| ᠮᠠᠨ ᠤ ᠮᠤᠩᠭᠤᠯᠴᠤᠳ ᠡᠷᠳᠡ ᠳᠡᠭᠡᠳᠤ ᠠᠴᠠ ᠪᠠᠨ ᠮᠤᠷᠢ ᠶᠢ ᠲᠠᠨᠢᠵᠤ᠂ ᠲᠡᠭᠦᠨ ᠢ ᠰᠤᠷᠭᠠᠨ | ᠭᠠᠷᠰᠢᠭᠤᠯᠤᠭᠰᠠᠨ ᠠᠴᠠ ᠨᠠᠰᠢ ᠤᠨᠤᠬᠤ ᠪᠠ ᠬᠦᠯᠬᠦ ᠶᠢᠨ ᠳᠤᠯᠠᠳᠠ᠂ ᠲᠡᠭᠦᠨ ᠳᠤ ᠵᠤᠬᠢᠴᠠᠭᠰᠠᠨ ᠲᠤᠨᠤᠭ ᠬᠡᠷᠡᠭᠰᠡᠯ | ᠢ ᠡᠭᠦᠳᠦᠨ ᠪᠦᠲᠦᠭᠡᠵᠤ ᠢᠷᠡᠵᠠᠢ᠃ ᠡᠬᠢᠯᠡᠩᠭᠦᠳᠡ ᠨᠤᠭᠳᠤ ᠬᠠᠵᠠᠭᠠᠷ᠂ ᠳᠠᠷᠠᠭᠠ ᠨᠢ ᠡᠮᠡᠭᠡᠯ ᠲᠦᠷᠦᠭᠡ᠂ ᠬᠤᠵᠢᠮ | ᠨᠢ ᠲᠡᠭᠦᠨ ᠢᠶᠠᠨ ᠥᠭᠡᠷᠡᠴᠢᠯᠡᠨ ᠰᠠᠶᠢᠵᠢᠷᠠᠭᠤᠯᠵᠤ ᠭᠤᠶᠤ ᠰᠠᠶᠢᠬᠠᠨ ᠵᠠᠰᠠᠭ ᠴᠢᠮᠡᠭ ᠲᠠᠢ ᠪᠤᠯᠭᠠᠨ ᠰᠢᠨᠡᠳᠬᠡᠵᠤ | ᠢᠷᠡᠪᠠ᠃ | ᠮᠤᠩᠭᠤᠯᠴᠤᠳ ᠤᠨ ᠮᠤᠷᠢᠨ ᠤ ᠲᠤᠨᠤᠭ ᠬᠡᠷᠡᠭᠰᠡᠯ ᠪᠤᠯ ᠤᠷᠳᠤ ᠤᠳᠠᠭᠠᠨ ᠬᠤᠭᠤᠴᠠᠭᠠᠨ ᠤ ᠠᠮᠢᠳᠤᠷᠠᠯ ᠤᠨ | ᠳᠤᠮᠳᠠ ᠡᠭᠦᠳᠦᠨ ᠪᠦᠲᠦᠭᠡᠭᠰᠡᠨ ᠪᠦᠬᠦ ᠮᠠᠯᠴᠢᠨ ᠨᠡᠭᠦᠳᠡᠯᠴᠢᠨ ᠤᠪᠤᠭ ᠠᠶᠢᠮᠠᠭ ᠤᠨ ᠨᠡᠶᠢᠳᠡ ᠶᠢᠨ ᠪᠦᠲᠦᠭᠡᠯ ᠶᠤᠮ᠃ | ᠬᠠᠭᠤᠴᠢ ᠰᠤᠳᠤᠯᠤᠯ᠂ ᠲᠡᠤᠬᠡ ᠳᠡᠮᠳᠡᠭᠯᠡᠯ ᠢ ᠦᠨᠳᠤᠰᠤᠯᠡᠪᠠᠯ ᠮᠠᠨ ᠤ ᠡᠷᠢᠨ ᠤ ᠡᠮᠦᠨᠡᠬᠢ 2000 ᠵᠢᠯ ᠤᠨ | ᠲᠡᠷᠳᠡᠭᠡ ᠳᠤ ᠬᠤᠯᠪᠤᠭᠳᠠᠬᠤ ᠮᠤᠩᠭᠤᠯ ᠤᠨ ᠡᠷᠳᠡᠨ ᠤ ᠢᠵᠠᠭᠤᠷ ᠨᠡᠭᠦᠳᠡᠯᠴᠢᠨ ᠠᠶᠢᠮᠠᠭ ᠤᠨ ᠬᠠᠮᠤᠭ ᠠᠩᠬᠠᠨ ᠤ | ᠬᠠᠩᠭᠠᠢ ᠲᠡᠷᠭᠡ ᠶᠢ ᠡᠭᠦᠳᠬᠦ ᠶᠢᠨ ᠵᠡᠷᠭᠡᠳᠡ ᠡᠮᠡᠭᠡᠯ ᠡᠭᠦᠳᠴᠤ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠮᠤᠩᠭᠤᠯ ᠨᠤᠲᠤᠭ ᠲᠤ ︽ᠲᠠᠪᠤᠨ ᠮᠤᠳᠤᠨ ᠤ ᠡᠮᠡᠭᠡᠯ︾᠂ ︽ᠭᠤᠷᠪᠠᠨ ᠮᠤᠳᠤᠨ ᠤ ᠡᠮᠡᠭᠡᠯ︾ ᠭᠡᠵᠤ ᠠᠴᠠ | ᠰᠠᠯᠠᠭᠠ ᠲᠠᠢ ᠮᠤᠳᠤ ᠪᠠᠷ ᠬᠢᠳᠡᠭ ᠠᠴᠠ ᠦᠵᠡᠪᠡᠯ ᠠᠩᠬᠠᠨ ᠤ ᠬᠦᠷᠡᠯ ᠵᠠᠪᠰᠡᠭ ᠤᠨ ᠦᠶᠡ ᠠᠴᠠ ᠡᠬᠢᠯᠡᠨ | ᠬᠠᠮᠤᠭ ᠤᠨ ᠪᠦᠳᠦᠭᠦᠯᠢᠭ ᠮᠤᠳᠤᠨ ᠲᠤᠨᠤᠭ ᠤᠳ ᠢ ᠬᠢᠵᠤ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ ᠮᠦᠨᠴᠤ ᠰᠤᠷ ᠳᠡᠭᠡᠰᠤ ᠪᠠᠷ | ᠪᠠᠰᠠ ᠰᠤᠷ ᠲᠦᠷᠦᠭᠡ᠂ ᠳᠡᠭᠡᠰᠤᠨ ᠲᠦᠷᠦᠭᠡ᠂ ᠰᠤᠷ ᠠᠮᠠᠭᠠᠢ᠂ ᠶᠠᠰᠤᠨ ᠡᠪᠡᠷ ᠤᠨ ᠠᠮᠠᠭᠠᠢ ᠬᠢᠬᠦ ᠪᠤᠯᠵᠠᠢ᠃ | ᠳᠡᠮᠦᠷᠯᠢᠭ ᠢ ᠡᠯᠪᠡᠭ ᠬᠡᠷᠡᠭᠯᠡᠬᠦ ᠪᠤᠯᠤᠭᠰᠠᠨ ᠠᠴᠠ ᠨᠠᠰᠢ᠂ ᠮᠤᠳᠤ᠂ ᠰᠤᠷ ᠢᠶᠠᠷ ᠨᠡᠩ ᠤᠷᠠᠨ ᠲᠤᠨᠤᠭ | ᠳᠥᠬᠦᠭᠡᠷᠦᠮᠵᠢ ᠬᠢᠵᠤ ᠴᠢᠳᠠᠬᠤ ᠪᠤᠯᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠳᠡᠮᠦᠷᠯᠢᠭ ᠢᠶᠠᠷ ᠠᠮᠠᠭᠠᠢ᠂ ᠵᠤᠤᠵᠠᠢ᠂ ᠳᠦᠷᠦᠭᠡ | ᠵᠡᠷᠭᠡ ᠦᠨᠳᠤᠰᠤᠨ ᠬᠡᠷᠡᠭᠰᠡᠨ ᠢ ᠬᠢᠵᠤ ᠴᠢᠳᠠᠪᠠ᠃ ᠡᠨᠡ ᠪᠤᠯ ᠬᠠᠮᠤᠭ ᠠᠩᠬᠠᠨ ᠤ ᠮᠤᠷᠢᠨ ᠳᠤᠨᠤᠭ ᠬᠡᠷᠡᠭᠰᠡᠯ | ᠮᠦᠨ᠃ | ᠤᠨᠤᠯᠭᠠ ᠶᠢᠨ ᠳᠤᠨᠤᠭ ᠭᠡᠷᠡᠭᠰᠡᠯ ᠢ ᠡᠩ ᠤᠨ ᠮᠠᠯᠵᠢᠬᠤ ᠦᠢᠯᠡᠳᠪᠤᠷᠢᠯᠡᠯ ᠤᠨ ᠬᠡᠷᠡᠭᠴᠡᠭᠡᠨ ᠳᠤ | ᠵᠤᠷᠢᠭᠤᠯᠤᠭᠰᠠᠨ ᠪᠠ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠳᠤ ᠵᠤᠷᠢᠭᠤᠯᠤᠭᠰᠠᠨ ᠳᠤᠨᠤᠭ ᠬᠡᠷᠡᠭᠰᠡᠯ ᠭᠡᠵᠤ ᠢᠯᠭᠠᠵᠤ ᠪᠤᠯᠤᠨᠠ᠃ | ᠤᠨᠤᠯᠭᠠ ᠶᠢᠨ ᠬᠡᠷᠡᠭᠴᠡᠭᠡᠨ ᠤ ᠳᠤᠨᠤᠭ ᠨᠢ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠦᠢᠯᠡᠳᠪᠤᠷᠢᠯᠡᠯ ᠳᠤ ᠵᠤᠷᠢᠭᠤᠯᠤᠭᠳᠠᠭᠰᠠᠨ | ᠤᠴᠢᠷ ᠡᠳᠦᠷ ᠳᠤᠳᠤᠮ ᠤᠨ ᠠᠵᠢᠯ ᠠᠮᠢᠳᠤᠷᠠᠯ ᠳᠤ ᠪᠦᠷᠢᠨ ᠬᠡᠷᠡᠭᠴᠡᠭᠡᠳᠠᠢ᠂ ᠬᠡᠷᠡᠭᠯᠡᠭᠡᠨ ᠤ ᠴᠢᠳᠠᠪᠤᠷᠢᠢ ᠰᠠᠶᠢᠨ᠂ | ᠪᠦᠬᠡ ᠮᠦᠷᠲᠡᠭᠡᠨ ᠬᠢᠯᠪᠡᠷ ᠳᠦᠯᠭᠦᠮ ᠪᠠᠶᠢᠳᠠᠭ ᠠᠴᠠ ᠶᠠᠷᠤ ᠨᠢ ᠡᠩ ᠤᠨ ᠮᠠᠯᠴᠢᠳ ᠪᠦᠬᠦᠨ ᠬᠢᠵᠤ ᠴᠢᠳᠠᠳᠠᠭ᠃ | ᠡᠭᠦᠨ ᠢ ᠪᠠᠰᠠ ᠮᠠᠯᠴᠢᠳ ᠤᠨ ᠮᠤᠷᠢᠨ ᠬᠡᠷᠡᠭᠰᠡᠯ ᠬᠡᠨᠡ᠃ ᠡᠭᠦᠨ ᠳᠤ ᠤᠨᠤᠭᠠᠷᠢ ᠶᠢᠨ ᠮᠤᠷᠢ᠂ ᠤᠷᠭᠠᠨ ᠮᠤᠷᠢᠨ ᠳᠤ | ᠬᠡᠷᠡᠭᠯᠡᠬᠦ ᠡᠮᠡᠭᠡᠯ ᠬᠠᠵᠠᠭᠠᠷ᠂ ᠴᠢᠳᠤᠷ ᠳᠤᠱᠠ᠂ ᠤᠷᠭᠠ ᠪᠤᠭᠤᠶᠢᠯᠢ ᠵᠡᠷᠭᠡ ᠪᠠᠭᠳᠠᠨᠠ᠃ | ᠮᠤᠩᠭᠤᠯ ᠤᠨ ᠮᠤᠷᠢᠨ ᠰᠤᠶᠤᠯ ᠤᠨ ᠠᠭᠤᠯᠭᠠ ᠳᠤ ᠬᠠᠮᠤᠷᠤᠭᠳᠠᠬᠤ ᠳᠤᠨᠤᠭ ᠳᠦᠭᠦᠬᠡᠷᠦᠮᠵᠢ ᠨᠦᠭᠦᠳ ᠢ | ᠮᠠᠲ᠋ᠧᠷᠢᠶᠠᠯ ᠤᠨ ᠲᠠᠯᠠ ᠠᠴᠠ ᠠᠪᠴᠤ ᠦᠵᠡᠪᠡᠯ ᠦᠨᠳᠤᠰᠤᠨ ᠭᠤᠷᠪᠠᠨ ᠮᠠᠲ᠋ᠧᠷᠢᠶᠠᠯ ᠢᠶᠠᠷ ᠬᠢᠭᠳᠡᠵᠠᠢ ᠭᠡᠵᠤ ᠦᠵᠡᠵᠤ | ᠪᠤᠯᠤᠨᠠ᠃ | ᠲᠡᠭᠦᠨ ᠤ ᠨᠢᠭᠡ ᠨᠢ ᠠᠷᠠᠰᠤ ᠰᠢᠷᠢ᠂ ᠰᠤᠷ ᠪᠠ ᠢᠰᠡᠬᠡᠢ ᠪᠤᠯᠤᠨᠠ᠃ ᠰᠢᠷᠢ ᠪᠠᠷ ᠬᠦᠯᠢᠮ᠂ ᠳᠡᠪᠰᠡ ᠬᠢᠵᠤ᠂ | ᠰᠤᠷ ᠢᠶᠠᠷ ᠴᠢᠳᠤᠷ ᠨᠤᠭᠳᠤ᠂ ᠤᠷᠭᠠᠨ ᠤ ᠬᠤᠶᠢᠪᠢ᠂ ᠪᠤᠭᠤᠶᠢᠯᠢ᠂ ᠳᠠᠳᠠᠯᠭᠠ᠂ ᠭᠠᠨᠵᠤᠭᠠ᠂ ᠵᠢᠷᠢᠮ᠂ ᠨᠤᠭᠳᠤ᠂ | ᠤᠯᠤᠩ ᠵᠡᠷᠭᠡ ᠶᠢ ᠦᠢᠯᠡᠳᠦᠨᠠ᠃ ᠳᠡᠯ ᠬᠢᠯᠭᠠᠰᠤ ᠪᠠᠷ ᠳᠡᠭᠡᠰᠤ ᠵᠢᠴᠢ ᠵᠢᠷᠢᠮ᠂ ᠨᠤᠭᠳᠤ᠂ ᠤᠯᠤᠩ ᠢ ᠬᠢᠨᠠ᠃ | ᠰᠤᠷ ᠬᠢᠯᠭᠠᠰᠤᠨ ᠳᠡᠭᠡᠰᠤ ᠪᠠᠷ ᠤᠶᠠᠭᠠ ᠤᠶᠠᠵᠤ ᠡᠯᠳᠡᠪ ᠵᠠᠩᠬᠢᠯᠠᠭᠠ ᠶᠢ ᠤᠷᠠᠯᠠᠨ ᠪᠦᠲᠦᠭᠡᠭᠰᠡᠨ ᠨᠢ ᠳᠡᠯᠡᠬᠡᠢ ᠳᠤ | ᠭᠠᠭᠴᠠ ᠮᠤᠩᠭᠤᠯᠴᠤᠳ ᠪᠠᠶᠢᠭᠠ ᠶᠤᠮ᠃ | ᠲᠡᠭᠦᠨ ᠤ ᠬᠤᠶᠠᠷ ᠨᠢ ᠮᠤᠳᠤ ᠪᠤᠯᠤᠨᠠ᠃ ᠭᠤᠤᠯᠳᠠᠭᠤ ᠬᠠᠳᠠᠭᠤ ᠪᠦᠬᠡ ᠴᠢᠨᠠᠷ ᠤᠨ ᠮᠤᠳᠤ ᠶᠢ | ᠰᠤᠩᠭᠤᠳᠠᠭ᠃ ᠡᠭᠦᠨ ᠳᠤ ᠬᠤᠰᠤ᠂ ᠨᠠᠷᠠᠰᠤ ︵ᠬᠠᠷᠠ ᠮᠤᠳᠤ︶᠂ ᠤᠳᠠ᠂ ᠤᠯᠢᠶᠠᠰᠤ᠂ ᠬᠤᠯᠤᠰᠤ᠂ ᠽᠠᠨᠳᠠᠨ | ᠮᠤᠳᠤ ᠶᠢ ᠤᠯᠵᠤ ᠬᠡᠷᠡᠭᠯᠡᠳᠡᠭ᠃ ᠮᠤᠳᠤᠨ ᠮᠠᠲ᠋ᠧᠷᠢᠶᠠᠯ ᠢᠶᠠᠷ ᠬᠢᠭᠰᠡᠨ ᠡᠮᠡᠭᠡᠯ ᠨᠢ ᠥᠪᠡᠷᠮᠢᠴᠡ ᠳᠦᠷᠢ ᠤᠷᠠᠯᠠᠯ | ᠪᠦᠬᠦᠢ ᠰᠡᠶᠢᠯᠦᠮᠡᠯ ᠢᠶᠠᠷ ᠭᠤᠶᠤᠯᠠᠭᠳᠠᠭᠰᠠᠨ ᠪᠠᠶᠢᠳᠠᠭ᠃ ᠮᠤᠳᠤᠨ ᠮᠠᠲ᠋ᠧᠷᠢᠶᠠᠯ ᠢᠶᠠᠷ ᠲᠤᠨᠤᠭ ᠬᠡᠷᠡᠭᠰᠡᠯ ᠢ ᠮᠠᠯᠴᠢᠳ | ᠥᠪᠡᠷᠳᠡᠭᠡᠨ ᠬᠢᠴᠢᠭᠡᠳᠡᠭ᠃ | ᠲᠡᠭᠦᠨ ᠤ ᠭᠤᠷᠪᠠ ᠨᠢ ᠳᠡᠮᠦᠷᠯᠢᠭ ᠮᠠᠲ᠋ᠧᠷᠢᠶᠠᠯ᠃ ᠬᠠᠵᠠᠭᠠᠷ ᠤᠨ ᠠᠮᠠᠭᠠᠢ᠂ ᠵᠤᠤᠵᠠᠢ᠂ ᠡᠮᠡᠭᠡᠯ ᠤᠨ | ᠲᠦᠷᠦᠭᠡ ᠵᠢᠴᠢ ᠵᠠᠰᠠᠯ ᠵᠢᠮᠰᠡᠭ ᠤᠳ ᠢ ᠭᠠᠤᠯᠢ᠂ ᠵᠡᠰ᠂ ᠬᠦᠷᠢᠯ᠂ ᠲᠡᠮᠤᠷ᠂ ᠪᠤᠯᠤᠳ᠂ ᠴᠠᠶᠢᠷ᠂ ᠮᠥᠩᠬᠦ᠂ | ᠠᠯᠳᠠ ᠪᠠᠷ ᠬᠢᠳᠡᠭ᠃ ᠲᠡᠷᠡᠴᠢᠯᠠᠨ ᠵᠠᠰᠠᠯ ᠭᠤᠶᠤᠯᠠᠯ ᠤᠨ ᠦᠨᠡᠳᠤ ᠡᠮᠡᠭᠡᠯ ᠢ ᠠᠯᠳᠠ ᠪᠠᠷ᠂ ᠵᠢᠩ ᠲᠠᠢ ᠯᠠᠨ ᠢᠶᠠᠷ᠂ | ᠨᠤᠭᠳᠤ ᠶᠢ ᠬᠠᠰ ᠢᠶᠠᠷ᠂ ᠬᠠᠵᠠᠭᠠᠷ ᠲᠦᠷᠦᠭᠡ ᠶᠢ ᠮᠥᠩᠬᠦ ᠪᠠᠷ ᠬᠢᠳᠡᠭ ᠴᠤ ᠪᠤᠢ᠃ ᠴᠠᠬᠠᠷ ᠱᠠᠩᠳᠤ ᠠᠳᠤᠭᠤᠴᠢᠨ | ᠬᠤᠰᠢᠭᠤᠨ ᠤ ᠮᠥᠩᠬᠦᠨ ᠳᠠᠷᠬᠠᠨ ᠰᠤᠨᠤᠮ ᠤᠨ ᠦᠢᠯᠡᠳᠤᠭᠰᠡᠨ ᠮᠥᠩᠬᠦᠨ ᠡᠳ᠋ᠯᠡᠯ ᠪᠠ ᠮᠥᠩᠬᠦᠨ ᠲᠠᠷᠬᠠ ᠶᠢᠨ | ᠪᠠᠭᠠᠵᠢ ᠬᠡᠷᠡᠭᠰᠡᠯ ᠡᠳᠦᠭᠡ ᠪᠤᠯᠳᠠᠯᠠ ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ ᠪᠠᠶᠢᠨᠠ᠃ ᠮᠤᠩᠭᠤᠯᠴᠤᠳ ᠤᠨ ᠡᠮᠡᠭᠡᠯ ᠳᠤ᠂ ᠴᠤᠯᠤ | ᠮᠥᠩᠬᠦᠨ ᠡᠮᠡᠭᠡᠯ᠂ ᠭᠠᠤᠯᠢᠨ ᠡᠮᠡᠭᠡᠯ᠂ ᠵᠢᠩ ᠲᠠᠢ ᠯᠠᠨ ᠡᠮᠡᠭᠡᠯ ᠵᠡᠷᠭᠡ ᠪᠠᠶᠢᠳᠠᠭ᠃ | ᠡᠮᠡᠭᠡᠯᠴᠢ ᠶᠢᠨ ᠨᠡᠷᠡ ᠶᠢᠨ ᠨᠡᠷᠡᠯᠡᠭᠳᠡᠭᠰᠡᠨ ᠰᠠᠮᠪᠤᠤ ᠡᠮᠡᠭᠡᠯ᠂ ᠤᠪᠤᠭ ᠠᠶᠢᠮᠠᠭ ᠤᠨ ᠨᠡᠷᠡ ᠪᠠᠷ ᠨᠠᠷᠠᠯᠡᠭᠳᠡᠭᠰᠡᠨ | ᠳᠠᠷᠬᠠᠳ ᠡᠮᠡᠭᠡᠯ᠂ ᠪᠤᠷᠵᠢᠬᠢᠨ ᠡᠮᠡᠭᠡᠯ᠂ ᠤᠷᠢᠶᠠᠩᠬᠠᠢ ᠡᠮᠡᠭᠡᠯ᠂ ᠪᠤᠷᠢᠶᠠᠳ ᠡᠮᠡᠭᠡᠯ᠂ ᠦᠵᠦᠮᠦᠴᠢᠨ ᠡᠮᠡᠭᠡᠯ᠂ | ᠤᠶᠢᠷᠠᠳ ᠡᠮᠡᠭᠡᠯ ᠭᠡᠵᠤ ᠢᠯᠭᠠᠨᠠ᠃ | ᠳᠠᠷᠬᠠᠨ ᠡᠮᠡᠭᠡᠯ ᠤᠨ ᠪᠦᠲᠦᠴᠡ᠄ | ᠳᠠᠷᠬᠠᠨ ᠡᠮᠡᠭᠡᠯ ᠤᠨ ᠮᠤᠳᠤ ᠨᠢ ᠡᠮᠦᠨᠠ ᠬᠤᠶᠢᠳᠤ ᠪᠦᠬᠦᠷᠭᠡ᠂ ᠵᠥᠪ ᠪᠤᠷᠤᠭᠤ ᠬᠤᠶᠠᠷ ᠲᠠᠯᠠ ᠶᠢᠨ | ᠬᠠᠳᠠᠪᠴᠢ ᠵᠡᠷᠭᠡ ᠳᠦᠷᠪᠠᠨ ᠬᠡᠰᠡᠭ ᠢᠶᠠᠷ ᠪᠦᠷᠯᠳᠤᠳᠡᠭ᠃ ᠬᠤᠶᠠᠷ ᠬᠠᠳᠠᠪᠴᠢ ᠶᠢᠨ ᠭᠤᠤᠯ ᠤᠨ ᠵᠠᠯᠭᠠᠭᠠᠰᠤ ᠭᠡᠰᠡᠭ | ᠢ ᠵᠢᠭᠠᠰᠤ ᠭᠡᠳᠡᠭ᠃ ︵ᠵᠠᠷᠢᠮ ᠭᠠᠵᠠᠷ ᠬᠤᠩᠭᠤ ᠭᠡᠵᠤ ᠨᠡᠷᠡᠯᠡᠳᠡᠭ︶᠃ ᠡᠮᠡᠭᠡᠯ ᠤᠨ ᠮᠤᠳᠤ ᠶᠢ ᠬᠠᠳᠠᠭᠤ ᠪᠠᠬᠢᠯᠢᠭ᠌ | ᠴᠢᠨᠠᠷ ᠲᠠᠢ ᠬᠤᠰᠤ᠂ ᠦᠷᠢᠯ᠂ ᠲᠠᠤᠯᠠᠢ ᠶᠢᠨ ᠪᠦᠭᠡᠷᠡ᠂ ᠠᠭᠠᠷᠤ᠂ ᠽᠠᠨᠳᠠᠨ᠂ ᠰᠤᠮᠤᠨ ᠮᠤᠳᠤ ᠶᠢ ᠰᠤᠩᠭᠤᠨ | ᠬᠡᠷᠡᠭᠯᠡᠳᠡᠭ᠃ ᠡᠮᠡᠭᠡᠯ ᠤᠨ ᠪᠦᠭᠦᠷᠭᠡ ᠶᠢ ᠠᠴᠠ ᠮᠤᠳᠤ ᠪᠠᠷ ᠪᠢᠳᠡᠭᠦᠦ ᠬᠢᠨᠠ᠃ ᠬᠠᠳᠠᠪᠴᠢ ᠶᠢ ᠠᠮᠠᠷᠬᠠᠨ ᠬᠠᠭᠠᠷᠠᠵᠤ | ᠴᠤᠴᠠᠷᠠᠬᠤ ᠦᠭᠡᠢ ᠬᠤᠰᠤ ᠮᠤᠳᠤ ᠪᠠᠷ ᠬᠢᠳᠡᠭ᠃ ᠬᠤᠶᠠᠷ ᠬᠠᠳᠠᠪᠴᠢ ᠶᠢᠨ ᠪᠦᠬᠦᠷᠭᠡ ᠲᠠᠢ ᠨᠡᠶᠢᠯᠡᠬᠦ ᠬᠡᠰᠡᠭ ᠤᠨ | ᠬᠤᠭᠤᠷᠤᠨᠳᠤᠬᠢ ᠵᠠᠢ ᠨᠢ ᠡᠮᠦᠨᠠ ᠲᠠᠯᠠ ᠳᠠᠭᠠᠨ 10cm ᠣᠷᠴᠢᠮ᠂ ᠠᠷᠤ ᠲᠠᠯᠠ ᠨᠢ 11 cm ᠤᠷᠴᠢᠮ᠂ | ᠪᠦᠬᠦᠷᠭᠡ ᠶᠢᠨ ᠬᠤᠩᠬᠤᠷ ᠤᠨ ᠬᠦᠨ 6 cm᠂ ᠬᠠᠳᠠᠪᠴᠢ ᠶᠢᠨ ᠭᠠᠳᠠᠷ ᠢᠷᠮᠡᠭ ᠤᠨ ᠵᠠᠢ ᠨᠢ ᠡᠮᠦᠨᠠ | ᠲᠠᠯᠠ ᠳᠠᠭᠠᠨ 25cm᠂ ᠠᠷᠤ ᠲᠠᠯᠠ ᠳᠠᠭᠠᠨ 29 cm ᠤᠷᠴᠢᠮ ᠪᠠᠶᠢᠳᠠᠭ᠃ ᠬᠠᠳᠠᠪᠴᠢᠨ ᠤ ᠬᠤᠶᠠᠷ | ᠪᠦᠬᠦᠷᠭᠡ ᠶᠢᠨ ᠳᠤᠮᠳᠠᠬᠢ ᠬᠡᠰᠡᠭ ᠨᠢ ᠵᠤᠵᠠᠭᠠᠨ᠂ ᠬᠤᠶᠠᠷ ᠪᠦᠬᠦᠷᠭᠡ ᠲᠠᠢ ᠵᠠᠯᠭᠠᠬᠤ ᠬᠡᠰᠡᠭ ᠢ ᠨᠢᠮᠬᠡᠨ ᠪᠤᠯᠭᠠᠵᠤ᠂ | ᠱᠠᠭᠠᠨᠳᠠᠭ ᠢᠶᠠᠷ ᠬᠠᠳᠠᠨ ᠲᠤᠭᠲᠠᠭᠠᠵᠤ ᠪᠤᠯᠢᠭᠠᠷᠢ ᠪᠠᠷ ᠴᠠᠪᠠᠤᠳᠠᠨ ᠬᠤᠯᠳᠠᠨᠠ᠃ | ᠳᠠᠷᠬᠠᠨ ᠡᠮᠡᠭᠡᠯ ᠤᠨ ᠪᠦᠬᠦᠷᠭᠡ ᠮᠤᠳᠤ ᠶᠢ ᠡᠶᠢᠨ ᠬᠦ᠋ ᠪᠦᠷᠢᠯᠳᠤᠭᠦᠯᠦᠭᠰᠡᠨ ᠤ ᠳᠠᠷᠠᠭᠠ᠂ ᠲᠡᠭᠦᠨ ᠤ ᠳᠡᠭᠡᠷᠡ | ᠭᠠᠨᠵᠤᠭᠠ ᠳᠠᠳᠠᠬᠤ ᠨᠥᠬᠡ ᠶᠢ ᠡᠮᠦᠨᠠ ᠬᠤᠶᠢᠨᠠ ᠳᠤᠰᠪᠤᠷᠢ ᠴᠤᠭᠤᠯᠵᠤ᠂ ᠠᠷᠪᠠ᠂ ᠠᠷᠪᠠᠨ ᠨᠠᠢᠮᠠᠨ ᠭᠠᠨᠵᠤᠭᠠ | ᠶᠢ ᠰᠤᠷ ᠢᠶᠠᠷ ᠬᠢᠵᠤ ᠡᠮᠦᠨᠡ ᠳᠦᠷᠪᠠ᠂ ᠬᠤᠶᠢᠨᠠ ᠵᠢᠷᠭᠤᠭᠠ ᠪᠤᠶᠤ ᠡᠮᠦᠨᠠ ᠨᠠᠢᠮᠠ᠂ ᠬᠤᠶᠢᠨᠠ ᠠᠷᠪᠠ | ᠲᠠᠭᠠᠷᠠᠭᠤᠯᠵᠤ ᠳᠠᠳᠠᠳᠠᠭ᠃ ᠭᠠᠨᠵᠤᠭᠠ ᠶᠢ ᠵᠢᠭᠳᠡ ᠰᠢᠭ ᠬᠢᠪᠠᠯ ᠡᠮᠡᠭᠡᠯ ᠤᠨ ᠥᠩᠬᠡ ᠦᠵᠡᠮᠵᠢ ᠶᠢ ᠭᠤᠶᠤ | ᠪᠤᠯᠭᠠᠬᠤ ᠶᠢᠨ ᠬᠠᠮᠳᠤ ᠤᠯᠠᠨ ᠭᠡᠷᠡᠭᠴᠡᠭᠡᠨ ᠳᠤ ᠪᠠᠬᠢᠯᠢᠭ᠌ ᠪᠠᠶᠢᠳᠠᠭ᠃ | ᠵᠥᠪ ᠲᠠᠯᠠ ᠶᠢᠨ ᠡᠮᠦᠨᠠ ᠭᠠᠨᠵᠤᠭᠠ ᠠᠴᠠ ᠳᠠᠰᠢᠭᠤᠷ᠂ ᠵᠢᠯᠤᠭᠤ ᠪᠠᠨ ᠤᠶᠠᠬᠤ᠂ ᠠᠷᠤ ᠬᠤᠶᠠᠷ | ᠭᠠᠨᠵᠤᠭᠠ ᠪᠠᠷ ᠠᠴᠢᠶᠠ ᠰᠠᠪᠠ᠂ ᠳ᠋ᠠᠯᠢᠶᠠᠷ ᠳᠠᠷᠤᠭᠤᠯᠬᠤ᠂ ᠪᠤᠷᠤᠭᠤ ᠲᠠᠯᠠ ᠶᠢᠨ ᠠᠷᠤ ᠭᠠᠨᠵᠤᠭᠠᠨ ᠠᠴᠠ ᠴᠢᠳᠦᠷ | ᠤᠨ ᠳᠠᠳᠠᠭᠠᠰᠤ᠂ ᠳᠡᠭᠡᠰᠤ ᠨᠤᠭᠳᠤ ᠵᠡᠷᠭᠡ ᠶᠢ ᠤᠶᠠᠬᠤ ᠵᠡᠷᠭᠡ ᠪᠠᠷ ᠬᠡᠷᠡᠭᠯᠡᠨᠠ᠃ ᠡᠮᠨᠢᠭ ᠰᠤᠷᠭᠠᠬᠤ ᠳᠤ ᠴᠤ | ᠭᠠᠨᠵᠤᠭᠠ ᠤᠨᠴᠠ ᠶᠢᠨ ᠶᠡᠭᠡ ᠳᠤᠰᠠᠲᠠᠢ᠃ | ᠬᠠᠳᠠᠪᠴᠢᠨ ᠤ ᠭᠠᠳᠠᠷ ᠢᠷᠮᠡᠭ ᠠᠴᠠ ᠳᠤᠳᠤᠭᠰᠢ 3 cm ᠤᠨ ᠤᠷᠴᠢᠮ ᠤᠷᠳᠤ ᠳᠦᠷᠪᠡᠯᠵᠢᠨ ᠨᠥᠬᠡ | ᠭᠠᠷᠭᠠᠵᠤ᠂ ᠲᠡᠭᠦᠨ ᠠᠴᠠ ᠳᠦᠷᠦᠭᠡᠨ ᠰᠤᠷ ᠬᠤᠯᠪᠤᠵᠤ᠂ ᠲᠦᠷᠦᠭᠡ ᠪᠠᠨ ᠳᠡᠭᠦᠵᠢᠯᠡᠨᠠ᠃ ᠪᠦᠭᠦᠷᠭᠡ ᠶᠢᠨ ᠳᠤᠳᠤᠷ | ᠲᠠᠯᠠ ᠳᠤ ᠳᠤᠤᠷᠠᠳᠤ ᠦᠵᠦᠭᠦᠷ ᠠᠴᠠ ᠳᠡᠭᠡᠭᠰᠢ 3.5cm ᠤᠨ ᠤᠷᠴᠢᠮ ᠡᠮᠦᠨᠠ ᠬᠤᠶᠢᠨᠠ ᠪᠦᠬᠦᠷᠭᠡ ᠳᠤᠰᠪᠤᠷᠢ | ᠶᠢᠨ ᠬᠤᠶᠠᠷ ᠲᠠᠯᠠ ᠳᠤ ᠨᠢᠭᠡ ᠨᠥᠬᠡ ᠭᠠᠷᠭᠠᠵᠤ᠂ ᠤᠯᠤᠩ ᠵᠢᠷᠢᠮ ᠤᠨ ᠤᠭᠰᠠᠭᠠ ︵ᠪᠠᠰᠠ ᠤᠭᠴᠤᠷᠭᠠ ᠭᠡᠵᠤ | ᠨᠡᠷᠡᠯᠡᠳᠡᠭ︶ ᠳᠠᠳᠠᠨᠠ᠃ ᠡᠮᠡᠭᠡᠯ ᠤᠨ ᠰᠠᠭᠤᠳᠠᠯ ᠤᠨ ᠭᠤᠤᠯ ᠲᠥᠪ ᠲᠤ ᠳᠦᠷᠪᠡᠯᠵᠢᠨ ᠳᠦᠷᠰᠤ ᠪᠦᠬᠦᠢ ᠳᠦᠷᠪᠠᠨ | ᠨᠥᠬᠡ ᠴᠤᠭᠤᠯᠵᠤ ᠳᠠᠷᠤᠯᠭᠠ ᠳᠠᠳᠠᠬᠤ ᠳᠤ ᠬᠡᠷᠡᠭᠯᠡᠨᠠ᠃ | ᠳᠠᠷᠤᠯᠭᠠ ᠪᠠᠭᠠᠪᠤᠷ᠄ ᠡᠮᠡᠭᠡᠯ ᠤᠨ ᠰᠠᠭᠤᠳᠠᠯ ᠳᠤ ᠳᠡᠪᠰᠠ ᠶᠢ ᠳᠠᠷᠤᠭᠤᠯᠵᠤ ᠬᠢᠬᠦ ᠳᠠᠪᠠᠭ ᠢ ᠳᠠᠷᠤᠯᠭᠠ | ᠭᠡᠨᠡ᠃ ᠳᠠᠷᠤᠯᠭᠠ ᠶᠢ ᠮᠥᠩᠬᠦ᠂ ᠭᠠᠤᠯᠢ᠂ ᠵᠢᠩ ᠲᠠᠢ ᠯᠠᠨ ᠪᠤᠶᠤ ᠴᠠᠶᠢᠷ ᠢᠶᠠᠷ ᠴᠢᠳᠬᠤᠨ ᠬᠢᠳᠡᠭ᠃ ᠡᠷᠪᠡᠭᠡᠢ᠂ | ᠪᠠᠳᠮᠠ ᠯᠢᠩᠬᠤᠸᠠ ᠴᠡᠴᠡᠭ᠂ ᠪᠠᠭᠪᠠᠭ᠋ᠠᠢ ᠵᠡᠷᠭᠡ ᠭᠡ ᠤᠷᠠᠯᠠᠯ ᠲᠠᠢ᠃ ᠬᠠᠮᠤᠭ ᠡᠩ ᠤᠨ ᠳᠠᠷᠤᠯᠭᠠ ᠴᠣ᠋ ᠭᠡᠳ | ᠮᠥᠩᠬᠦᠨ ᠵᠤᠭᠤᠰ ᠮᠡᠳᠤ ᠲᠤᠭᠤᠷᠢᠭ ᠬᠢᠴᠡ ᠲᠠᠢ ᠪᠠᠶᠢᠳᠠᠭ᠃ | ᠡᠮᠡᠭᠡᠯ ᠤᠨ ᠬᠠᠳᠠᠪᠴᠢᠨ ᠤ ᠬᠤᠶᠢᠳᠤ ᠬᠡᠰᠡᠭ ᠲᠤ ᠭᠠᠨᠵᠤᠭᠠ ᠬᠤᠳᠠᠷᠭᠠᠨ ᠤ ᠤᠭ ᠲᠤ ᠬᠠᠳᠬᠤᠬᠤ ᠭᠤᠶᠤ | ᠬᠢᠴᠡ ᠲᠠᠢ ᠴᠢᠮᠡᠭ ᠢ ᠪᠠᠭᠠᠪᠤᠷ ᠭᠡᠳᠡᠭ᠃ ᠪᠠᠭᠠᠪᠤᠷ ᠢ ᠮᠥᠩᠬᠦ᠂ ᠭᠠᠤᠯᠢ᠂ ᠲᠡᠮᠤᠷ᠂ ᠴᠠᠶᠢᠷ ᠢᠶᠠᠷ ᠤᠷᠠᠯᠠᠳᠠᠭ᠃ | ᠳᠠᠷᠬᠠᠨ ᠡᠮᠡᠭᠡᠯ ᠤᠨ ᠮᠤᠳᠤ ᠶᠢ ᠤᠯᠠᠭᠠᠨ ᠰᠢᠷᠭᠠᠯ ᠥᠩᠬᠡ ᠪᠠᠷ ᠰᠢᠷᠳᠡᠳᠡᠭ ᠨᠢ ᠤᠯᠠᠨ᠃ ᠮᠢᠩᠭᠠ ᠶᠢᠰᠦᠨ | ᠵᠠᠭᠤ ᠳᠠᠪᠢᠭᠠᠳ ᠤᠨ ᠤ ᠦᠶᠡᠰ ᠢᠶᠠᠷ ᠡᠬᠢᠯᠡᠵᠤ ᠳᠠᠷᠬᠠᠨ ᠨᠤᠲᠤᠭ ᠲᠤ ᠮᠠᠶᠤᠤᠵᠠ ᠬᠡᠷᠡᠭᠯᠡᠬᠦ ᠪᠤᠯᠵᠤᠥ᠂ ᠲᠡᠭᠦᠨ | ᠠᠴᠠ ᠡᠮᠦᠨᠡ ᠴᠠᠮᠪᠠᠨ ᠳᠡᠪᠰᠡ ᠭᠡᠵᠤ ᠬᠡᠷᠡᠭᠯᠡᠳᠡᠭ᠃ ᠴᠡᠮᠪᠠᠨ ᠳᠡᠪᠰᠡ ᠭᠡᠵᠤ ᠠᠷᠠᠰᠤᠨ ᠬᠤᠯᠳᠠᠭᠠᠰᠤ ᠶᠢᠨ ᠳᠡᠭᠡᠷᠡ | ᠢᠰᠡᠬᠡᠢ ᠶᠢ ᠨᠢᠮᠬᠡᠯᠡᠵᠤ ᠴᠡᠮᠪᠠᠨ ᠲᠤᠷᠭᠠ ᠪᠠᠷ ᠥᠩᠬᠡᠯᠡᠭᠡᠳ ᠬᠢᠷᠠ ᠶᠢᠨ ᠳᠤᠳᠤᠷ ᠢᠷᠮᠡᠭ ᠲᠠᠢ ᠵᠡᠷᠭᠡᠴᠡᠭᠦᠯᠦᠨ | ᠪᠠᠶᠢᠵᠤ ᠪᠦᠷᠢᠨ ᠨᠠᠭᠠᠵᠤ ᠳᠠᠷᠤᠯᠭᠠ ᠪᠠᠷ ᠳᠠᠷᠤᠬᠤ ᠶᠢ ᠬᠡᠯᠡᠨᠠ᠃ ᠮᠠᠶᠤᠤᠵᠠ ᠶᠢ ᠪᠠᠰᠠ ᠤᠯᠤᠩᠴᠤᠭ ᠮᠠᠶᠤᠤᠵᠠ | ᠭᠡᠳᠡᠭ᠃ ᠮᠠᠶᠤᠤᠵᠠ ᠬᠢᠭᠰᠡᠨ ᠡᠮᠡᠭᠡᠯ ᠳᠤ ᠬᠦᠮᠦᠨ ᠰᠠᠭᠤᠬᠤ ᠳᠤ ᠨᠤᠬᠤᠬᠤ ᠦᠭᠡᠢ᠂ ᠬᠤᠯᠭᠤᠬᠤ ᠦᠭᠡᠢ ᠵᠥᠭᠡᠯᠡᠨ | ᠪᠠᠶᠢᠳᠠᠭ ᠤᠨᠴᠠᠯᠢᠭ ᠲᠠᠢ᠃ | ᠵᠢᠷᠠᠭᠠᠳ ᠤᠨ ᠠᠴᠠ ᠡᠬᠢᠯᠡᠵᠤ ᠬᠠᠶᠢᠷᠴᠠᠭ ᠤᠭᠠᠯᠵᠠ ᠲᠠᠢ᠂ ᠳᠤᠭᠤᠢ ᠭᠠᠨᠵᠤᠭᠠᠨ ᠰᠦᠪᠡᠭᠴᠢ ᠬᠡᠷᠡᠭᠯᠡᠬᠦ | ᠪᠤᠯᠵᠤ᠂ ᠱᠠᠩᠺᠸᠤ ᠬᠦᠯᠢᠮ ᠲᠠᠭᠠᠷᠠᠭᠤᠯᠵᠤ ᠡᠳ᠋ᠯᠡᠳᠡᠭ ᠪᠠᠶᠢᠭᠰᠠᠨ᠃ | ᠬᠢᠷᠠ ᠶᠢ ᠮᠥᠩᠬᠦ᠂ ᠭᠠᠤᠯᠢ᠂ ᠴᠠᠶᠢᠷ ᠵᠡᠷᠭᠡ ᠳᠡᠮᠦᠷᠯᠢᠭ ᠢᠶᠠᠷ ᠡᠮᠡᠭᠡᠯ ᠤᠨ ᠪᠦᠬᠦᠷᠭᠡ ᠶᠢᠨ ᠢᠷᠮᠡᠭ ᠢ | ᠳᠠᠷᠤᠭᠤᠯᠵᠤ ᠬᠢᠪᠠᠯ ᠪᠦᠬᠡ ᠪᠤᠯᠬᠤ ᠮᠦᠷᠲᠡᠭᠡᠨ ᠶᠠᠩᠵᠤᠯᠢᠭ ᠪᠠᠶᠢᠳᠠᠭ᠃ ᠵᠠᠷᠢᠮ ᠭᠠᠵᠠᠷ ᠲᠡᠮᠡᠭᠡᠨ ᠶᠠᠰᠤ ᠪᠠᠷ ᠴᠤ | ᠬᠢᠷᠠ ᠬᠢᠵᠤ᠂ ᠠᠯᠤᠬᠠ ᠬᠡ᠂ ᠤᠭᠠᠯᠵᠠ ᠬᠡ ᠵᠡᠷᠭᠡ ᠶᠢ ᠰᠡᠶᠢᠯᠵᠤ ᠤᠷᠠᠯᠠᠳᠠᠭ᠃ | ᠬᠦᠯᠢᠮ ᠪᠤᠯ ᠲᠦᠷᠦᠭᠡᠨ ᠰᠤᠷ ᠮᠤᠷᠢᠨ ᠤ ᠬᠡᠳᠡᠰᠤ ᠶᠢ ᠬᠤᠯᠭᠤᠬᠤ ᠪᠤᠶᠤ ᠮᠤᠷᠢᠨ ᠤ ᠬᠦᠯᠦᠰᠤᠨ ᠳᠤ | ᠬᠤᠪᠴᠠᠰᠤ ᠬᠤᠬᠢᠷᠳᠤᠬᠤ ᠵᠡᠷᠭᠡ ᠠᠴᠠ ᠰᠡᠷᠬᠡᠶᠢᠯᠡᠬᠦ ᠶᠢᠨ ᠳᠤᠯᠠᠳᠠ ᠬᠢᠭᠰᠡᠨ ᠡᠮᠡᠭᠡᠯ ᠤᠨ ᠬᠡᠷᠡᠭᠰᠡᠯ᠃ ᠬᠦᠯᠢᠮ ᠢ | ᠳᠤᠬᠤᠮ ᠤᠨ ᠳᠡᠭᠡᠷᠡ᠂ ᠡᠮᠡᠭᠡᠯ ᠤᠨ ᠮᠤᠳᠤᠨ ᠤ ᠳᠤᠤᠷᠠ ᠲᠠᠭᠠᠷᠠᠭᠤᠯᠳᠠᠭ᠃ ᠠᠷᠠᠰᠤ᠂ ᠰᠢᠷᠢ᠂ ᠪᠤᠯᠢᠭᠠᠷᠢ᠂ ᠬᠡᠪᠢᠰ | ᠵᠡᠷᠭᠡ ᠪᠠᠷ ᠬᠢᠳᠡᠭ᠃ ᠡᠳ᠋ᠯᠡᠭᠡᠨ ᠤ ᠬᠤᠪᠢ ᠳᠤ ᠰᠢᠷᠢ᠂ ᠪᠤᠯᠢᠭᠠᠷᠢ ᠬᠦᠯᠢᠮ ᠪᠦᠬᠡ ᠪᠠᠶᠢᠳᠠᠭ᠃ | ᠳᠤᠬᠤᠮ ᠢ ᠨᠢ ᠭᠤᠤᠯᠳᠠᠭᠤ ᠵᠤᠵᠠᠭᠠᠨ ᠢᠰᠡᠬᠡᠢ ᠪᠠᠷ ᠬᠢᠵᠤ᠂ ᠮᠤᠷᠢᠨ ᠳᠤ ᠡᠮᠡᠭᠡᠯ ᠳᠤᠬᠤᠬᠤ ᠳᠤ ᠬᠠᠳᠠᠪᠴᠢ | ᠮᠤᠳᠤ ᠨᠢ ᠮᠤᠷᠢᠨ ᠨᠢᠷᠤᠭᠤ ᠶᠢ ᠬᠤᠯᠭᠤᠬᠤ ᠠᠴᠠ ᠰᠡᠷᠬᠡᠶᠢᠯᠡᠬᠦ ᠪᠤᠦᠤ ᠮᠤᠷᠢᠨ ᠨᠢᠷᠤᠭᠤᠨ ᠤ ᠬᠦᠯᠦᠰᠤ ᠶᠢ ᠰᠢᠩᠬᠡᠬᠦ | ᠳᠤ ᠵᠤᠷᠢᠭᠤᠯᠤᠨᠠ᠃ ᠳᠤᠬᠤᠮ ᠢ ᠬᠢᠬᠦ ᠳᠡᠭᠡᠨ ᠡᠮᠦᠨᠠ ᠢᠷᠮᠡᠭ ᠢ ᠬᠤᠶᠢᠳᠤ ᠢᠷᠮᠡᠭ ᠠᠴᠠ ᠪᠠᠨ ᠪᠠᠭᠠ ᠵᠤᠵᠠᠭᠠᠨ | ᠪᠠᠶᠢᠯᠭᠠᠵᠤ᠂ ᠡᠮᠡᠭᠡᠯ ᠤᠨ ᠮᠤᠷᠢᠨ ᠨᠢᠷᠤᠭᠤᠨ ᠳᠠᠬᠢ ᠲᠤᠭᠳᠠᠪᠤᠷᠢ ᠶᠢ ᠪᠠᠳᠤ ᠪᠠᠶᠢᠯᠭᠠᠳᠠᠭ᠃ | ᠬᠠᠷᠠᠪᠴᠢ ᠪᠤᠯ ᠬᠦᠯ ᠬᠤᠯᠭᠤᠬᠤ ᠠᠴᠠ ᠰᠡᠷᠬᠡᠶᠢᠯᠡᠨ ᠲᠦᠷᠦᠭᠡᠨ ᠰᠤᠷ ᠢ ᠳᠠᠷᠤᠬᠤ ᠳᠤ ᠪᠡᠯᠡᠳᠬᠡᠭᠰᠡᠨ | ᠵᠦᠢᠯ᠃ ᠴᠠᠬᠠᠷᠴᠤᠳ ᠬᠠᠪᠴᠢᠭ ᠬᠡᠨᠡ᠂ ᠪᠠᠰᠠ ᠳᠡᠪᠢᠰᠭᠡᠷ ᠭᠡᠨᠠ᠃ ᠬᠦᠯᠢᠮ ᠲᠠᠢ ᠠᠳᠠᠯᠢ ᠬᠡᠪᠢᠰ᠂ ᠪᠤᠯᠢᠭᠠᠷᠢ᠂ | ᠰᠢᠷᠢ ᠪᠠᠷ ᠬᠢᠳᠡᠭ᠃ | ᠤᠯᠤᠩ ᠢ ᠠᠳᠤᠭᠤᠨ ᠤ ᠬᠥᠭᠡᠪᠤᠷ᠂ ᠲᠡᠮᠡᠭᠡᠨ ᠨᠤᠤᠰᠤ ᠪᠠᠷ ᠳᠤᠮᠤᠵᠤ᠂ ᠲᠡᠭᠦᠨ ᠢᠶᠠᠨ ᠳᠦᠷᠪᠠ ᠪᠤᠶᠤ | ᠵᠢᠷᠭᠤᠭᠠ ᠪᠠᠷ ᠡᠩᠨᠡᠭᠦᠯᠦᠨ ᠰᠢᠷᠡᠵᠤ ᠬᠢᠨᠠ᠃ ᠰᠠᠶᠢᠨ ᠰᠤᠷ ᠢ ᠵᠦᠰᠦᠵᠤ ᠰᠦᠯᠵᠢᠨ ᠬᠢᠭᠰᠡᠨ ᠤᠯᠤᠩ ᠢ ᠰᠢᠷᠢᠮᠡᠯ | ᠤᠯᠤᠩ᠃ ︵ᠥᠪᠦᠷ ᠮᠤᠩᠭᠤᠯᠴᠤᠳ ᠰᠤᠷ ᠤᠯᠤᠩ ᠬᠡᠳᠡᠭ︶᠃ ᠤᠯᠤᠩ ᠢ ᠮᠤᠷᠢᠨ ᠤ ᠪᠤᠷᠤᠭᠤ ᠲᠠᠯᠠ ᠶᠢᠨ | ᠡᠮᠡᠭᠡᠯ ᠤᠨ ᠡᠮᠦᠨᠠ ᠬᠤᠶᠢᠳᠤ ᠤᠭᠰᠠᠭᠠ ᠠᠴᠠ ᠲᠤᠰᠪᠤᠷᠢ ᠨᠢᠭᠡ ᠵᠠᠩᠬᠢᠳᠴᠤ᠂ ᠮᠤᠷᠢᠨ ᠴᠡᠭᠡᠵᠢ ᠪᠠ ᠴᠠᠪᠢ ᠶᠢᠨ | ᠡᠮᠦᠨᠡᠭᠦᠷ ᠳᠠᠳᠠᠵᠤ᠂ ᠵᠥᠪ ᠲᠠᠯᠠ ᠶᠢᠨ ᠬᠤᠶᠠᠷ ᠵᠢᠷᠢᠮ ᠢ ᠤᠯᠤᠩ ᠤᠨ ᠠᠷᠠᠯ ᠳᠤ ᠰᠢᠷᠭᠤᠭᠤᠯᠵᠤ ᠳᠡᠳᠠᠵᠤ | ᠴᠢᠩᠭᠠᠯᠠᠨᠠ᠃ | ᠵᠢᠷᠢᠮ ᠢ ᠨᠠᠷᠢᠮ ᠰᠤᠷ ᠢᠶᠠᠷ ᠳᠦᠷᠪᠡᠯᠵᠢᠯᠡᠨ ᠡᠬᠢᠯᠡᠵᠤ᠂ ᠵᠥᠪ ᠲᠠᠯᠠ ᠶᠢᠨ ᠡᠮᠦᠨᠠ ᠬᠤᠶᠢᠨᠠ ᠤᠭᠰᠠᠭᠠ | ᠠᠴᠠ ᠳᠤᠰᠪᠤᠷᠢ ᠨᠢᠭᠡ ᠵᠠᠩᠬᠢᠳᠴᠤ᠂ ᠲᠡᠭᠦᠨ ᠤ ᠳᠡᠭᠡᠭᠦᠷ ᠬᠠᠷᠠᠪᠴᠢ ᠪᠠᠷ ᠳᠠᠷᠤᠨᠠ᠃ | ᠮᠤᠩᠭᠤᠯᠴᠤᠳ ᠤᠨ ᠲᠦᠷᠦᠭᠡ ᠶᠢ ᠡᠩ ᠤᠨ ᠬᠡᠷᠡᠭᠴᠡᠭᠡᠨ ᠤ ᠲᠦᠷᠦᠭᠡ᠂ ᠨᠠᠶᠢᠷ ᠨᠠᠭᠠᠳᠤᠮ ᠳᠤ ᠬᠡᠷᠡᠭᠯᠡᠬᠦ | ᠲᠦᠷᠦᠭᠡ ᠭᠡᠵᠤ ᠬᠤᠶᠠᠷ ᠬᠤᠪᠢᠶᠠᠳᠠᠭ᠃ ᠡᠩ ᠤᠨ ᠬᠡᠷᠡᠭᠴᠡᠭᠡᠨ ᠤ ᠲᠦᠷᠦᠭᠡ ᠳᠤ ᠡᠷᠳᠡᠨ ᠤ ᠤᠪᠤᠭ ᠠᠶᠢᠮᠠᠭ ᠤᠨ | ᠬᠢᠭᠰᠡᠨ ᠪᠦᠲᠦᠭᠦᠯᠢᠭ ᠳᠡᠭᠡᠰᠤᠨ ᠲᠦᠷᠦᠭᠡ᠂ ᠮᠤᠳᠤᠨ ᠲᠦᠷᠦᠭᠡ᠂ ᠶᠠᠰᠤ᠂ ᠡᠪᠡᠷ ᠲᠦᠷᠦᠭᠡ ᠪᠠᠶᠢᠳᠠᠭ ᠠᠴᠠ ᠡᠩ | ᠤᠨ ᠲᠡᠮᠤᠷ ᠲᠦᠷᠦᠭᠡ᠂ ᠭᠠᠤᠯᠢᠨ ᠲᠦᠷᠦᠭᠡ᠂ ᠰᠠᠪᠬᠠ ᠲᠡᠮᠤᠷ ᠢᠶᠠᠷ ᠬᠢᠭᠰᠡᠨ ᠬᠠᠪᠢᠷᠭᠠᠨ ᠲᠦᠷᠦᠭᠡ ᠶᠢ ᠭᠤᠤᠯ | ᠤᠷᠤᠯᠳᠤᠭᠠᠨ ᠳᠤ ᠬᠡᠷᠡᠭᠯᠡᠳᠡᠭ᠃ | ᠲᠦᠷᠦᠭᠡ᠄ ᠰᠡᠨᠵᠢ ︵ᠰᠤᠷ ᠤᠨ ᠰᠦᠪᠠ︶᠂ ᠬᠠᠪᠢᠷᠭᠠ ︵ᠴᠠᠭᠠᠷᠢᠭ︶᠂ ᠲᠦᠷᠦᠭᠡᠨ ᠲᠤᠯᠢ ︵ᠲᠠᠪᠠᠭ︶᠂ | ᠲᠦᠷᠦᠭᠡᠨ ᠤ ᠵᠠᠭᠠ ︵ᠲᠡᠭᠡᠳᠤ ᠤᠭᠠᠯᠵᠠ︶ ᠠᠴᠠ ᠪᠦᠷᠢᠯᠳᠤᠳᠡᠭ᠃ ᠲᠦᠷᠦᠭᠡ ᠶᠢ ᠳᠦᠷᠦᠭᠡᠨ ᠰᠤᠷ ᠲᠤ ᠡᠯᠭᠦᠵᠤ᠂ | ᠤᠨᠤᠭᠠᠴᠢ ᠥᠪᠡᠷ ᠤᠨ ᠨᠢᠷᠤᠭᠤ᠂ ᠬᠥᠯ ᠤᠨ ᠡᠪ ᠢᠶᠠᠷ ᠲᠡᠩᠴᠡᠭᠦᠯᠦᠨ ᠤᠷᠳᠤ ᠶᠢ ᠲᠤᠭᠲᠠᠭᠠᠳᠠᠭ᠃ | |