ᠲᠤᠭᠤᠭᠠᠨ ᠭᠡᠷ ᠪᠤᠯ ᠠᠮᠢᠳᠤᠷᠠᠯ ᠲᠤᠮᠳᠠᠬᠢ ᠬᠠᠮᠤᠭ ᠴᠢᠬᠤᠯᠠ ᠭᠠᠵᠠᠷ ᠤᠨ ᠨᠢᠭᠡ ᠶᠤᠮ᠂ ᠭᠡᠪᠡᠴᠤ ᠡᠯᠠ | ᠵᠦᠢᠯ ᠤᠨ ᠲᠤᠭᠤᠭᠠᠨ ᠭᠡᠷ ᠤᠨ ᠬᠡᠷᠡᠭᠰᠡᠯ ᠤᠨ ᠴᠢᠳᠡᠪᠬᠢ ᠦᠢᠯᠡᠳᠦᠯ ᠨᠢ ᠪᠦᠷ ᠠᠳᠠᠯᠢ ᠦᠭᠡᠢ᠂ ᠰᠢᠨᠵᠢᠯᠡᠬᠦ | ᠤᠬᠠᠭᠠᠨᠴᠢ ᠪᠠᠷ ᠬᠡᠷᠡᠭᠯᠡᠭᠦ ᠦᠭᠡᠢ ᠪᠤᠯ ᠡᠷᠡᠭᠦᠯ ᠮᠡᠨᠲᠦ ᠳᠤ ᠠᠰᠢᠭ ᠦᠭᠡᠢ ᠮᠦᠷᠲᠡᠭᠡᠨ ᠪᠡᠶᠡ ᠮᠠᠬᠠᠪᠤᠳ ᠢ | ᠬᠤᠤᠷᠳᠠᠭᠤᠯᠵᠦ ᠮᠡᠳᠡᠨᠠ᠃ | ᠨᠢᠭᠡ᠂ ᠬᠦᠡᠭᠭᠡᠨᠴᠠᠭᠠᠨ ᠲᠤᠭᠤᠭᠠᠨ ᠲᠤᠳᠤᠷᠠ ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠪᠤᠳᠠᠭᠠ ᠨᠤᠭᠤᠭᠠ ᠰᠠᠪᠠᠯᠠᠬᠤ ᠶᠢ | ᠴᠡᠭᠡᠷᠯᠡᠬᠦ ᠬᠡᠷᠡᠭᠲᠡᠢ | ᠬᠦᠡᠭᠭᠡᠨᠴᠠᠭᠠᠨ ᠤ ᠬᠢᠮᠢ ᠶᠢᠨ ᠰᠢᠨᠵᠢ ᠴᠢᠨᠠᠷ ᠨᠢ ᠲᠤᠩ ᠲᠤᠬᠳᠠᠪᠤᠷᠢ ᠦᠭᠡᠢ ᠪᠠᠶᠢᠳᠠᠭ᠂ ᠠᠭᠠᠷ ᠲᠤᠳᠤᠷᠠ | ᠠᠮᠠᠷᠬᠠᠨ ᠢᠰᠦᠯᠳᠤᠵᠦ᠂ ᠢᠰᠦᠯᠳᠦᠭᠰᠡᠨ ᠬᠦᠡᠭᠭᠡᠨᠴᠠᠭᠠᠨ ᠤ ᠨᠢᠮᠭᠡᠨ ᠲᠠᠪᠬᠤᠷᠭᠠ ᠶᠢ ᠪᠤᠢ ᠪᠤᠯᠭᠠᠳᠠᠭ᠃ | ᠢᠰᠦᠯᠳᠦᠭᠰᠡᠨ ᠬᠦᠡᠭᠭᠡᠨᠴᠠᠭᠠᠨ ᠤ ᠨᠢᠮᠭᠡᠨ ᠲᠠᠪᠬᠤᠷᠭᠠ ᠨᠢ ᠤᠰᠤᠨ ᠳᠤ ᠠᠮᠠᠷᠬᠠᠨ ᠠᠭᠤᠰᠳᠠᠭ ᠦᠭᠡᠢ᠂ ᠭᠦᠴᠢᠯᠯᠢᠭ | ᠪᠤᠶᠤ ᠱᠦᠯᠳᠦᠯᠢᠭ ᠰᠢᠩᠭᠡᠨ ᠪᠡᠶᠡᠲᠦ ᠲᠤᠳᠤᠷᠠ ᠠᠮᠠᠷᠬᠠᠨ ᠠᠭᠤᠰᠳᠠᠭ᠃ ᠲᠠᠪᠤᠰᠤ ᠪᠠᠰᠠ ᠢᠰᠦᠯᠳᠦᠭᠰᠡᠨ | ᠬᠦᠡᠭᠭᠡᠨᠴᠡᠭᠠᠨ ᠢ ᠡᠪᠳᠡᠳᠡᠭ᠃ ᠱᠦᠯᠦ ᠪᠤᠶᠤ ᠨᠤᠭᠤᠭᠠ ᠶᠢ ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠬᠦᠡᠭᠭᠡᠨᠴᠠᠭᠠᠨ ᠰᠠᠪᠠ | ᠲᠤᠳᠤᠷᠠ ᠰᠠᠪᠠᠯᠠᠪᠠᠯ᠂ ᠬᠦᠡᠭᠭᠡᠨᠴᠠᠭᠠᠨ ᠤ ᠴᠢᠨᠠᠷ ᠢ ᠨᠢ ᠡᠪᠳᠡᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠨᠤᠭᠤᠭᠠ ᠱᠦᠯᠦ ᠲᠤᠳᠤᠷᠠ | ᠴᠤ ᠨᠡᠯᠢᠶᠡᠳ ᠬᠡᠮᠵᠢᠶᠡᠨ ᠤ ᠬᠦᠡᠭᠭᠡᠨᠴᠠᠭᠠᠨ ᠮᠤᠯᠧᠺᠦ᠋ᠯ ᠠᠭᠤᠰᠤᠨ ᠤᠷᠤᠳᠠᠭ᠃ ᠡᠳᠡᠭᠡᠷ ᠬᠦᠡᠭᠭᠡᠨᠴᠠᠭᠠᠨ ᠤ | ᠮᠤᠯᠧᠭᠦ᠋ᠯ ᠨᠢ ᠨᠤᠭᠤᠭᠠ ᠱᠦᠯᠦ ᠲᠠᠢ ᠬᠢᠮᠢ ᠶᠢᠨ ᠬᠤᠪᠢᠷᠠᠯᠳᠠ ᠡᠭᠦᠰᠴᠤ᠂ ᠬᠦᠡᠭᠭᠡᠨᠴᠠᠭᠠᠨ ᠤ ᠨᠢᠭᠡᠳᠪᠦᠷᠢ ᠪᠤᠯᠳᠠᠭ᠃ | ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠪᠤᠶᠤ ᠶᠡᠭᠡ ᠬᠡᠮᠵᠢᠶᠡ ᠪᠠᠷ ᠬᠦᠡᠭᠭᠡᠨᠴᠠᠭᠠᠨ᠂ ᠬᠦᠡᠭᠭᠡᠨᠴᠠᠭᠠᠨ ᠤ ᠨᠢᠭᠡᠳᠪᠦᠷᠢ | ᠠᠭᠤᠯᠤᠬᠳᠠᠬᠰᠠᠨ ᠢᠳᠡᠭᠡᠨ ᠢᠳᠡᠪᠠᠯ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠲᠤᠳᠤᠷᠠᠬᠢ ᠺᠠᠯᠼ᠂ ᠹᠤᠰᠹᠤᠷ ᠤᠨ ᠬᠡᠪ ᠤᠨ | ᠬᠠᠷᠢᠴᠠᠯ ᠢ ᠡᠪᠳᠡᠵᠦ᠂ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠠᠷᠤᠭ ᠶᠠᠰᠤ᠂ ᠰᠢᠳᠦᠨ ᠤ ᠪᠤᠶᠢᠵᠢᠯᠳᠠ ᠪᠤᠯᠤᠨ ᠰᠢᠨᠠ | ᠬᠠᠭᠤᠴᠢᠨ ᠤ ᠰᠤᠯᠢᠯᠴᠠᠭᠠ ᠶᠢ ᠨᠦᠯᠦᠭᠡᠯᠡᠬᠦ ᠮᠦᠷᠲᠡᠭᠡᠨ ᠵᠠᠷᠢᠮ ᠰᠢᠩᠭᠡᠭᠡᠬᠦ ᠢᠰᠭᠡᠭᠦᠷ ᠤᠨ ᠢᠳᠡᠪᠬᠢ ᠴᠢᠨᠠᠷ ᠢ | ᠪᠠᠭᠤᠷᠠᠭᠤᠯᠵᠦ᠂ ᠬᠤᠳᠤᠭᠤᠳᠤᠨ ᠤ ᠰᠢᠩᠭᠡᠭᠡᠬᠦ ᠴᠢᠳᠠᠪᠤᠷᠢ ᠶᠢ ᠮᠠᠭᠤᠳᠠᠭᠤᠯᠳᠠᠭ᠃ ᠡᠶᠢᠮᠦ ᠠᠴᠠ᠂ ᠬᠦᠡᠭᠭᠡᠨᠴᠠᠭᠠᠨ | ᠲᠤᠭᠤᠭᠠᠨ ᠳᠤ ᠪᠤᠳᠠᠭᠠ ᠨᠤᠭᠤᠭᠠ ᠤᠳᠠᠭᠠᠨ ᠰᠠᠪᠠᠯᠠᠵᠦ ᠪᠤᠯᠬᠤ ᠦᠭᠡᠢ᠂ ᠬᠠᠮᠤᠭ ᠰᠠᠶᠢᠨ ᠨᠢ ᠬᠦᠡᠭᠭᠡᠨᠴᠠᠭᠠᠨ | ᠲᠤᠭᠤᠭᠠᠨ ᠲᠤᠳᠤᠷᠠ ᠨᠤᠭᠤᠭᠠ ᠬᠠᠭᠤᠷᠬᠤ ᠦᠭᠡᠢ ᠪᠤᠶᠤ ᠱᠦᠯᠦ ᠪᠤᠴᠠᠯᠭᠠᠬᠤ ᠦᠭᠡᠢ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ | ᠬᠤᠶᠠᠷ᠂ ᠲᠡᠮᠦᠷᠯᠢᠭ ᠲᠤᠭᠤᠭᠠᠨ ᠲᠤᠳᠤᠷᠠ ᠬᠦᠴᠢᠯᠯᠢᠭ ᠤᠮᠳᠠᠭᠠᠨ ᠰᠠᠪᠠᠯᠠᠬᠤ ᠶᠢ ᠴᠡᠭᠡᠷᠯᠡᠬᠦ ᠬᠡᠷᠡᠭᠲᠡᠢ | ᠬᠦᠴᠢᠯᠯᠢᠭ ᠤᠮᠳᠠᠭᠠᠨ ᠨᠢ ᠲᠡᠮᠦᠷᠯᠢᠭ ᠰᠠᠪᠠ ︵ᠲᠡᠮᠦᠷ᠂ ᠬᠦᠡᠭᠭᠡᠨᠴᠠᠭᠠᠨ᠂ ᠲᠤᠭᠤᠯᠭᠠ ᠵᠡᠷᠭᠡ︶ ᠲᠠᠢ | ᠬᠦᠷᠦᠯᠴᠠᠪᠠᠯ ᠬᠢᠮᠢ ᠶᠢᠨ ᠤᠷᠪᠠᠯ ᠡᠭᠦᠰᠴᠤ ᠲᠡᠮᠦᠷᠯᠢᠭ ᠪᠤᠳᠠᠰ ᠨᠢ ᠤᠮᠳᠠᠭᠠᠨ ᠲᠤᠳᠤᠷᠠ ᠠᠭᠤᠰᠬᠤ ᠪᠤᠯᠤᠨᠠ᠃ | ᠡᠶᠢᠮᠦ ᠤᠮᠳᠠᠭᠠᠨ ᠢ ᠤᠤᠭᠤᠪᠠᠯ ᠬᠢᠮᠢ ᠶᠢᠨ ᠴᠢᠨᠠᠷᠲᠠᠢ ᠢᠳᠡᠰᠢᠨ ᠬᠤᠤᠷᠳᠠᠯ ᠡᠭᠦᠰᠴᠤ᠂ ᠲᠤᠯᠤᠭᠠᠢ ᠡᠪᠡᠳᠬᠦ᠂ | ᠪᠦᠭᠡᠯᠵᠢᠰᠦ ᠬᠦᠷᠬᠦ᠂ ᠰᠠᠭᠤᠯᠭᠠᠬᠤ ᠵᠡᠷᠭᠡ ᠢᠯᠡᠷᠡᠯ ᠭᠠᠷᠳᠠᠭ᠃ ᠨᠢᠮᠪᠡᠭᠡ ᠶᠢᠨ ᠤᠰᠤ᠂ ᠵᠦᠷᠵᠢ ᠶᠢᠨ ᠤᠰᠤ᠂ | ᠬᠠᠷᠠ ᠬᠦᠢᠯᠡᠰᠦᠨ ᠰᠦᠮᠦᠰᠦ ᠵᠡᠷᠭᠡ ᠤᠮᠳᠠᠭᠠᠨ ᠨᠢ ᠬᠦᠴᠢᠯᠯᠢᠭ ᠴᠢᠨᠠᠷ ᠢᠶᠠᠷ ᠮᠠᠰᠢ ᠦᠨᠳᠦᠷ ᠲᠤᠯᠠ ᠲᠡᠮᠦᠷᠯᠢᠭ | ᠰᠠᠪᠠᠨ ᠳᠤ ᠰᠠᠪᠠᠯᠠᠬᠤ ᠶᠢ ᠴᠡᠭᠡᠷᠯᠡᠬᠦ ᠬᠡᠷᠡᠭᠲᠡᠢ᠃ | ᠭᠤᠷᠪᠠ᠂ ᠰᠦᠯᠢᠶᠤᠤ ᠬᠤᠭᠤᠯᠠᠨ ᠬᠡᠷᠡᠭᠰᠡᠯ ᠲᠤᠳᠤᠷᠠ ᠦᠭᠡᠭᠦ ᠲᠤᠰᠤ ᠶᠢᠨ ᠵᠦᠢᠯ ᠢ ᠰᠠᠪᠠᠯᠠᠬᠤ ᠶᠢ | ᠴᠡᠭᠡᠷᠯᠡᠬᠦ ᠬᠡᠷᠡᠭᠲᠡᠢ | ᠰᠦᠯᠢᠶᠤᠤ ᠬᠤᠭᠤᠯᠠᠨ ᠬᠡᠷᠡᠭᠰᠡᠯ ᠢ ᠬᠡᠷᠡᠭᠯᠡᠬᠦ ᠴᠡᠭᠡᠷ᠄ ᠰᠠᠪᠠᠯᠬᠰᠠᠨ ᠢᠳᠡᠭᠡᠨ ᠤ ᠵᠦᠢᠯ ᠢ ᠤᠳᠠᠭᠠᠨ | ᠲᠠᠯᠪᠢᠵᠦ ᠪᠤᠯᠬᠤ ᠦᠭᠡᠢ ᠪᠦᠭᠡᠳ᠂ ᠬᠡᠷᠡᠭᠯᠡᠵᠦ ᠪᠠᠷᠠᠬᠰᠠᠨ ᠤ ᠪᠠᠨ ᠲᠠᠷᠠᠭᠠ ᠵᠠᠪᠠᠯ ᠲᠠᠷᠤᠢ ᠲᠦᠷᠭᠡᠨ ᠤᠬᠢᠶᠠᠨ | ᠠᠷᠢᠭᠤᠳᠬᠠᠬᠤ ᠬᠡᠷᠡᠭᠲᠡᠢ᠃ ᠦᠭᠡᠭᠦ ᠲᠤᠰᠤ ᠶᠢᠨ ᠵᠦᠢᠯ ᠢ ᠰᠠᠪᠠᠯᠠᠬᠤ ᠦᠭᠡᠢ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠵᠦᠭᠡᠯᠡᠨ | ᠰᠦᠯᠢᠶᠤᠤ ᠬᠤᠭᠤᠯᠠᠨ ᠬᠡᠷᠡᠭᠰᠡᠯ ᠤᠨ ᠲᠤᠰᠤ ᠶᠢ ᠰᠡᠷᠭᠡᠶᠢᠯᠡᠬᠦ ᠴᠢᠳᠠᠪᠤᠷᠢ ᠠᠨᠠᠢ᠂ ᠠᠮᠠᠷᠬᠠᠨ ᠦᠭᠡᠭᠦ ᠲᠤᠰᠤᠨ ᠳᠤ | ᠪᠤᠬᠢᠷᠳᠤᠬᠳᠠᠬᠤ ᠪᠤᠯᠤᠨᠠ᠃ ᠰᠢᠨᠡ ᠰᠤᠷᠭᠤᠭ ᠵᠢᠭᠠᠰᠤ ᠶᠢ ᠰᠠᠪᠠᠯᠠᠬᠤ ᠦᠭᠡᠢ ᠪᠠᠶᠢᠬᠤ ᠬᠡᠷᠡᠭᠲᠡᠢ᠂ ᠵᠦᠭᠡᠯᠡᠨ | ᠰᠦᠯᠢᠶᠤᠤ ᠬᠤᠭᠤᠯᠠᠨ ᠬᠡᠷᠡᠭᠰᠡᠯ ᠤᠨ ᠦᠨᠦᠷ ᠢ ᠰᠢᠩᠭᠡᠭᠡᠭᠦ ᠴᠢᠳᠠᠪᠤᠷᠢ ᠨᠢ ᠴᠢᠩᠭᠠ ᠪᠤᠯᠬᠤᠷ ᠵᠢᠭᠠᠰᠤᠨ ᠤ ᠰᠢᠩᠭᠡᠭ | ᠦᠨᠦᠷ ᠨᠢ ᠠᠷᠢᠯᠬᠤ ᠲᠤᠷᠠ ᠦᠭᠡᠢ ᠪᠠᠶᠢᠳᠠᠭ᠃ ᠵᠦᠭᠡᠯᠡᠨ ᠰᠦᠯᠢᠶᠤᠤ ᠬᠤᠭᠤᠯᠠᠨ ᠬᠡᠷᠡᠭᠰᠡᠯ ᠦᠨᠳᠦᠷ ᠲᠤᠯᠠᠭᠠᠨ ᠢ | ᠲᠠᠭᠠᠭᠠᠵᠦ ᠲᠡᠶᠢᠯᠬᠦ ᠦᠭᠡᠢ ᠪᠤᠯᠬᠤᠷ ᠪᠤᠴᠠᠯᠤᠬᠰᠠᠨ ᠤᠰᠤ ᠰᠠᠪᠠᠯᠠᠬᠤ ᠪᠤᠶᠤ ᠪᠤᠴᠠᠯᠤᠬᠰᠠᠨ ᠤᠰᠤᠨ ᠳᠤ ᠲᠡᠪᠳᠤᠭᠡᠬᠦ | ᠦᠭᠡᠢ ᠪᠠᠶᠢᠬᠤ ᠶᠢ ᠠᠩᠬᠠᠷᠬᠤ ᠬᠡᠷᠡᠭᠲᠡᠢ᠃ | ᠲᠦᠷᠪᠠ᠂ ᠹᠠᠯᠠᠨ ᠬᠡᠷᠡᠭᠰᠡᠯ ᠳᠤ ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠵᠦᠢᠯ ᠢ ᠴᠢᠨᠠᠬᠤ ᠶᠢ ᠴᠡᠭᠡᠷᠯᠡᠭᠦ ᠬᠡᠷᠡᠭᠲᠡᠢ | ᠡᠯᠠ ᠵᠦᠢᠯ ᠤᠨ ᠹᠠᠯᠠᠨ ᠬᠡᠷᠡᠭᠰᠡᠯ ᠪᠤᠯ ᠪᠦᠷ ᠲᠡᠮᠦᠷᠯᠢᠭ ᠰᠠᠪᠠ ᠶᠢᠨ ᠭᠠᠳᠠᠷ ᠲᠡᠭᠡᠷᠡ ᠹᠠᠯᠠᠨ ᠢ ᠰᠢᠷᠳᠡᠵᠦ | ᠬᠢᠭᠰᠡᠨ ᠶᠤᠮ᠂ ᠹᠠᠯᠠᠨ ᠤ ᠲᠤᠳᠤᠷᠡ ᠬᠦᠮᠦᠨ ᠤ ᠪᠡᠶᠡ ᠳᠤ ᠬᠤᠤᠷᠲᠠᠢ ᠹᠠᠯᠠᠨ ᠲᠤᠭᠤᠯᠭᠠ ᠵᠡᠷᠭᠡ ᠲᠤᠭᠤᠯᠭᠠᠵᠢᠬᠰᠠᠨ | ᠪᠤᠳᠠᠰ ᠠᠭᠤᠯᠤᠬᠳᠠᠵᠦ ᠪᠠᠶᠢᠳᠠᠭ᠃ ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠬᠤᠤᠷᠳᠠᠯ ᠡᠭᠦᠰᠬᠦ ᠶᠢ ᠰᠡᠷᠭᠡᠶᠢᠯᠡᠬᠦ ᠶᠢᠨ ᠲᠦᠯᠦᠭᠡ᠂ | ᠬᠠᠮᠤᠭ ᠰᠠᠶᠢᠨ ᠨᠢ ᠹᠠᠯᠠᠨ ᠰᠠᠪᠠᠨ ᠳᠤ ᠶᠠᠭᠤᠮᠠ ᠴᠢᠨᠠᠬᠤ ᠦᠭᠡᠢ ᠪᠠᠶᠢᠬᠤ ᠪᠦᠭᠡᠳ ᠬᠦᠴᠢᠯᠯᠢᠭ ᠴᠢᠨᠠᠷᠲᠠᠢ | ᠢᠳᠡᠭᠡᠨ ᠢ ᠴᠤ ᠰᠠᠪᠠᠯᠠᠬᠤ ᠦᠭᠡᠢ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠤᠴᠢᠷ ᠨᠢ ᠹᠠᠯᠠᠨ ᠰᠠᠪᠠ ᠶᠢᠨ ᠦᠡᠭᠭᠡᠨ ᠲᠠᠯᠠ ᠳᠤ | ᠲᠦᠷᠬᠢᠭᠰᠡᠨ ᠰᠢᠷ ᠪᠤᠳᠤᠭ ᠤᠨ ᠤᠯᠠᠩᠭᠢ ᠨᠢ ᠡᠯᠠ ᠵᠦᠢᠯ ᠤᠨ ᠲᠡᠮᠦᠷᠯᠢᠭ ᠲᠠᠪᠤᠰᠤᠨ ᠤ ᠵᠦᠢᠯ ᠪᠠᠶᠢᠵᠦ᠂ | ᠵᠢᠱᠢᠶᠡᠯᠡᠪᠡᠯ ᠰᠢᠷᠠ᠂ ᠤᠯᠠᠭᠠᠨ ᠦᠡᠭᠭᠡᠲᠡᠢ ᠰᠢᠷ ᠪᠤᠳᠤᠭ ᠤᠨ ᠮᠠᠲ᠋ᠧᠷᠢᠶᠠᠯ ᠨᠢ ᠪᠦᠷ ᠺᠠᠳ᠋ᠮᠢ ᠪᠤᠯᠤᠨ ᠲᠤᠭᠤᠯᠭᠠ ᠶᠢᠨ | ᠨᠢᠭᠡᠳᠪᠦᠷᠢ ᠮᠦᠷᠲᠡᠭᠡᠨ ᠲᠡᠳᠡᠭᠡᠷ ᠨᠢ ᠬᠦᠮᠦᠨ ᠤ ᠪᠡᠶᠡ ᠳᠤ ᠬᠤᠤᠷᠳᠠᠢ ᠪᠠᠶᠢᠳᠠᠭ᠃ ᠪᠤᠳᠤᠬᠲᠠᠢ ᠹᠠᠯᠠᠨ ᠰᠠᠪᠠᠨ ᠳᠤ | ᠬᠦᠴᠢᠯᠯᠢᠭ ᠴᠢᠨᠠᠷᠲᠠᠢ ᠢᠳᠡᠭᠡᠨ ᠢ ᠰᠠᠪᠠᠯᠠᠵᠦ ᠲᠠᠯᠪᠢᠪᠠᠯ᠂ ᠺᠠᠳ᠋ᠮᠢ ᠪᠤᠯᠤᠨ ᠲᠤᠭᠤᠯᠭᠠ ᠵᠡᠷᠭᠡ ᠬᠤᠤᠷᠲᠠᠢ ᠪᠤᠳᠠᠰ ᠨᠢ | ᠢᠳᠡᠭᠡᠨ ᠤ ᠲᠤᠳᠤᠷᠠ ᠠᠭᠤᠰᠤᠨ ᠤᠷᠤᠵᠦ ᠬᠦᠮᠦᠨ ᠤ ᠪᠡᠶᠠ ᠳᠤ ᠤᠳᠠᠭᠠᠨ ᠴᠢᠨᠠᠷᠲᠠᠢ ᠬᠤᠤᠷᠳᠠᠯ ᠢ ᠡᠭᠦᠰᠭᠡᠳᠡᠭ᠃ | | ᠲᠠᠪᠤ᠂ ᠪᠤᠳᠤᠬᠲᠠᠢ ᠱᠠᠭᠠᠵᠠᠩ ᠰᠠᠪᠠᠨ ᠳᠤ ᠬᠦᠴᠢᠯᠯᠢᠭ ᠴᠢᠨᠠᠷᠲᠠᠢ ᠢᠳᠡᠭᠡᠨ ᠢ ᠰᠠᠪᠠᠯᠠᠬᠤ ᠶᠢ ᠴᠡᠭᠡᠷᠯᠡᠬᠦ | ᠬᠡᠷᠡᠭᠲᠡᠢ | ᠡᠯᠳᠡᠪ ᠦᠡᠭᠭᠡ ᠶᠢᠨ ᠱᠠᠭᠠᠵᠠᠩ ᠰᠠᠪᠠᠨ ᠳᠤ ᠢᠳᠡᠭᠡᠨ ᠤᠮᠳᠠᠭᠠᠨ ᠰᠠᠪᠠᠯᠠᠵᠦ ᠢᠳᠡᠭᠦ ᠳᠤ ᠦᠨᠡᠭᠡᠷ ᠰᠠᠶᠢᠬᠠᠨ | ᠪᠤᠯᠪᠠᠴᠤ ᠨᠢᠭᠤᠬᠳᠠᠵᠦ ᠪᠠᠶᠢᠭᠠ ᠲᠠᠯᠳᠠ ᠬᠤᠤᠷ ᠢ ᠨᠢ ᠮᠡᠳᠡᠬᠦ ᠬᠦᠮᠦᠨ ᠴᠦᠭᠡᠨ ᠪᠠᠶᠢᠳᠠᠭ᠃ ᠸᠠᠭᠠᠷ ᠰᠠᠪᠠ ᠪᠤᠶᠤ | ᠱᠠᠭᠠᠵᠠᠩ ᠰᠠᠪᠠ ᠲᠡᠭᠡᠷᠡᠬᠢ ᠦᠨᠳᠦᠷ ᠲᠤᠯᠠᠭᠠᠨ ᠢᠶᠠᠷ ᠬᠢᠭᠰᠡᠨ ᠪᠤᠶᠤ ᠲᠤᠤᠷᠠ ᠲᠤᠯᠠᠭᠠᠨ ᠢᠶᠠᠷ ᠬᠢᠭᠰᠡᠨ ᠦᠡᠭᠭᠡᠲᠦ | ᠹᠠᠯᠠᠨ ᠨᠢ ᠪᠦᠷ ᠬᠤᠤᠷᠲᠠᠢ ᠬᠦᠨᠲᠦ ᠲᠡᠮᠦᠷᠯᠢᠭ ᠪᠤᠶᠤ ᠪᠤᠰᠤᠳ ᠨᠢᠭᠡᠳᠪᠦᠷᠢ ᠪᠠᠷ ᠪᠦᠷᠢᠯᠳᠦᠭᠰᠡᠨ ᠪᠤᠳᠤᠬᠲᠦ ᠡᠳ᠋ | ᠪᠤᠯᠤᠨᠠ᠂ ᠦᠡᠭᠭᠡᠲᠦ ᠹᠠᠯᠠᠨ ᠤ ᠲᠤᠳᠤᠷᠠᠭᠢ ᠤᠯᠠᠭᠠᠨ ᠦᠡᠭᠭᠡ ᠶᠢᠨ ᠤᠯᠠᠩᠭᠢ ᠨᠢ ᠺᠠᠳ᠋ᠮᠢ ᠠᠭᠤᠯᠤᠬᠳᠠᠬᠰᠠᠨ | ᠨᠢᠭᠡᠳᠪᠦᠷᠢ ᠪᠤᠳᠠᠰ ᠪᠤᠯᠤᠨᠠ᠂ ᠰᠦᠨ ᠰᠢᠷᠠ ᠦᠡᠭᠭᠡ ᠶᠢᠨ ᠲᠤᠳᠤᠷᠠ ᠢᠰᠦᠯᠳᠦᠭᠰᠡᠨ ᠲᠤᠭᠤᠯᠭᠠ ᠠᠭᠤᠯᠤᠬᠳᠠᠵᠦ᠂ | ᠤᠭ᠍ᠶᠦ ᠨᠤᠭᠤᠭᠠᠨ ᠦᠡᠭᠭᠡ ᠶᠢᠨ ᠲᠤᠳᠤᠷᠠ ᠾᠷᠦᠮ ᠠᠭᠤᠯᠤᠬᠳᠠᠵᠦ ᠪᠠᠶᠢᠳᠠᠭ᠃ ᠡᠶᠢᠮᠦ ᠱᠠᠭᠠᠵᠠᠩ ᠹᠠᠯᠠᠨ | ᠬᠡᠷᠡᠭᠰᠡᠯ ᠲᠤᠳᠤᠷᠠ ᠵᠢᠮᠢᠰ ᠤᠨ ᠰᠢᠭᠦᠰᠦ᠂ ᠼᠤᠤ᠂ ᠠᠷᠢᠬᠢ ᠵᠡᠷᠭᠡ ᠰᠤᠯᠠ ᠬᠦᠴᠢᠯᠯᠢᠭ ᠴᠢᠨᠠᠷᠲᠠᠢ ᠢᠳᠡᠭᠡᠨ | ᠰᠠᠪᠠᠯᠠᠪᠠᠯ᠂ ᠪᠤᠳᠤᠬᠲᠠᠢ ᠱᠠᠭᠠᠵᠠᠩ ᠹᠠᠯᠠᠨ ᠲᠤᠳᠤᠷᠠᠬᠢ ᠬᠤᠤᠷᠲᠠᠢ ᠬᠦᠨᠲᠦ ᠲᠡᠮᠦᠷᠯᠢᠭ ᠨᠢ ᠠᠭᠤᠰᠴᠤ᠂ ᠢᠳᠡᠭᠡᠨ ᠢ | ᠲᠠᠭᠠᠵᠦ ᠬᠦᠮᠦᠨ ᠤ ᠪᠠᠶᠠ ᠳᠤ ᠤᠷᠤᠵᠦ ᠬᠤᠤᠷᠳᠠᠬᠳᠠᠭᠤᠯᠬᠤ ᠪᠤᠯᠤᠨᠠ᠂ ᠵᠠᠷᠢᠮ ᠨᠢ ᠤᠳᠠᠭᠠᠨ ᠴᠢᠨᠠᠷᠲᠠᠢ ᠬᠤᠤᠷᠳᠠᠯ | ᠡᠭᠦᠰᠭᠡᠵᠦ᠂ ᠺᠠᠳ᠋ᠮᠢ ᠳᠤ ᠬᠤᠤᠷᠳᠠᠬᠳᠠᠪᠠᠯ ᠠᠭᠤᠰᠬᠢ ᠪᠤᠯᠤᠨ ᠶᠠᠰᠤ ᠶᠢ ᠭᠡᠮᠳᠦᠭᠡᠨᠠ︔ ᠲᠤᠭᠤᠯᠭᠠ ᠳᠤ | ᠬᠤᠤᠷᠳᠠᠬᠳᠠᠪᠠᠯ ᠴᠢᠰᠤ ᠲᠤᠳᠠᠬᠤ ᠪᠤᠶᠤ ᠮᠡᠳᠡᠷᠡᠯ ᠮᠠᠭᠤᠳᠠᠬᠤ᠂ ᠴᠢᠮᠦᠭᠡ ᠶᠢᠨ ᠨᠡᠮᠡᠭᠳᠡᠯ ᠢ ᠬᠠᠷᠰᠢᠯᠠᠬᠤ ᠵᠡᠷᠭᠡ ᠭᠡᠮ | ᠤᠯᠬᠤ ᠪᠤᠯᠤᠨᠠ᠃ ᠡᠶᠢᠮᠦ ᠠᠴᠠ ᠪᠤᠳᠤᠬᠳᠠᠢ ᠸᠠᠭᠠᠷ᠂ ᠪᠤᠳᠤᠬᠲᠠᠢ ᠱᠠᠭᠠᠵᠠᠩ ᠵᠡᠷᠭᠡ ᠬᠤᠭᠤᠯᠠᠨ ᠬᠡᠷᠡᠭᠰᠡᠯ᠂ | ᠤᠨᠴᠠᠭᠠᠢᠢᠯᠠᠨ ᠰᠡᠪᠠ ᠶᠢᠨ ᠲᠤᠳᠤᠷᠠ ᠬᠠᠨᠠ ᠲᠡᠭᠡᠷᠡ ᠪᠤᠳᠤᠬᠲᠠᠢ ᠹᠠᠯᠠᠨ ᠵᠢᠷᠤᠭ ᠲᠦᠷᠰᠦ ᠲᠠᠢ ᠬᠤᠭᠤᠯᠠᠨ | ᠬᠡᠷᠡᠭᠰᠡᠯ ᠢ ᠬᠡᠷᠡᠭᠯᠡᠬᠦ ᠦᠭᠡᠢ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ | ᠵᠢᠷᠭᠤᠭᠠ᠂ ᠵᠢᠪᠡᠷᠡᠬᠦ ᠦᠭᠡᠢ ᠪᠤᠯᠤᠳ ᠲᠤᠭᠤᠭᠠ ᠪᠤᠶᠤ ᠲᠡᠮᠦᠷ ᠲᠤᠭᠤᠭᠠ ᠲᠤᠳᠤᠷᠠ ᠬᠢᠳᠠᠳ ᠡᠮ | ᠴᠢᠨᠠᠬᠤ ᠶᠢ ᠴᠡᠭᠡᠷᠯᠡᠬᠦ ᠬᠡᠷᠡᠭᠲᠡᠢ | ᠬᠢᠳᠠᠳ ᠡᠮ ᠤᠨ ᠲᠤᠳᠤᠷᠠ ᠶᠡᠭᠡ ᠤᠯᠠᠨ ᠠᠮᠢᠳᠤ ᠪᠤᠳᠠᠰ ᠤᠨ ᠱᠦᠯᠲᠦ ᠪᠤᠯᠤᠨ ᠡᠯᠡ ᠲᠦᠷᠦᠯ ᠤᠨ ᠠᠮᠢᠳᠤ | ᠪᠤᠳᠠᠰ ᠬᠢᠮᠢ ᠶᠢᠨ ᠪᠤᠳᠠᠰ ᠠᠭᠤᠯᠤᠬᠳᠠᠵᠦ ᠪᠠᠶᠢᠳᠠᠭ᠂ ᠤᠨᠴᠠᠭᠠᠢᠢᠯᠠᠨ ᠬᠠᠯᠠᠭᠠᠬᠤ ᠨᠦᠭᠦᠴᠡᠯ ᠲᠤᠤᠷᠠ᠂ ᠵᠢᠪᠡᠷᠡᠬᠦ | ᠦᠭᠡᠢ ᠪᠤᠯᠤᠳ ᠪᠤᠶᠤ ᠲᠠᠮᠤᠷ ᠲᠠᠢ ᠤᠯᠠᠨ ᠵᠦᠢᠯ ᠤᠨ ᠬᠢᠮᠢ ᠶᠢᠨ ᠤᠷᠪᠠᠯ ᠡᠭᠦᠰᠴᠤ᠂ ᠡᠮ ᠤᠨ ᠦᠢᠯᠡᠳᠦᠯ ᠢ ᠦᠭᠡᠢ | ᠪᠤᠯᠭᠠᠬᠤ ᠪᠦᠭᠡᠳ ᠨᠢᠭᠡ ᠬᠡᠮᠵᠢᠶᠡᠨ ᠤ ᠬᠤᠤᠷᠲᠦ ᠴᠢᠨᠠᠷ ᠡᠭᠦᠰᠭᠡᠭᠦ ᠪᠤᠯᠤᠨᠠ᠃ | ᠲᠤᠯᠤᠭᠠ᠂ ᠰᠤᠨᠢᠨ ᠦᠨᠦᠷᠲᠡᠢ ᠮᠤᠳᠤᠨ ᠮᠠᠲ᠋ᠧᠷᠢᠶᠠᠯ ᠢᠶᠠᠷ ᠨᠤᠭᠤᠭᠠ ᠭᠡᠷᠴᠢᠬᠦ ᠠᠮᠪᠠᠨ ᠬᠢᠬᠦ ᠶᠢ ᠴᠡᠭᠡᠷᠯᠡᠬᠦ | ᠬᠡᠷᠡᠭᠲᠡᠢ | ᠠᠷᠠᠳ ᠤᠨ ᠲᠤᠮᠳᠠ ᠠᠮᠪᠠᠨ ᠬᠢᠵᠦ ᠪᠠᠶᠢᠭᠠ ᠮᠤᠳᠤᠨ ᠮᠠᠲ᠋ᠧᠷᠢᠶᠠᠯ ᠤᠳ ᠢ ᠳᠤᠷᠠᠳᠪᠠᠯ ᠮᠦᠡᠭᠭᠦᠨ | ᠬᠦᠢᠯᠡᠰᠦᠨ ᠮᠤᠳᠤ᠂ ᠦᠭᠡᠷ ᠰᠤᠨᠳᠤᠤ ᠮᠤᠳᠤ᠂ ᠬᠤᠰᠤ ᠮᠤᠳᠤ ᠪᠤᠶᠤ ᠤᠳᠠ ᠮᠤᠳᠤ ᠵᠡᠷᠭᠡ ᠪᠠᠭᠳᠠᠨᠠ᠃ ᠭᠡᠳᠡᠯᠠ | ᠵᠠᠷᠢᠮ ᠪᠠᠭᠳᠠᠷ ᠴᠠᠢ ᠶᠢᠨ ᠮᠤᠳᠤ ᠵᠡᠷᠭᠡ ᠨᠢ ᠦᠮᠡᠭᠡᠢ ᠦᠨᠦᠷ ᠲᠠᠢ ᠪᠦᠭᠡᠳ ᠬᠤᠤᠷᠲᠦ ᠪᠤᠳᠠᠰ ᠠᠭᠤᠯᠤᠬᠳᠠᠵᠦ | ᠪᠠᠶᠢᠳᠠᠭ᠃ ᠪᠠᠭᠳᠠᠷ ᠴᠠᠢ ᠶᠢᠨ ᠮᠤᠳᠤ ᠪᠠᠷ ᠠᠮᠪᠠᠨ ᠬᠢᠪᠠᠯ ᠨᠤᠭᠤᠭᠠ ᠵᠠᠭᠤᠰᠢ ᠶᠢ ᠪᠤᠬᠢᠷᠳᠤᠭᠤᠯᠬᠤ ᠮᠦᠷᠲᠡᠭᠡᠨ᠂ | ᠠᠮᠠᠷᠬᠠᠨ ᠪᠦᠭᠡᠯᠵᠢᠰᠦ ᠭᠦᠷᠬᠦ᠂ ᠲᠤᠯᠤᠭᠠᠢ ᠲᠦᠨᠡᠷᠡᠭᠦ᠂ ᠭᠡᠳᠡᠰᠦ ᠡᠪᠡᠳᠬᠦ ᠵᠡᠷᠭᠡ ᠢᠯᠡᠷᠡᠯ ᠡᠭᠦᠰᠭᠡᠳᠡᠭ᠃ | ᠨᠠᠢᠮᠠ᠂ ᠰᠢᠷ ᠲᠦᠷᠬᠢᠭᠰᠡᠨ ᠪᠤᠶᠤ ᠴᠤᠭᠤᠯᠪᠦᠷᠢ ᠰᠡᠶᠢᠯᠦᠭᠰᠡᠨ ᠬᠤᠯᠤᠰᠤᠨ ᠰᠠᠪᠬᠠ ᠶᠢ ᠵᠠᠷᠤᠬᠤ ᠦᠭᠡᠢ | ᠪᠠᠶᠢᠬᠤ ᠬᠡᠷᠡᠭᠲᠡᠢ | ᠰᠠᠪᠬᠠ ᠶᠢᠨ ᠲᠡᠭᠡᠷᠡ ᠲᠦᠷᠬᠢᠭᠰᠡᠨ ᠰᠢᠷ ᠨᠢ ᠲᠤᠭᠤᠯᠭᠠ᠂ ᠪᠧᠨ᠋ᠽᠸᠠ ᠵᠡᠷᠭᠡ ᠬᠢᠮᠢ ᠶᠢᠨ ᠪᠤᠳᠠᠰ ᠨᠢ | ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠡᠷᠡᠭᠦᠯ ᠮᠡᠨᠲᠦ ᠳᠤ ᠠᠰᠢᠭ ᠦᠭᠡᠢ ᠪᠦᠭᠡᠳ᠂ ᠬᠠᠯᠠᠭᠤᠨ ᠲᠠᠢ ᠤᠴᠠᠷᠠᠬᠰᠠᠭᠠᠷ ᠰᠤᠨᠢᠨ | ᠦᠨᠦᠷ ᠭᠠᠷᠴᠤ ᠢᠳᠡᠭᠡᠨ ᠤ ᠲᠤᠷᠠᠰᠢᠯ ᠢ ᠮᠠᠭᠤᠳᠠᠭᠤᠯᠳᠠᠭ᠃ ᠴᠤᠭᠤᠯᠪᠦᠷᠢ ᠰᠡᠶᠢᠯᠦᠭᠰᠡᠨ ᠬᠤᠯᠤᠰᠤᠨ ᠰᠠᠪᠬᠠ ᠨᠢ | ᠦᠵᠡᠬᠦ ᠳᠤ ᠭᠤᠶᠤ ᠪᠤᠯᠪᠠᠴᠤ ᠠᠮᠠᠷᠬᠠᠨ ᠭᠭᠢᠷ ᠪᠤᠷᠳᠠᠭ ᠴᠤᠬᠯᠠᠷᠠᠵᠦ ᠤᠬᠢᠶᠠᠵᠦ ᠴᠡᠪᠡᠷᠯᠡᠬᠦ ᠳᠤ ᠲᠦᠭᠦᠮ ᠦᠭᠡᠢ᠂ | ᠪᠡᠺᠲ᠋ᠧᠷᠢ ᠶᠢ ᠦᠷᠡᠵᠢᠭᠦᠯᠵᠦ ᠡᠪᠡᠳᠴᠢᠨ ᠡᠭᠦᠰᠭᠡᠬᠦ ᠪᠤᠯᠤᠨᠠ᠃ | ᠶᠢᠰᠦ᠂ ᠡᠯᠡ ᠵᠦᠢᠯ ᠤᠨ ᠬᠡ ᠦᠡᠭᠭᠡ ᠲᠠᠢ ᠱᠠᠭᠠᠵᠠᠩ ᠰᠠᠪᠠᠨ ᠳᠤ ᠠᠮᠳᠠ ᠤᠷᠤᠭᠤᠯᠬᠤ ᠡᠳ᠋ ᠢ | ᠰᠠᠪᠠᠯᠠᠬᠤ ᠶᠢ ᠴᠡᠭᠡᠷᠯᠡᠬᠦ ᠬᠡᠷᠡᠭᠲᠡᠢ | ᠠᠮᠳᠠ ᠤᠷᠤᠭᠤᠯᠬᠤ ᠡᠳ᠋ ᠢ ᠬᠠᠮᠤᠭ ᠰᠠᠶᠢᠨ ᠨᠢ ᠰᠢᠯ ᠰᠠᠪᠠᠨ ᠳᠤ ᠰᠠᠪᠠᠯᠠᠬᠤ ᠬᠡᠷᠡᠭᠲᠡᠢ᠂ ᠬᠡ ᠦᠡᠭᠭᠡ ᠲᠠᠢ | ᠱᠠᠭᠠᠵᠠᠩ ᠰᠠᠪᠠ ᠨᠢ ᠲᠤᠭᠤᠯᠭᠠ ᠵᠡᠷᠭᠡ ᠤᠮᠠᠨ ᠡᠭᠦᠰᠭᠡᠬᠦ ᠪᠤᠳᠠᠰ ᠠᠭᠤᠯᠤᠬᠳᠠᠵᠦ ᠪᠠᠶᠢᠳᠠᠭ᠃ ᠬᠡ ᠦᠡᠭᠭᠡ ᠶᠢᠨ | ᠬᠠᠭᠤᠴᠢᠷᠠᠵᠦ ᠤᠨᠠᠬᠤ ᠶᠢ ᠲᠠᠭᠠᠯᠳᠤᠨ᠂ ᠵᠢᠷᠤᠭ ᠲᠦᠷᠰᠦ ᠶᠢᠨ ᠪᠤᠳᠤᠬᠲᠦ ᠡᠳ᠋ ᠲᠤᠳᠤᠷᠠᠬᠢ ᠷᠠᠳᠤᠨ ᠨᠢ | ᠢᠳᠡᠭᠡᠨ ᠢ ᠪᠤᠬᠢᠷᠳᠤᠭᠤᠯᠵᠦ᠂ ᠬᠦᠮᠦᠨ ᠤ ᠪᠡᠶᠠ ᠶᠢ ᠬᠤᠤᠷᠳᠠᠭᠤᠯᠬᠤ ᠪᠤᠯᠤᠨᠠ᠃ |