᠡᠢ᠄ | ︽ᠮᠦᠷᠦ ᠪᠠᠨ ᠪᠦᠷᠭᠦᠭᠰᠡᠨ ᠮᠠᠯᠠᠭᠠᠢ ᠲᠠᠢ | ᠮᠦᠭᠦᠴᠢᠨ ᠬᠢᠳᠡᠳ ᠤᠨ ᠠᠯᠬᠤᠭᠠ ᠲᠠᠢ | ᠲᠠᠯᠤ ᠪᠠᠨ ᠪᠦᠷᠭᠦᠭᠰᠡᠨ ᠮᠠᠯᠠᠭᠠᠢ ᠲᠠᠢ | ᠲᠠᠪᠤᠰᠤᠴᠢᠨ ᠬᠢᠳᠡᠳ ᠤᠨ ᠠᠯᠬᠤᠭᠠ ᠲᠠᠢ | ᠭᠤᠬᠢᠷ ᠭᠤᠬᠢᠷ ᠠᠯᠬᠤᠬᠤ ᠨᠢ | ᠭᠤᠭᠤᠳ ᠲᠡᠭᠦᠭᠰᠡᠨ ᠬᠢᠳᠡᠳ ᠰᠢᠭ᠋ | ᠬᠡᠶᠢᠪᠤᠩ ᠬᠠᠶᠢᠪᠤᠩ ᠠᠯᠬᠤᠬᠤ ᠨᠢ | ᠬᠠᠯᠠᠭᠠᠢ ᠲᠡᠭᠦᠭᠰᠡᠨ ᠬᠢᠳᠡᠳ ᠰᠢᠭ᠋︾ ᠭᠡᠵᠦ ᠬᠤᠴᠢᠯᠠᠵᠦ ᠠᠮᠵᠢᠵᠠᠢ᠃ ᠲᠡᠭᠡᠬᠦ ᠳᠤ ᠠᠮᠤᠭᠤᠯᠠᠩ ᠨᠢ | ᠢᠨᠢᠶᠡᠮᠰᠦᠭᠯᠡᠨ ᠲᠤᠭᠤᠢ ᠯᠡ ᠠᠯᠬᠤᠵᠦ ᠪᠠᠶᠢᠵᠠᠢ᠃ ᠪᠢᠯᠢᠭ ᠤᠨ ᠲᠡᠮᠦᠷ ᠭᠡᠷ ᠠᠴᠠ ᠪᠠᠨ ᠭᠠᠷᠬᠤ ᠳᠤ ᠮᠠᠰᠢ ᠶᠠᠭᠠᠷᠠᠤ | ᠤᠴᠢᠷ ᠠᠴᠠ ᠪᠤᠯᠵᠦ ᠭᠡᠵᠢᠬᠡ ᠪᠠᠨ ᠪᠤᠭᠤᠵᠦ ᠵᠠᠪᠳᠤᠭᠰᠠᠨ ᠦᠭᠡᠢ᠂ ᠬᠤᠨᠢᠨ ᠤ ᠬᠦᠮᠦᠨ ᠤ ᠪᠠᠨ ᠮᠠᠭᠤ ᠶᠠᠩᠬᠢᠶᠠ | ᠡᠮᠡᠭᠡᠯ ᠲᠠᠢ ᠰᠠᠷᠠᠯ ᠮᠤᠷᠢ ᠶᠢ ᠤᠨᠤᠵᠦ ᠭᠠᠷᠴᠤ ᠢᠷᠡᠭᠰᠡᠨ ᠶᠤᠮ ᠭᠡᠨᠡ᠃ ᠲᠡᠭᠡᠭᠡᠳ ᠠᠮᠤᠭᠤᠯᠠᠩ ᠲᠡᠷᠡ ᠪᠠᠶᠢᠳᠠᠯ ᠢ | ᠠᠵᠢᠮᠠᠭᠴᠠ ᠪᠠᠨ ᠲᠡᠮᠦᠷ ᠶᠢ ᠬᠠᠷᠢᠭᠤ ᠢᠩᠬᠢᠵᠦ ᠬᠤᠴᠠᠯᠠᠵᠠᠢ᠄ | ︽ᠦᠷᠢᠶᠡᠨ ᠰᠠᠷᠠᠯ ᠮᠤᠷᠢᠨ ᠳᠠᠭᠠᠨ | ᠵᠢᠮᠰᠡᠭ ᠴᠤ ᠦᠭᠡᠢ ᠭᠤᠶᠢᠷᠠᠨᠴᠢ | ᠦᠨᠢᠶᠡᠨ ᠰᠡᠭᠦᠯ ᠤᠨ ᠭᠡᠵᠢᠭᠡ ᠳᠡᠭᠡᠨ | ᠲᠦᠢᠪᠢ ᠴᠤ ᠦᠭᠡᠢ ᠭᠤᠶᠢᠷᠠᠨᠴᠢ | ᠵᠢᠭᠠᠬᠠᠨ ᠰᠠᠷᠠᠯ ᠮᠤᠷᠢᠨ ᠳᠠᠭᠠᠨ | ᠵᠢᠮᠰᠡᠭ ᠴᠤ ᠦᠭᠡᠢ ᠭᠤᠶᠢᠷᠠᠨᠴᠢ | ᠵᠢᠨᠠᠭᠠᠨ ᠰᠡᠭᠦᠯ ᠤᠨ ᠭᠡᠵᠢᠭᠡ ᠳᠡᠭᠡᠨ | ᠲᠤᠶᠢᠪᠢ ᠴᠤ ᠦᠭᠡᠢ ᠭᠤᠶᠢᠷᠠᠨᠴᠢ | ᠤᠨᠠᠭᠠᠨ ᠰᠠᠷᠠᠯ ᠮᠤᠷᠢᠨ ᠳᠠᠭᠠᠨ | ᠤᠷᠭᠠ ᠲᠠᠰᠢᠭᠤᠷ ᠴᠤ ᠦᠭᠡᠢ ᠭᠤᠶᠢᠷᠠᠨᠴᠢ | ᠤᠷᠳᠤᠭᠤᠷ ᠬᠤᠶᠢᠭᠤᠷ ᠡᠷᠬᠢᠴᠡᠭᠡᠳ | ᠤᠤᠭᠤᠵᠦ ᠢᠳᠡᠬᠦ ᠶᠢᠨ ᠭᠤᠶᠢᠷᠠᠨᠴᠢ | ᠤᠭᠤᠳᠠᠩ ᠰᠢᠩᠭᠡᠨ ᠭᠡᠵᠢᠭᠡ ᠳᠡᠭᠡᠨ | ᠤᠶᠠᠯᠭᠠ ᠴᠤ ᠦᠭᠡᠢ ᠭᠤᠶᠢᠷᠠᠨᠴᠢ︾ ᠭᠡᠵᠦ ᠭᠤᠶᠢᠷᠠᠨᠴᠢ ᠶᠢ ᠨᠢ ᠲᠤᠯᠤᠭᠠ ᠲᠠᠭᠤᠳᠠᠯᠠ ᠭᠡᠳᠡᠭ᠃ | ᠪᠠᠰᠠ ᠨᠢᠭᠡᠨ ᠤᠳᠠᠭᠠ ᠠᠳᠤᠭᠤᠨ ᠤ ᠡᠷᠢᠯ ᠢᠶᠠᠷ ᠶᠠᠪᠤᠵᠦ ᠪᠠᠶᠢᠭᠠᠳ ᠡᠭᠦᠳᠡ ᠶᠢᠨ ᠬᠤᠭᠤᠯᠠᠢ ᠪᠠᠷ ᠪᠠᠭᠤᠴᠠ | ᠲᠠᠢ ᠪᠢᠯᠢᠭ ᠤᠨ ᠲᠡᠮᠦᠷ ᠤᠨ ᠳᠤ ᠬᠤᠨᠤᠭᠯᠠᠵᠦ᠂ ᠳ᠋ᠠᠯᠢᠤ ᠨᠠᠭᠠᠳᠤᠮ ᠨᠠᠭᠠᠳᠤᠭᠠᠳ ᠶᠡᠬᠡᠯᠡ ᠱᠦᠭᠦᠭᠳᠡᠭᠡᠳ ᠶᠠᠪᠤᠭᠰᠠᠨ | ᠭᠡᠨᠡ᠃ ᠠᠮᠤᠭᠤᠯᠠᠩ ᠭᠤᠸᠠᠢ ᠬᠠᠷᠠ ᠤᠪᠤᠭᠠᠳᠤ ᠳᠤ ᠬᠦᠷᠴᠦ ᠨᠢᠭᠡᠨ ᠲᠠᠨᠢᠯ ᠤᠨ ᠳᠠᠭᠠᠨ ᠦᠳᠡᠯᠡᠬᠦ ᠳᠡᠭᠡᠨ᠂ ᠲᠠᠨᠢᠯ | ᠨᠢ ᠲᠡᠭᠦᠨ ᠠᠴᠠ ︽ᠬᠠᠮᠢᠭᠠ ᠬᠤᠨᠤᠭᠠᠳ ᠢᠷᠡᠪᠡ︖︾ ᠭᠡᠬᠦ ᠳᠤ ᠲᠡᠷᠡ ᠲᠦᠷᠦᠭᠦᠤ ᠰᠦᠨᠢ ᠶᠢᠨ | ᠲᠡᠮᠦᠷ ᠤᠨ ᠳᠤ ᠨᠠᠭᠠᠳᠤᠭᠰᠠᠨ ᠢᠶᠠᠨ ᠬᠤᠯᠪᠤᠭᠤᠯᠵᠦ ᠢᠩᠬᠢᠵᠦ ᠶᠠᠷᠢᠵᠠᠢ᠄ | ︽ᠦᠷ ᠴᠦᠷ ᠢᠶᠠᠷ ᠪᠤᠰᠴᠤ | ᠦᠯᠢᠤ ᠳ᠋ᠠᠯᠢᠤ ᠲᠠᠯᠪᠢᠳᠠᠭ | ᠦᠷᠡᠭᠳᠡᠬᠦ ᠶᠢᠨ ᠰᠢᠨᠵᠢ ᠨᠢ ᠪᠦᠷᠢᠯᠳᠦᠭᠰᠡᠨ | ᠡᠭᠦᠳᠡ ᠶᠢᠨ ᠬᠤᠭᠤᠯᠠᠢ ᠶᠢᠨ ᠬᠡᠳᠦᠨ ᠬᠤᠳᠠ ᠤᠳ | ᠪᠠᠷᠠᠭᠠᠨ ᠦᠷ ᠢᠶᠠᠷ ᠪᠤᠰᠴᠤ | ᠪᠠᠷᠰᠠᠭ ᠳ᠋ᠠᠯᠢᠤ ᠲᠠᠯᠪᠢᠳᠠᠭ | ᠪᠠᠷᠠᠭᠳᠠᠬᠤ ᠶᠢᠨ ᠰᠢᠨᠵᠢ ᠨᠢ ᠪᠦᠷᠢᠯᠳᠦᠭᠰᠡᠨ | ᠪᠠᠷᠠᠭᠤᠨ ᠡᠭᠦᠳᠡ ᠶᠢᠨ ᠬᠡᠳᠦᠨ ᠬᠤᠳᠠ ᠪᠠᠷ ᠬᠤᠨᠤᠭᠠᠳ ᠢᠷᠡᠯᠡ︾ ᠭᠡᠵᠦ ᠮᠠᠭᠤᠷᠠᠬᠠᠭᠰᠠᠨ ᠰᠢᠨᠵᠢ ᠲᠠᠢ | ᠬᠡᠯᠡᠵᠦ᠂ ᠱᠦᠭᠦᠭᠳᠡᠭᠰᠡᠨ ᠶᠠᠪᠤᠳᠠᠯ ᠢᠶᠠᠨ ᠲᠤᠭᠠᠴᠠᠵᠦ ᠭᠡᠨᠡ᠃ | ᠠᠳᠤᠭᠤᠨ ᠤ ᠡᠷᠢᠯ ᠢᠶᠠᠷ ᠶᠠᠪᠤᠭᠠᠳ ᠪᠢᠯᠢᠭ ᠤᠨ ᠲᠡᠮᠦᠷ ᠲᠤ ᠭᠠᠷᠳᠠᠭᠠᠭᠳᠠᠭᠰᠠᠨ ᠨᠢ | ᠠᠮᠤᠭᠤᠯᠠᠩ ᠭᠤᠸᠠᠢ ᠠᠳᠤᠭᠤᠨ ᠡᠷᠢᠯ ᠢᠶᠠᠷ ᠶᠠᠪᠤᠵᠦ ᠪᠠᠶᠢᠭᠠᠳ ᠪᠠᠭᠠ ᠶᠢᠨ ᠨᠠᠶᠢᠵᠠ ᠲᠡᠮᠦᠷ ᠤᠨ ᠢᠶᠠᠷ | ᠪᠠᠭᠤᠵᠦ᠂ ᠴᠠᠢ ᠤᠤᠭᠤᠬᠤ ᠵᠠᠭᠤᠷᠠ᠂ ᠠᠯᠳᠠᠭᠰᠠᠨ ᠠᠳᠤᠭᠤᠳ ᠢᠶᠠᠨ ᠰᠤᠷᠠᠭᠯᠠᠬᠤ ᠳᠤ ᠲᠡᠮᠦᠷ ᠬᠠᠷᠢᠭᠤ ᠳᠤᠨᠢ᠄ | ︽ᠤᠪᠰᠢ ᠨᠠᠮᠰᠠᠷᠠᠢ ᠶᠢᠨ ᠰᠦᠷᠦᠭ ᠴᠢᠨᠢ | ᠤᠷᠢᠳᠦ ᠰᠦᠨᠢ ᠲᠠᠭᠠᠨ ᠶᠠᠪᠤᠴᠢᠬᠠᠪᠠᠤ | ᠤᠷᠤᠭᠤᠯ ᠳᠠᠭᠠᠨ ᠰᠢᠳᠦ ᠦᠭᠡᠢ ᠠᠮᠤᠭᠤᠯᠠᠩ ᠮᠢᠨᠢ | ᠤᠴᠢᠷ ᠦᠭᠡᠢ ᠡᠷᠢᠭᠡᠳ ᠲᠠᠭᠤᠴᠢᠪᠠᠤ | ᠭᠡᠭᠦᠳ ᠭᠤᠤᠯᠳᠠᠢ ᠠᠳᠤᠭᠤᠳ ᠴᠢᠨᠢ | ᠬᠦᠴᠦᠳᠠᠢ ᠰᠠᠯᠬᠢᠨ ᠳᠤ ᠬᠦᠶᠦᠴᠢᠭᠡᠪᠡᠤ | ᠬᠦᠵᠡᠭᠡ ᠲᠠᠭᠠᠭᠠᠬᠤ ᠦᠭᠡᠢ ᠠᠮᠤᠭᠤᠯᠠᠩ ᠮᠢᠨᠢ | ᠬᠦᠷᠦᠨ ᠢ ᠲᠤᠭᠤᠷᠢᠭᠠᠳ ᠡᠷᠢᠴᠢᠭᠡᠪᠡᠤ | ᠤᠷᠤᠭᠤᠳᠠᠭᠰᠠᠨ ᠠᠳᠤᠭᠤᠳ ᠢᠶᠠᠨ ᠨᠡᠭᠡᠪᠡᠯ ᠴᠢ | ᠤᠯᠭᠤᠭᠤ ᠶᠠᠪᠤᠪᠠᠯ ᠲᠡᠭᠡᠷᠡ ᠦᠭᠡᠢ ᠤᠤ | ᠤᠩᠬᠤᠷ ᠠᠶᠠᠭᠠᠨ ᠤ ᠠᠮᠠᠰᠠᠷ ᠲᠡᠭᠡᠷᠡ | ᠤᠶᠠᠭᠠ ᠲᠠᠢ ᠪᠠᠶᠢᠨᠠᠤ ᠠᠳᠤᠭᠤᠳ ᠴᠢᠨᠢ | ᠪᠤᠳᠠᠷᠠᠭᠰᠠᠨ ᠠᠳᠤᠭᠤᠳ ᠢᠶᠠᠨ ᠡᠷᠢᠪᠡᠯ ᠴᠢ | ᠪᠤᠰᠢᠭᠤᠬᠠᠨ ᠮᠤᠷᠳᠠᠪᠠᠯ ᠲᠡᠭᠡᠷᠡ ᠦᠭᠡᠢ ᠤᠤ | ᠪᠤᠳᠠᠭᠠ ᠲᠠᠢ ᠠᠶᠠᠭᠠᠨ ᠤ ᠬᠤᠩᠬᠤᠷ ᠲᠤ | ᠪᠤᠯᠠᠭᠠ ᠲᠠᠢ ᠪᠠᠶᠢᠨᠠᠤ ᠠᠳᠤᠭᠤᠳ ᠴᠢᠨᠢ︾ ᠭᠡᠵᠦ ᠠᠮᠤᠭᠤᠯᠠᠩ ᠢ ᠱᠤᠭᠯᠠᠨ ᠬᠡᠯᠡᠬᠦ ᠳᠤ᠂ ᠲᠡᠷᠡ ᠬᠡᠳᠦᠶᠢᠪᠡᠷ | ᠨᠡᠷᠡ ᠭᠠᠷᠤᠭᠰᠠᠨ ᠪᠡᠯᠡᠨ ᠬᠡᠯᠡᠮᠦᠷᠴᠢ ᠪᠤᠯᠪᠠᠴᠦ ᠪᠢᠯᠢᠭ ᠤᠨ ᠲᠡᠮᠦᠷ ᠲᠤ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ | ᠭᠠᠷᠳᠠᠭᠠᠭᠳᠠᠭᠠᠳ ᠠᠶᠠᠭᠠ ᠲᠠᠢ ᠴᠠᠢ ᠪᠠᠨ ᠤᠤᠭᠤᠮᠠᠭᠴᠠ ᠠᠳᠤᠭᠤᠨ ᠤ ᠡᠷᠢᠯ ᠳᠡᠭᠡᠨ ᠮᠤᠷᠳᠠᠭᠰᠠᠨ ᠭᠡᠳᠡᠭ ᠶᠤᠮ᠃ | ᠲᠡᠮᠦᠷ ᠡᠬᠡᠨᠡᠷ ᠢᠶᠠᠨ ᠰᠤᠷᠠᠭᠯᠠᠭᠰᠠᠨ ᠨᠢ | ᠤᠷᠢᠳᠦ ᠵᠢᠯ ᠤᠨ ᠵᠤᠨ ᠤ ᠨᠢᠭᠡᠨ ᠡᠳᠦᠷ᠂ ᠲᠡᠮᠦᠷ ᠤᠨ ᠡᠬᠡᠨᠡᠷ ᠷᠤᠯᠮᠠ ᠲᠦᠷᠬᠦᠮᠴᠢᠯᠡᠬᠦ ᠪᠠᠷ ᠶᠠᠪᠤᠬᠤ ᠳᠠᠭᠠᠨ | ᠬᠦᠮᠦᠨ ᠢᠶᠠᠷ ᠬᠦᠷᠭᠡᠭᠦᠯᠦᠶᠡ ᠭᠡᠵᠦ ᠨᠦᠬᠦᠷ ᠲᠡᠭᠡᠨ ᠬᠡᠯᠡᠭᠡᠳ ᠪᠦᠳᠦᠭᠰᠡᠨ ᠦᠭᠡᠢ ᠪᠤᠯᠬᠤᠷ ᠤᠷᠭᠠ ᠶᠢᠨ ᠶᠤᠵᠤᠭᠤᠷ | ᠲᠤᠬᠤᠶᠢᠯᠠᠭᠠᠳ ᠤᠷᠮᠠ ᠮᠠᠭᠤᠳᠠᠢ ᠮᠤᠷᠳᠡᠵᠦ ᠭᠡᠨᠡ᠃ ᠲᠡᠮᠦᠷ ᠭᠤᠸᠠᠢ ᠡᠬᠡᠨᠡᠷ ᠪᠦᠰᠡᠭᠦᠢ ᠬᠦᠮᠦᠨ ᠢ ᠡᠵᠡᠬᠦᠢ | ᠭᠠᠭᠴᠠᠭᠠᠷ ᠶᠠᠪᠤᠭᠤᠯᠤᠭᠰᠠᠨ ᠢᠶᠠᠨ ᠮᠤᠷᠢ ᠤᠨᠤᠭᠠᠨ ᠳᠠᠭᠠᠨ ᠬᠠᠶᠠᠭᠳᠠᠨ ᠮᠠᠭᠤᠬᠠᠢ ᠶᠠᠪᠤᠳᠠᠯ ᠪᠤᠯᠬᠤᠢ ᠬᠡᠮᠡᠨ | ᠰᠠᠨᠠᠭᠠᠳ ᠠᠷᠤ ᠠᠴᠠ ᠨᠢ ᠨᠡᠬᠡᠵᠦ ᠠᠵᠢᠭᠯᠠᠵᠦ ᠦᠵᠡᠬᠦ ᠪᠠᠷ ᠶᠠᠪᠤᠬᠤ ᠳᠠᠭᠠᠨ ᠶᠠᠭ ᠠᠮᠤᠭᠤᠯᠠᠩ ᠨᠠᠶᠢᠵᠠ ᠲᠠᠢ ᠪᠠᠨ | ᠤᠴᠠᠷᠠᠭᠰᠠᠨ ᠪᠠᠶᠢᠵᠠᠢ᠃ ᠲᠡᠷᠡ ᠬᠤᠶᠠᠭᠤᠯᠠ ᠬᠡᠵᠢᠶᠡ ᠬᠠᠮᠢᠭᠠ ᠠᠭᠤᠯᠵᠠᠭᠰᠠᠨ ᠴᠤ ᠬᠤᠯᠪᠤᠵᠦ ᠰᠢᠯᠦᠭᠯᠡᠬᠦ ᠨᠢ | ᠲᠠᠰᠤᠷᠠᠬᠤ ᠦᠭᠡᠢ ᠬᠡᠯᠴᠡᠳᠡᠭ᠃ ᠲᠡᠮᠦᠷ ᠤᠷᠢᠳᠠᠪᠠᠷ᠄ | ︽ᠠᠯᠳᠠ ᠶᠤᠵᠤᠭᠤᠷ ᠪᠠᠷᠢᠭᠰᠠᠨ | ᠠᠮᠳᠠᠢ ᠱᠢᠷᠦ ᠪᠠᠨ ᠱᠠᠭᠠᠬᠢᠭᠤᠯᠤᠭᠰᠠᠨ | ᠠᠷᠤ ᠳᠠᠭᠠᠨ ᠸᠠᠳᠠᠩ ᠪᠦᠰᠡᠯᠡᠭᠰᠡᠨ | ᠠᠯᠪᠢᠨ ᠱᠦᠭᠯᠡᠭᠡᠳ ᠠᠭᠤᠷᠯᠠᠭᠰᠠᠨ | ᠠᠷᠵᠠᠭᠠᠢ ᠶᠠᠩᠪᠤᠨ ᠲᠡᠷᠯᠢᠭ ᠲᠠᠢ | ᠠᠮᠠᠨᠴᠢᠷ ᠬᠦᠷᠡᠩ ᠪᠠᠶᠢᠳᠠᠰᠤ ᠲᠠᠢ | ᠠᠭᠠ ᠶᠢᠨ ᠲᠡᠮᠦᠷ ᠤᠨ ᠡᠬᠡᠨᠡᠷ ᠭᠡᠭᠴᠢ | ᠠᠮᠤᠭᠤᠯᠠᠩ ᠴᠢᠮᠠ ᠳᠤ ᠦᠵᠡᠭᠳᠡᠪᠡᠤ︖︾ ᠭᠡᠵᠦ ᠠᠰᠠᠭᠤᠬᠤ ᠳᠤ ᠰᠢᠳᠦ ᠦᠭᠡᠢ ᠠᠮᠤᠭᠤᠯᠠᠩ ᠡᠯᠭᠦᠵᠦ᠄ | ︽ᠱᠦᠷᠭᠡᠨ ᠶᠤᠵᠤᠭᠤᠷ ᠲᠡᠪᠡᠷᠡᠭᠰᠡᠨ | ᠱᠢᠷᠦᠨ ᠰᠦᠢᠬᠡ ᠱᠠᠭᠠᠬᠢᠭᠤᠯᠤᠭᠰᠠᠨ | ᠱᠦᠭᠦᠷᠭᠡᠢ ᠤᠯᠠᠭᠠᠨ ᠠᠵᠢ ᠴᠢᠨᠢ | ᠱᠦᠭᠯᠡᠭᠰᠡᠨ ᠠᠭᠤᠷ ᠨᠢ ᠨᠠᠮᠳᠠᠴᠢᠬᠠᠳ | ᠱᠡᠤᠳᠦ ᠶᠢᠨ ᠪᠦᠳᠦᠭᠦᠨ ᠤ ᠠᠷᠤᠬᠠᠨ ᠲᠡᠭᠡᠷᠡ | ᠰᠢᠳᠦ ᠦᠭᠡᠢ ᠨᠠᠳᠠ ᠲᠠᠢ ᠤᠴᠠᠷᠠᠭᠠᠳ | ᠰᠢᠳᠦᠯᠡᠩ ᠪᠠᠶᠢᠳᠠᠰᠤ ᠪᠠᠨ ᠲᠠᠪᠢᠷᠠᠭᠠᠳ | ᠰᠢᠷᠦᠭᠦᠭᠡᠨ ᠲᠤᠷᠬᠢᠭᠤᠯᠵᠦ ᠭᠠᠷᠤᠭᠰᠠᠨ︾ ᠭᠡᠵᠦ ᠬᠠᠷᠢᠭᠤᠯᠤᠭᠠᠳ ᠬᠡᠨ ᠬᠡᠨ ᠳᠡᠭᠡᠨ ᠠᠪᠳᠠᠭᠰᠠᠨ ᠦᠭᠡᠢ | ᠮᠦᠷᠳᠡᠭᠡᠨ ᠴᠢᠨᠠᠭᠰᠢ ᠪᠠᠨ ᠡᠯᠳᠡᠪ ᠰᠤᠨᠢᠨ ᠱᠤᠭ ᠭᠠᠷᠭᠠᠵᠦ ᠨᠠᠭᠠᠳᠤᠭᠰᠠᠨ ᠭᠡᠳᠡᠭ᠃ | ᠁ ᠁ ᠁ | ⑴ ᠪᠦᠷᠢᠶᠡᠴᠢᠨ ᠤᠪᠤᠭᠳᠤ ᠠᠮᠤᠭᠤᠯᠠᠩ ᠭᠤᠷᠪᠠᠨ ᠬᠦᠪᠡᠭᠦᠨ ᠲᠠᠢ᠂ ᠶᠡᠭᠡ ᠬᠦᠪᠡᠭᠦᠨ ᠴᠠᠭᠠᠨ ︵ᠯᠠᠮᠠ︶᠂ | ᠬᠤᠶᠠᠳᠤᠭᠠᠷ ᠬᠦᠪᠡᠭᠦᠨ ᠦᠰᠬᠦ᠂ ᠭᠤᠳᠠᠭᠠᠷ ᠬᠦᠪᠡᠭᠦᠨ ᠰᠧᠩᠭᠡ ︵ᠭᠤᠨᠴᠤᠭ︶᠂ | ⑵ ᠦᠰᠬᠦ ᠶᠢᠨ ᠶᠡᠭᠡ ᠬᠦᠪᠡᠭᠦᠨ ᠵᠠᠳᠠᠮᠪᠠ᠂ ᠬᠤᠶᠠᠳᠤᠭᠠᠷ ᠬᠦᠪᠡᠭᠦᠨ ᠪᠦᠬᠡᠴᠢᠯᠠᠭᠤ ︵ᠯᠠᠮᠠ︶ | ⑶ ᠵᠠᠳᠠᠮᠪᠠ ᠶᠢᠨ ᠶᠡᠭᠡ ᠬᠦᠪᠡᠭᠦᠨ ᠪᠠᠨᠳᠠᠷᠠᠭᠴᠢ᠂ ᠶᠡᠭᠡ ᠬᠡᠤᠬᠡᠨ ᠠᠯᠤᠬᠠ᠂ ᠬᠤᠶᠠᠳᠤᠭᠠᠷ ᠬᠦᠪᠡᠭᠦᠨ | ᠯᠤᠪᠰᠠᠩ᠂ ᠬᠤᠶᠠᠳᠤᠭᠠᠷ ᠬᠡᠤᠬᠡᠨ ᠠᠮᠢᠪᠦ᠋ᠬᠡ᠂ ᠭᠤᠳᠠᠭᠠᠷ ᠬᠦᠪᠡᠭᠦᠨ ᠮᠡᠷᠭᠡᠵᠢᠯᠳᠦ | ⑷ ᠰᠧᠩᠭᠡ ᠶᠢᠨ ᠭᠠᠭᠴᠠ ᠬᠦᠪᠡᠭᠦᠨ ᠮᠤᠤᠭᠦ᠋ᠯᠦᠭᠡ᠂ ᠶᠡᠭᠡ ᠬᠡᠤᠬᠡᠨ ᠨᠠᠷᠠᠨᠴᠢᠮᠡᠭ ︵ᠵᠢᠷᠭᠠᠯ︶᠂ | ᠬᠤᠶᠠᠳᠤᠭᠠᠷ ᠬᠡᠤᠬᠡᠨ ᠨᠠᠷᠠᠠᠬᠤᠸᠠᠷ | ⑸ ᠮᠤᠤᠭᠦ᠋ᠯᠦᠭᠡ ᠶᠢᠨ ᠬᠦᠪᠡᠭᠦᠨ ᠮᠦᠩᠭᠡᠨ᠋ᠦ᠋ᠯᠵᠠᠢ᠂ ᠮᠦᠩᠬᠡᠨ᠋ᠦ᠋ᠯᠵᠠᠢ ᠶᠢᠨ ᠬᠡᠤᠬᠡᠳ ᠭᠡᠪᠡᠯ ᠤᠶᠤᠮᠠ᠂ | ᠨᠠᠩᠰᠠᠯᠮᠠ᠂ ᠨᠠᠷᠠᠨᠴᠢᠮᠡᠭ᠂ ᠤᠷᠳᠤᠨᠠᠰᠤᠳᠤ᠂ ᠵᠠᠭᠤᠨᠨᠠᠰᠤᠳᠤ ᠨᠠᠷ ᠪᠤᠢ᠃ | |