| ᠨᠠᠮᠤᠷ ᠤᠨ ᠬᠢᠷᠠᠭᠤ ᠨᠠᠪᠴᠢ ᠪᠠᠨ ᠠᠩᠬᠠ ᠦᠨᠦᠰᠬᠦ ᠠᠴᠠ ᠪᠠᠲᠤᠴᠠᠭᠠᠨ ᠤ ᠨᠠᠮᠤᠷ ᠡᠬᠢᠯᠡᠨᠡ᠃ ᠬᠤᠩᠭᠤᠷ | ᠰᠠᠯᠬᠢ ᠨᠠᠪᠴᠢ ᠲᠠᠭᠠᠨ ᠪᠦᠵᠢᠭᠯᠡᠭᠦ ᠠᠴᠠ ᠪᠠᠲᠤᠴᠠᠭᠠᠨ ᠤ ᠨᠠᠮᠤᠷ ᠡᠬᠢᠯᠡᠨᠡ᠃ ᠨᠠᠮᠤᠷ ᠲᠤ ᠳᠤᠷᠠᠯᠠᠭᠰᠠᠨ ᠨᠠᠪᠴᠢᠨ ᠤ | ᠳᠤᠭᠳᠤᠯᠤᠯ ᠢ ᠪᠠᠲᠤᠴᠠᠭᠠᠨ ᠤ ᠨᠠᠮᠤᠷ ᠭᠡᠳᠡᠭ᠂ ᠡᠬᠡ ᠪᠠᠶᠢᠭᠠᠯᠢ ᠳᠤ ᠡᠮᠵᠡᠭᠯᠡᠭᠰᠡᠨ ᠰᠡᠳᠭᠢᠯ ᠠᠶᠠᠨᠳᠠᠭᠠᠨ | ᠡᠳᠡᠭᠡᠷᠡᠳᠡᠭ ᠢ ᠪᠠᠲᠤᠴᠠᠭᠠᠨ ᠤ ᠨᠠᠮᠤᠷ ᠭᠡᠳᠡᠭ ᠡ᠃ | ᠨᠠᠮᠤᠷ ᠢᠷᠡᠵᠦ ᠨᠠᠷᠠ ᠴᠠᠭᠠᠰᠢᠯᠠᠨ ᠨᠠᠪᠴᠢ ᠵᠤᠯᠭᠠᠷᠠᠬᠤ ᠳᠤ ᠤᠶᠢᠮᠤᠷᠠᠯ ᠨᠢᠭᠡ ᠯᠡ ᠰᠡᠳᠬᠢᠯ ᠢ ᠡᠵᠡᠮᠳᠡᠨᠡ᠃ | ᠴᠠᠭ ᠮᠦᠴᠡ ᠶᠠᠭᠤ ᠪᠦᠬᠦᠨ ᠢ ᠡᠮᠨᠡᠨ ᠡᠳᠡᠭᠡᠷᠡᠭᠦᠯᠳᠡᠭ ᠭᠡᠯᠡ ᠴᠤ ᠬᠠᠶᠠ ᠨᠢᠭᠡ ᠦᠵᠡᠭᠳᠡᠯ ᠳᠣᠷᠠᠳᠬᠠᠯ ᠰᠡᠳᠬᠢᠯ ᠢ | ᠬᠦᠨᠳᠡᠨ ᠡᠮᠵᠡᠭᠯᠡᠭᠦᠯᠦᠨᠡ᠃ ᠠᠷᠪᠠᠨ ᠰᠠᠷᠠᠶᠢᠨ ᠨᠢᠭᠡᠨ ᠤ ᠠᠮᠠᠷᠠᠯᠲᠠ ᠪᠠᠷ ᠬᠡᠦᠬᠡᠨ ᠢᠶᠠᠨ ᠳᠠᠭᠠᠭᠤᠯᠤᠨ | ᠪᠠᠲᠤᠴᠠᠭᠠᠨ ᠤ ᠤᠢ ᠪᠠᠷ ᠵᠤᠭᠠᠴᠠᠬᠤ ᠪᠠᠷ ᠮᠤᠷᠳᠠᠯᠠ᠃ ᠬᠠᠩᠭᠠᠯ ᠨᠠᠭᠤᠷ ᠤᠨ ᠬᠦᠪᠡᠭᠡ ᠳᠠᠭᠤ ᠬᠡᠰᠡᠭ ᠪᠤᠰᠠᠭ | ᠪᠠᠲᠤᠴᠠᠭᠠᠨ ᠦᠩᠭᠡ ᠪᠦᠯᠢᠶᠠᠯᠳᠤᠨ ᠰᠠᠭᠯᠠᠶᠢᠨᠠ᠃ ᠬᠠᠨ ᠠᠭᠤᠯᠠ ᠶᠢᠨ ᠡᠩᠭᠡᠷ ᠠᠴᠠ ᠬᠤᠤᠯᠢᠨ ᠭᠤᠣᠯ ᠤᠨ ᠳᠡᠨᠵᠢ | ᠬᠦᠷᠲᠡᠯᠡ᠂ ᠬᠠᠩᠭᠠᠯ ᠨᠠᠭᠤᠷ ᠤᠨ ᠬᠦᠪᠡᠭᠡᠨ ᠠᠴᠠ ᠳᠠᠶᠢᠴᠢᠨᠲᠠᠯᠠ ᠸᠠᠩ ᠤᠨ ᠣᠷᠳᠣᠨ ᠲᠤᠯᠲᠠᠯᠠ ᠲᠡᠷᠭᠡ ᠤᠨᠤᠭᠠ | ᠬᠡᠯᠬᠢᠶᠡᠷᠡᠯᠳᠦᠨ ᠴᠤᠪᠤᠷᠠᠯᠳᠤᠨᠠ᠃ ᠡᠰᠡᠷᠭᠦ ᠲᠠᠯᠠ ᠳᠤᠨᠢ ᠪᠠᠶᠢᠷᠢᠰᠢᠭᠰᠠᠨ ᠺᠢᠨᠣ᠋ ᠰᠡᠭᠦᠳᠡᠷ ᠤᠨ ᠰᠠᠭᠤᠷᠢᠨ ᠭᠠᠵᠠᠷ ᠴᠤ | ᠵᠤᠭᠠᠴᠢᠳ ᠢᠶᠠᠷ ᠳᠦᠭᠦᠷᠴᠡᠢ᠃ ᠲᠠᠨᠳᠡ ᠠᠴᠠ ᠵᠡᠭᠦᠨ ᠬᠤᠶᠢᠰᠢ ᠮᠤᠷᠦ᠋ᠢᠵᠤ ᠳᠡᠮᠡᠢ ᠶᠠᠪᠤᠯ ᠦᠭᠡᠢ ᠪᠠᠲᠤᠴᠠᠭᠠᠨ ᠤ | ᠣᠢ ᠦᠵᠡᠮᠵᠢ ᠪᠦᠷᠢᠳᠦᠭᠦᠯᠦᠨ ᠬᠠᠷᠠᠭᠳᠠᠨᠠ᠃ ᠳᠠᠶᠢᠴᠢᠨᠲᠠᠯᠠ ᠨᠤᠲᠤᠭ ᠤᠨ ᠢᠶᠠᠨ ᠡᠯᠢᠭᠡᠨ ᠳᠤ ᠲᠦᠮᠡᠨ | ᠠᠭᠲᠠ ᠶᠢᠨ ᠲᠦᠪᠡᠷᠭᠡᠨ ᠰᠢᠭ ᠦᠩᠭᠡ ᠪᠤᠳᠤᠭ ᠢᠶᠠᠷ ᠢᠶᠠᠨ ᠵᠤᠴᠢᠳ ᠢᠶᠠᠨ ᠤᠭᠲᠤᠨᠠ᠃ ᠲᠡᠷᠡ ᠨᠢ ᠣᠶᠢᠮᠣᠷᠠᠵᠦ | ᠶᠠᠪᠤᠭᠠ ᠪᠢ᠂ ᠰᠡᠭᠦᠯᠴᠢ ᠨᠠᠮᠤᠷ ᠤᠨ ᠳᠠᠩ ᠴᠤᠯᠭᠤᠢ ᠳᠤ ᠪᠠᠶᠠᠨ ᠲᠠᠷᠭᠤᠨ ᠬᠠᠷᠠᠭᠠᠨ ᠤ ᠳᠠᠶᠢᠯᠠᠯᠭᠠ ᠬᠦᠷᠲᠠᠭᠡᠵᠦ | ᠪᠢᠯᠡ᠃ | ᠦᠩᠭᠡ ᠪᠦᠯᠢᠶᠠᠯᠳᠤᠨ ᠦᠵᠡᠮᠵᠢ ᠪᠦᠷᠢᠳᠦᠭᠰᠡᠨ ᠪᠠᠲᠤᠴᠠᠭᠠᠨ ᠤ ᠣᠢ ᠪᠠᠷ ᠵᠤᠭᠠᠴᠠᠬᠤ ᠳᠤ ᠶᠠᠩᠵᠤ | ᠪᠦᠷᠢ ᠶᠢᠨ ᠪᠠᠲᠤᠴᠠᠭᠠᠨ ᠲᠠᠨ ᠲᠠᠢ ᠵᠤᠭᠤᠭᠳᠠᠮᠠᠷ᠃ ᠵᠠᠷᠢᠮ ᠨᠢ ᠴᠡᠷᠢᠭ ᠡᠷᠡ ᠰᠢᠭ ᠰᠦᠭᠯᠡᠶᠢᠨ ᠵᠤᠭᠰᠤᠨᠠ᠂ ᠵᠠᠷᠢᠮ | ᠨᠢ ᠭᠠᠯᠪᠢᠷ ᠰᠣᠳᠤ ᠭᠠᠩᠭᠠᠩ ᠵᠠᠯᠠᠭᠤ ᠰᠢᠭ᠋᠂ ᠵᠠᠷᠢᠮ ᠨᠢ ᠢᠴᠢᠮᠡᠲᠡᠭᠡᠢ ᠬᠡᠦᠬᠡᠨ ᠴᠢᠷᠠᠢ ᠣᠯᠪᠠᠯᠵᠠᠭᠤᠯᠬᠤ ᠰᠢᠭ᠋᠂ | ᠵᠠᠷᠢᠮ ᠨᠢ ᠠᠯᠢᠶᠠ ᠬᠡᠦᠬᠡᠳ ᠳᠡᠭᠵᠢᠨ ᠳᠡᠷᠪᠡᠬᠦ ᠮᠡᠲᠦ᠂ ᠵᠠᠷᠢᠮ ᠨᠢ ᠠᠮᠠᠷᠠᠭ ᠬᠤᠩᠭᠤᠷ ᠠᠭᠤᠯᠵᠠᠨ ᠪᠤᠯᠵᠠᠬᠤ ᠮᠡᠲᠦ᠂ | ᠪᠠᠰᠠ ᠵᠠᠷᠢᠮ ᠨᠢ ᠮᠠᠶᠢᠵᠢᠬᠢ ᠪᠤᠯᠤᠭᠰᠠᠨ ᠮᠢᠨᠦ ᠡᠮᠧ ᠰᠢᠭ᠃ ᠭᠠᠩ ᠪᠣᠯᠤᠳ ᠰᠢᠭ ᠡᠷᠡᠮᠡᠬᠡᠢ ᠵᠣᠷᠢᠭ᠂ ᠭᠠᠭᠴᠠ | ᠰᠦᠭᠯᠡᠶᠢᠬᠦ ᠢᠲᠡᠭᠡᠯ ᠰᠦᠰᠦᠭ …… ᠬᠡᠯᠪᠡᠷᠢ ᠳᠦᠷᠰᠦ ᠦᠩᠭᠡ ᠪᠤᠳᠤᠭ ᠤᠨ ᠳᠠᠯᠠᠢ ᠰᠢᠭ᠋ ᠪᠠᠲᠤᠴᠠᠭᠠᠨ ᠤ ᠣᠢ | ᠳᠤ ᠮᠢᠨᠦ ᠴᠡᠭᠡᠵᠢ ᠴᠢᠬᠤᠯᠠᠳᠠᠨ ᠳᠦᠷᠰᠦᠯᠡᠯ ᠢᠪᠴᠤᠷᠠᠭᠠᠳ ᠯᠡ…… ᠭᠠᠯ ᠰᠢᠭ᠋ ᠤᠯᠠᠭᠠᠨ᠂ ᠲᠤᠭ ᠰᠢᠭ᠋ | ᠤᠯᠠᠭᠠᠨ᠂ ᠨᠠᠷᠠ ᠰᠢᠭ᠋ ᠤᠯᠠᠭᠠᠨ᠂ ᠴᠢᠰᠦ ᠰᠢᠭ᠋ ᠤᠯᠠᠭᠠᠨ︔ ᠪᠠᠲᠤᠴᠠᠭᠠᠨ ᠲᠤᠮᠤ ᠰᠢᠬᠦᠷ ᠮᠡᠲᠦ᠂ ᠪᠠᠭᠴᠠ ᠴᠡᠴᠡᠭ | ᠮᠡᠲᠦ᠂ ᠮᠦᠭᠦ ᠪᠠᠶᠢᠰᠢᠩ ᠮᠡᠲᠦ᠂ ᠠᠪᠤᠷᠭᠤ ᠵᠠᠩᠵᠤᠨ ᠮᠡᠲᠦ︔ ᠤᠯᠠᠭᠠᠨ᠂ ᠰᠢᠷᠠ᠂ ᠨᠤᠭᠤᠭᠠᠨ᠂ ᠬᠥᠬᠡ᠂ ᠪᠣᠷᠤ᠂ | ᠪᠠᠲᠤᠴᠠᠭᠠᠨ ᠰᠤᠯᠤᠩᠭᠠᠨ ᠦᠩᠭᠡᠲᠡᠢ …… ᠭᠡᠵᠦ ᠪᠢᠴᠢᠬᠠᠨ ᠭᠡᠦᠬᠡᠳ ᠦᠷᠢᠰᠦᠯᠳᠦᠨ ᠰᠤᠯᠤᠭᠠᠨᠠᠨᠠ᠃ | ᠡᠬᠡ ᠪᠠᠶᠢᠭᠠᠯᠢ ᠳᠤ ᠡᠮᠵᠡᠭᠯᠡᠭᠰᠡᠨ ᠵᠢᠷᠦᠬᠡ ᠠᠶᠠᠨᠳᠠᠭᠠᠨ ᠡᠳᠡᠭᠡᠷᠡᠳᠡᠭ ᠢ ᠪᠠᠲᠦᠴᠠᠭᠠᠨ ᠨᠠᠳᠠᠳᠤ ᠪᠠᠲᠤᠯᠠᠭᠰᠠᠨ᠃ | ᠲᠡᠷᠡ ᠬᠠᠬᠢᠷ ᠡᠪᠦᠯ᠂ ᠬᠠᠲᠠᠭᠤ ᠭᠠᠴᠢᠭ ᠬᠠᠪᠤᠷ ᠢ ᠲᠤᠭᠤᠯᠵᠦ᠂ ᠨᠠᠷᠠ ᠬᠤᠷᠠ ᠶᠢᠨ ᠰᠢᠮᠡ ᠪᠠᠷ ᠨᠠᠬᠢᠶᠠᠯᠠᠨ | ᠰᠤᠶᠤᠭᠠᠯᠠᠵᠤ ᠦᠳᠭᠡᠷᠡᠨ ᠢᠭᠴᠣᠷᠠᠵᠤ ᠶᠠᠪᠤᠭᠠ ᠨᠢ ᠨᠠᠮᠤᠷ ᠴᠠᠭ ᠤᠨ ᠣᠬᠤᠷᠬᠠᠨ ᠬᠤᠭᠤᠴᠠᠭᠠᠨ ᠤ ᠡᠴᠢᠨᠠ | ᠭᠤᠶᠤ ᠪᠠᠳᠠᠷᠠᠯ ᠢᠯᠭᠠᠷᠠᠯ᠂ ᠳᠤᠷᠠᠳᠬᠠᠯ ᠮᠦᠷᠦᠭᠡᠳᠦᠯ ᠤᠨ ᠲᠦᠯᠦᠭᠡ ᠪᠢᠯᠡ᠃ ᠡᠷᠭᠢᠵᠦ ᠪᠤᠳᠤᠯᠭᠠᠰᠢᠷᠠᠬᠤ ᠳᠤ ᠠᠮᠢ | ᠨᠠᠰᠤ ᠴᠦ ᠡᠶᠢᠮᠦ ᠯᠡ ᠪᠠᠶᠢᠭᠠ᠃ ᠣᠭᠤᠰᠤᠷ ᠦᠭᠡᠢ ᠣᠷᠴᠢᠯᠠᠩ ᠤᠨ ᠵᠠᠢ ᠳᠤ ᠠᠮᠢ ᠨᠠᠰᠤ ᠬᠤᠷᠤᠮ ᠵᠠᠭᠤᠷᠠᠬᠢ | ᠪᠠᠶᠢᠵᠤ ᠳ᠋ᠠ᠃ ᠲᠡᠭᠡᠬᠦ ᠲᠡᠭᠡᠨ ᠳᠠᠭᠤᠳᠠᠬᠤ ᠨᠡᠷᠡ᠂ ᠳᠠᠭᠤᠷᠢᠰᠬᠤ ᠠᠯᠳᠠᠷ ᠪᠠᠲᠤᠴᠠᠭᠠᠨ ᠰᠢᠭ᠋ ᠳᠣᠯᠠᠯᠵᠠᠨ᠂ | ᠦᠨᠳᠦᠰᠦ ᠬᠦᠷᠦᠰᠦ ᠪᠠᠨ ᠰᠢᠮᠡᠯᠡᠨ ᠲᠡᠵᠢᠭᠡᠬᠦ ᠲᠠᠪᠢᠯᠠᠩ ᠪᠠᠶᠢᠵᠦ ᠲᠠᠭᠠᠷᠠᠨᠠ᠃ | ᠪᠠᠲᠤᠴᠠᠭᠠᠨ ᠤ ᠨᠠᠮᠤᠷ ᠪᠤᠴᠠᠯᠲᠠ ᠦᠭᠡᠢ ᠨᠠᠮᠤᠷ᠂ ᠪᠤᠴᠠᠵᠤ ᠢᠷᠡᠬᠦ ᠨᠠᠮᠤᠷ᠃ | 2021᠂ 10᠂ 6 ᠪᠤᠷᠵᠢᠬᠢᠨ ᠭᠠᠪᠢᠷᠠ ᠪᠠᠲᠤᠴᠠᠭᠠᠨ ᠳᠤ | |