| ᠪᠤᠶᠠᠨᠳᠤ ᠲᠡᠭᠡᠳᠦᠰ ᠤᠨ ᠲᠠᠯᠠ ᠨᠢ ᠭᠡᠰᠢᠭ ᠬᠤᠷᠦ᠋ᠢᠯᠠᠭᠰᠠᠨ ᠦᠵᠦᠮᠦᠴᠢᠨ | ᠪᠠᠯᠭᠠᠷ ᠭᠤᠤᠯ ᠤᠨ ᠤᠰᠤ ᠨᠢ ᠭᠡᠭᠡ ᠲᠠᠳᠠᠭᠰᠠᠨ ᠦᠵᠦᠮᠦᠴᠢᠨ | ᠪᠤᠰᠤᠭᠠ ᠪᠦᠭᠡᠴᠤᠳ ᠤᠨ ᠭᠡᠶᠢᠮᠦᠷᠢ ᠨᠢ ᠰᠦᠷ ᠵᠢᠪᠬᠤᠭᠠᠯᠢᠭ ᠦᠵᠦᠮᠦᠴᠢᠨ | ᠪᠡᠷᠢᠶᠡᠳ ᠦᠬᠢᠳ ᠤᠨ ᠤᠬᠠᠭᠠᠨ ᠨᠢ ᠰᠤᠤᠳᠤ ᠲᠤᠩᠭᠠᠯᠠᠭ ᠦᠵᠦᠮᠦᠴᠢᠨ | ᠴᠡᠯᠡᠭᠡᠷ ᠠᠭᠤᠳᠠᠮ ᠬᠦᠨᠳᠠᠢ ᠪᠠᠨ ᠲᠠᠪᠤᠨ ᠡᠷᠳᠡᠨᠢ ᠪᠠᠷ ᠴᠢᠮᠡᠭᠰᠡᠨ | ᠴᠡᠩᠭᠡᠷ ᠲᠡᠭᠷᠢ ᠶᠢᠨ ᠬᠦᠪᠡᠭᠡ ᠨᠢ ᠲᠤᠯᠤᠭᠠᠨ ᠦᠩᠭᠡ ᠪᠠᠷ ᠰᠤᠯᠤᠩᠭᠠᠷᠠᠭᠰᠠᠨ | ᠴᠠᠴᠠᠨ ᠪᠤᠭᠤᠷᠤᠯ ᠤᠳ ᠤᠨ ᠢᠷᠦᠭᠡᠯ ᠨᠢ ᠲᠤᠮᠤᠭᠳᠤ ᠬᠠᠶᠢᠷᠠ ᠰᠢᠩᠭᠡᠭᠰᠡᠨ | ᠴᠢᠮᠪᠠᠢ ᠮᠠᠯᠴᠢᠳ ᠤᠨ ᠢᠳᠡᠭᠡᠯ ᠨᠢ ᠲᠡᠭᠵᠢᠷᠡᠯ ᠤᠨ ᠬᠢᠯᠪᠠᠭᠠ ᠰᠠᠴᠤᠷᠠᠭᠰᠠᠨ | ᠡᠷᠳᠡᠨᠢᠰ ᠡᠪᠦᠷᠯᠡᠭᠰᠡᠨ ᠪᠠᠶᠠᠨ ᠲᠠᠩᠰᠤᠭ ᠦᠵᠦᠮᠦᠴᠢᠨ | ᠡᠩ ᠨᠢ ᠬᠠᠷᠠᠭᠳᠠᠬᠤ ᠦᠭᠡᠢ ᠲᠡᠨᠢᠭᠡᠷ ᠠᠭᠤᠳᠠᠮ ᠦᠵᠦᠮᠦᠴᠢᠨ | ᠡᠭᠡᠰᠢᠭ ᠠᠶᠠᠯᠭᠤᠨ ᠲᠠᠢ ᠡᠷᠳᠡᠮ ᠤᠨ ᠥᠯᠦᠭᠡᠢ ᠦᠵᠦᠮᠦᠴᠢᠨ | ᠡᠷᠳᠡᠨ ᠤ ᠲᠠᠯᠠ ᠰᠢᠭ ᠢᠶᠠᠨ ᠤᠷᠳᠤ ᠶᠢᠨ ᠲᠠᠭᠤᠨ ᠤ ᠦᠵᠦᠮᠦᠴᠢᠨ | ᠵᠢᠷᠬᠢᠬᠦ ᠤᠯᠠᠷᠢᠯ ᠤᠨ ᠰᠠᠯᠬᠢ ᠨᠢ ᠵᠢᠮᠦᠷ ᠵᠢᠮᠦᠷᠭᠡᠨ ᠠᠶᠠᠰ ᠲᠠᠢ | ᠵᠤᠨ ᠤ ᠲᠡᠯᠭᠡᠷ ᠰᠠᠷᠠ ᠨᠢ ᠵᠤᠮᠠᠰ ᠵᠤᠮᠠᠰᠭᠢᠨ ᠠᠭᠠᠯᠢ ᠲᠠᠢ | ᠵᠡᠭᠡᠷᠡ ᠲᠡᠰᠢᠭᠰᠡᠨ ᠭᠤᠪᠢ ᠨᠢ ᠵᠢᠷᠤᠭ ᠤᠨ ᠮᠡᠳᠦ ᠦᠵᠡᠰᠭᠦᠯᠡᠩ ᠲᠠᠢ | ᠵᠦᠩ ᠪᠢᠯᠢᠭᠳᠦ ᠠᠷᠠᠳ ᠨᠢ ᠵᠤᠷᠢᠮᠠᠭ ᠦᠯᠴᠢᠷ ᠠᠷᠠᠨᠰᠢᠨ ᠲᠠᠢ | ᠡᠷᠡᠮᠡᠭᠡᠢ ᠬᠦᠯᠦᠭ ᠤᠨ ᠤᠤᠭᠠᠨ ᠦᠦᠷᠰᠡᠯ ᠦᠵᠦᠮᠦᠴᠢᠨ | ᠡᠷᠬᠢᠬᠦ ᠬᠤᠷᠸᠠ ᠶᠢᠨ ᠤᠳᠤᠮ ᠤᠨ ᠭᠡᠯᠬᠢᠶᠡ ᠦᠵᠦᠮᠦᠴᠢᠨ | ᠡᠷᠭᠡᠰ ᠲᠡᠭᠷᠢ ᠶᠢᠨ ᠦᠩᠭᠡ ᠨᠢ ᠬᠦᠭᠡ ᠦᠵᠦᠮᠦᠴᠢᠨ | ᠡᠩᠭᠡ ᠮᠡᠨᠳᠦ ᠶᠢᠨ ᠬᠠᠳᠠᠭ ᠨᠢ ᠴᠠᠭᠠᠨ ᠦᠵᠦᠮᠦᠴᠢᠨ | ᠴᠠᠭᠠᠨ ᠠᠳᠤᠭᠤᠨ ᠤ ᠨᠤᠳᠤᠭ ᠲᠤ ᠴᠠᠳᠢᠭ ᠲᠡᠦᠭᠡ ᠴᠢᠯᠠᠭᠤᠵᠢᠨᠠᠮ | ᠴᠠᠭ ᠬᠤᠭᠤᠴᠠᠭᠠᠨ ᠤ ᠲᠠᠪᠳᠠᠯᠳᠠ ᠴᠡᠩᠭᠡᠷ ᠡᠬᠦᠯᠡᠰ ᠮᠡᠳᠦ ᠨᠡᠬᠦᠳᠡᠯᠯᠡᠨᠡᠮ | ᠴᠡᠴᠡᠭᠡᠰ ᠤᠨ ᠲᠡᠯᠪᠢᠭᠡᠨ ᠲᠡᠭᠡᠷᠡ ᠢᠨᠠᠭ ᠤᠨ ᠵᠡᠬᠢᠶᠠ ᠪᠢᠴᠢᠨᠠᠮ | ᠴᠠᠬᠠᠷ ᠤᠨ ᠨᠢᠭᠡᠨ ᠪᠦᠰᠡᠬᠦᠢ ᠴᠢᠨᠤ ᠯᠨ ᠵᠢᠷᠦᠭᠡᠨ ᠳᠤ ᠠᠭᠤᠰᠤᠨᠠᠮ | ᠵᠡᠬᠦᠳᠦ ᠮᠦᠷᠦᠭᠡᠳᠦᠯ ᠢ ᠴᠡᠴᠡᠭᠯᠡᠭᠦᠯᠦᠨ ᠲᠡᠯᠪᠢᠭᠡᠯᠡᠭᠰᠡᠨ ᠦᠵᠦᠮᠦᠴᠢᠨ | ᠵᠢᠷᠦᠭᠡᠨ ᠲᠤᠯᠢᠳᠤ ᠶᠢ ᠠᠨᠢᠷᠳᠤᠨ ᠤᠶᠠᠷᠠᠭᠠᠭᠰᠠᠨ ᠦᠵᠦᠮᠦᠴᠢᠨ | ᠵᠤᠯᠭᠠᠷᠠᠬᠤ ᠨᠠᠪᠴᠢᠰ ᠤᠨ ᠬᠠᠮᠳᠤ ᠨᠢᠯᠪᠤᠰᠤ ᠪᠠᠨ ᠨᠢᠭᠤᠭᠰᠠᠨ ᠦᠵᠦᠮᠦᠴᠢᠨ | ᠵᠠᠭᠤᠨ ᠵᠠᠭᠤᠨ ᠵᠢᠯ ᠢᠶᠠᠷ ᠬᠠᠶᠢᠷᠠᠯᠠᠨ ᠰᠠᠨᠠᠬᠤ ᠦᠵᠦᠮᠦᠴᠢᠨ | ᠬᠦᠭᠡ ᠲᠡᠭᠷᠢ ᠳᠡᠭᠡᠨ ᠮᠦᠷᠬᠦᠨ ᠲᠠᠭᠠᠳᠬᠠᠬᠤ ᠰᠢᠳᠦᠭᠡᠨ ᠲᠠᠢ | ᠬᠦᠰᠡᠬᠦ ᠰᠡᠳᠭᠢᠯ ᠳᠤ ᠮᠦᠷᠦᠭᠡᠰᠦᠯ ᠤᠷᠭᠤᠭᠤᠯᠬᠤ ᠲᠠᠪᠢᠯᠠᠩ ᠲᠠᠢ | ᠬᠦᠮᠦᠨ ᠮᠦᠰᠦᠨ ᠤ ᠲᠤᠳᠤᠭᠠᠳᠤ ᠶᠢᠷᠳᠢᠨᠴᠦ ᠶᠢᠨ ᠴᠠᠶᠢᠯᠭᠠᠨ ᠨᠠᠨᠳᠢᠨ ᠭᠡᠭᠡ ᠲᠠᠢ | ᠬᠦᠯᠭᠡᠨ ᠲᠡᠦᠭᠡ ᠶᠢᠨ ᠷᠢᠳᠢ ᠤᠷᠤᠰᠢᠭᠰᠠᠨ ᠨᠤᠮ ᠤᠨ ᠴᠠᠭᠠᠨ ᠪᠤᠶᠠᠨ ᠲᠠᠢ | ᠠᠯᠳᠠᠨ ᠨᠠᠷᠠᠨ ᠤᠷᠭᠤᠨ ᠮᠠᠨᠳᠤᠬᠤ ᠶᠢᠨ ᠪᠡᠯᠭᠡᠳᠡᠯ ᠦᠵᠦᠮᠦᠴᠢᠨ | ᠠᠷᠢᠭᠤᠨ ᠷᠠᠰᠢᠶᠠᠨ ᠤ ᠮᠦᠩᠬᠦᠨ ᠤᠨᠳᠤᠷᠤᠯᠳᠤ ᠦᠵᠦᠮᠦᠴᠢᠨ | ᠠᠷᠭᠠ ᠪᠢᠯᠢᠭ ᠤᠨ ᠡᠬᠢᠯᠡᠯ ᠪᠤᠶᠤ ᠦᠷᠬᠦᠯᠵᠢᠯᠡᠯ ᠦᠵᠦᠮᠦᠴᠢᠨ | ᠠᠯᠳᠠᠩᠬᠠᠨ ᠵᠠᠶᠠᠭᠠᠨ ᠤ ᠮᠦᠩᠭᠡ ᠶᠢᠨ ᠤᠳᠬᠠ ᠦᠵᠦᠮᠦᠴᠢᠨ᠃ |