| ᠬᠠᠷᠢ ᠣᠷᠣᠨ ᠠᠴᠠ ᠬᠠᠷᠢᠵᠤ ᠢᠷᠡᠬᠦ ᠥᠬᠢᠨ ᠢᠶᠠᠨ ᠲᠣᠰᠬᠤ ᠬᠡᠮᠡᠨ ᠪᠠᠶᠠᠷᠯᠠᠭᠰᠠᠨ ᠠᠴᠠ ᠪᠣᠯᠵᠤ | ᠥᠴᠥᠭᠡᠳᠦᠷ ᠰᠥᠨᠢ ᠨᠦᠢᠷ ᠮᠠᠭᠤᠲᠠᠢ ᠤᠨᠲᠠᠵᠠᠢ᠃ ᠥᠷᠯᠥᠭᠡ ᠶᠢᠨ ᠴᠠᠢ ᠪᠠᠨ ᠭᠡᠳᠦ ᠣᠭᠤᠴᠢᠮᠠᠭᠴᠠ ᠮᠠᠰᠢᠨ ᠢᠶᠠᠨ | ᠭᠠᠯᠯᠠᠵᠤ ᠤᠯᠢᠶᠠᠰᠤᠲᠠᠢ ᠠᠴᠠ ᠰᠢᠯᠢᠩᠬᠤᠲᠠ ᠬᠦᠷᠬᠦ ᠵᠠᠮ ᠢᠶᠠᠷ ᠭᠤᠶᠠᠳᠠᠭᠤᠯᠤᠯᠠ᠂ ᠵᠢᠭᠠᠬᠠᠨ ᠨᠦᠢᠷ ᠬᠦᠷᠬᠦ ᠰᠢᠭ | ᠪᠣᠯᠬᠤᠯᠠᠷ ᠨᠢ ᠵᠠᠮ ᠤᠨ ᠬᠠᠵᠠᠭᠤ ᠶᠢᠨ ᠡᠪᠲᠡᠢ ᠭᠠᠵᠠᠷ ᠢ ᠰᠣᠩᠭᠤᠨ ᠲᠡᠷᠭᠡ ᠪᠠᠨ ᠵᠣᠭᠰᠣᠭᠠᠭᠠᠳ ᠰᠠᠯᠬᠢ ᠦᠵᠡᠵᠦ | ᠲᠠᠷᠢᠬᠢ ᠲᠣᠯᠣᠭᠠᠢ ᠪᠠᠨ ᠰᠡᠷᠭᠦᠭᠡᠬᠦ ᠶᠢ ᠰᠠᠨᠠᠵᠤ ᠭᠠᠳᠠᠨᠠ ᠭᠠᠷᠪᠠ᠃ | ᠡᠷᠲᠡ ᠨᠠᠮᠤᠷ ᠤᠨ ᠰᠠᠯᠬᠢ ᠡᠩᠭᠡᠯᠵᠡᠭᠦᠷ ᠥᠭᠡᠳᠡ ᠦᠶᠡ ᠦᠶᠡ ᠰᠡᠶᠢᠭᠡᠨ ᠦᠯᠢᠶᠡᠭᠰᠡᠨ ᠰᠡᠷᠢᠭᠦᠨ | ᠲᠠᠭᠠᠯᠠᠮᠵᠢᠲᠠᠢ ᠠᠮᠢᠰᠬᠤᠯ ᠳᠤᠮᠳᠠ ᠪᠢ ᠤᠳᠠᠲᠠᠯᠠ ᠵᠣᠭᠰᠣᠯᠠ᠃ ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠳᠤ ᠠᠭᠤᠯᠠᠰ ᠤᠨ ᠪᠠᠷᠠ | ᠴᠡᠩᠬᠡᠷᠯᠡᠵᠦ ᠪᠢᠴᠢᠭ ᠱᠠᠭᠠᠶᠢᠵᠤ ᠴᠢᠯᠡᠭᠰᠡᠨ ᠬᠠᠷᠠᠯᠭᠠᠨ ᠮᠠᠭᠤ ᠨᠢᠳᠦ ᠶᠢ ᠮᠢᠨᠢ ᠠᠮᠠᠷᠠᠭᠠᠬᠤ ᠭᠡᠰᠡᠨ ᠮᠡᠲᠦ | ᠬᠤᠯᠠ ᠶᠢᠨ ᠬᠤᠯᠠ ᠳᠤ ᠬᠥᠬᠡᠷᠡᠨᠡ᠃ ᠡᠪᠡᠰᠦᠨ ᠤ ᠬᠢᠨᠢ ᠦᠵᠦᠭᠦᠷ ᠲᠤ ᠨᠠᠮᠤᠷ ᠤᠨ ᠪᠤᠳᠤᠭ ᠶᠠᠯᠢᠮ ᠦᠭᠡᠢ | ᠰᠠᠭᠤᠭᠰᠠᠨ ᠠᠭᠤᠳᠠᠮ ᠶᠡᠭᠡ ᠦᠵᠦᠮᠦᠴᠢᠨ ᠤ ᠲᠠᠯᠠ ᠤᠬᠠᠭᠠ ᠰᠡᠳᠬᠢᠯ ᠢ ᠮᠢᠨᠢ ᠦᠵᠦᠭᠦᠷ ᠬᠢᠵᠠᠭᠠᠷ ᠦᠭᠡᠢ | ᠲᠡᠯᠡᠵᠦ᠂ ᠥᠭᠦᠯᠡᠵᠦ ᠢᠯᠡᠳᠬᠡᠵᠦ ᠴᠢᠳᠠᠰᠢ ᠦᠭᠡᠢ ᠨᠢᠭᠡᠨ ᠵᠦᠢᠯ ᠤᠨ ᠪᠠᠶᠠᠷ ᠵᠢᠷᠭᠠᠯ ᠢᠶᠠᠷ᠂ ᠪᠠᠰᠠ ᠨᠢᠭᠡᠨ | ᠵᠦᠢᠯ ᠤᠨ ᠤᠶᠠᠷᠠᠯ ᠳᠣᠭᠳᠣᠯᠤᠯ ᠢᠶᠠᠷ ᠨᠠᠮᠠ ᠶᠢ ᠳᠡᠪᠲᠦᠭᠡᠨᠡ ᠁ | ᠨᠠᠮ ᠵᠢᠮ ᠲᠠᠯᠠ᠂ ᠨᠠᠯᠠᠭᠠᠷ ᠠᠭᠤᠳᠠᠮ ᠪᠡᠯᠴᠢᠭᠡᠷ᠂ ᠨᠠᠮᠬᠠᠨ ᠬᠥᠲᠥᠯ ᠤᠨ ᠬᠤᠷᠮᠣᠢ ᠶᠢ ᠳᠠᠭᠠᠵᠣ ᠦᠬᠡᠷ | ᠬᠤᠨᠢᠳ ᠤᠨ ᠰᠦᠷᠦᠭ ᠲᠠᠶᠢᠪᠤᠭᠤ ᠪᠡᠯᠴᠢᠨᠡ ᠁ ᠨᠠᠮ ᠵᠢᠮ ᠠᠮᠢᠳᠤᠷᠠᠯ᠂ ᠨᠠᠷᠠᠯᠠᠭ ᠰᠠᠶᠢᠬᠠᠨ ᠡᠬᠡ ᠣᠷᠣᠨ ᠁ | ᠤᠤᠯ ᠨᠢ ᠡᠬᠡ ᠣᠷᠣᠨ ᠤ ᠮᠢᠨᠢ ᠨᠠᠮᠤᠷ ᠬᠦᠷᠴᠦ ᠢᠷᠡᠭᠡ ᠠᠵᠢ᠃ ᠡᠬᠡ ᠣᠷᠣᠨ ᠮᠢᠨᠢ ᠦᠵᠡᠰᠬᠦᠯᠡᠩᠲᠦ | ᠨᠠᠮᠤᠷ ᠢᠶᠠᠨ ᠲᠣᠰᠬᠤ ᠬᠡᠮᠡᠨ ᠥᠨᠢᠷ ᠪᠠᠶᠢᠭᠠᠯᠢ ᠪᠠᠨ ᠲᠤᠩᠭᠠᠯᠠᠭ ᠲᠣᠭᠲᠠᠭᠤᠨ ᠠᠮᠢᠰᠬᠤᠯ ᠢᠶᠠᠷ ᠴᠢᠮᠡᠵᠦ ᠲᠠᠩᠰᠤᠭ | ᠠᠭᠤᠳᠠᠮ ᠲᠠᠯᠠ ᠪᠠᠷ ᠢᠶᠠᠨ ᠭᠠᠩᠭᠠᠷᠠᠨᠠ᠃ | ᠬᠠᠷᠢᠨ ᠪᠢ ᠬᠠᠷᠢ ᠭᠦᠷᠦᠨ ᠠᠴᠠ ᠬᠠᠷᠢᠵᠤ ᠢᠷᠡᠵᠦ ᠶᠠᠪᠤᠭᠠ ᠥᠬᠢᠨ ᠢᠶᠠᠨ ᠲᠣᠰᠬᠤ ᠬᠡᠮᠡᠨ ᠰᠡᠳᠬᠢᠯ | ᠬᠥᠪᠬᠢᠵᠦ ᠶᠠᠪᠤᠭᠠ ᠪᠢᠯᠡ᠃ ᠨᠠᠮᠤᠷ ᠤᠨ ᠲᠠᠯᠠ ᠨᠠᠮᠤᠷ ᠤᠨ ᠰᠠᠭᠤᠭᠳᠠᠯ ᠳᠤ ᠬᠡᠰᠡᠭ ᠠᠯᠮᠠᠶᠢᠷᠠᠵᠤ | ᠵᠣᠭᠰᠣᠭᠰᠠᠨ ᠢᠶᠠᠨ ᠪᠢ ᠲᠡᠷᠭᠡᠨ ᠳᠡᠭᠡᠨ ᠭᠠᠷᠴᠤ ᠵᠢᠯᠣᠭᠤ ᠪᠠᠨ ᠪᠠᠷᠢᠨ ᠲᠣᠰᠣ ᠶᠢ ᠨᠢ ᠦᠭᠭᠦᠯᠡ᠃ ᠲᠡᠷᠭᠡᠨ ᠤ | ᠴᠣᠩᠬᠤ ᠪᠠᠷ ᠬᠠᠷᠠᠭᠠ ᠰᠤᠩᠭᠠᠬᠤ ᠳᠤ ᠲᠡᠨᠢᠭᠡᠷ ᠰᠠᠷᠠᠭᠤᠯ ᠦᠵᠦᠮᠦᠴᠢᠨ ᠤ ᠲᠠᠯᠠ ᠮᠢᠨᠢ ᠥᠩᠭᠡᠲᠦ ᠨᠠᠮᠤᠷ ᠤᠨ | ᠲᠣᠰᠣᠨ ᠵᠢᠷᠤᠭ ᠤᠨ ᠣᠷᠲᠣ ᠡᠪᠬᠡᠮᠡᠯ ᠢᠶᠠᠨ ᠠᠯᠳᠠᠷᠠᠭᠠᠨ ᠥᠭᠡᠳᠡ ᠠᠴᠠ ᠮᠢᠨᠢ ᠳᠡᠯᠭᠡᠵᠦ ᠶᠠᠭᠠᠷᠠᠨᠠ᠃ ᠲᠡᠭᠡᠭᠦ ᠳᠤ | ᠡᠬᠡ ᠣᠷᠣᠨ ᠤ ᠪᠠᠨ ᠭᠦᠪᠡᠭᠡ ᠬᠢᠵᠠᠭᠠᠷ ᠦᠭᠡᠢ ᠠᠭᠤᠳᠠᠮ ᠲᠡᠨᠢᠭᠡᠷ ᠲᠠᠩᠭᠢᠰ ᠮᠡᠲᠦ ᠡᠨᠡ ᠶᠡᠭᠡ ᠡᠩᠬᠡ ᠵᠢᠷᠭᠠᠯᠠᠩᠲᠤ | ᠨᠠᠮᠤᠷ ᠤᠨ ᠳᠤᠮᠳᠠ ᠪᠢ ᠥᠨᠥᠴᠢᠨ ᠵᠠᠪᠢ ᠲᠠᠢ ᠬᠥᠪᠴᠦ ᠶᠠᠪᠤᠭᠠ ᠴᠦ ᠶᠤᠮ ᠰᠢᠭ᠋ ᠰᠠᠨᠠᠭᠳᠠᠬᠤ ᠨᠢ ᠰᠠᠶᠢᠬᠠᠨ ᠠ᠋᠃ | | ᠬᠥᠮᠥᠨ ᠤ ᠭᠠᠵᠠᠷ ᠬᠥᠨᠳᠡᠯᠡᠨ ᠤ ᠨᠤᠲᠤᠭ ᠠᠴᠠ ᠭᠦᠢ ᠶᠢ ᠨᠢ ᠪᠤᠯᠠᠭᠰᠠᠨ ᠨᠤᠲᠤᠭ ᠤᠰᠤ ᠪᠠᠨ ᠡᠷᠭᠢᠨᠡ | ᠬᠡᠮᠡᠭᠴᠢ ᠭᠦᠷᠦᠵᠦ ᠴᠠᠷᠴᠠᠰᠢ ᠦᠭᠡᠢ ᠬᠥᠮᠦᠯᠢᠭ ᠬᠠᠶᠢᠷᠠ ᠶᠢᠨ ᠪᠠᠲᠤ ᠠᠷᠭᠠᠮᠵᠢᠶᠠ ᠪᠠᠶᠢᠨᠠᠮ᠃ ᠠᠵᠢᠯ ᠰᠤᠷᠤᠯᠭᠠ | ᠶᠢᠨ ᠤᠴᠢᠷ ᠢᠶᠠᠷ᠂ ᠡᠰᠡᠬᠦᠯᠡ ᠠᠮᠢᠳᠤᠷᠠᠯ ᠣᠷᠣᠰᠢᠯ ᠤᠨ ᠡᠷᠬᠡ ᠪᠠᠷ ᠡᠵᠢ ᠠᠪᠤ ᠠᠴᠠ ᠪᠠᠨ ᠠᠶᠠᠷᠯᠠᠨ᠂ ᠡᠬᠡ | ᠨᠤᠲᠤᠭ ᠡᠯᠢᠭᠡᠨ ᠰᠠᠳᠣᠨ᠂ ᠡᠬᠡ ᠣᠷᠣᠨ ᠠᠴᠠ ᠪᠠᠨ ᠰᠠᠯᠵᠤ ᠬᠠᠷᠢ ᠤᠯᠤᠰ ᠬᠤᠯᠠ ᠶᠢᠨ ᠨᠤᠲᠤᠭ ᠢᠶᠠᠷ ᠲᠡᠨᠣᠵᠣ | ᠬᠡᠰᠦᠵᠦ᠂ ᠲᠡᠮᠡᠴᠡᠵᠦ ᠴᠢᠷᠮᠠᠶᠢᠵᠤ ᠶᠠᠪᠤᠬᠤ ᠳᠤ ᠬᠠᠲᠠᠭᠤ ᠵᠣᠷᠢᠭ ᠬᠠᠳᠠᠨ ᠰᠡᠳᠬᠢᠯ ᠬᠡᠷᠡᠭᠲᠡᠢ᠃ ᠬᠠᠷᠢᠨ ᠡᠵᠢ | ᠠᠪᠤ ᠨᠢ᠂ ᠡᠯᠢᠭᠡᠨ ᠰᠠᠳᠣᠨ ᠨᠢ᠂ ᠡᠬᠡ ᠣᠷᠣᠨ ᠨᠢ ᠲᠡᠭᠦᠨ ᠤ ᠠᠷᠤ ᠳᠤ ᠪᠠᠲᠤ ᠦᠨᠳᠦᠰᠦ ᠪᠠᠭᠠᠲᠤᠷ ᠲᠦᠰᠢᠭ ᠨᠢ | ᠪᠣᠯᠵᠤ᠂ ᠪᠠᠷᠠᠭᠳᠠᠰᠢ ᠦᠭᠡᠢ ᠳᠣᠲᠣᠭᠠᠳᠤ ᠲᠠᠮᠢᠷ ᠤᠨ ᠬᠢᠨᠢ ᠪᠠᠶᠠᠨ ᠣᠨᠳᠣᠷᠤᠭᠠ ᠨᠢ ᠪᠤᠯᠳᠠᠭ ᠠᠴᠠ ᠬᠥᠮᠥᠰ ᠰᠠᠶ᠋ᠢ | ᠲᠡᠶᠢᠨ ᠬᠦ ᠴᠡᠭᠡᠵᠢ ᠲᠡᠨᠢᠭᠦᠨ ᠰᠡᠳᠬᠢᠯ ᠪᠠᠷᠳᠠᠮ ᠪᠠᠶᠢᠳᠠᠭ ᠠᠵᠢ᠃ | ᠲᠡᠷᠭᠡᠨ ᠤ ᠴᠣᠩᠬᠤ ᠪᠠᠷ ᠭᠠᠳᠠᠭᠰᠢ ᠪᠠᠷᠠᠯᠠᠬᠤ ᠳᠤ ᠮᠢᠨᠤ ᠥᠬᠢᠨ ᠤ ᠡᠬᠡ ᠨᠤᠲᠤᠭ ᠨᠢ ᠮᠢᠩᠭᠠᠨ ᠭᠠᠯᠪᠠ ᠶᠢᠨ | ᠠᠮᠤᠭᠤᠯᠠᠩ ᠲᠣᠭᠲᠠᠭᠤᠨ ᠭᠡᠮᠡᠷ ᠨᠠᠮᠤᠷ ᠤᠨ ᠰᠠᠶᠢᠬᠠᠨ ᠥᠩᠭᠡ ᠪᠠᠷ ᠲᠤᠨᠤᠷᠠᠵᠤ ᠡᠵᠡᠨ ᠢᠶᠠᠨ ᠤᠭᠲᠤᠬᠤ ᠶᠢᠨ ᠪᠠᠶᠠᠷ | ᠪᠠᠶᠠᠰᠬᠤᠯᠠᠩ ᠢᠶᠠᠷ ᠪᠢᠯᠬᠠᠨᠠ᠃ ᠡᠬᠡ ᠣᠷᠣᠨ ᠬᠡᠮᠡᠭᠴᠢ ᠣᠶᠣᠨ ᠰᠠᠨᠠᠭᠠᠨ ᠤ ᠡᠬᠡ ᠨᠤᠲᠤᠭ᠂ ᠡᠬᠡ ᠨᠤᠲᠤᠭ | ᠬᠡᠮᠡᠭᠴᠢ ᠪᠣᠳᠠᠰᠴᠢ ᠪᠣᠳᠠᠲᠠᠢ ᠡᠬᠡ ᠣᠷᠣᠨ᠃ ᠬᠠᠭᠠᠴᠠᠨ ᠰᠠᠯᠤᠭᠠᠳ ᠤᠳᠠᠭᠰᠠᠨ ᠥᠯᠥᠭᠡᠢ ᠨᠤᠲᠤᠭ ᠤᠨ ᠢᠶᠠᠨ | ᠬᠠᠯᠠᠭᠤᠬᠠᠨ ᠬᠥᠷᠥᠰᠥᠨ ᠳᠤ ᠬᠥᠯ ᠭᠢᠰᠬᠢᠬᠦ ᠲᠡᠷᠡ ᠭᠱᠠᠨ ᠳᠤ ᠪᠢ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠪᠣᠯᠴᠢᠬᠠᠭᠰᠠᠨ ᠮᠡᠲᠦ | ᠰᠠᠨᠠᠭᠳᠠᠭᠰᠠᠨ ᠭᠡᠵᠦ ᠥᠬᠢᠨ ᠮᠢᠨᠢ ᠨᠢᠭᠡᠨ ᠤᠳᠠᠭᠠ ᠨᠢᠰᠬᠡᠯ ᠠᠴᠠ ᠪᠠᠭᠤᠭᠰᠠᠨ ᠲᠡᠷᠡ ᠬᠤᠷᠣᠮ ᠤᠨ | ᠰᠡᠳᠬᠢᠯᠭᠡ ᠪᠠᠨ ᠶᠠᠷᠢᠭᠰᠠᠨ ᠢ ᠨᠢ ᠰᠠᠨᠠᠯᠠ᠃ ᠠᠯᠢᠶᠠ ᠢᠨᠢᠶᠡᠳᠦ ᠲᠣᠭᠯᠠᠭᠤᠯᠤᠭᠰᠠᠨ ᠬᠥᠭᠡᠷᠦᠬᠦᠨ ᠴᠢᠷᠠᠢ ᠳᠤᠨᠢ | ᠮᠠᠭᠤ ᠡᠴᠢᠭᠡ ᠪᠠᠨ ᠱᠣᠣᠯᠠᠭᠰᠠᠨ ᠨᠢᠭᠡᠨ ᠰᠠᠨᠠᠭᠠ ᠢᠯᠡᠷᠡᠵᠦ ᠪᠠᠶᠢᠪᠠᠴᠤ ᠴᠠᠭᠠᠨᠠ ᠨᠢ ᠡᠵᠢ ᠠᠪᠤ ᠶᠢᠨ ᠢᠶᠠᠨ | ᠳᠡᠷᠭᠡᠳᠡ᠂ ᠡᠬᠡ ᠨᠤᠲᠤᠭ ᠤᠨ ᠢᠶᠠᠨ ᠰᠢᠷᠣᠢ ᠳᠡᠭᠡᠷᠡ᠂ ᠡᠬᠡ ᠣᠷᠣᠨ ᠤ ᠪᠠᠨ ᠡᠯᠢᠭᠡᠨ ᠳᠤ ᠬᠦᠷᠴᠦ ᠢᠷᠡᠭᠰᠡᠨ | ᠬᠥᠮᠥᠨ ᠤ ᠪᠠᠶᠠᠷ ᠳᠣᠭᠳᠣᠯᠤᠯ ᠬᠠᠯᠭᠢᠯᠠᠵᠤ ᠪᠠᠶᠢᠬᠤ ᠶᠢ ᠨᠢ ᠣᠯᠵᠤ ᠮᠡᠳᠡᠨᠡ᠃ ᠶᠡᠷᠦ ᠨᠢ ᠡᠵᠡᠨ ᠨᠤᠲᠤᠭ | ᠬᠤᠶᠠᠷ ᠤᠨ ᠪᠠᠷᠢᠯᠳᠤᠯᠭᠠ ᠭᠡᠭᠴᠢ ᠮᠢᠬᠠ ᠴᠢᠰᠤᠨ ᠳᠤᠨᠢ ᠰᠢᠩᠭᠡᠵᠦ ᠪᠠᠶᠢᠭᠠ ᠤᠰᠤ ᠰᠢᠷᠣᠢ ᠶᠢᠨ ᠬᠢᠨᠢ ᠴᠡᠪᠡᠷ | ᠴᠣᠯ ᠡᠯᠧᠮᠧᠨ᠋ᠲ ᠪᠠᠶᠢᠭᠠ ᠶᠤᠮ᠂ ᠡᠬᠡ ᠣᠷᠣᠨ ᠡᠵᠡᠨ ᠬᠤᠶᠠᠷ ᠤᠨ ᠢᠷᠦᠭᠡᠯ ᠭᠡᠭᠴᠢ ᠣᠶᠣᠨ ᠰᠦᠨᠡᠰᠦᠨ ᠳᠤᠨᠢ | ᠣᠷᠣᠰᠢᠵᠤ ᠪᠠᠶᠢᠭᠠ ᠣᠣᠷ ᠰᠣᠶᠣᠯ ᠤᠨ ᠬᠢᠨᠢ ᠬᠦᠴᠦᠰ ᠪᠠᠶᠢᠭᠠ᠃ | ᠪᠢᠴᠢᠭ ᠰᠣᠶᠣᠯ ᠤᠨ ᠮᠥᠷ ᠢ ᠬᠥᠭᠡᠭᠡᠵᠦ ᠪᠢᠳᠡᠨ ᠤ ᠠᠬᠠ ᠳᠡᠭᠦᠦ ᠬᠡᠳᠦᠭᠦᠯᠡ ᠤᠨᠠᠭᠰᠠᠨ ᠰᠢᠷᠣᠢ | ᠤᠤᠭᠤᠭᠰᠠᠨ ᠣᠰᠣᠨ ᠠᠴᠠ ᠪᠠᠨ ᠰᠠᠯᠵᠤ ᠬᠤᠯᠠ ᠬᠤᠯᠠ ᠶᠠᠪᠤᠵᠠᠭᠠᠭᠰᠠᠨ ᠲᠦᠷᠦᠭᠦᠴᠢ ᠶᠢᠨ ᠵᠠᠭᠤᠨ ᠤ ᠲᠡᠳᠡᠭᠡᠷ | ᠣᠨ ᠵᠢᠯ ᠤᠳ ᠲᠤ ᠡᠵᠢ ᠮᠢᠨᠢ ᠳᠠᠩᠳᠠ ᠪᠠᠨ ᠨᠢᠳᠦ ᠴᠢᠷᠮᠠᠭᠢᠯᠭᠦᠢ ᠰᠥᠨᠢ ᠶᠢ ᠨᠢᠭᠡ ᠨᠢᠭᠡ ᠪᠠᠷ ᠦᠳᠡᠵᠦ ᠪᠠᠶᠢᠭᠰᠠᠨ | ᠭᠡᠳᠡᠭ᠃ ᠡᠬᠡ ᠬᠥᠮᠥᠨ ᠤ ᠬᠠᠶᠢᠷᠠ ᠶᠢᠨ ᠭᠦᠨ ᠪᠠ ᠰᠠᠨᠠᠯ ᠤᠨ ᠬᠦᠨᠳᠦ ᠶᠢ ᠲᠤᠭᠤᠰᠢᠲᠠᠢ ᠤᠬᠠᠭᠠᠷᠠᠬᠤ ᠨᠠᠰᠣᠨ ᠳᠤ | ᠭᠦᠷᠦᠭᠡ ᠦᠭᠡᠢ ᠬᠤᠶᠢᠨᠠ ᠨᠢᠰᠴᠦ ᠴᠡᠷᠪᠡᠭᠡᠳ ᠣᠳᠣᠮᠠᠬᠴᠠ ᠪᠠᠨ ᠨᠢᠳᠦ ᠰᠡᠳᠬᠢᠯ ᠳᠤ ᠮᠢᠨᠢ ᠲᠡᠭᠷᠢ ᠶᠢᠨ ᠬᠢᠵᠠᠭᠠᠷ | ᠲᠡᠷᠲᠡᠭᠡ ᠬᠤᠯᠠ ᠶᠢᠨ ᠡᠲᠡᠭᠡᠳ ᠦᠵᠡᠮᠵᠢ ᠯᠡ ᠭᠠᠵᠠᠷ ᠠᠪᠴᠤ ᠪᠠᠶᠢᠵᠠᠢ᠃ ᠡᠵᠢ ᠮᠢᠨᠢ ᠲᠡᠷᠡᠦᠬᠡᠨ ᠳᠡᠭᠡᠨ ᠶᠠᠮᠠᠷᠬᠠᠨ | ᠶᠡᠭᠡ ᠰᠠᠨᠠᠭᠠᠰᠢᠷᠠᠯ ᠵᠣᠪᠠᠨᠢᠯ ᠤᠨ ᠳᠤᠮᠳᠠ ᠶᠠᠯᠠ ᠨᠢᠭᠦᠯ ᠰᠢᠭ ᠴᠠᠭ ᠮᠥᠴᠡ ᠶᠢ ᠮᠢᠨᠦ᠋ᠲ ᠰᠧᠺᠦ᠋ᠨ᠋ᠳ᠋ ᠢᠶᠠᠷ | ᠲᠣᠭᠤᠯᠵᠣ ᠪᠠᠶᠢᠭᠰᠠᠨ ᠪᠢᠯᠡ ᠳ᠋ᠠ᠃ ᠲᠡᠷᠡ ᠶᠡᠭᠡ ᠰᠡᠳᠬᠢᠯ ᠤᠨ ᠬᠠᠯᠠ ᠵᠣᠪᠠᠯ ᠢ ᠬᠤᠯᠠ ᠬᠤᠵᠢᠮ ᠨᠢ ᠥᠬᠢᠨ ᠢᠶᠠᠨ | ᠠᠩᠬᠠ ᠤᠳᠠᠭᠠ ᠳᠡᠭᠡᠳᠦ ᠳᠣᠮᠳᠠᠳᠣ ᠰᠤᠷᠭᠠᠭᠤᠯᠢ ᠳᠤ ᠶᠠᠪᠤᠭᠤᠯᠤᠭᠠᠳ ᠠᠷᠤ ᠭᠡᠷ ᠲᠡᠭᠡᠨ ᠰᠡᠳᠬᠢᠯ ᠭᠤᠩᠰᠦ᠋ᠢᠵᠤ | ᠬᠤᠴᠣᠷᠤᠭᠰᠠᠨ ᠲᠡᠳᠡᠭᠡᠷ ᠡᠳᠦᠷ ᠤᠳ ᠲᠤ ᠯᠠ ᠰᠠᠶ᠋ᠢ ᠪᠢᠳᠡ ᠬᠤᠶᠠᠭᠤᠯᠠ ᠠᠳᠠᠯᠢᠬᠠᠨ ᠠᠮᠰᠠᠵᠤ ᠰᠢᠨᠠᠯᠵᠤ᠂ ᠪᠠᠰᠠ | ᠠᠮᠲᠠᠯᠠᠵᠤ ᠵᠢᠷᠭᠠᠵᠤ ᠶᠠᠪᠤᠭᠰᠠᠨ ᠪᠠᠶᠢᠯᠠ᠃ ᠰᠤᠷᠤᠯᠭᠠ ᠬᠢᠴᠢᠶᠡᠯ ᠳᠤ ᠰᠢᠮᠳᠠᠵᠤ ᠶᠠᠪᠤᠭᠰᠠᠨ ᠬᠡᠦᠬᠡᠳ ᠵᠠᠯᠠᠭᠤ ᠲᠡᠷᠡ | ᠭᠢᠷᠢᠨᠡ ᠪᠠᠨ ᠡᠪᠦᠯ ᠵᠣᠨ ᠤ ᠠᠮᠠᠷᠠᠯᠲᠠ ᠪᠣᠯᠣᠮᠠᠭᠴᠠ ᠠᠷᠤ ᠭᠡᠷ ᠤᠷᠤᠭᠤ ᠪᠠᠨ ᠱᠤᠤᠭᠢᠵᠤ ᠨᠢᠰᠦᠭᠰᠡᠨ ᠪᠣᠯᠵᠣᠮᠣᠷ | ᠰᠢᠭ᠋ ᠬᠤᠷᠠᠵᠤ ᠢᠷᠡᠭᠡᠳ ᠬᠦᠯᠢᠶᠡᠵᠦ ᠴᠥᠬᠦᠭᠰᠡᠨ ᠡᠵᠢ ᠶᠢᠨ ᠢᠶᠠᠨ ᠰᠡᠳᠬᠢᠯ ᠢ ᠨᠢᠭᠡᠨ ᠤᠳᠠᠭᠠ ᠪᠠᠶᠠᠷᠯᠠᠭᠤᠯᠵᠤ | ᠠᠮᠤᠷᠵᠢᠭᠤᠯᠵᠤ ᠪᠠᠶᠢᠭᠰᠠᠨ ᠨᠢ ᠦᠨᠡᠨ᠃ ᠡᠬᠡ ᠦᠷᠡ ᠶᠢᠨ ᠬᠠᠶᠢᠷᠠ ᠭᠡᠭᠴᠢ ᠶᠡᠷᠦ ᠨᠢ ᠦᠯᠦ ᠦᠵᠡᠭᠳᠡᠬᠦ | ᠠᠮᠢᠳᠤ ᠶᠢᠨ ᠵᠠᠶᠠᠭᠠᠨ ᠤ ᠠᠯᠲᠠᠨ ᠤᠲᠠᠰᠤ ᠪᠠᠷ ᠬᠤᠯᠪᠣᠵᠤ ᠲᠠᠯᠪᠢᠭᠰᠠᠨ ᠠᠷᠢᠭᠤᠨ ᠳᠠᠷᠬᠠᠨ ᠤᠶᠠᠭᠠ ᠶᠤᠮ ᠦᠦ᠂ | ᠠᠰᠢᠳᠠ ᠶᠢᠨ ᠪᠠᠲᠤ ᠵᠠᠩᠭᠢᠶᠠ ᠶᠤᠮ ᠦᠦ᠃ ᠲᠡᠶᠢᠨ ᠬᠦ ᠮᠣᠩᠭᠤᠯ ᠬᠥᠮᠥᠨ ᠲᠦᠷᠦᠭᠰᠡᠨ ᠨᠤᠲᠤᠭ᠂ ᠲᠦᠷᠦ ᠭᠦᠷᠦᠨ | ᠬᠤᠶᠠᠷ ᠢᠶᠠᠨ ᠡᠬᠡ ᠬᠥᠮᠥᠨ ᠲᠠᠢ ᠵᠦᠢᠷᠯᠡᠵᠦ ︽ᠡᠬᠡ ᠨᠤᠲᠤᠭ︾ ︽ᠡᠬᠡ ᠤᠯᠤᠰ︾ ᠬᠡᠮᠡᠳᠡᠭ ᠨᠢ ᠲᠦᠮᠡᠨ ᠵᠦᠢ | ᠶᠤᠮ ᠠ᠋᠃ | ᠰᠠᠯᠵᠤ ᠤᠳᠠᠭᠰᠠᠨ ᠦᠷᠡ ᠶᠢᠨ ᠭᠠᠭᠴᠠ ᠥᠬᠢᠨ ᠢᠶᠠᠨ ᠲᠣᠰᠬᠤ ᠪᠠᠷ ᠶᠠᠪᠤᠭᠠ ᠮᠢᠨᠤ ᠵᠢᠷᠦᠬᠡ ᠨᠠᠮᠤᠷ ᠤᠨ | ᠪᠠᠶᠢᠭᠠᠯᠢ ᠰᠢᠭ᠋ ᠵᠢᠷᠭᠢᠵᠦ ᠨᠠᠮᠤᠷ ᠤᠨ ᠳᠡᠯᠡᠬᠡᠢ ᠰᠢᠭ ᠤᠶᠠᠩᠭᠠᠷᠠᠨᠠ᠃ | ᠬᠤᠷᠢᠭᠠᠳ ᠵᠢᠯ ᠤᠨ ᠡᠮᠦᠨᠡᠬᠢ ᠡᠬᠡ ᠣᠷᠣᠨ ᠤ ᠪᠠᠨ ᠲᠡᠷᠡ ᠨᠠᠮᠤᠷ᠂ ᠬᠤᠩᠭᠤᠷ ᠥᠬᠢᠨ ᠢᠶᠠᠨ ᠪᠢ | ᠬᠥᠲᠥᠯᠵᠦ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠡᠭᠦᠳᠡ ᠶᠢ ᠨᠢ ᠠᠯᠬᠤᠭᠤᠯᠵᠤ ᠪᠢᠯᠡ᠃ ᠪᠢᠴᠢᠭ ᠤᠨ ᠤᠯᠠᠭᠠᠨ ᠪᠣᠭᠴᠣ ᠪᠠᠨ | ᠮᠥᠷᠥᠯᠡᠭᠡᠳ ᠬᠢᠴᠢᠶᠡᠯ ᠤᠨ ᠭᠡᠷ ᠤᠷᠤᠭᠤ ᠪᠠᠨ ᠳᠡᠷᠪᠡᠵᠦ ᠳᠡᠭᠳᠡᠭᠡᠨᠡᠭᠡᠳ ᠣᠲᠣᠭᠰᠠᠨ ᠠᠯᠢᠶᠠ ᠨᠢᠯᠬᠠ ᠪᠠᠷᠠ ᠶᠢ ᠨᠢ | ᠬᠠᠷᠠᠭᠰᠠᠭᠠᠷ ᠵᠣᠬᠰᠣᠬᠤ ᠳᠤ ᠨᠠᠮᠤᠭᠤᠬᠠᠨ ᠲᠤᠨᠤᠷᠠᠭᠰᠠᠨ ᠨᠠᠮᠤᠷ ᠤᠨ ᠪᠠᠶᠢᠭᠠᠯᠢ ᠨᠠᠳᠠ ᠶᠠᠭᠤ ᠨᠢᠭᠡ ᠶᠠᠭᠤᠮᠠ ᠶᠢ | ᠰᠢᠪᠡᠨᠡᠬᠦ ᠰᠢᠭ ᠨᠢᠭᠤᠴᠠᠭᠠᠢ᠂ ᠰᠡᠪᠰᠡᠭᠡᠷ ᠴᠠᠭᠠᠨ ᠡᠭᠦᠯᠡᠰ ᠨᠢ ᠰᠡᠷᠢᠭᠦᠨ ᠬᠥᠬᠡ ᠲᠡᠭᠷᠢ ᠳᠡᠭᠡᠨ ᠲᠠᠷᠬᠠᠵᠤ᠂ ᠰᠡᠯᠡᠭᠦᠨ | ᠠᠭᠤᠵᠢᠮ ᠪᠢᠴᠢᠬᠠᠨ ᠪᠠᠯᠭᠠᠰᠤᠨ ᠤ ᠰᠡᠷᠭᠦᠯᠡᠩ ᠥᠷᠯᠥᠭᠡ ᠶᠢᠨ ᠠᠮᠢᠰᠬᠤᠯ ᠳᠤ ᠶᠠᠭᠤᠮᠠ ᠪᠦᠭᠦᠨ ᠠᠨᠢᠷ ᠦᠭᠡᠢ | ᠤᠮᠪᠠᠨ ᠵᠢᠷᠭᠠᠬᠤ ᠮᠡᠲᠦ ᠠ᠋ ᠁ ᠲᠡᠭᠡᠭᠦ ᠳᠤ ᠥᠬᠢᠨ ᠮᠢᠨᠢ ᠨᠠᠳᠠ ᠤᠷᠤᠭᠤ ᠡᠷᠭᠢᠵᠦ ᠨᠢᠭᠡ ᠬᠠᠷᠠᠭᠠᠳ | ᠢᠨᠢᠶᠡᠭᠰᠡᠨ ᠢᠶᠠᠨ ᠣᠯᠠᠨ ᠬᠡᠦᠬᠡᠳ ᠤᠨ ᠰᠦᠷᠦᠭ ᠲᠤ ᠨᠡᠶᠢᠯᠡᠵᠦ ᠬᠢᠴᠢᠶᠡᠯ ᠤᠨ ᠭᠡᠷ ᠲᠡᠭᠡᠨ ᠣᠷᠣᠵᠤ ᠶᠠᠪᠤᠯᠠ᠃ | ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠪᠢᠴᠢᠭ ᠰᠣᠶᠣᠯ᠂ ᠪᠢᠯᠢᠭ ᠡᠷᠳᠡᠮ᠂ ᠬᠥᠮᠦᠵᠢᠯ ᠪᠣᠯᠪᠠᠰᠤᠷᠠᠯ ᠤᠨ ᠠᠯᠲᠠᠨ ᠬᠠᠳᠠᠪᠴᠢ ᠶᠢ | ᠠᠩᠬᠠ ᠠᠯᠬᠤᠭᠰᠠᠨ ᠠᠯᠳᠠᠷᠠᠶᠢᠬᠠᠨ ᠥᠬᠢᠨ ᠤ ᠪᠠᠨ ᠠᠷᠤ ᠠᠴᠠ ᠨᠢ ᠬᠠᠷᠠᠭᠰᠠᠭᠠᠷ ᠵᠣᠭᠰᠣᠭᠰᠠᠨ ᠢᠶᠠᠨ ᠪᠢ ᠠᠯᠪᠠᠨ | ᠭᠡᠷ ᠤᠷᠤᠭᠤ ᠪᠠᠨ ᠠᠭᠠᠵᠢᠮ ᠪᠤᠴᠠᠯᠠ᠃ ᠡᠳᠦᠭᠡ ᠵᠠᠯᠠᠭᠤᠬᠠᠨ ᠲᠡᠷᠡ ᠨᠠᠮᠤᠷ ᠬᠤᠯᠠ ᠶᠠᠪᠤᠵᠠᠢ᠃ ᠭᠡᠶᠡ᠂ ᠡᠷᠪᠡᠰ | ᠳᠠᠷᠪᠠᠰ ᠭᠦᠶᠦᠵᠦ ᠡᠯᠳᠡᠪ ᠳᠦᠷᠰᠦᠭᠦᠢ ᠲᠣᠭᠯᠠᠵᠤ ᠪᠠᠶᠢᠭᠰᠠᠨ ᠠᠯᠢᠶᠠ ᠮᠠᠭᠤ ᠵᠢᠭᠠᠯ ᠦᠷᠡ ᠮᠢᠨᠢ ᠡᠷᠳᠡᠮ | ᠰᠣᠶᠣᠯ ᠤᠨ ᠡᠷᠳᠡᠨᠢᠲᠦ ᠡᠭᠦᠳᠡ ᠪᠠᠷ ᠣᠷᠣᠵᠤ ᠶᠠᠪᠤᠭᠠᠳ ᠨᠢᠭᠡ ᠮᠡᠳᠡᠬᠦ ᠳᠤ ᠠᠯᠤᠰ ᠳᠠᠯᠠᠢ ᠶᠢᠨ ᠴᠠᠭᠠᠨᠠ ᠠᠴᠠ | ᠢᠷᠡᠵᠦ ᠶᠠᠪᠤᠨᠠ ᠭᠡᠵᠦ ᠪᠤᠳᠣᠬᠤ ᠠᠴᠠ ᠣᠨ ᠵᠢᠯ ᠳᠡᠩᠳᠡᠭᠦᠦ ᠲᠦᠷᠭᠡᠨ ᠤᠷᠤᠰᠤᠭᠰᠠᠨ ᠰᠢᠭ᠋ ᠠᠲᠠᠯᠠ ᠪᠠᠨ ᠪᠠᠰᠠ | ᠮᠠᠰᠢ ᠣᠷᠲᠣ ᠤᠳᠠᠭᠠᠨ ᠥᠩᠭᠡᠷᠡᠭᠰᠡᠨ ᠭᠡᠮᠡᠷ ᠰᠠᠨᠠᠭᠳᠠᠨᠠ᠃ | ᠲᠡᠷᠭᠡᠨ ᠤ ᠴᠣᠩᠬᠤ ᠪᠠᠷ ᠬᠠᠷᠠᠭᠰᠠᠭᠠᠷ ᠶᠠᠪᠤᠬᠤ ᠳᠤ ᠦᠵᠦᠮᠦᠴᠢᠨ ᠤ ᠮᠢᠨᠢ ᠥᠷᠭᠡᠨ ᠲᠠᠯᠠ ᠨᠢ ᠲᠠᠩᠰᠤᠭ | ᠨᠠᠮᠤᠷ ᠤᠨ ᠲᠣᠰᠣᠨ ᠵᠢᠷᠤᠭ ᠤᠨ ᠣᠷᠲᠣ ᠡᠪᠬᠡᠮᠡᠯ ᠢᠶᠠᠨ ᠳᠡᠯᠭᠡᠵᠦ ᠶᠠᠭᠠᠷᠠᠨᠠ᠃ ᠡᠬᠡ ᠨᠤᠲᠤᠭ ᠴᠢᠨᠢ᠂ ᠡᠬᠡ | ᠣᠷᠣᠨ ᠴᠢᠨᠢ ᠡᠩᠬᠡ ᠲᠤᠩᠬᠠ᠂ ᠡᠯᠪᠡᠭ ᠪᠠᠶᠠᠨ ᠨᠠᠮᠤᠷ ᠢᠶᠠᠨ ᠤᠭᠲᠤᠵᠤ ᠪᠠᠶᠢᠨᠠ᠃ ᠡᠶᠡᠪᠡᠷᠭᠦᠦ ᠡᠨᠡᠬᠡᠨ ᠴᠠᠭ | ᠮᠥᠴᠡ ᠳᠤ ᠡᠭᠦᠷᠢᠳᠡ ᠶᠢᠨ ᠲᠦᠰᠢᠭ ᠡᠵᠢ ᠠᠪᠤ ᠴᠢᠨᠢ ᠡᠯᠢᠭᠡᠨ ᠤ ᠡᠮᠲᠡᠷᠬᠡᠢ ᠴᠢᠮᠠ ᠪᠠᠨ ᠲᠣᠰᠬᠤ ᠭᠡᠵᠦ | ᠨᠠᠰᠤᠳᠠ ᠪᠠᠨ ᠵᠢᠷᠭᠠᠵᠤ ᠬᠠᠨᠤᠮᠠ ᠦᠭᠡᠢ ᠨᠠᠮᠤᠷ ᠤᠨ ᠰᠠᠶᠢᠬᠠᠨ ᠵᠢᠷᠤᠭ ᠤᠨ ᠳᠣᠲᠣᠷᠠ ᠶᠠᠭᠠᠷᠠᠵᠤ ᠳᠣᠭᠳᠣᠯᠵᠤ | ᠶᠠᠪᠤᠨᠠ᠃ | ᠠᠶᠠ᠂ ᠡᠨᠡ ᠨᠠᠮᠤᠷ᠂ ᠡᠬᠡ ᠣᠷᠣᠨ ᠤ ᠮᠢᠨᠢ ᠨᠠᠮᠤᠷ ᠠ᠋᠂ ᠦᠵᠡᠰᠬᠦᠯᠡᠩᠲᠦ ᠨᠠᠮᠤᠷ ᠤᠨ ᠳᠣᠲᠣᠷᠠᠬᠢ ᠠᠮᠢᠳᠤ | ᠵᠢᠷᠤᠭ ᠨᠢ ᠪᠣᠯᠵᠤ ᠬᠦᠷᠴᠦ ᠢᠷᠡᠬᠦ ᠡᠩᠬᠦᠷᠡᠢ ᠮᠢᠨᠤ ᠥᠬᠢᠨ᠂ ᠢᠷᠦᠭᠡᠯ ᠵᠠᠶᠠᠭᠠᠨ ᠤ ᠮᠢᠨᠢ ᠬᠠᠶᠢᠷᠠ ᠶᠢᠨ ᠨᠠᠮᠤᠷ ᠠ᠋᠃ | | ᠡᠬᠡ ᠣᠷᠣᠨ ᠤ ᠮᠢᠨᠢ ᠨᠠᠮᠤᠷ᠂ ᠡᠩᠬᠡ ᠠᠮᠤᠭᠤᠯᠠᠩ ᠨᠠᠮᠤᠷ ᠠ᠋᠂ ᠠᠨᠢᠷ ᠴᠢᠮᠡᠭᠡ ᠦᠭᠡᠢ ᠦᠷᠭᠦᠯᠵᠢᠯᠡᠭᠰᠡᠨ | ᠠᠭᠤᠳᠠᠮ ᠳᠥᠯᠭᠡᠨ ᠦᠵᠦᠮᠦᠴᠢᠨ ᠤ ᠶᠡᠭᠡ ᠲᠠᠯᠠ ᠰᠢᠭ᠋ ᠠᠮᠢᠳᠤᠷᠠᠯ ᠤᠨ ᠰᠠᠶᠢᠬᠠᠨ ᠢ᠂ ᠠᠮᠢ ᠨᠠᠰᠣᠨ ᠤ | ᠪᠣᠷᠣᠭᠵᠢᠭᠤᠨ ᠢ᠂ ᠦᠢᠯᠡᠰ ᠬᠥᠭᠡᠭᠡᠴᠡᠯᠳᠦᠯ ᠤᠨ ᠡᠷᠬᠢᠮ ᠢ ᠁ ᠠᠯᠢᠪᠠ ᠠᠷᠢᠭᠤᠨ ᠳᠡᠭᠡᠳᠦ ᠢᠲᠡᠭᠡᠯ ᠪᠢᠰᠢᠷᠡᠯ᠂ | ᠬᠠᠶᠢᠷᠠ ᠬᠦᠰᠡᠯᠡᠩ᠂ ᠤᠳᠬᠠ ᠴᠢᠨᠠᠷ ᠪᠦᠭᠦᠨ ᠢ ᠠᠭᠤᠯᠤᠭᠰᠠᠨ ᠠᠯᠳᠠᠩᠬᠠᠨ ᠨᠠᠮᠤᠷ ᠪᠠᠶᠢᠨᠠᠮ᠃ |