| ᠬᠤᠨᠢᠨ ᠮᠢᠬᠠ ᠪᠤᠯ ᠮᠢᠬᠠᠨ ᠢᠳᠡᠭᠡᠨ ᠤ ᠭᠤᠤᠯ ᠢᠷᠡᠯᠳᠡ ᠮᠦᠨ᠃ ᠬᠤᠨᠢᠨ ᠮᠢᠬᠠᠨ ᠤ ᠠᠮᠳᠠ ᠰᠠᠶᠢᠨ᠂ | ᠭᠦᠮᠦᠨ ᠤ ᠪᠡᠶᠠ ᠮᠠᠬᠠᠪᠤᠳ ᠤᠨ ᠡᠷᠡᠭᠦᠯ ᠴᠢᠭᠢᠷᠠᠭ ᠲᠤ ᠭᠡᠮ ᠰᠠᠭᠤᠬᠤ ᠦᠭᠡᠢ ᠪᠤᠯᠬᠤᠷ ᠰᠢᠮᠠ ᠲᠡᠵᠢᠭᠡᠯ ᠢᠶᠠᠷ | ᠪᠦᠷᠢᠨ ᠲᠡᠭᠦᠯᠳᠡᠷ ᠰᠠᠶᠢᠨ ᠢᠳᠡᠭᠡᠨ ᠭᠡᠳᠡᠭ᠃ ᠬᠤᠨᠢᠨ ᠮᠢᠬᠠᠨ ᠳᠠᠬᠢ ᠤᠭᠤᠷᠠᠭ ᠤᠨ ᠠᠭᠤᠯᠤᠬᠳᠠᠴᠠ ᠶᠡᠭᠡ᠂ | ᠠᠮᠢᠨᠤ᠋ ᠦᠭᠡᠭᠦᠨ ᠭᠦᠴᠢᠯ ᠨᠢ ᠦᠮᠡᠨ ᠢ ᠡᠰᠡᠷᠭᠦᠴᠡᠨ ᠬᠤᠤᠷ ᠢ ᠲᠠᠶᠢᠯᠬᠤ ᠦᠢᠯᠡᠳᠦᠯ ᠲᠠᠢ ᠲᠤᠯᠠ ᠭᠦᠮᠦᠨ ᠤ | ᠴᠢᠰᠤᠨ ᠳᠠᠬᠢ ᠰᠦᠰᠦᠨ ᠤ ᠠᠯᠺᠤᠤᠯ ᠤᠨ ᠠᠭᠤᠯᠤᠬᠳᠠᠴᠠ ᠶᠢ ᠪᠠᠭᠤᠷᠠᠭᠤᠯᠵᠦ᠂ ᠠᠮᠢ ᠨᠠᠰᠦ ᠶᠢ ᠤᠷᠳᠤᠳᠬᠠᠬᠤ ︽ | ᠮᠢᠬᠠᠨ ᠲᠤᠳᠤᠷᠠᠭᠢ ᠤᠷᠬᠤᠳᠠᠢ︾ ᠭᠡᠮᠡᠭᠳᠡᠳᠡᠭ᠃ | ︽ᠡᠪᠡᠰᠦᠨ ᠡᠮ ᠤᠨ ᠲᠤᠪᠴᠢ︾ ᠳᠤ ᠲᠡᠮᠳᠡᠭᠯᠡᠭᠰᠡᠨ ᠢᠶᠠᠷ᠄ ᠲᠠᠮᠢᠷ ᠢ ᠨᠦᠭᠦᠵᠦ᠂ ᠲᠡᠩᠭᠡᠭᠡ ᠶᠢ | ᠴᠢᠩᠭᠠᠷᠠᠭᠤᠯᠬᠤ᠂ ᠬᠠᠯᠠᠭᠤᠨ ᠴᠢᠨᠠᠷ ᠤᠨ ᠢᠳᠡᠭᠡᠨ ᠭᠡᠵᠦ ᠪᠠᠶᠢᠨᠠ᠃ ᠰᠦᠨᠢᠳ ᠬᠤᠨᠢᠨ ᠮᠢᠬᠠ ᠪᠤᠯ ᠶᠤᠸᠠᠨ᠂ | ᠴᠢᠩ ᠤᠨ ᠦᠶᠠ ᠠᠴᠠ ᠡᠭᠢᠯᠡᠭᠡᠳ ᠤᠷᠳᠤᠨ ᠤ ᠮᠢᠬᠠᠨ ᠢᠳᠡᠭᠡᠨ ᠤ ᠲᠤᠰᠬᠠᠢ ᠬᠠᠨᠭ᠍ᠭᠠᠯᠳᠠ ᠶᠢᠨ ᠭᠡᠷᠡᠭᠴᠡᠭᠡ ᠳᠤ | ᠤᠷᠤᠬᠰᠠᠨ ᠤᠭᠢ ᠰᠢᠯᠢᠳᠡᠭ ᠮᠢᠬᠠᠨ ᠢᠳᠡᠭᠡᠨ ᠮᠦᠨ᠃ ᠬᠤᠨᠢᠨ ᠰᠡᠭᠦᠯ ᠤᠨ ᠦᠭᠡᠭᠦᠨ ᠳᠤ ᠭᠦᠮᠦᠨ ᠤ ᠪᠡᠶᠡ ᠶᠢᠨ | ᠴᠢᠰᠤᠨ ᠤ ᠲᠤᠳᠤᠷᠠᠭᠢ ᠦᠭᠡᠭᠦ ᠲᠤᠰᠤ ᠶᠢ ᠵᠠᠳᠠᠯᠳᠠᠭ ᠰᠢᠪᠳᠤᠷᠳᠦ ᠭᠦᠴᠢᠯ ᠠᠭᠤᠯᠳᠠᠭ᠃ ᠬᠤᠨᠢᠨ ᠰᠡᠭᠦᠯ ᠤᠨ | ᠦᠭᠡᠭᠦ ᠶᠢ ᠰᠢᠷᠭᠠᠭᠠᠳ ᠲᠤᠰᠤ ᠪᠠᠷ ᠨᠢ ᠭᠦᠮᠦᠨ ᠤ ᠠᠷᠠᠰᠤᠨ ᠤ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠳᠤ ᠤᠨᠴᠠ ᠰᠠᠶᠢᠨ | ᠦᠢᠯᠡᠳᠦᠯ ᠲᠠᠢ ᠪᠠᠶᠢᠳᠠᠭ᠃ ᠨᠠᠰᠦ ᠶᠠᠪᠤᠬᠰᠠᠨ ᠭᠦᠮᠦᠨ ᠤ ᠪᠡᠶᠠ ᠶᠢᠨ ᠰᠢᠮᠠ ᠲᠡᠵᠢᠭᠡᠯ ᠲᠤᠳᠠᠭᠰᠠᠨ ᠠᠴᠠ ᠪᠤᠯᠵᠦ | ᠭᠦᠯ ᠤᠨ ᠪᠤᠷᠪᠢ ᠬᠠᠭᠠᠷᠠᠬᠤ ᠳᠤ ᠬᠤᠨᠢᠨ ᠰᠡᠭᠦᠯ ᠤᠨ ᠦᠭᠡᠭᠦ ᠶᠢᠨ ᠲᠤᠰᠤ ᠶᠢ ᠲᠦᠷᠭᠢᠪᠡᠯ ᠠᠷᠠᠰᠦ ᠶᠠᠰᠤᠨ ᠳᠤ ᠨᠢ | ᠱᠠᠭᠠᠷᠳᠠᠭᠳᠠᠬᠤ ᠡᠨᠧᠷᠭᠢ ᠡᠷᠦᠳᠡᠰᠦ ᠨᠦᠭᠦᠪᠦᠷᠢᠯᠡᠭᠳᠡᠭᠡᠳ ᠰᠢᠷᠬᠠ ᠶᠢ ᠲᠦᠷᠭᠡᠨ ᠪᠦᠭᠡᠳ ᠲᠦᠢᠯᠪᠤᠷᠢᠳᠠᠢ ᠰᠠᠶᠢᠨ | ᠡᠳᠡᠭᠡᠭᠡᠵᠦ ᠵᠠᠰᠠᠳᠠᠭ ᠪᠠᠶᠢᠨᠠ᠃ ᠬᠤᠨᠢᠨ ᠮᠢᠬᠠ ᠦᠷᠭᠡᠨ ᠤᠯᠠᠨ ᠠᠷᠠᠳ ᠲᠦᠮᠡᠨ ᠤ ᠡᠳᠦᠷ ᠲᠤᠳᠤᠮ ᠤᠨ ᠮᠢᠬᠠᠨ | ᠢᠳᠡᠭᠡᠨ ᠤ ᠭᠡᠷᠡᠭᠴᠡᠭᠡ ᠶᠢ ᠬᠠᠨᠭ᠍ᠭᠠᠵᠦ ᠪᠠᠶᠢᠬᠤ ᠪᠦᠭᠡᠳ ᠮᠢᠬᠠᠨ ᠢᠳᠡᠭᠡᠨ ᠤ ᠠᠵᠦ ᠦᠢᠯᠡᠳᠪᠦᠷᠢ ᠶᠢᠨ ᠴᠢᠬᠤᠯᠠ | ᠲᠦᠭᠦᠭᠡᠢ ᠡᠳ᠋ ᠪᠤᠯᠵᠦ᠂ ᠤᠯᠤᠰ ᠤᠨ ᠭᠠᠳᠠᠭᠠᠳᠦ ᠲᠤᠳᠤᠭᠠᠳᠦ ᠶᠢᠨ ᠮᠢᠬᠠᠨ ᠢᠳᠡᠭᠡᠨ ᠤ ᠵᠠᠬᠠ ᠲᠡᠯᠭᠡᠭᠦᠷ ᠲᠤ | ᠦᠷᠭᠡᠨ ᠢᠶᠠᠷ ᠪᠤᠷᠤᠯᠠᠭᠤᠯᠤᠬᠳᠠᠵᠦ ᠪᠠᠶᠢᠨᠠ᠃ ᠠᠷᠠᠳ ᠤᠨ ᠠᠮᠢᠳᠦᠷᠠᠯ ᠤᠨ ᠬᠢᠷᠢ ᠲᠦᠪᠰᠢᠨ ᠤ ᠲᠡᠭᠡᠭᠰᠢᠯᠡᠭᠦ ᠶᠢ | ᠲᠠᠭᠠᠯᠳᠤᠨ᠂ ᠭᠡᠷᠡᠭᠯᠡᠭᠴᠢᠳ ᠤᠨ ᠠᠮᠦᠷ ᠲᠦᠪᠰᠢᠨ ᠪᠦᠭᠡᠳ ᠰᠢᠮᠠ ᠲᠡᠵᠢᠭᠡᠯ ᠰᠠᠶᠢᠳᠠᠢ ᠮᠢᠬᠠᠨ ᠢᠳᠡᠭᠡᠨ ᠤ | ᠱᠠᠭᠠᠷᠳᠠᠯᠭᠠ ᠨᠡᠮᠡᠭᠳᠡᠵᠦ᠂ ᠦᠪᠤᠷ ᠮᠤᠩᠭᠤᠯ ᠤᠨ ᠪᠡᠯᠴᠢᠭᠡᠷ ᠤᠨ ᠬᠠᠷᠢᠭᠤᠯᠭᠠ ᠪᠠᠷ ᠦᠷᠡᠵᠢᠵᠦ ᠪᠤᠶᠢᠵᠢᠬᠰᠠᠨ | ᠰᠦᠨᠢᠳ᠂ ᠦᠵᠦᠮᠦᠴᠢᠨ᠂ ᠪᠠᠷᠭᠤ᠂ ᠤᠷᠢᠶᠠᠩᠬᠠᠢ ᠵᠡᠷᠭᠡ ᠨᠤᠳᠤᠭ ᠤᠨ ᠡᠭᠦᠯᠳᠡᠷ ᠤᠨ ᠬᠤᠨᠢᠨ ᠮᠢᠬᠠ ᠪᠤᠯᠤᠨ | ᠤᠷᠳᠤᠰ᠂ ᠴᠠᠬᠠᠷ ᠤᠨ ᠮᠢᠬᠠ ᠨᠤᠤᠰᠤᠨ ᠤ ᠬᠤᠤᠰ ᠭᠡᠷᠡᠭᠴᠡᠭᠡᠳᠦ ᠬᠤᠨᠢᠨ ᠤ ᠵᠠᠬᠠ ᠲᠡᠯᠭᠡᠭᠦᠷ ᠤᠨ ᠬᠠᠨᠭ᠍ᠭᠠᠯᠳᠠ | ᠭᠡᠷᠡᠭᠯᠡᠭᠴᠢᠳ ᠲᠤ ᠤᠯᠠᠮ ᠢᠶᠠᠷ ᠲᠠᠭᠠᠰᠢᠶᠠᠬᠳᠠᠬᠤ ᠪᠤᠯᠪᠠ᠃ ᠪᠡᠯᠴᠢᠭᠡᠷ ᠤᠨ ᠮᠠᠯ ᠮᠠᠯᠯᠠᠭᠠᠨ ᠤ ᠪᠤᠬᠢᠷᠳᠦᠯ ᠦᠭᠡᠢ | ᠮᠢᠬᠠᠨ ᠢᠳᠡᠭᠡᠨ ᠨᠢ ᠲᠤᠮᠳᠠᠳᠦ ᠶᠢᠨ ᠭᠦᠮᠦᠨ ᠤ ᠢᠳᠡᠭᠡᠨ ᠤ ᠪᠦᠳᠦᠴᠡ ᠶᠢᠨ ᠭᠤᠤᠯ ᠵᠦᠢᠯ ᠪᠤᠯᠬᠤ ᠠᠶᠠᠨᠳᠠᠭᠠᠨ ᠤ | ᠱᠠᠭᠠᠷᠳᠠᠯᠭᠠ ᠭᠠᠷᠴᠦ᠂ ᠭᠦᠮᠦᠰ ᠨᠢᠭᠡᠨᠳᠡ ᠮᠢᠬᠠᠨ ᠢᠳᠡᠭᠡᠨ ᠤ ᠠᠮᠦᠷ ᠲᠦᠪᠰᠢᠨ ᠪᠠ ᠰᠢᠮᠠ ᠲᠡᠵᠢᠭᠡᠯ ᠢ ᠲᠡᠷᠢᠭᠦᠨ | ᠪᠠᠶᠢᠷᠢ ᠳᠤ ᠲᠠᠯᠪᠢᠬᠤ ᠪᠤᠯᠵᠠᠢ᠃ ᠬᠤᠨᠢᠨ ᠦᠭᠡᠭᠦ ᠪᠤᠯ ᠬᠢᠮᠢ ᠶᠢᠨ ᠠᠵᠦ ᠦᠢᠯᠡᠳᠪᠦᠷᠢ ᠶᠢᠨ ᠤᠬᠢᠶᠠᠯᠭᠠ ᠶᠢᠨ ᠡᠳ᠋ | ᠦᠢᠯᠡᠳᠪᠦᠷᠢᠯᠡᠭᠦ ᠳᠤ ᠭᠡᠷᠡᠭᠯᠡᠳᠡᠭ ᠴᠢᠬᠤᠯᠠ ᠲᠦᠭᠦᠭᠡᠢ ᠡᠳ᠋ ᠮᠦᠨ᠂ ᠬᠤᠨᠢᠨ ᠦᠭᠡᠭᠦ ᠤᠷᠤᠯᠴᠠᠭᠤᠯᠤᠬᠰᠠᠨ | ᠤᠬᠢᠶᠠᠯᠭᠠ ᠶᠢᠨ ᠡᠳ᠋ ᠨᠢ ᠭᠤᠯᠭᠤᠮᠠᠳᠠᠭᠠᠢ ᠵᠦᠭᠡᠯᠡᠨ ᠪᠦᠭᠡᠳ ᠦᠭᠡᠭᠦ ᠲᠤᠰᠤ᠂ ᠭᠭᠢᠷ ᠪᠤᠷᠳᠠᠭ ᠢ ᠠᠷᠢᠯᠭᠠᠬᠤ ᠪᠠᠷ | ᠰᠠᠶᠢᠨ ᠪᠠᠶᠢᠵᠦ᠂ ᠭᠦᠮᠦᠨ ᠤ ᠠᠷᠠᠰᠦ ᠮᠢᠬᠠᠨ ᠳᠤ ᠬᠤᠤᠷᠳᠠᠭᠤᠯᠤᠯ ᠪᠤᠯᠳᠠᠭ ᠦᠭᠡᠢ ᠶᠤᠮ᠃ ︵︽ᠲᠠᠪᠤᠨ ᠡᠷᠳᠡᠨᠢ︾ | ᠨᠤᠮ ᠴᠤᠪᠤᠷᠠᠯ ᠠᠴᠠ ᠰᠡᠶᠢᠷᠡᠭᠦᠯᠪᠡ︶ |