| ᠨᠤᠮ ᠤᠩᠰᠢᠬᠤ ᠪᠤᠯ ᠵᠤᠬᠢᠶᠠᠨ ᠪᠢᠴᠢᠯᠭᠡ ᠶᠢᠨ ᠲᠤᠲᠠᠭᠳᠠᠰᠢ ᠪᠤᠯᠤᠰᠢ ᠦᠭᠡᠢ ᠨᠦᠬᠦᠴᠡᠯ ᠶᠤᠮ᠃ ᠨᠤᠮ ᠢ | ᠵᠦᠪᠬᠡᠨ ᠤᠩᠰᠢᠬᠤ ᠶᠢᠨ ᠲᠦᠯᠦᠭᠡ ᠤᠩᠰᠢᠬᠤ ᠪᠤᠰᠤ᠂ ᠤᠢ ᠤᠶᠤᠨ ᠢᠶᠠᠨ ᠰᠡᠭᠡᠭᠡᠷᠡᠭᠦᠯᠬᠦ ᠪᠠᠷ ᠤᠯᠤᠯᠲᠠ ᠲᠠᠢ | ᠤᠩᠰᠢᠨᠠ᠃ ᠶᠠᠮᠠᠷ ᠨᠢᠭᠡᠨ ᠨᠤᠮ ᠢ ᠤᠩᠰᠢᠪᠠᠯ ᠡᠷᠬᠡᠪᠰᠢ ᠶᠠᠭᠤ ᠨᠢᠭᠡ ᠶᠢ ᠤᠯᠬᠤ ᠬᠡᠷᠡᠭᠲᠡᠢ᠃ ᠶᠠᠭᠤ ᠴᠦ ᠤᠯᠬᠤ | ᠦᠭᠡᠢ ᠤᠩᠰᠢᠯᠭᠠ ᠪᠤᠯ ᠴᠠᠭ ᠮᠦᠴᠡ ᠪᠠᠨ ᠰᠦᠢᠳᠬᠡᠵᠦ ᠠᠮᠢ ᠨᠠᠰᠤ ᠪᠠᠨ ᠲᠠᠯᠠᠭᠠᠷ ᠵᠠᠷᠤᠴᠠᠭᠤᠯᠤᠭᠰᠠᠨ ᠱᠠᠯ ᠳᠡᠮᠡᠢ | ᠤᠩᠰᠢᠯᠭᠠ ᠶᠣᠮ᠃ | ᠨᠤᠮ ᠤᠩᠰᠢᠬᠤ ᠳᠤ ᠬᠠᠷᠠᠯᠲᠠ ᠲᠠᠢ᠂ ᠲᠦᠯᠦᠪᠯᠡᠭᠡ ᠲᠠᠢ ᠤᠩᠰᠢᠳᠠᠭ᠃ ᠦᠪᠡᠷ ᠤᠨ ᠬᠡᠷᠡᠭᠴᠡᠭᠡ ᠲᠠᠢ | ᠵᠦᠢᠯ ᠢᠶᠠᠨ ᠡᠷᠢᠨ ᠤᠩᠰᠢᠨᠠ᠃ ᠶᠠᠮᠠᠷ ᠨᠢᠭᠡᠨ ᠨᠤᠮ ᠢ ᠰᠣᠩᠭᠤᠨ ᠤᠩᠰᠢᠬᠤ ᠳᠤ ᠪᠠᠨ ︽ᠪᠢ ᠶᠠᠭᠤ ᠶᠢ ᠮᠡᠳᠡᠵᠦ᠂ | ᠶᠠᠭᠤ ᠶᠢ ᠡᠷᠢᠬᠦ ᠪᠤᠢ︾ ᠭᠡᠬᠦ ᠬᠠᠷᠠᠯᠲᠠ ᠲᠠᠢ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠵᠢᠱᠢᠶᠡᠯᠡᠬᠦ ᠳᠤ ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ | ᠲᠤᠪᠴᠢᠶᠠᠨ︾ ᠢ ᠤᠩᠰᠢᠬᠤ ᠳᠤ ᠶᠠᠭᠤ ᠶᠢ ᠮᠡᠳᠡᠬᠦ᠂ ᠶᠠᠭᠤᠨ ᠳᠤ ᠰᠤᠨᠢᠷᠬᠠᠯ ᠲᠦᠷᠦᠭᠳᠡᠭᠰᠡᠨ ᠳᠤ ᠪᠠᠨ ᠬᠠᠷᠢᠭᠤᠯᠲᠠ | ᠤᠯᠬᠤ ᠬᠡᠷᠡᠭᠲᠡᠢ᠃ ᠶᠠᠮᠠᠷ ᠨᠢᠭᠡᠨ ᠨᠤᠮ ᠢ ᠤᠩᠰᠢᠬᠤ ᠳᠤ ᠠᠮᠢᠳᠤᠯᠢᠭ ᠪᠤᠳᠠᠲᠠᠢ᠂ ᠦᠷᠡ ᠪᠦᠲᠦᠮᠵᠢ ᠶᠢ | ᠡᠷᠬᠢᠮᠯᠡᠨᠡ᠃ ᠳᠠᠷᠤᠢ ᠦᠪᠡᠷ ᠤᠨ ᠲᠤᠰᠠᠲᠠᠢ ᠮᠡᠳᠡᠯᠭᠡ ᠪᠠᠨ ᠤᠯᠬᠤ ᠪᠤᠯᠤᠨᠠ᠃ ᠨᠤᠮ ᠤᠩᠰᠢᠬᠤ ᠳᠤ ᠪᠠᠨ ᠤᠯᠵᠤ | ᠮᠡᠳᠡᠭᠰᠡᠨ᠂ ᠪᠠᠭ᠋ᠠᠷᠬᠠᠵᠤ ᠲᠠᠭᠠᠰᠢᠶᠠᠭᠰᠠᠨ ᠦᠭᠡ ᠪᠠᠳᠠᠭ᠂ ᠦᠯᠢᠭᠡᠷ ᠢ ᠲᠤᠪᠴᠢᠯᠠᠨ ᠲᠡᠮᠳᠡᠭᠯᠡᠪᠡᠯ ᠤᠯᠠᠮ ᠰᠠᠶᠢᠨ | ᠤᠯᠤᠯᠲᠠ ᠲᠠᠢ ᠪᠠᠶᠢᠳᠠᠭ᠃ ᠦᠭᠡᠰ ᠤᠨ ᠰᠠᠩ ᠪᠠᠶᠠᠯᠢᠭ᠂ ᠨᠠᠶᠢᠷᠠᠭᠤᠯᠭᠠ ᠰᠠᠶᠢᠨ᠂ ᠦᠭᠡ ᠨᠢ ᠬᠤᠷᠴᠠ ᠢᠳᠡᠯᠢᠭ᠂ | ᠠᠭᠤᠯᠭᠠ ᠨᠢ ᠪᠤᠯᠪᠠᠰᠤᠨ ᠨᠤᠮ ᠢ ᠰᠤᠩᠭᠤᠨ ᠤᠩᠰᠢᠨᠠ᠃ ︽ᠨᠠᠴᠤᠭᠳᠤᠷᠵᠢ︾ ᠭᠡᠬᠦ ᠨᠤᠮ ᠢ ᠤᠩᠰᠢᠬᠤ ᠳᠤ | ᠬᠡᠯᠡ ᠶᠢ ᠬᠤᠷᠴᠠᠯᠠᠨ ᠪᠤᠳᠤᠯ ᠢ ᠠᠭᠤᠵᠢᠷᠠᠭᠤᠯᠳᠠᠭ ᠤᠯᠠᠨ ᠰᠠᠶᠢᠬᠠᠨ ᠢᠷᠠᠭᠤ ᠤᠶᠠᠩᠭᠠ ᠲᠠᠢ ᠦᠭᠡᠰ ᠢ | ᠰᠤᠨᠢᠷᠬᠠᠳᠠᠭ᠃ ᠠᠵᠢᠯ ᠳᠤ ᠪᠠᠨ ᠬᠢᠨᠠᠯᠲᠠ ᠬᠠᠪᠰᠤᠷᠤᠮᠵᠢ ᠪᠤᠯᠭᠠᠵᠤ᠂ ᠴᠠᠭ ᠢᠶᠠᠨ ᠠᠷᠪᠢᠯᠠᠨ᠂ ᠬᠡᠷᠡᠭᠴᠡᠭᠡ ᠪᠠᠨ | ᠬᠠᠩᠭᠠᠨᠠ᠃ ᠲᠡᠳᠡᠭᠡᠷ ᠨᠤᠮ ᠢ ᠪᠠᠭ᠋ᠠᠷᠬᠠᠨ ᠤᠩᠰᠢᠵᠤ᠂ ᠰᠡᠳᠬᠢᠯ ᠰᠠᠨᠠᠭᠠ ᠪᠠᠨ ᠲᠡᠵᠢᠭᠡᠨ ᠪᠢᠯᠢᠭ ᠤᠨ ᠰᠢᠮᠡ | ᠬᠦᠷᠲᠡᠳᠡᠭ᠃ ᠰᠠᠶᠢᠨ ᠨᠤᠮ ᠢ ᠤᠩᠰᠢᠬᠤ ᠨᠢ᠄ ᠰᠡᠳᠬᠢᠯ ᠤᠨ ᠰᠢᠮᠡ ᠲᠡᠵᠢᠭᠡᠯ ᠬᠠᠩᠭᠠᠵᠤ᠂ ᠤᠢ ᠤᠶᠤᠨ ᠢ | ᠰᠡᠭᠡᠭᠡᠷᠡᠭᠦᠯᠦᠨᠡ᠃ ᠨᠤᠮ ᠤᠩᠰᠢᠪᠠᠯ ᠬᠦᠮᠦᠨ ᠤ ᠰᠡᠳᠬᠢᠯ ᠰᠠᠨᠠᠭᠠ ᠪᠠᠶᠠᠰᠤᠩᠭᠤᠢ᠂ ᠠᠮᠢᠳᠤᠷᠠᠯ ᠤᠨ ᠤᠴᠢᠷ | ᠶᠤᠰᠤ ᠶᠢ ᠭᠦᠨ ᠤᠶᠢᠯᠠᠭᠠᠳᠠᠭ᠃ ᠠᠵᠢᠯ ᠦᠢᠯᠡᠰ ᠲᠤ ᠳᠡᠮ ᠪᠤᠯᠵᠤ᠂ ᠴᠤᠭ ᠰᠦᠯᠳᠡ ᠶᠢ ᠨᠡᠮᠡᠭᠳᠡᠭᠦᠯᠦᠨᠡ᠃ ᠨᠤᠮ | ᠣᠩᠰᠢᠬᠤ ᠨᠢ ᠶᠠᠮᠠᠷ ᠨᠢᠭᠡᠨ ᠠᠵᠢᠯ ᠬᠢᠬᠦ ᠳᠤ ᠵᠦᠪ ᠲᠠᠯᠠ ᠶᠢᠨ ᠵᠢᠯᠤᠭᠤᠳᠤᠮᠵᠢ ᠪᠤᠯᠵᠤ᠂ ᠢᠲᠡᠭᠡᠯ ᠵᠤᠷᠢᠭ ᠲᠠᠢ | ᠪᠤᠯᠳᠠᠭ᠃ ᠬᠦᠮᠦᠨ ᠢ ᠵᠦᠪ ᠰᠠᠶᠢᠬᠠᠨ ᠶᠢᠷᠲᠢᠨᠴᠦ ᠲᠡᠶᠢᠰᠢ ᠵᠢᠯᠤᠭᠤᠳᠤᠨᠠ᠃ ᠰᠠᠶᠢᠬᠠᠨ ᠨᠤᠮ ᠢ ᠤᠩᠰᠢᠪᠠᠯ ᠦᠵᠡᠯ | ᠪᠤᠳᠤᠯ ᠵᠦᠪ ᠪᠤᠯᠵᠤ᠂ ᠦᠪᠡᠷ ᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠬᠦᠭᠡᠭᠡᠴᠡᠯᠳᠦᠯ ᠳᠤ ᠪᠠᠨ ᠮᠡᠷᠡᠶᠢᠨᠡ᠃ ᠬᠦᠮᠦᠨ ᠴᠢᠨᠠᠷ ᠢ | ᠳᠠᠪᠲᠠᠨ ᠪᠤᠯᠪᠠᠰᠤᠷᠠᠭᠤᠯᠤᠨᠠ᠃ ᠰᠠᠶᠢᠨ ᠨᠤᠮ ᠤᠩᠰᠢᠪᠠᠯ ᠦᠪᠡᠷ ᠤᠨ ᠰᠠᠨᠠᠭᠠ ᠰᠡᠳᠬᠢᠯ ᠢᠶᠠᠨ ᠵᠠᠰᠠᠵᠤ᠂ ᠵᠦᠪ | ᠵᠠᠮ ᠢ ᠡᠷᠬᠢᠮᠯᠡᠵᠦ᠂ ᠣᠤᠭᠠᠯ ᠰᠠᠶᠢᠬᠠᠨ ᠵᠠᠩᠰᠢᠯ ᠢᠶᠠᠨ ᠪᠠᠷᠢᠮᠲᠠᠯᠠᠵᠤ ᠴᠢᠳᠠᠨᠠ᠃ ᠵᠤᠬᠢᠶᠠᠨ ᠪᠢᠴᠢᠬᠦ ᠤᠷᠮᠠᠰ ᠢ | ᠬᠦᠭᠵᠢᠭᠡᠨᠡ᠃ ᠰᠠᠶᠢᠨ ᠨᠤᠮ ᠢ ᠤᠩᠰᠢᠪᠠᠯ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠤᠷᠮᠠ ᠪᠠᠬᠠ ᠲᠦᠷᠦᠭᠳᠡᠨ᠂ ᠦᠪᠡᠷ ᠢᠶᠠᠨ | ᠵᠤᠬᠢᠶᠠᠨ ᠪᠢᠴᠢᠶᠡ ᠬᠡᠬᠦ ᠰᠠᠨᠠᠭᠠ ᠪᠤᠳᠤᠯ ᠤᠷᠭᠤᠳᠠᠭ᠃ ᠵᠤᠬᠢᠶᠠᠨ ᠪᠢᠴᠢᠬᠦ ᠪᠢᠷ ᠢ ᠬᠤᠷᠴᠠᠯᠠᠨᠠ᠃ ᠰᠠᠶᠢᠨ ᠨᠤᠮ ᠢ | ᠤᠩᠰᠢᠪᠠᠯ ᠦᠭᠡ ᠪᠠᠶᠠᠯᠢᠭᠵᠢᠨ᠂ ᠬᠡᠯᠡ ᠤᠷᠠᠯᠢᠭ ᠪᠤᠯᠵᠤ᠂ ᠣᠤᠭᠠᠯ ᠶᠤᠰᠤ ᠵᠠᠩᠰᠢᠯ ᠢᠶᠠᠨ ᠰᠡᠭᠡᠭᠡᠷᠡᠵᠦ ᠵᠤᠬᠢᠶᠠᠨ | ᠪᠢᠴᠢᠬᠦ ᠳᠤ ᠬᠦᠴᠦ ᠲᠠᠮᠢᠷ ᠲᠠᠢ ᠪᠤᠯᠳᠠᠭ᠃ ᠰᠡᠳᠬᠢᠨ ᠪᠤᠳᠤᠬᠤ ᠴᠢᠳᠠᠪᠤᠷᠢ ᠶᠢ ᠨᠡᠮᠡᠭᠳᠡᠭᠦᠯᠦᠨᠡ᠃ ᠰᠠᠶᠢᠨ ᠨᠤᠮ ᠢ | ᠤᠩᠰᠢᠪᠠᠯ ᠬᠡᠯᠡ ᠬᠡᠯᠡᠯᠭᠡ ᠰᠠᠶᠢᠵᠢᠷᠠᠨ ᠰᠡᠳᠬᠢᠮᠵᠢᠯᠡᠨ ᠪᠤᠳᠤᠬᠤ ᠬᠡᠪᠴᠢᠶᠡ ᠦᠷᠭᠡᠳᠴᠦ᠂ ᠪᠤᠰᠤᠳ ᠤᠨ | ᠲᠤᠰᠬᠠᠯ ᠠᠴᠠ ᠦᠪᠡᠷ ᠤᠨ ᠢᠶᠠᠨ ᠬᠠᠷᠠᠯᠲᠠ ᠪᠠᠨ ᠤᠯᠳᠠᠭ᠃ ᠨᠤᠮ ᠪᠢᠴᠢᠭ ᠪᠤᠯ ᠤᠯᠳᠠᠰᠢ ᠦᠭᠡᠢ ᠶᠡᠭᠡ | ᠰᠤᠷᠭᠠᠭᠤᠯᠢ ᠶᠤᠮ᠃ ᠨᠤᠮ ᠣᠩᠰᠢᠪᠠᠯ ᠤᠯᠠᠨ ᠵᠦᠢᠯ ᠤᠨ ᠮᠡᠳᠡᠯᠭᠡ ᠰᠤᠷᠴᠤ᠂ ᠪᠤᠰᠤᠳ ᠠᠴᠠ ᠤᠯᠵᠤ ᠮᠡᠳᠡᠬᠦ | ᠦᠭᠡᠢ ᠵᠦᠢᠯᠡᠰ ᠢᠶᠠᠨ ᠮᠡᠳᠡᠵᠦ ᠰᠡᠭᠡᠭᠡᠷᠡᠳᠡᠭ᠃ ᠨᠤᠮ ᠪᠢᠴᠢᠭ ᠪᠤᠯ ᠰᠠᠶᠢᠨ ᠪᠠᠭᠰᠢ ᠶᠤᠮ᠃ ᠨᠤᠮ ᠤᠨ ᠣᠳᠬᠠ | ᠠᠭᠤᠯᠭᠠ᠂ ᠵᠤᠬᠢᠶᠠᠮᠵᠢ ᠨᠠᠶᠢᠷᠠᠭᠤᠯᠭᠠ᠂ ᠬᠡᠯᠡ ᠶᠠᠷᠢᠶᠠ᠂ ᠵᠠᠩ ᠠᠷᠠᠨᠰᠢᠨ ᠵᠡᠷᠭᠡ ᠨᠢ ᠦᠪᠡᠷ ᠤᠨ ᠮᠡᠳᠡᠬᠦ ᠦᠭᠡᠢ | ᠵᠦᠢᠯ ᠢᠶᠠᠨ ᠨᠦᠬᠦᠪᠦᠷᠢᠯᠡᠬᠦ ᠦᠭᠡ ᠳᠠᠭᠤᠨ ᠦᠭᠡᠢ ᠰᠠᠶᠢᠨ ᠪᠠᠭᠰᠢ ᠶᠤᠮ᠃ ᠤᠶᠤᠨ ᠢ ᠰᠡᠭᠡᠭᠡᠷᠡᠭᠦᠯᠦᠨ ᠪᠢᠯᠢᠭ ᠢ | ᠨᠡᠬᠡᠭᠡᠭᠳᠡᠭᠦᠯᠬᠦ᠂ ᠤᠷᠮᠠ ᠶᠢ ᠬᠦᠭᠵᠢᠭᠡᠨ ᠵᠤᠷᠢᠭ ᠢ ᠡᠷᠴᠢᠯᠡᠬᠦ ᠰᠠᠶᠢᠨ ᠨᠤᠮ ᠢ ᠤᠯᠬᠤ ᠶᠢᠨ ᠬᠢᠷᠢ ᠪᠠᠷ ᠢᠯᠡᠭᠦᠦ | ᠤᠩᠰᠢᠵᠤ᠂ ᠰᠠᠶᠢᠨ ᠨᠤᠮ ᠢ ᠢᠯᠡᠭᠦᠦ ᠬᠢᠮᠠᠭᠠᠳᠠᠵᠤ ᠶᠠᠪᠤᠨᠠ᠃ ︽ᠮᠦᠩᠭᠦ ᠲᠠᠢ ᠪᠠᠶᠠᠨ ᠠᠴᠠ ᠨᠤᠮ ᠲᠠᠢ ᠪᠠᠶᠠᠨ︾ | ᠭᠡᠬᠦ ᠦᠭᠡ ᠲᠦᠮᠡᠨ ᠵᠦᠪ᠃ | ︽ᠨᠤᠮ ᠢ ᠬᠠᠳᠠᠭᠠᠯᠠᠬᠤ ᠠᠷᠠᠳ ᠲᠦᠮᠡᠨ ᠪᠤᠯ ᠠᠭᠤᠤ ᠶᠡᠭᠡ ᠠᠷᠠᠳ ᠲᠦᠮᠡᠨ︾ ᠭᠡᠬᠦ ᠠᠷᠠᠳ ᠤᠨ ᠵᠦᠢᠷ | ᠦᠭᠡ ᠶᠢ ᠴᠡᠭᠡᠵᠢᠯᠡᠵᠦ ᠶᠠᠪᠤᠶᠠ᠃ | |