| ᠱᠠᠭᠠᠨ ᠰᠤᠶᠤᠯ | ᠱᠠᠭᠠ ᠲᠤᠭᠯᠠᠭᠠᠮ ᠤᠨ ᠡᠬᠦᠰᠦᠯ ᠤᠨ ᠲᠤᠬᠠᠢ ᠮᠠᠨ ᠤ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠮᠠᠯ ᠤᠨ ᠱᠠᠭᠠ ᠪᠠ | ᠬᠡᠬᠡᠷᠡ ᠶᠢᠨ ᠵᠡᠷᠯᠢᠭ ᠠᠷᠢᠶᠠᠳᠠᠨ — ᠵᠡᠬᠡᠷᠡ ᠬᠦᠷᠦᠬᠡᠰᠦ᠂ ᠪᠤᠭᠤ ᠰᠤᠭᠤ᠂ ᠠᠷᠭᠠᠯᠢ ᠤᠭᠠᠯᠵᠠ᠂ ᠴᠢᠨ᠋ᠸᠠ᠂ | ᠢᠷᠪᠢᠰ ᠤᠨ ᠱᠠᠭᠠ ᠶᠢ ᠠᠪᠴᠦ ᠴᠤᠭᠯᠠᠭᠤᠯᠤᠨ ᠬᠠᠳᠠᠭᠠᠯᠠᠵᠦ᠂ ᠵᠠᠰᠠᠵᠦ ᠶᠠᠩᠵᠤᠯᠠᠨ ᠤᠯᠠᠨ ᠲᠦᠷᠦᠯ ᠤᠨ | ᠨᠠᠭᠠᠳᠤᠮ ᠲᠤᠭᠯᠠᠭᠠᠮ — ᠱᠠᠭᠠ ᠨᠠᠭᠠᠳᠤᠮ ᠨᠢ ᠡᠷᠳᠡᠨ ᠤ ᠠᠪᠠ ᠠᠩᠨᠠᠯ᠂ ᠮᠠᠯ ᠮᠠᠯᠵᠢᠯ ᠤᠨ ᠰᠤᠶᠤᠯ ᠤᠨ | ᠪᠦᠷᠢᠯᠳᠦᠬᠦᠨ ᠬᠡᠰᠡᠭ ᠪᠤᠯᠬᠤ ᠪᠦᠬᠡᠳ ᠴᠢᠬᠤᠯᠠ ᠨᠢᠬᠡ ᠠᠭᠤᠯᠭᠠ ᠪᠤᠯᠬᠤ ᠶᠢ ᠬᠡᠨ ᠴᠤ ᠪᠦᠷ ᠵᠦᠪᠰᠢᠶᠡᠷᠡᠵᠦ | ᠪᠠᠶᠢᠨᠠ᠃ ᠬᠡᠭᠦ ᠳᠤ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠢᠵᠠᠭᠤᠷ ᠲᠤᠭᠯᠠᠭᠠᠮ — ᠱᠠᠭᠠ ᠨᠠᠭᠠᠳᠤᠮ ᠤᠨ ᠡᠬᠢ | ᠡᠬᠦᠰᠦᠯ ᠤᠨ ᠲᠤᠬᠠᠢ ᠲᠤᠳᠤᠷᠬᠠᠢ ᠡᠰᠢ ᠪᠠᠷᠢᠮᠳᠠ ᠪᠠᠷ ᠨᠤᠳᠠᠯᠠᠭᠰᠠᠨ ᠮᠠᠲ᠋ᠧᠷᠢᠶᠠᠯ ᠤᠳᠤᠬᠠᠨ ᠳᠤ ᠬᠦᠷᠳᠡᠯᠡ | ᠬᠤᠪᠤᠷᠬᠠᠨ ᠬᠠᠷᠠᠭᠳᠠᠨᠠ᠃ | ᠮᠤᠩᠭᠤᠯ ᠬᠦᠮᠦᠨ ᠤ ᠢᠵᠠᠭᠤᠷ ᠲᠤᠭᠯᠠᠭᠠᠮ — ᠱᠠᠭᠠ ᠨᠠᠭᠠᠳᠤᠮ ᠨᠢ ᠡᠷᠳᠡᠨ ᠤ ᠮᠤᠩᠭᠤᠯ ᠡᠪᠦᠭᠡ | ᠲᠡᠭᠡᠳᠦᠰ ᠤᠨ ᠠᠪᠠ ᠠᠩᠨᠠᠯ᠂ ᠮᠠᠯ ᠮᠠᠯᠵᠢᠯ ᠠᠴᠠ ᠡᠬᠢ ᠡᠬᠦᠰᠦᠯ ᠲᠠᠢ ᠪᠦᠬᠡᠳ ᠠᠩᠨᠠᠯ ᠮᠠᠯᠵᠢᠯ ᠤᠨ | ᠠᠮᠢᠳᠤᠷᠠᠯ ᠢᠶᠠᠷ ᠵᠠᠭᠪᠤᠷ ᠪᠤᠯᠭᠠᠵᠦ ᠡᠬᠦᠰᠴᠦ ᠬᠦᠭᠵᠢᠭᠰᠡᠨ ᠤᠶᠤᠨ ᠤ ᠲᠤᠭᠯᠠᠭᠠᠮ ᠪᠤᠯᠬᠤ ᠨᠢ ᠮᠠᠷᠭᠤᠰᠢ ᠦᠬᠡᠢ | ᠬᠡᠳᠡᠭ ᠢ ᠤᠭᠰᠠᠭᠠᠳᠠᠨ ᠤ ᠵᠦᠢ ᠰᠤᠳᠤᠯᠤᠭᠴᠢᠳ ᠵᠦᠢ ᠶᠤᠰᠤ ᠪᠠᠷ ᠮᠡᠳᠡᠷᠡᠵᠦ ᠪᠠᠶᠢᠨᠠ᠃ ᠨᠠᠭᠠᠳᠤᠮ ᠲᠤᠭᠯᠠᠭᠠᠮ | ᠨᠢ ᠬᠦᠮᠦᠰ ᠤᠨ ᠬᠦᠳᠡᠯᠮᠦᠷᠢ ᠶᠢᠨ ᠪᠦᠳᠦᠬᠡᠯ ᠮᠦᠨ᠂ ᠨᠢᠬᠡ ᠬᠡᠯᠪᠡᠷᠢ ᠶᠢᠨ ᠨᠠᠭᠠᠳᠤᠮ ᠲᠤᠭᠯᠠᠭᠠᠮ ᠨᠢ ᠶᠠᠮᠠᠷ ᠨᠢᠬᠡᠨ | ᠴᠢᠩᠭᠠ ᠨᠢᠮᠪᠠᠢ ᠠᠵᠢᠯ ᠢᠶᠠᠷ ᠬᠡᠪ ᠵᠠᠭᠪᠤᠷ ᠪᠤᠯᠭᠠᠬᠤ ᠪᠤᠢ ᠪᠤᠯᠬᠤ ᠬᠡᠵᠦ ᠦᠬᠡᠢ ᠶᠤᠮ᠃ ᠴᠠᠭ ᠤᠨ ᠲᠠᠯᠠ ᠪᠠᠷ | ᠠᠪᠴᠦ ᠬᠡᠯᠡᠪᠡᠯ᠂ ᠠᠵᠢᠯ ︵ᠡᠯᠡ ᠵᠦᠢᠯ ᠤᠨ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠠᠵᠢᠯ ᠬᠦᠳᠡᠯᠮᠦᠷᠢ︶ ᠨᠢ ᠨᠠᠭᠠᠳᠤᠮ | ᠲᠤᠭᠯᠠᠭᠠᠮ ᠪᠤᠢ ᠪᠤᠯᠬᠤ ᠠᠴᠠ ᠡᠮᠦᠨᠡ ᠪᠠᠶᠢᠭᠰᠠᠨ ᠨᠢ ᠶᠠᠷᠢᠶᠠᠨ ᠦᠬᠡᠢ᠂ ᠤᠴᠢᠷ ᠨᠢ ᠠᠮᠢᠳᠤᠷᠠᠯ ᠤᠨ ᠦᠨᠳᠦᠰᠦᠨ | ᠬᠡᠷᠡᠭᠴᠡᠭᠡ ᠠᠴᠠ ᠪᠤᠯᠵᠦ ᠬᠦᠮᠦᠰ ᠵᠠᠪᠠᠯ ᠬᠦᠳᠡᠯᠮᠦᠷᠢᠯᠡᠬᠦ ᠬᠡᠷᠡᠭᠳᠡᠢ᠃ ᠡᠶᠢᠮᠦ ᠬᠦᠳᠡᠯᠮᠦᠷᠢ ᠶᠢᠨ ᠲᠤᠮᠳᠠ ᠬᠦᠮᠦᠰ | ᠠᠭᠠᠵᠢᠮ ᠢᠶᠠᠷ ᠦᠪᠡᠷ ᠤᠨ ᠬᠦᠴᠦ ᠴᠢᠳᠠᠯ᠂ ᠤᠶᠤᠨ ᠤᠬᠠᠭᠠᠨ ᠢᠶᠠᠨ ᠬᠡᠷᠡᠭᠯᠡᠬᠦ ᠠᠴᠠ ᠡᠬᠦᠰᠦᠭᠰᠡᠨ ᠬᠠᠪᠤ | ᠴᠡᠩᠭᠡᠯ ᠢᠶᠠᠨ ᠲᠠᠬᠢᠨ ᠨᠢᠬᠡ ᠤᠳᠠᠭᠠ ᠲᠤᠷᠰᠢᠵᠦ ᠦᠵᠡᠬᠦ ᠰᠡᠳᠬᠢᠯ ᠤᠨ ᠬᠦᠳᠦᠯᠦᠯ ᠠᠴᠠ ᠪᠤᠢ ᠪᠤᠯᠤᠭᠰᠠᠨ | ᠤᠶᠤᠨ ᠤ ᠲᠤᠭᠯᠠᠭᠠᠮ ᠪᠤᠯᠬᠤ ᠨᠢ ᠢᠯᠡᠷᠬᠡᠢ᠃ | |