| ᠠᠯᠤᠰ ᠭᠠᠵᠠᠷ ᠤᠨ ᠲᠡᠭᠷᠢ | ᠷᠢ᠊ · ᠰᠡᠴᠡᠨᠳᠤ | | ᠠᠯᠤᠰ ᠢ ᠬᠠᠷᠠᠭᠠᠳ ᠰᠠᠭᠤᠵᠤ ᠪᠠᠶᠢᠬᠤ ᠳᠤ ᠠᠷᠪᠢᠨ ᠶᠠᠭᠤᠮᠠ ᠭᠠᠳᠠᠭᠤᠷ ᠦᠩᠭᠡᠷᠡᠨᠡ᠃ | ᠠᠨᠢᠷ ᠦᠭᠡᠢ ᠬᠤᠯᠠ ᠶᠢᠨ ᠵᠦᠰᠡ ᠴᠡᠩᠬᠡᠷᠯᠡᠭᠡᠳ᠂ ᠠᠯᠳᠠᠷᠠᠨ ᠲᠤᠨᠤᠷᠠᠨ ᠵᠠᠬᠠ ᠠᠴᠠ ᠪᠠᠨ ᠰᠡᠮᠡᠰᠡᠷᠡᠵᠤ᠂ | ᠠᠭᠠᠭᠵᠢᠵᠤ ᠠᠮᠵᠢᠬᠤ ᠶᠢᠨ ᠴᠠᠭ ᠬᠤᠭᠤᠴᠠᠭᠠ ᠵᠢᠭᠠᠬᠠᠨ ᠴᠤ ᠪᠠᠶᠢᠬᠤ ᠦᠭᠡᠢ ᠲᠡᠷᠳᠡᠭᠡ ᠭᠢᠯᠠᠰᠤᠨ | ᠱᠤᠭᠰᠢᠭᠤᠷᠠᠨᠠ᠃ ᠠᠷᠪᠠᠨ ᠵᠦᠭ ᠤᠨ ᠬᠢ ᠨᠢ ᠵᠤᠪᠬᠢᠰ ᠪᠦᠬᠦᠨ ᠲᠤᠭᠤᠢᠷᠠᠨ ᠲᠠᠭᠤᠷᠢᠰᠴᠤ᠂ ᠨᠠᠷᠠ ᠨᠢ | ᠬᠤᠢᠮᠤᠷ ᠢᠶᠠᠨ ᠲᠦᠪᠯᠡᠨ ᠲᠤᠶᠠᠭᠠᠳᠤᠵᠤ᠂ ᠬᠦᠪᠴᠢ ᠬᠠᠩᠭᠠᠢ᠂ ᠬᠦᠷᠡᠩ ᠭᠤᠪᠢ ᠨᠢ ᠬᠦᠭᠯᠡᠭᠡᠷ ᠴᠠᠭᠠᠨ ᠲᠠᠷᠠᠰᠤᠨ | ᠨᠠᠮᠠᠭᠠ ᠲᠡᠭᠡᠬᠦᠷ ᠢᠶᠠᠨ ᠲᠤᠭᠤᠴᠠᠯᠠᠨ ᠬᠦᠶᠤᠯᠳᠤᠵᠤ᠂ ᠤᠬᠠᠭᠠᠨ ᠰᠠᠨᠠᠭᠠᠨ ᠳᠤ ᠤᠷᠤᠮᠡ ᠦᠭᠡᠢ ᠤᠴᠠᠷᠠᠯ ᠤᠨ | ᠨᠢᠭᠡᠨ ᠰᠠᠢᠬᠠᠨ ᠨᠠᠮᠤᠷ ᠢ ᠤᠷᠵᠢ ᠶᠢᠨ ᠤᠷᠵᠢ ᠶᠢᠨ ᠴᠠᠭᠠᠳᠤ ᠵᠢᠯ ᠠᠴᠠ ᠠᠪᠴᠢᠷᠠᠵᠤ ᠥᠭᠬᠦ ᠰᠢᠭ ᠦᠤᠬᠡ | ᠲᠡᠤᠬᠡᠯᠢᠭ ᠮᠦᠷᠳᠡᠭᠡᠨ ᠤᠴᠢᠷ ᠨᠢᠭᠤᠴᠠᠯᠢᠭ ᠮᠢᠩᠭᠠᠨ ᠳᠤᠷᠠᠰᠤᠮᠵᠢ ᠲᠠᠢ᠂ ᠮᠦᠷᠤᠭᠡᠳᠤᠯ ᠤᠨ ᠨᠢᠭᠡ ᠶᠠᠭᠤᠮᠠ ᠶᠢ | ᠤᠷᠤᠨ ᠭᠠᠷᠤᠨ ᠦᠭᠡᠶᠢᠯᠡᠬᠦᠯᠵᠤ᠂ ᠤᠯᠠᠷᠢᠬᠤ ᠬᠤᠨᠤᠭ ᠤᠨ ᠤᠳᠤᠭᠠ ᠰᠤᠭᠤᠨᠠᠭ ᠪᠠᠷᠠ᠂ ᠤᠢ ᠰᠠᠨᠠᠮᠵᠢ ᠪᠦᠬᠦᠨ ᠢ | ᠮᠢᠨᠢ ᠰᠡᠷᠬᠦᠭᠡᠵᠤ ᠪᠠᠰᠠ ᠲᠡᠩᠳᠡᠬᠦᠤ ᠤᠳᠠᠭᠠᠨ ᠲᠦᠭᠡᠷᠢᠭᠳᠡᠭᠦᠯᠦᠨ ᠤᠨᠢᠶᠠᠷ ᠵᠦᠰᠡ ᠬᠠᠶᠠᠯᠠᠨ ᠴᠡᠩᠬᠡᠷᠯᠡᠨᠡ᠃ | ᠤᠷᠢᠳᠤ ᠶᠢᠨ ᠶᠠᠭᠤᠮᠠ ᠤᠷᠢᠳᠤ ᠠᠴᠠ ᠪᠠᠨ ᠭᠡᠳᠡᠭ ᠨᠢ ᠡᠨᠡ ᠪᠤᠯᠵᠤ ᠪᠠᠢᠨᠠ ᠤᠤ ᠳ᠋ᠠ︕ | ᠢᠮᠤ ᠯᠡ ᠨᠢᠭᠡᠨ ᠮᠦᠴᠡ ᠳᠤ ᠢᠨᠢᠶᠡᠳᠤ ᠲᠠᠭᠤ ᠴᠠᠯᠭᠢᠭᠤᠯᠤᠭᠰᠠᠨ ᠠᠶᠢᠯ ᠤᠨ ᠮᠢᠨᠢ ᠵᠢᠭᠠᠬᠠᠨ | ᠪᠦᠰᠡᠬᠦᠢ᠄ ︽ᠠᠬᠠ ᠲᠠ ᠮᠠᠨᠠᠶᠢᠬᠢ ᠪᠠᠷ ᠨᠢᠭᠡ ᠤᠷᠤᠵᠤ ᠭᠠᠷᠴᠤ ᠪᠠᠢ ᠳ᠋ᠠ︕ ᠲᠡᠬᠦᠤ ᠴᠢᠨᠢ ᠭᠠᠷᠤᠭᠠᠳ ᠶᠠᠪᠤᠪᠡᠯ | ᠲᠤᠯᠤᠭᠠᠢ ᠡᠷᠭᠢᠨᠠ ᠭᠡᠳᠡᠭ ᠢ ᠮᠡᠳᠡᠳᠡᠭ ᠦᠭᠡᠢ᠂ ᠭᠡᠷ ᠢᠶᠠᠨ ᠮᠠᠷᠳᠠᠭᠰᠠᠨ ᠭᠡᠰᠡᠷ ᠶᠤᠮ ᠰᠢᠭ᠋ ᠡᠯᠳᠡᠪ ᠤᠨ ᠵᠠᠩ ᠲᠠᠢ | ᠬᠦᠮᠤᠨ ᠰᠢᠤ︕ ᠡᠨᠡ ᠨᠠᠮᠤᠷ ᠶᠠᠭᠠᠬᠢᠭᠰᠠᠨ ᠤᠷᠳᠤ ᠨᠠᠮᠤᠷ ᠪᠣᠯᠬᠤ ᠨᠢ ᠪᠤᠢ︖︾ ᠭᠡᠵᠤ ᠮᠦᠨ ᠲᠡᠷᠡ ᠬᠦ ᠤᠢ | ᠰᠠᠨᠠᠮᠵᠢ ᠶᠢ ᠮᠢᠨᠢ ᠲᠡᠩᠳᠡᠬᠦᠤ ᠤᠳᠠᠭᠠᠨ ᠲᠦᠭᠡᠷᠢᠭᠳᠡᠬᠦᠯᠦᠭᠰᠡᠨ ᠬᠢᠵᠠᠭᠠᠷ ᠠᠯᠤᠰ ᠢ ᠬᠠᠷᠠᠩᠬᠠᠨ ᠬᠡᠯᠡᠭᠰᠡᠨ ᠦᠭᠡ ᠨᠢ᠂ | ᠠᠭᠠᠷᠴᠠᠨ ᠬᠤᠷᠤᠳ ᠲᠠᠪᠠᠭᠯᠠᠵᠤ᠂ ᠠᠶᠠᠭᠠ ᠱᠠᠭᠠᠵᠠᠩ ᠬᠠᠷᠭᠤᠯᠳᠤᠬᠤ ᠪᠦᠷᠢ ᠰᠡᠳᠭᠢᠯ ᠲᠤ ᠬᠠᠷᠰᠢᠨ | ᠬᠠᠩᠬᠢᠨᠠᠯᠳᠤᠨᠡ᠃ | ᠲᠡᠢᠮᠦ ᠰᠠᠢᠬᠠᠨ ᠰᠡᠳᠭᠢᠯ ᠲᠠᠢ ᠪᠦᠰᠡᠬᠦᠢ ᠬᠦᠮᠦᠨ ᠤ ᠤᠷᠮᠠ ᠶᠢ ᠪᠠᠭᠠ ᠴᠤ ᠭᠡᠰᠡᠨ ᠬᠦᠭᠵᠢᠭᠡᠵᠤ ᠭᠠᠭᠴᠠ | ᠮᠦᠴᠠ ᠴᠤ ᠶᠠᠷᠢᠵᠤ ᠰᠠᠭᠤᠬᠤ ᠪᠠᠨ ᠶᠠᠭᠠᠬᠢᠯᠠ ᠪᠢ ᠭᠡᠵᠤ ᠭᠠᠭᠴᠠᠭᠠᠷ ᠪᠠᠶᠢᠬᠤ ᠳᠠᠭᠠᠨ ᠲᠡᠷᠡ ᠪᠦᠬᠦᠨ ᠢ | ᠡᠷᠬᠢᠴᠡᠬᠦᠯᠤᠨ ᠬᠠᠷᠠᠮᠰᠠᠨ ᠮᠡᠳᠡᠷᠡᠨᠡ᠃ ᠢᠯᠳᠠᠮᠬᠠᠨ ᠰᠠᠶᠢᠬᠠᠨ ᠨᠢᠭᠡᠨ ᠪᠦᠰᠡᠬᠦᠢ ᠬᠦᠮᠦᠨ ᠤ ᠭᠠᠵᠠᠷ᠂ ᠬᠦᠮᠦᠨ ᠤ | ᠬᠦᠮᠤᠨ ᠪᠤᠯᠤᠭᠠᠳ ᠡᠵᠡᠬᠦᠢ ᠭᠠᠭᠴᠠᠭᠠᠷ᠂ ᠬᠦᠮᠤᠨ ᠬᠦᠰᠡᠵᠤ ᠰᠠᠭᠤᠨᠠ ᠭᠡᠳᠡᠭ ᠮᠢᠩᠭᠠᠨ ᠨᠠᠮᠤᠷ ᠤᠨ ᠤᠷᠳᠤ ᠨᠢᠭᠡ | ᠡᠳᠤᠷ ᠢᠷᠡᠵᠤ ᠪᠠᠶᠢᠵᠤ ᠳ᠋ᠠ ᠬᠦᠭᠡᠷᠤᠬᠦᠢ︕ | ᠠᠯᠤᠰ ᠢ ᠬᠠᠷᠠᠭᠠᠳ ᠰᠠᠭᠤᠵᠤ ᠪᠠᠶᠢᠬᠤ ᠳᠤ ᠠᠷᠪᠢᠨ ᠶᠠᠭᠤᠮᠠ ᠭᠠᠳᠠᠭᠤᠷ ᠦᠩᠭᠡᠷᠡᠨᠡ᠃ | ᠠᠯᠠᠭ ᠴᠤᠬᠤᠷ ᠡᠬᠦᠯᠡᠨ ᠰᠡᠬᠦᠳᠡᠷ ᠭᠠᠵᠠᠷ ᠢᠶᠠᠷ ᠨᠢᠭᠡ ᠨᠡᠬᠡᠯᠴᠡᠨ ᠬᠦᠭᠡᠭᠡᠴᠡᠯᠳᠤᠵᠤ᠂ ᠠᠷᠤ ᠳᠤᠨᠢ | ᠬᠤᠴᠤᠷᠣᠭᠰᠠᠨ ᠲᠤᠯᠤᠭᠠᠳ ᠲᠡᠭᠡᠬᠦᠷ ᠭᠡᠰᠡᠭᠬᠡᠨ ᠪᠤᠷᠤᠭᠠ ᠬᠦᠰᠢᠭᠡᠯᠡᠨ ᠴᠠᠶᠢᠷᠠᠵᠤ ᠢᠷᠡᠭᠰᠡᠨ ᠢᠶᠠᠨ ᠠᠯᠳᠠᠨ | ᠬᠢᠯᠭᠠᠨᠠ ᠶᠢᠨ ᠦᠵᠤᠬᠦᠷ ᠲᠤ ᠲᠤᠩ ᠰᠤᠷᠭᠤᠭ ᠴᠢᠬᠢᠭ ᠤᠨ ᠦᠨᠤᠷ ᠰᠡᠩᠭᠢᠨᠡᠭᠦᠯᠬᠦ ᠶᠢᠨ ᠬᠢᠷᠢ ᠳᠤ ᠠᠯᠠᠭ | ᠲᠠᠭᠤ ᠶᠢᠨ ᠰᠦᠷᠦᠭ ᠠᠭᠠᠷ ᠲᠡᠭᠷᠢ ᠳᠤ ᠰᠡᠮᠡᠷᠡᠭᠰᠡᠨ ᠲᠤᠭ ᠰᠢᠭ᠋ ᠰᠡᠷᠪᠡᠯᠵᠡᠨ ᠨᠢᠰᠴᠤ᠂ ᠨᠠᠮᠤᠷᠵᠢᠶᠡ ᠡᠷᠬᠢᠨ | ᠲᠤᠭᠤᠷᠢᠨ ᠠᠴᠠ ᠪᠠᠨ ᠬᠠᠩᠭᠠᠢᠷᠠᠨ ᠰᠡᠶᠢᠭᠡᠵᠦ᠂ ᠡᠩᠬᠡᠷ ᠬᠤᠷᠮᠤᠢ ᠠᠴᠠ ᠰᠡᠷᠴᠢᠭᠢᠨᠡᠨᠡ᠃ | ᠠᠪᠤ ᠶᠢᠨ ᠦᠭᠡᠶᠢᠯᠡᠳᠡᠭ ᠬᠡᠳᠤᠨ ᠠᠳᠤᠭᠤ ᠠᠨᠢᠪᠴᠢᠬᠤ ᠬᠤᠯᠠ ᠶᠢᠨ ᠮᠢᠷᠠᠯᠵᠠᠭᠠᠨ ᠢᠶᠠᠷ ᠦᠷᠬᠦᠵᠤ ᠨᠠᠳᠬᠤᠨ᠂ | ᠤᠰᠤ ᠤᠷᠤᠭᠤ ᠤᠷᠤᠵᠤ ᠢᠷᠡᠬᠦ ᠰᠢᠭ ᠪᠣᠭᠤᠭᠰᠠᠨ ᠢᠶᠠᠨ ᠠᠶᠠᠷᠬᠠᠨ ᠤᠷᠤᠭᠠ ᠬᠡᠭᠡᠷᠡ ᠶᠢᠨ ᠵᠡᠬᠦᠳᠤ ᠪᠤᠯᠤᠨ | ᠵᠠᠮᠬᠠᠷᠠᠨᠠ᠃ | ᠠᠷᠤ ᠭᠠᠵᠠᠷ ᠤᠨ ᠦᠭᠰᠤᠬᠦᠷ ᠲᠠᠪᠠᠭᠠ ᠪᠠᠷᠳᠠᠭᠠᠨ ᠲᠡᠭᠡᠬᠦᠷ ᠢᠶᠠᠨ ᠠᠮᠢ ᠠᠮᠢᠳᠤᠷᠠᠯ᠂ ᠠᠳᠠᠯ ᠦᠢᠯᠡᠰ ᠬᠡᠮᠡᠨ | ᠠᠮᠢᠰᠬᠤᠯ ᠮᠡᠩᠳᠡᠬᠦᠷᠡᠨ ᠴᠦᠷᠬᠦᠯᠳᠤᠭ᠍ᠰᠡᠨ ᠬᠦᠰᠭᠡ ᠤᠨᠤᠭᠠ ᠬᠦᠬᠡᠮᠳᠤᠭ᠌ ᠬᠤᠯᠠ ᠶᠢᠨ ᠠᠶᠠᠨᠴᠢ ᠰᠡᠳᠭᠢᠯᠭᠡ ᠪᠠᠨ | ᠲᠠᠭᠠᠵᠤ᠂ ᠨᠠᠮᠤᠷ ᠨᠠᠮᠤᠷ ᠬᠦᠮᠦᠨ ᠤ ᠨᠤᠲᠤᠭ ᠠᠴᠠ ᠬᠦᠷᠬᠦ ᠠᠯᠤᠰ ᠤᠨ ᠦᠷᠳᠡᠭᠡ ᠪᠠᠭᠤᠷᠢ ᠤᠷᠤᠭᠤ ᠪᠠᠨ | ᠰᠡᠭᠦᠯᠴᠢ ᠶᠢᠨ ᠰᠢᠪᠠᠭᠤᠳ ᠤᠨ ᠵᠡᠯᠡ ᠲᠠᠢ ᠰᠦᠮᠡᠶᠢᠨ ᠰᠦᠮᠡᠶᠢᠨ ᠤᠳᠤᠨᠠ᠃ | ᠪᠦᠬᠦ ᠶᠠᠭᠤᠮᠠ ᠶᠠᠪᠤᠵᠤ ᠤᠳᠤᠭᠠᠳ᠂ ᠪᠦᠬᠦ ᠮᠦᠷᠤᠭᠡᠳᠤᠯ ᠮᠦᠷᠤᠭᠡᠳᠴᠤ ᠬᠦᠢᠴᠡᠭᠡᠳ᠂ ᠪᠦᠬᠦ ᠶᠠᠭᠤᠮᠠ | ᠬᠤᠭᠤᠰᠤᠷᠠᠭᠰᠠᠨ ᠶᠤᠮ ᠰᠢᠭ᠋ ᠪᠤᠳᠤᠭᠳᠠᠬᠤ ᠲᠡᠷᠡ ᠬᠤᠷᠤᠮ᠂ ᠠᠶᠢᠯ ᠤᠨ ᠵᠢᠭᠠᠬᠠᠨ ᠪᠦᠰᠡᠬᠦᠢ᠂ ᠠᠶᠢᠯ ᠠᠶᠢᠮᠠᠭ ᠤᠨ | ᠬᠢᠨ ᠲᠡᠭᠡᠨ ᠬᠡᠷᠬᠢᠨ ᠠᠵᠤ ᠲᠦᠷᠤᠵᠤ ᠶᠠᠪᠤᠭᠠ ᠶᠤᠮ ᠪᠤᠯ ᠡ ᠭᠡᠵᠤ ᠪᠠᠰᠠ ᠢᠯᠡᠬᠦᠴᠢ ᠰᠠᠨᠠᠭᠠ ᠪᠤᠳᠤᠯ ᠬᠤᠯᠠ ᠶᠢᠨ | ᠬᠤᠯᠠ ᠳᠤ ᠰᠠᠪᠠᠭᠠ ᠦᠭᠡᠶᠢᠳᠡᠨ ᠠᠯᠭᠠᠰᠠᠨᠠ᠃ ᠶᠡᠷᠦ ᠨᠢ ᠪᠢᠳᠡᠨ ᠲᠠᠢ ᠶᠠᠭ ᠵᠡᠷᠭᠡᠴᠡᠭᠡ ᠬᠠᠵᠠᠭᠤᠳᠠᠬᠠᠨ | ᠣᠷᠤᠰᠢᠬᠤ ᠶᠢᠷᠳᠢᠨᠴᠤ ᠪᠤᠯ ᠪᠠᠶᠢᠬᠤ ᠶᠤᠮ ᠪᠠᠶᠢᠨᠠ ᠭᠡᠵᠤ ᠪᠢ ᠬᠤᠪᠢᠨ ᠳᠠᠭᠠᠨ ᠲᠦᠰᠤᠭᠡᠯᠡᠵᠤ ᠪᠤᠳᠤᠳᠠᠭ᠃ ᠵᠠᠷᠢᠮ | ᠨᠢᠭᠡ ᠲᠠᠨᠢᠬᠤ ᠦᠭᠡᠢ ᠭᠠᠵᠠᠷ ᠬᠦᠷᠤᠭ᠍ᠰᠡᠨ ᠴᠤ ᠪᠢ ᠠᠯᠢ ᠡᠷᠳᠡ ᠬᠡᠨ ᠨᠢᠭᠡᠨ ᠪᠠᠭᠠᠳᠤᠷ ᠢᠳᠡᠳᠡᠨ ᠲᠠᠢ ᠬᠠᠮᠳᠤ | ᠢᠷᠡᠵᠤ ᠦᠩᠭᠡᠷᠡᠭᠰᠡᠨ ᠪᠤᠶᠤ ᠶᠠᠮᠠᠷ ᠨᠢᠭᠡ ᠶᠡᠭᠡ ᠦᠢᠯᠡᠰ ᠤᠨ ᠲᠦᠯᠦᠭᠡ ᠵᠢᠳᠬᠦᠵᠤ ᠶᠠᠪᠤᠭᠠᠳ᠂ ᠲᠡᠩᠳᠡᠬᠦᠤ ᠤᠯᠠᠨ | ᠵᠢᠯ ᠤᠨ ᠬᠢᠨᠢ ᠲᠠᠷᠠᠭᠠ ᠰᠠᠶ᠋ᠢ ᠨᠢᠭᠡ ᠡᠷᠬᠢᠨ ᠢᠷᠡᠵᠤ ᠪᠠᠶᠢᠬᠤ ᠰᠢᠭ᠋ ᠲᠡᠶᠢᠮᠤ ᠲᠦᠷᠦᠭᠳᠡᠯ ᠤᠷᠤᠳᠠᠭ᠃ ᠲᠡᠨᠳᠡᠬᠢ | ᠬᠠᠳᠠ ᠴᠢᠯᠠᠭᠤ᠂ ᠠᠭᠤᠯᠠ ᠨᠢᠷᠤᠭᠤᠳ᠂ ᠤᠰᠤ ᠭᠤᠤᠯ ᠪᠦᠬᠦᠨ ᠢ ᠬᠠᠷᠠᠭᠠᠳ ᠪᠠᠶᠢᠬᠤ ᠳᠤ ᠲᠡᠶᠢᠮᠦ ᠲᠠᠨᠢᠯ | ᠲᠠᠰᠤᠯᠬᠠᠨ︕ | ᠲᠡᠶᠢᠮᠦ ᠡ︕ ᠡᠨᠡ ᠲᠡᠩᠳᠡᠬᠦᠤ ᠠᠭᠤᠵᠢᠭᠤ ᠰᠠᠶᠢᠬᠠᠨ ᠲᠠᠯᠠ ᠬᠦᠨᠳᠡᠢ ᠳᠤ ᠤᠷᠲᠤ ᠶᠢᠨ ᠲᠠᠭᠤᠤ | ᠲᠠᠭᠤᠷᠢᠰᠤᠨ ᠴᠡᠩᠬᠡᠷᠳᠡᠵᠤ᠂ ᠮᠤᠷᠢᠳᠠᠢ ᠬᠦᠮᠤᠨ᠂ ᠲᠦᠷᠤᠭᠡᠨ ᠲᠡᠭᠡᠷᠡ ᠪᠠᠨ ᠦᠨᠳᠡᠶᠢᠨ ᠰᠢᠷᠦᠭᠦᠨ | ᠳᠡᠷᠭᠢᠭᠤᠯᠬᠤ ᠳᠤ ᠬᠦᠯᠦᠭ ᠤᠨ ᠲᠤᠭᠤᠷᠠᠢ ᠳᠤ ᠴᠠᠬᠢᠬᠤ ᠬᠠᠳᠠ ᠴᠢᠯᠠᠭᠤᠨ ᠠᠴᠠ ᠡᠬᠢᠯᠡᠨ᠂ ᠡᠪᠡᠰᠤ ᠪᠡᠯᠴᠢᠭᠡᠷ ᠤᠨ | ᠬᠢᠨᠢ ᠦᠵᠤᠬᠦᠷ ᠨᠠᠮᠠᠭᠠᠨ ᠠᠴᠠ ᠪᠠᠨ ᠢᠰᠭᠡᠷᠤᠩᠬᠡᠨ᠂ ᠬᠢᠵᠠᠭᠠᠷ ᠠᠯᠤᠰ ᠠᠴᠠ ᠪᠠᠨ ᠬᠠᠩᠬᠢᠷ ᠴᠢᠩᠬᠢᠷ ᠠᠨᠢᠷᠯᠠᠨ | ᠪᠠᠶᠢᠳᠠᠭ᠃ ᠰᠠᠨᠠᠭᠠᠨ ᠤ ᠯᠡ ᠨᠢᠭᠡ ᠠᠶᠠᠰ ᠪᠢᠰᠢ᠂ ᠦᠬᠦᠰᠢ ᠦᠭᠡᠢ ᠤᠷᠤᠭ ᠪᠤᠭᠤᠷᠤᠯ ᠬᠡᠭᠡᠷᠡ ᠲᠠᠯᠠ ᠶᠢᠨ ᠰᠦᠭ | ᠰᠦᠨᠡᠰᠤ ᠵᠡᠷᠭᠡᠯᠭᠡ ᠲᠤᠭᠠᠯᠠᠨ ᠬᠦᠶᠤᠵᠤ ᠶᠠᠪᠤᠬᠤ ᠨᠢ ᠲᠡᠷᠡ ᠪᠤᠶᠤ᠃ ᠲᠠᠭᠤᠤ ᠡᠬᠢᠯᠡᠭᠡᠳ ᠲᠠᠭᠤᠯᠠᠭᠰᠠᠨ ᠲᠠᠯᠠ | ᠭᠡᠵᠤ ᠮᠦᠷᠤᠭᠡᠳᠤᠯ ᠤᠨ ᠲᠦᠮᠡᠨ ᠡᠷᠡᠭᠡᠯᠵᠡᠭᠡ ᠲᠠᠳᠠᠭᠠᠯᠵᠠᠯ ᠢ ᠬᠤᠴᠤᠷᠭᠠᠵᠤ ᠠᠪᠳᠠᠭ ᠰᠡᠳᠭᠢᠯ ᠤᠨ ᠠᠷᠬᠠᠭ ᠦᠭᠡᠢ | ᠲᠤᠶᠠᠭᠠᠯᠢᠭ᠂ ᠲᠡᠭᠷᠢ ᠶᠢᠨ ᠬᠠᠶᠠᠭᠠ ᠪᠠᠨ ᠰᠢᠷᠲᠡᠬᠦ ᠨᠢᠳᠦᠨ ᠳᠤ ᠨᠢᠯᠪᠤᠰᠤ ᠵᠠᠶᠢᠷᠠᠲᠤᠭᠤᠯᠤᠯ ᠦᠭᠡᠢ᠂ ᠰᠢᠨᠠᠯᠠᠬᠤ | ᠵᠢᠷᠦᠬᠡᠨ ᠳᠤ ᠡᠮᠵᠡᠭ ᠲᠦᠷᠦᠬᠦᠯᠤᠯ ᠦᠭᠡᠢ ᠰᠢᠯᠤᠨ ᠪᠤᠯᠤᠷᠬᠠᠨ ᠲᠤᠩᠭᠠᠯᠠᠭ ᠭᠡᠶᠢᠴᠡᠯᠡᠬᠦ ᠪᠢᠵᠡ ᠡ᠃ | ᠠᠯᠤᠰ ᠢ ᠬᠠᠷᠠᠭᠠᠳ ᠰᠠᠭᠤᠵᠤ ᠪᠠᠶᠢᠬᠤ ᠳᠤ ᠠᠷᠪᠢᠨ ᠶᠠᠭᠤᠮᠠ ᠭᠠᠳᠠᠭᠤᠷ ᠦᠩᠭᠡᠷᠡᠨᠡ᠃ | ᠠᠯᠮᠠᠶᠢᠳᠠᠭᠤ ᠠᠯᠵᠢᠶᠠᠷᠠᠬᠤ ᠠᠯᠳᠠᠨ ᠲᠠᠯᠠ ᠶᠢᠨ ᠢᠶᠠᠨ ᠡᠩ ᠦᠷᠭᠡᠨ ᠢᠶᠠᠷ ᠲᠡᠮᠡᠭᠡᠳ ᠮᠦᠩᠬᠦᠨ ᠲᠡᠪᠡᠨᠡ ᠰᠢᠭ | ᠰᠤᠨᠤᠯᠵᠠᠨ ᠪᠤᠰᠴᠤ ᠰᠤᠪᠤᠷᠭᠠᠯᠠᠨᠠ᠃ | ᠠᠯᠢ ᠨᠢ ᠲᠤᠯᠤᠭᠠᠳ᠂ ᠠᠯᠢ ᠨᠢ ᠲᠡᠮᠡᠭᠡᠳ ᠪᠣᠯᠬᠤ ᠶᠢ ᠢᠯᠭᠠᠵᠤ ᠶᠠᠳᠠᠮᠠ ᠬᠠᠨᠠᠷᠠᠯᠳᠤᠨᠡ᠃ | ᠬᠤᠯᠠᠳᠡᠨ ᠬᠤᠯᠠᠳᠠᠬᠤ ᠤᠯᠠᠷᠢᠯ ᠨᠠᠮᠤᠷ ᠤᠨ ᠠᠶᠠᠰ ᠢᠶᠠᠷ ᠬᠠᠷᠢᠬᠤ ᠴᠠᠭ ᠤᠨ ᠲᠡᠭᠷᠢ᠂ ᠬᠤᠯᠠ ᠳᠠᠭᠠᠨ ᠨᠢᠭᠡ | ᠲᠠᠭᠠ ᠦᠭᠡᠢ ᠬᠦᠩᠬᠦ᠋ᠢᠨᠡ᠃ ᠬᠠᠮᠤᠭ ᠶᠠᠭᠤᠮᠠ ᠲᠡᠭᠦᠨ ᠳᠤ ᠴᠢᠮᠡᠭᠯᠡᠭᠳᠡᠨ ᠬᠠᠮᠤᠭ ᠶᠠᠭᠤᠮᠠ ᠪᠦᠬᠦᠳᠡᠭᠡᠷ ᠢᠶᠠᠨ | ᠤᠷᠤᠰᠤᠭᠠᠳ ᠤᠷᠤᠴᠢᠬᠠᠬᠤ ᠰᠢᠭ᠋ ᠠᠯᠠᠭᠠ ᠪᠤᠯᠤᠨᠠ᠃ ᠠᠯᠠᠭᠠ ᠯᠡ ᠪᠠᠶᠢᠳᠠᠭ ᠲᠡᠷᠡ ᠨᠠᠮᠤᠷ ᠤᠨ ᠲᠡᠭᠷᠢ ᠶᠢᠨ | ᠬᠠᠶᠠᠭᠠᠨ ᠳᠤ ᠠᠪᠤ ᠠᠳᠤᠭᠤ ᠲᠠᠢ ᠪᠠᠨ ᠤᠳᠤᠷᠯᠠᠵᠤ ᠶᠠᠪᠤᠵᠡᠢ᠃ | ᠬᠤᠷᠸᠠ ᠶᠢᠨ ᠬᠠᠭᠤᠷᠮᠠᠴᠢ ᠳᠤ ᠢᠳᠡᠭᠡᠯ ᠦᠭᠡᠢ ᠭᠡᠤᠭᠡᠳ ᠪᠤᠳᠤᠭᠤ ᠬᠤᠶᠠᠷ ᠯᠡ ᠬᠤᠨᠤᠭ ᠤᠨ ᠮᠠᠷᠭᠠᠰᠢ ᠠᠴᠠ | ᠪᠦᠬᠦ ᠶᠠᠭᠤᠮᠠ ᠢᠷᠡᠬᠦ ᠶᠤᠮ ᠰᠢᠭ ᠡᠵᠢ ᠪᠠᠨ ᠭᠡᠰᠡᠨ ᠬᠦᠯᠢᠶᠡᠯᠳᠡ᠂ ᠮᠦᠷᠤᠭᠡᠳᠤᠯ ᠤᠨ ᠦᠨᠡᠮᠰᠢᠯ ᠢᠶᠠᠨ ᠲᠦᠰᠢᠵᠦ | ᠂ ᠡᠯᠢᠭᠡ ᠡᠮᠳᠡᠷᠡᠭᠰᠡᠨ ᠦᠨᠤᠴᠢᠷᠠᠯ ᠭᠤᠨᠢᠭ ᠤᠨ ᠨᠢᠯᠪᠤᠰᠤᠨ ᠳᠠᠭᠠᠨ ᠲᠡᠪᠳᠤᠩᠬᠡᠨ ᠵᠦᠰᠡᠷᠡᠨᠡ᠃ ᠬᠠᠷᠢᠭᠰᠠᠨ | ᠶᠠᠭᠤᠮᠠ ᠬᠡᠵᠢᠶᠡᠳᠡ ᠡᠷᠭᠢᠵᠤ ᠢᠷᠡᠰᠢ ᠦᠭᠡᠢ ᠭᠡᠵᠤ ᠬᠡᠨ ᠠᠯᠢᠨ ᠨᠢ ᠡᠰᠡ ᠬᠡᠯᠡᠵᠤ ᠭᠠᠷᠤᠨᠡ᠃ ᠬᠡᠯᠡᠵᠤ ᠭᠠᠷᠬᠤ | ᠦᠭᠡᠢ ᠦᠭᠡᠨ ᠤ ᠴᠠᠭᠠᠨᠠ ᠨᠢᠯᠪᠤᠰᠤ ᠪᠠᠨ ᠶᠡᠬᠡᠴᠤᠤᠯ ᠬᠤᠷᠢᠨᠡ᠃ ᠬᠡᠯᠡᠵᠤ ᠭᠠᠷᠬᠤ ᠦᠭᠡᠢ ᠦᠭᠡᠨ ᠤ ᠴᠠᠭᠠᠨᠠ | ᠡᠬᠡᠴᠤᠤᠯ ᠭᠡᠤᠭᠡᠳ ᠪᠤᠳᠤᠭᠤ ᠬᠤᠶᠠᠷ ᠠᠴᠠ ᠬᠠᠷᠠᠴᠠ ᠪᠠᠨ ᠪᠤᠷᠤᠭᠤᠯᠠᠨᠠ᠃ ᠬᠡᠯᠡᠵᠤ ᠭᠠᠷᠬᠤ ᠦᠭᠡᠢ ᠦᠭᠡᠨ ᠤ | ᠴᠠᠭᠠᠨᠠ ᠬᠠᠭᠤᠷᠳᠠᠯ ᠦᠨᠡᠮᠰᠢᠯ ᠬᠤᠶᠠᠷ ᠢᠬᠡᠷᠡᠭᠡᠨ ᠵᠡᠷᠭᠡᠴᠡᠨᠡ᠃ ᠨᠠᠮᠤᠷ ᠨᠠᠮᠤᠷ ᠮᠢᠩᠭᠠ ᠮᠢᠩᠭᠠᠨ ᠬᠦᠮᠦᠨ ᠤ | ᠰᠠᠶᠢᠬᠠᠨ ᠰᠡᠳᠭᠢᠯ ᠳᠤᠷᠠᠰᠤᠮᠵᠢ ᠶᠢᠨ ᠬᠠᠭᠤᠳᠠᠰᠤᠨᠠ ᠠᠴᠠ ᠦᠪᠡᠷ ᠤᠨ ᠬᠠᠶᠢᠷᠠᠲᠠᠢ ᠲᠤᠷᠠᠳᠠᠢ ᠮᠦᠷᠤᠭᠡᠳᠤᠯ ᠤᠨ | ᠲᠦᠮᠡᠨ ᠡᠷᠬᠢᠴᠡᠬᠦᠯᠤᠯ ᠢᠶᠠᠨ ᠤᠷᠪᠠᠭᠤᠯᠤᠨᠠ᠃ | ᠠᠯᠤᠰ ᠭᠠᠵᠠᠷ ᠤᠨ ᠲᠡᠭᠷᠢ ᠡᠭᠦᠯᠡ ᠨᠢ ᠴᠠᠶᠢᠯᠵᠡᠩᠬᠠᠨ ᠦᠨᠳᠡᠶᠢᠨᠡ᠃ | ᠠᠷᠤ ᠭᠠᠵᠠᠷ ᠤᠨ ᠨᠠᠮᠤᠷ ᠬᠠᠶᠠᠭᠠ ᠬᠠᠳᠠᠪᠴᠢ ᠪᠠᠷ ᠱᠠᠷᠭᠢᠯᠳᠤᠨ ᠦᠩᠭᠡᠷᠡᠨᠡ᠃ | ᠠᠯᠤᠰ ᠢ ᠬᠠᠷᠠᠭᠠᠳ ᠰᠠᠭᠤᠵᠤ ᠪᠠᠶᠢᠬᠤ ᠳᠤ ᠠᠷᠪᠢᠨ ᠶᠠᠭᠤᠮᠠ ᠭᠠᠳᠠᠭᠤᠷ ᠦᠩᠭᠡᠷᠡᠨᠡ᠂ ᠭᠠᠳᠠᠨᠠ ᠠᠴᠠ | ᠶᠠᠪᠤᠨᠠ᠃ |