| ᠪᠦᠭᠡᠨᠡᠷ ᠠᠶᠢᠮᠠᠭ ᠤᠨ ᠳᠠᠬᠢᠯᠭᠠᠳᠤ — ᠬᠠᠰᠢᠶᠡᠳᠦ ᠶᠢᠨ ᠪᠠᠶᠠᠨ ᠤᠪᠤᠭᠠ | | | ᠪᠦᠭᠡᠨᠡᠷ ᠤᠪᠤᠭᠠ ᠪᠤᠯ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠪᠡᠶᠡᠨᠬᠦᠭᠡᠪᠦᠷ ᠰᠤᠮᠤᠨ ᠤ ᠲᠦᠪ ᠠᠴᠠ | ᠤᠷᠤᠭᠰᠢ ᠪᠦᠬᠦᠢ ᠠᠭᠤᠯᠠᠰ ᠤᠨ 1171 ᠦᠨᠳᠦᠷᠯᠢᠭ ᠤᠨ ᠤᠷᠤᠢ ᠳᠤ ᠪᠠᠶᠢᠵᠦ᠂ ᠭᠠᠵᠠᠷ ᠤᠨ ᠪᠠᠶᠢᠷᠢᠰᠢᠯ ᠨᠢ | ᠤᠮᠠᠷᠠᠳᠤ ᠦᠷᠭᠡᠷᠢᠭ ᠤᠨ 45*56'29,8"᠂ ᠵᠡᠭᠦᠨ ᠤᠷᠳᠤᠷᠢᠭ ᠤᠨ 117,43'50,6" ᠶᠢᠨ ᠤᠷᠤᠨ | ᠴᠡᠭ ᠲᠤ ᠪᠠᠶᠢᠷᠢᠰᠢᠵᠦ ᠪᠠᠶᠢᠳᠠᠭ᠃ ᠪᠦᠭᠡᠨᠡᠷ ᠤᠪᠤᠭᠠ ᠶᠢ ︽ᠪᠦᠭᠡ ᠶᠢᠨ ᠤᠪᠤᠭᠠ︾᠂ ︽ᠬᠠᠰᠢᠶᠠᠳᠤ ᠶᠢᠨ ᠪᠠᠶᠠᠨ | ᠤᠪᠤᠭᠠ︾ ᠴᠤ ᠭᠡᠵᠦ ᠳᠠᠭᠤᠳᠠᠳᠠᠭ᠂ ᠪᠠᠶᠠᠨᠬᠦᠭᠡᠪᠦᠷ ᠭᠠᠴᠠᠭᠠ ᠶᠢᠨ ᠨᠤᠲᠤᠭ ᠲᠤ ᠪᠤᠢ᠃ | ᠡᠷᠳᠡ ᠤᠷᠢᠳᠦ᠂ ᠪᠦᠭᠡᠨᠡᠷ ᠠᠶᠢᠮᠠᠭ ᠤᠨ ᠳᠡᠭᠡᠳᠦᠰ ᠭᠡᠵᠦ ᠤᠷᠢᠶᠠᠩᠬᠠᠨ ᠤᠪᠤᠭᠳᠤ ᠭᠠᠯᠳᠠᠨ ᠴᠤᠭᠳᠤ | ᠭᠡᠰᠡᠨ ᠠᠬᠠ ᠲᠡᠭᠦᠤ ᠬᠤᠶᠠᠭᠤᠯᠠ ᠪᠠᠶᠢᠵᠠᠢ᠃ ᠨᠢᠭᠡᠨ ᠤᠳᠠᠭᠠᠨ ᠤ ᠲᠠᠶᠢᠨ ᠤ ᠦᠢᠮᠡᠭᠡᠨ ᠳᠤ ᠨᠤᠲᠤᠭ ᠤᠰᠤᠨ ᠨᠢ | ᠬᠤᠭᠤᠰᠤᠷᠠᠨ᠂ ᠦᠪᠡᠷ ᠤᠨ ᠠᠮᠢᠳᠤᠷᠠᠯᠭᠠ ᠨᠢ ᠴᠤ ᠶᠠᠳᠠᠭᠤᠷᠠᠨ᠂ ᠠᠮᠢᠳᠤᠷᠠᠬᠤ ᠶᠢᠨ ᠠᠷᠭᠠ ᠦᠭᠡᠢ ᠪᠤᠯᠬᠤ ᠳᠠᠭᠠᠨ | ᠮᠤᠩᠭᠤᠯ ᠤᠨ ᠠᠷᠤ ᠬᠠᠩᠭᠠᠢ ᠠᠭᠤᠯᠠᠨ ᠠᠴᠠ ᠦᠵᠦᠮᠦᠴᠢᠨ ᠨᠤᠲᠤᠭ ᠲᠤ ᠨᠡᠭᠦᠵᠦ ᠢᠷᠡᠬᠦ ᠳᠡᠭᠡᠨ ᠠᠮᠢᠳᠦ ᠠᠴᠠ | ᠵᠦᠪᠬᠡᠨ ᠠᠯᠠᠭ ᠬᠢᠴᠢᠢ ᠯᠡ ᠳᠠᠭᠠᠵᠠᠢ ᠭᠡᠨᠡ᠂ ᠲᠡᠭᠡᠭᠰᠡᠨ ᠢᠶᠠᠷ ᠨᠢ ᠬᠦᠮᠦᠰ᠂ ᠠᠯᠠᠭ ᠭᠢᠴᠢᠢ ᠳᠡᠭᠡᠨ ᠠᠷᠪᠠᠨ | ᠭᠤᠷᠪᠠᠨ ᠤᠨᠢ ᠪᠠᠨ ᠴᠢᠷᠦᠭᠦᠯᠵᠦ᠂ ᠠᠴᠢᠶᠠ ᠬᠦᠰᠭᠡ ᠪᠠᠨ ᠪᠤᠯᠭᠠᠯᠠ ᠭᠡᠵᠦ ᠱᠤᠭᠯᠠᠨ ᠬᠡᠯᠡᠯᠴᠡᠳᠡᠭ ᠪᠠᠶᠢᠵᠠᠢ᠃ | ᠨᠢᠭᠡᠨ ᠡᠪᠦᠯ ᠤᠨ ᠵᠤᠤᠳᠠᠷᠠᠬᠤ ᠡᠪᠦᠯ ᠪᠠᠶᠢᠵᠦ ᠯᠡ ᠳ᠋ᠠ᠂ ᠠᠬᠠ ᠲᠡᠭᠦᠤ ᠬᠤᠶᠠᠭᠤᠯᠠ ᠬᠠᠰᠢᠶᠠᠳᠤ ᠶᠢᠨ ᠪᠠᠶᠠᠨ | ᠤᠪᠤᠭᠠ ᠤᠷᠴᠢᠮ ᠪᠠᠭᠤᠭᠠᠳ᠂ ᠢᠳᠡᠬᠦ ᠬᠦᠨᠡᠰᠦ ᠦᠭᠡᠢ ᠪᠤᠯᠬᠤ ᠳᠠᠭᠠᠨ ᠠᠩ ᠠᠪᠠᠯᠠᠬᠤ ᠪᠠᠷ ᠭᠠᠷᠴᠤ᠂ ᠡᠳᠦᠷ | ᠲᠤᠵᠢ ᠶᠠᠪᠤᠭᠠᠳ ᠶᠠᠭᠤ ᠴᠤ ᠤᠯᠳᠠᠭᠰᠠᠨ ᠦᠭᠡᠢ ᠤᠴᠢᠷ ᠤᠷᠮᠠ ᠮᠠᠭᠤᠳᠠᠢ ᠪᠤᠴᠠᠨ ᠢᠷᠡᠵᠠᠢ᠂ ᠠᠬᠠ ᠨᠢ ᠰᠠᠨᠠᠭᠠ | ᠵᠤᠪᠠᠨ ᠪᠠᠶᠢᠭᠰᠠᠭᠠᠷ ᠶᠠᠳᠠᠷᠠᠭᠰᠠᠨ ᠤ ᠡᠷᠬᠡ ᠪᠠᠷ ᠤᠨᠳᠠᠵᠦ ᠤᠷᠬᠢᠵᠠᠢ᠃ ᠲᠡᠷᠡ ᠪᠠᠷ ᠵᠡᠭᠦᠳᠦᠨ ᠤ ᠶᠢᠷᠳᠢᠨᠴᠤ ᠳᠤ | ᠲᠤᠭᠤᠷᠢᠨ ᠶᠠᠪᠤᠭᠰᠠᠭᠠᠷ ᠭᠡᠨᠡᠳᠳᠡ ᠨᠢᠭᠡᠨ ᠴᠠᠭᠠᠨ ᠮᠤᠷᠢ ᠲᠠᠢ᠂ ᠵᠠᠩᠵᠤᠨ ᠤ ᠬᠤᠶᠠᠭ ᠲᠤᠭᠤᠯᠠᠭᠠ ᠡᠮᠦᠰᠦᠭᠰᠡᠨ | ᠬᠦᠮᠦᠨ ᠲᠠᠭᠠᠷᠠᠯᠳᠤᠵᠠᠢ᠂ ᠦᠵᠡᠪᠡᠰᠦ ᠶᠡᠭᠡ ᠰᠦᠷ ᠭᠡᠷᠡᠯᠳᠡᠢ ᠠᠵᠤᠭᠤ᠂ ᠮᠡᠨᠳᠤ ᠠᠰᠠᠭᠤᠯᠴᠠᠭᠰᠠᠨ ᠤ ᠲᠠᠷᠠᠭᠠ᠂ | ᠲᠡᠷᠡ ᠬᠦᠮᠦᠨ ᠢᠶᠠᠷ ᠶᠠᠮᠪᠠᠷ ᠲᠤᠬᠠᠢ ᠲᠠᠢ ᠢᠩᠭᠢᠵᠦ ᠵᠦᠳᠡᠷᠡᠨ ᠶᠠᠪᠤᠵᠦ ᠪᠠᠶᠢᠬᠤ ᠶᠢ ᠠᠰᠠᠭᠤᠭᠰᠠᠨ ᠳᠤ | ᠭᠠᠯᠳᠠᠨ ᠢᠶᠠᠷ ᠦᠪᠡᠷ ᠤᠨ ᠭᠡᠷ ᠬᠤᠳᠠᠯᠠᠭᠠᠷ ᠦᠯᠪᠡᠷᠡᠬᠦ ᠶᠢᠨ ᠵᠤᠪᠠᠯᠠᠩ ᠳᠤ ᠳᠤᠬᠢᠶᠠᠯᠳᠤᠭᠰᠠᠨ ᠭᠠᠴᠢᠭ ᠢᠶᠠᠨ | ᠲᠤᠭᠠᠴᠠᠵᠠᠢ᠃ ᠲᠡᠷᠡ ᠬᠦᠮᠦᠨ ᠰᠤᠨᠤᠰᠤᠭᠠᠳ᠂ ᠨᠢᠭᠡᠨ ᠦᠨᠳᠦᠷ ᠠᠭᠤᠯᠠ ᠶᠢ ᠵᠢᠭᠠᠵᠦ᠄ ︽ᠲᠡᠷᠡ ᠠᠭᠤᠯᠠ ᠶᠢᠨ | ᠠᠷᠤ ᠳᠤ ᠶᠠᠷᠭᠠᠢ ᠮᠤᠳᠤ ᠪᠤᠢ᠂ ᠲᠡᠭᠦᠨ ᠢᠶᠠᠷ ᠨᠤᠮᠤ ᠰᠤᠮᠤ ᠬᠢᠵᠦ᠂ ᠠᠩ ᠠᠪᠠᠯᠠᠨ ᠠᠮᠢᠳᠤᠷᠠ︕ ᠵᠡᠭᠦᠨ ᠬᠤᠶᠢᠳᠤ | ᠲᠤᠤᠷᠠᠬᠢ ᠲᠤᠪᠤᠭ ᠤᠨ ᠬᠠᠪᠢ ᠳᠤ ᠨᠢᠭᠡᠨ ᠵᠡᠭᠡᠷᠡ ᠲᠠᠭᠠᠷᠠᠬᠤ ᠪᠤᠢ︕︾ ᠭᠡᠵᠦ ᠵᠢᠭᠠᠭᠰᠠᠨ ᠵᠦᠭ ᠲᠤ | ᠪᠠᠷᠠᠭᠠᠯᠠᠭᠠᠳ ᠪᠤᠴᠠᠨ ᠬᠠᠷᠠᠬᠤ ᠳᠤ ᠲᠡᠷᠡ ᠬᠦᠮᠦᠨ ᠦᠵᠡᠭᠳᠡᠬᠦ ᠦᠭᠡᠢ ᠪᠤᠯᠵᠠᠢ ᠬᠡᠮᠡᠨ ᠵᠡᠭᠦᠳᠦᠯᠡᠵᠠᠢ᠃ | ᠠᠬᠠ ᠲᠡᠭᠦᠤ ᠬᠤᠶᠠᠭᠤᠯᠠ ᠵᠡᠭᠦᠳᠦᠨ ᠤ ᠶᠤᠰᠤᠭᠠᠷ ᠦᠵᠡᠭᠰᠡᠨ ᠳᠤ ᠠᠭᠤᠯᠠ ᠶᠢᠨ ᠠᠷᠤ ᠭᠤᠤ ᠳᠤ ᠦᠨᠡᠬᠡᠷ | ᠶᠠᠷᠭᠠᠢ ᠮᠤᠲᠤ ᠤᠷᠭᠤᠭᠰᠠᠨ ᠪᠠᠶᠢᠵᠠᠢ ᠭᠡᠨᠡ᠂ ᠢᠩᠭᠢᠭᠡᠳ ᠤᠭᠳᠤᠯᠤᠨ ᠠᠪᠤᠭᠰᠠᠨ ᠢᠶᠠᠨ ᠨᠤᠮᠤ ᠵᠤᠷᠭᠤᠨ ᠬᠦᠪᠴᠢ | ᠬᠢᠵᠦ᠂ ᠭᠦᠷᠦᠭᠡᠯᠡᠬᠦ ᠪᠠᠷ ᠭᠠᠷᠳᠠᠭ ᠶᠤᠮ ᠪᠠᠶᠢᠨᠠ᠂ ᠶᠠᠪᠤᠵᠦ ᠪᠠᠶᠢᠳᠠᠯᠠ ᠲᠤᠪᠤᠭ ᠤᠨ ᠠᠷᠤ ᠳᠤ ᠨᠢᠭᠡᠨ ᠵᠡᠭᠡᠷᠡ | ᠳᠠᠭᠠᠷᠠᠭᠠᠳ ᠬᠠᠷᠪᠤᠭᠰᠠᠨ ᠳᠤ ᠠᠵᠠ ᠪᠠᠷ ᠤᠨᠤᠵᠦ᠂ ᠶᠡᠬᠡᠯᠡ ᠪᠠᠶᠠᠷᠯᠠᠯᠳᠤᠨ ᠭᠠᠨᠵᠤᠭᠠ ᠲᠠᠢ ᠪᠤᠴᠠᠨ ᠢᠷᠡᠯᠡ | ᠭᠡᠯᠴᠡᠳᠡᠭ᠃ ᠠᠬᠠ ᠲᠡᠭᠦᠤ ᠬᠤᠶᠠᠷ ᠡᠭᠡᠯᠵᠢᠯᠡᠨ ᠶᠠᠷᠭᠠᠢ ᠤᠭᠳᠤᠯᠤᠨ ᠰᠤᠮᠤ ᠬᠢᠵᠦ᠂ ᠠᠩ ᠳᠤ ᠶᠠᠪᠤᠵᠦ | ᠭᠦᠷᠦᠭᠡᠯᠡᠬᠦ ᠳᠡᠭᠡᠨ ᠤᠳᠠᠭᠠ ᠪᠦᠷᠢ ᠨᠢᠭᠡ ᠯᠡ ᠵᠡᠭᠡᠷᠡ ᠲᠠᠭᠠᠷᠠᠬᠤ ᠪᠦᠷᠢ ᠭᠠᠨᠵᠤᠭᠠ ᠲᠠᠢ ᠪᠠᠶᠢᠵᠦ᠂ | ᠠᠮᠢᠳᠤᠷᠠᠯᠭᠠ ᠪᠠᠨ ᠠᠷᠭᠠᠴᠠᠭᠰᠠᠭᠠᠷ ᠬᠦᠭᠡ ᠡᠪᠦᠯ ᠤᠨ ᠭᠠᠴᠢᠭ ᠢ ᠲᠤᠭᠤᠯᠵᠦ ᠭᠡᠨᠡ᠂ ᠤᠷᠢᠬᠠᠨ ᠬᠠᠪᠤᠷ ᠦᠩᠭᠡᠷᠡᠨ | ᠲᠡᠯᠭᠡᠷ ᠵᠤᠨ ᠤ ᠴᠠᠭ ᠪᠤᠯᠬᠤ ᠳᠤ ᠲᠡᠳᠡ ᠬᠤᠶᠠᠷ ᠠᠳᠡ ᠨᠤᠲᠤᠭᠰᠢᠬᠤ ᠪᠠᠷ ᠪᠤᠯᠵᠤᠭᠠᠳ᠂ ᠦᠨᠦ ᠦᠨᠳᠦᠷ | ᠠᠭᠤᠯᠠ ᠪᠠᠨ ︽ᠪᠠᠶᠠᠨ ᠤᠪᠤᠭᠠ︾ ᠭᠡᠵᠦ ᠨᠡᠷᠡᠯᠡᠨ᠂ ᠲᠡᠷᠡ ᠵᠡᠭᠡᠷᠡ ᠠᠪᠠᠯᠠᠭᠰᠠᠨ ᠬᠠᠳᠠᠳᠤ ᠬᠡᠷᠢᠪᠡ ᠪᠠᠨ ︽ | ᠤᠩᠭᠤᠨ ᠲᠤᠪᠤᠭ︾ ᠪᠤᠯᠭᠠᠨ ᠰᠢᠳᠦᠨ ᠳᠠᠬᠢᠭᠰᠠᠨ ᠢᠶᠠᠷ ᠤᠳᠠᠬᠤ ᠦᠭᠡᠢ ᠮᠠᠯ ᠰᠦᠷᠦᠭ ᠨᠢ ᠦᠰᠴᠤ᠂ ᠠᠵᠦ | ᠠᠮᠢᠳᠤᠷᠠᠯ ᠨᠢ ᠠᠭᠠᠵᠢᠮ ᠢᠶᠠᠷ ᠲᠡᠭᠵᠢᠷᠡᠨ ᠡᠬᠢᠯᠡᠭᠰᠡᠨ ᠠᠴᠠ ᠶᠡᠬᠡᠯᠡ ᠪᠠᠶᠠᠵᠢᠵᠦ ᠭᠡᠨᠡ᠃ | ᠪᠦᠭᠡᠨᠡᠷ ᠤᠪᠤᠭᠠ ᠨᠢ ᠭᠤᠤᠯ ᠤᠪᠤᠭᠠ ᠪᠤᠯᠤᠨ ᠱᠠᠪᠢ ᠤᠪᠤᠭᠠ ᠲᠠᠢ ᠪᠠᠨ ᠠᠷᠪᠠᠨ ᠭᠤᠷᠪᠠ ᠪᠠᠶᠢᠬᠤ ᠨᠢ | ᠪᠦᠭᠡ ᠮᠦᠷᠭᠦᠯ ᠤᠨ ᠤᠯᠠ ᠮᠦᠷ ᠲᠠᠢ ᠪᠦᠭᠡᠳ ᠦᠵᠦᠮᠦᠴᠢᠨ ᠤ ᠤᠯᠠᠨ ᠤᠪᠤᠭᠠ ᠠᠴᠠ ᠢᠯᠭᠠᠭᠳᠠᠬᠤ ᠵᠦᠢᠯ | ᠭᠡᠪᠡᠯ ᠭᠤᠤᠯ ᠤᠪᠤᠭᠠ ᠶᠢᠨ ᠡᠮᠦᠨᠡ ᠨᠢ ᠴᠠᠭᠠᠨ ᠰᠦᠯᠳᠡ ᠶᠢᠨ ︽ᠲᠤᠭ ᠰᠦᠯᠳᠡ︾ ᠶᠢ ᠪᠤᠰᠬᠠᠨ ᠳᠠᠬᠢᠵᠦ | ᠪᠠᠶᠢᠳᠠᠭ᠃ ᠶᠡᠭᠡ ᠤᠪᠤᠭᠠᠨ ᠤ ᠳᠠᠬᠢᠯᠭᠠ ᠶᠢᠨ ᠡᠳᠦᠷ ᠨᠢ ᠵᠢᠯ ᠪᠦᠷᠢ ᠶᠢᠨ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ 7 ᠰᠠᠷᠠ ᠶᠢᠨ | 9 ᠤ ᠲᠤᠭᠳᠠᠮᠠᠯ ᠡᠳᠦᠷ ᠪᠠᠶᠢᠵᠦ᠂ ᠪᠦᠭᠡᠨᠡᠷ ᠠᠶᠢᠮᠠᠭ ᠤᠨ ᠬᠢᠨ ᠳᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠤᠨ ᠤ | ᠰᠡᠭᠦᠯᠴᠢ ᠠᠴᠠ ᠰᠡᠷᠭᠦᠭᠡᠨ ᠳᠠᠬᠢᠭᠰᠠᠨ ᠪᠦᠭᠡᠳ ᠤᠳᠤ ᠪᠦᠭᠡᠨᠡᠷ ᠠᠶᠢᠮᠠᠭ ᠤᠨ ᠬᠢᠨ ᠪᠤᠯᠤᠨ ᠪᠠᠶᠠᠨᠬᠦᠭᠡᠪᠦᠷ | ᠰᠤᠮᠤᠨ ᠤ ᠦᠢᠷᠡ ᠬᠠᠪᠢ ᠶᠢᠨ ᠮᠠᠯᠴᠢᠳ ᠪᠦᠬᠦᠨ ᠢᠶᠠᠷ ᠢᠶᠠᠨ ᠳᠠᠬᠢᠳᠠᠭ ᠦᠷᠭᠡᠨ ᠳᠠᠬᠢᠯᠭᠠ ᠲᠠᠢ ᠤᠪᠤᠭᠠ ᠪᠤᠯᠪᠠ᠂ | ᠵᠢᠯ ᠪᠦᠷᠢ 4 —5 ᠠᠶᠢᠯ ᠡᠷᠦᠭᠡ ᠡᠭᠡᠯᠵᠢᠯᠡᠨ ᠳᠠᠬᠢᠯᠭᠠ ᠶᠢᠨ ᠵᠠᠩ ᠦᠢᠯᠡ ᠶᠢ ᠭᠦᠢᠴᠡᠳᠭᠡᠬᠦ ᠪᠤᠯᠵᠦ᠂ | ᠪᠦᠬᠡ ᠶᠢᠨ ᠪᠠᠷᠢᠯᠳᠤᠭᠠᠨ ᠮᠤᠷᠢᠨ ᠤᠷᠤᠯᠳᠤᠭᠠᠨ ᠲᠠᠢ᠂ ᠪᠤᠳᠠ ᠶᠢᠨ ᠱᠠᠩ ᠲᠠᠢ ᠨᠠᠶᠢᠷ ᠬᠢᠳᠡᠭ ᠪᠠᠶᠢᠨᠠ᠃ | ᠪᠦᠭᠡᠨᠡᠷ ᠠᠶᠢᠮᠠᠭ ᠤᠨ ᠪᠤᠰᠤᠳ ᠳᠠᠬᠢᠯᠭᠠ ᠲᠠᠢ ᠤᠪᠤᠭᠠ ᠭᠡᠪᠡᠯ ᠪᠠᠰᠠ ᠭᠠᠯᠳᠠᠨ ᠤ ᠤᠪᠤᠭᠠ᠂ | ᠬᠡᠤᠬᠡᠳ ᠤᠨ ᠤᠪᠤᠭᠠ᠂ ᠦᠩᠭᠡ ᠶᠢᠨ ᠤᠪᠤᠭᠠ ᠵᠡᠷᠭᠡ ᠪᠤᠢ᠃ | ᠭᠠᠯᠳᠠᠨ ᠤ ᠤᠪᠤᠭᠠ — ᠴᠠᠶᠢᠳᠠᠮ ᠤᠨ ᠪᠠᠶᠠᠨ ᠤᠪᠤᠭᠠ ᠠᠴᠠ ᠵᠡᠭᠦᠨ ᠬᠤᠶᠢᠰᠢ ᠤᠶᠢᠷᠠᠯᠴᠠᠭᠠ ᠪᠠᠶᠢᠵᠦ | ᠂ ᠪᠦᠭᠡᠨᠡᠷ ᠠᠶᠢᠮᠠᠭ ᠤᠨ ᠲᠡᠭᠡᠳᠦᠰ ᠪᠤᠯᠬᠤ ᠭᠠᠯᠳᠠᠨ ᠴᠤᠭᠳᠤ ᠠᠬᠠ ᠲᠡᠭᠦᠤ ᠬᠤᠶᠠᠭᠤᠯᠠ ᠮᠠᠷᠵᠠᠩ ᠬᠡᠶᠢᠳ ᠴᠠᠭᠠᠨ | ᠴᠢᠯᠠᠭᠤᠳᠤ ᠠᠴᠠ ᠨᠡᠭᠦᠵᠦ᠂ ᠬᠠᠮᠤᠭ ᠠᠩᠬᠠ ᠦᠵᠦᠮᠦᠴᠢᠨ ᠨᠤᠲᠤᠭ ᠲᠤ ᠢᠷᠡᠬᠦ ᠳᠡᠭᠡᠨ ᠡᠨᠡ ᠠᠭᠤᠯᠠ ᠶᠢᠨ | ᠡᠩᠭᠡᠷ ᠲᠤ ᠪᠠᠭᠤᠳᠠᠯᠯᠠᠨ ᠨᠤᠲᠤᠭᠯᠠᠭᠰᠠᠨ ᠭᠡᠨᠡ᠂ ᠵᠡᠭᠡᠷᠡ ᠲᠠᠷᠪᠠᠭᠠ ᠭᠦᠷᠦᠭᠡᠯᠡᠨ ᠠᠮᠢᠳᠤᠷᠠᠯ ᠢᠶᠠᠨ ᠠᠷᠭᠠᠴᠠᠬᠤ ᠳᠤ | ᠲᠤᠰ ᠠᠭᠤᠯᠠ ᠶᠢᠨ ᠬᠠᠪᠢ ᠪᠠᠷ ᠬᠡᠵᠢᠶᠡᠳᠡ ᠬᠡᠳᠦᠨ ᠵᠡᠭᠡᠷᠡ ᠳᠠᠰᠤᠷᠠᠬᠤ ᠦᠭᠡᠢ ᠲᠠᠭᠠᠷᠠᠯᠳᠤᠳᠠᠭ ᠪᠠᠶᠢᠵᠠᠢ᠂ | ᠢᠩᠭᠢᠭᠡᠳ ᠬᠤᠶᠠᠭᠤᠯᠠ ︽ᠡᠨᠡ ᠪᠤᠯ ᠲᠡᠭᠷᠢ ᠶᠢᠨ ᠬᠠᠶᠢᠷᠠᠯᠠᠭᠰᠠᠨ ᠭᠡᠰᠢᠭ ᠢᠪᠡᠭᠡᠯ ᠪᠠᠶᠢᠨᠠ᠂ ᠭᠠᠵᠠᠷ ᠯᠤᠤᠰ ᠤᠨ | ᠪᠤᠶᠠᠨ᠂ ᠮᠡᠨ ᠤ ᠬᠢ ᠶᠢ ᠠᠳᠡ ᠰᠠᠭᠤ ᠭᠡᠰᠡᠨ ᠪᠢᠳᠡᠭᠦᠤ ᠰᠠᠨᠠᠭᠠ ᠮᠦᠨ︾ ᠬᠡᠮᠡᠨ ᠬᠡᠯᠡᠯᠴᠡᠨ᠂ ᠬᠤᠶᠢᠳᠦ | ᠤᠷᠤᠢ ᠪᠠᠨ ᠬᠠᠳᠠ ᠴᠢᠯᠠᠭᠤ ᠤᠪᠤᠭᠠᠯᠠᠨ ᠳᠠᠬᠢᠭᠰᠠᠨ ᠢᠶᠠᠷ ︽ᠭᠠᠯᠳᠠᠨ ᠤ ᠤᠪᠤᠭᠠ︾ ᠭᠡᠵᠦ ᠨᠡᠷᠡᠯᠡᠬᠦ ᠪᠤᠯᠤᠭᠰᠠᠨ | ᠭᠡᠨᠡ᠃ ᠨᠢᠭᠡ ᠤᠳᠠᠭᠠ ᠰᠢᠨᠵᠢᠭᠡᠴᠢ ᠲᠠᠭᠠᠷᠠᠯᠳᠤᠵᠦ᠂ ᠭᠠᠵᠠᠷ ᠨᠤᠲᠤᠭ ᠢᠶᠠᠨ ᠰᠢᠨᠵᠢᠭᠦᠯᠦᠨ ᠠᠰᠠᠭᠤᠳᠠᠭ ᠶᠤᠮ | ᠪᠠᠶᠢᠨᠠ᠂ ᠢᠩᠭᠢᠬᠦ ᠳᠤ ︽ᠡᠨᠡ ᠭᠠᠵᠠᠷ ᠮᠠᠯ ᠬᠦᠷᠦᠩᠭᠡ ᠡᠯᠪᠡᠭ ᠪᠤᠯᠪᠠᠴᠤ᠂ ᠬᠦᠮᠦᠨ ᠠᠮᠠ ᠴᠦᠭᠡᠨᠳᠡᠢ︾ | ᠭᠡᠰᠡᠨ ᠢᠶᠠᠷ ᠵᠡᠭᠦᠨᠰᠢᠯᠡᠨ ︽ᠬᠠᠰᠢᠶᠠᠳᠤ ᠶᠢᠨ ᠪᠠᠶᠠᠨ ᠤᠪᠤᠭᠠ︾ ᠶᠢ ᠳᠠᠬᠢᠬᠤ ᠪᠤᠯᠤᠭᠰᠠᠨ ᠨᠢ ᠲᠡᠷᠡ ᠶᠤᠮ ᠭᠡᠨᠡ᠃ | ᠪᠦᠭᠡᠨᠡᠷ ᠤᠨ ᠬᠡᠤᠬᠡᠳ ᠤᠨ ᠤᠪᠤᠭᠠ — ᠤᠮᠠᠷᠠᠳᠤ ᠦᠷᠭᠡᠷᠢᠭ ᠤᠨ 45*57'51,4" ᠵᠡᠭᠦᠨ | ᠤᠷᠳᠤᠷᠢᠭ ᠤᠨ 117*43'46,9" ᠶᠢᠨ ᠴᠡᠭ ᠲᠤ ᠪᠠᠶᠢᠷᠢᠯᠠᠵᠦ᠂ ᠳᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ 1021,9 | ᠮᠧᠲᠷ ᠡᠷᠭᠦᠭᠳᠡᠵᠦ ᠪᠠᠶᠢᠳᠠᠭ᠃ ᠪᠦᠭᠡᠨᠡᠷ ᠤᠪᠤᠭᠠ ᠶᠢᠨ ᠵᠡᠭᠦᠨ ᠬᠤᠶᠢᠳᠦ ᠲᠤᠤᠷᠠ ᠪᠠᠶᠢᠭᠠ ︽ᠤᠩᠭᠤᠨ ᠲᠤᠪᠤᠭ︾ | ᠶᠢ ᠲᠠᠷᠤᠢ ᠬᠡᠤᠭᠡᠳ ᠤᠨ ᠤᠪᠤᠭᠠ ᠪᠤᠯᠭᠠᠵᠦ ᠳᠠᠬᠢᠭᠰᠠᠨ ᠠᠴᠠ ᠲᠡᠭᠡᠳᠦ ᠤᠳ ᠮᠠᠨᠢ ᠠᠳᠡᠬᠢ ᠭᠠᠵᠠᠷ ᠤᠨ ᠲᠦᠷᠬᠦ | ᠪᠠᠶᠢᠳᠠᠯ ᠢ ᠪᠠᠷᠠᠭᠤᠨ ᠤᠷᠤᠭᠰᠢ ᠬᠠᠷᠠᠭᠰᠠᠨ ᠬᠡᠤᠬᠡᠳ ᠢᠶᠠᠨ ᠲᠡᠪᠡᠷᠢᠭᠰᠡᠨ ᠡᠮᠡᠭᠳᠡᠢ ᠬᠦᠮᠦᠨ ᠤ ᠰᠢᠨᠵᠢᠳᠡᠢ ᠪᠦᠭᠡᠳ | ᠠᠮᠢ ᠵᠠᠭᠤᠭᠰᠠᠨ ᠪᠡᠯᠭᠡᠳᠦ ᠭᠠᠵᠠᠷ ᠪᠤᠯᠬᠤᠷ ᠬᠤᠵᠢᠮ ᠬᠤᠶᠢᠴᠢᠰ ᠤᠨ ᠦᠷᠡ ᠠᠴᠢᠨᠠᠷ ᠤᠨ ᠦᠷᠡᠵᠢᠨ | ᠤᠯᠠᠰᠢᠷᠠᠬᠤ ᠶᠢ ᠪᠡᠯᠭᠡᠰᠢᠶᠡᠨ ︽ᠭᠡᠤᠬᠡᠳ ᠤᠨ ᠤᠪᠤᠭᠠ︾ ᠪᠤᠯᠭᠠᠨ ᠳᠠᠬᠢᠭᠰᠠᠨ ᠭᠡᠳᠡᠭ᠃ ᠦᠷᠡ ᠶᠢᠨ ᠬᠤᠲᠤᠭ | ᠭᠤᠶᠤᠬᠤ᠂ ᠦᠷᠡ ᠬᠤᠶᠢᠴᠢᠰ ᠤᠨ ᠬᠦᠮᠦᠵᠢᠨ ᠪᠤᠶᠢᠵᠢᠬᠤ ᠶᠢ ᠪᠦᠷ ᠠᠳᠡ ᠵᠠᠯᠪᠠᠷᠢᠯ ᠲᠠᠭᠠᠳᠬᠠᠯ ᠬᠢᠳᠡᠭ ᠶᠤᠮ᠃ | ᠪᠦᠭᠡᠨᠡᠷ ᠠᠶᠢᠮᠠᠭ ᠤᠨ ᠬᠢᠨ ᠡᠨᠡ ᠤᠪᠤᠭᠠ ᠶᠢ ᠳᠠᠬᠢᠭᠰᠠᠨ ᠢᠶᠠᠷ ᠦᠷᠡ ᠬᠤᠶᠢᠴᠢᠰ ᠨᠢ ᠦᠨᠢᠷ ᠪᠤᠯᠵᠦ᠂ ᠡᠷᠦᠬᠡ ᠭᠡᠷ | ᠵᠠᠯᠭᠠ ᠪᠠᠷ ᠤᠯᠠᠰᠢᠷᠠᠭᠰᠠᠨ ᠭᠡᠯᠴᠡᠳᠡᠭ᠃ ᠠᠳᠡ ᠨᠤᠲᠤᠭᠯᠠᠨ ᠪᠠᠶᠢᠬᠤ ᠳᠠᠭᠠᠨ ᠵᠢᠯ ᠪᠦᠷᠢ ︽ᠭᠡᠤᠭᠡᠳ ᠤᠨ ᠤᠪᠤᠭᠠ | ︾ ᠪᠠᠨ ᠳᠠᠬᠢᠵᠦ᠂ ᠤᠯᠠᠨ ᠭᠡᠤᠬᠡᠳ ᠢ ᠴᠤᠭᠯᠠᠭᠤᠯᠤᠨ᠂ ᠬᠡᠤᠬᠡᠳ ᠤᠨ ᠪᠦᠬᠡ ᠪᠠᠷᠢᠯᠳᠤᠭᠤᠯᠬᠤ᠂ ᠳᠠᠭᠠ | ᠤᠷᠤᠯᠳᠤᠭᠤᠯᠬᠤ᠂ ᠶᠠᠪᠠᠭᠠᠨ ᠤᠷᠤᠯᠳᠤᠭᠠᠨ ᠬᠢᠯᠭᠡᠬᠦ ᠵᠡᠷᠭᠡ ᠨᠠᠭᠠᠳᠤᠮ ᠢ ᠶᠠᠪᠤᠭᠤᠯᠤᠨ᠂ ᠬᠤᠷᠠᠭᠠ ᠢᠰᠢᠭᠡ ᠶᠢᠨ | ᠱᠠᠩ ᠳᠠᠯᠪᠢᠵᠦ ᠪᠠᠶᠢᠯᠠ ᠭᠡᠳᠡᠭ᠃ ᠲᠤᠰ ᠤᠪᠤᠭᠠ ᠶᠢᠨ ᠳᠠᠬᠢᠯᠭᠠ ᠨᠢ ︽ᠪᠦᠭᠡᠨᠡᠷ ᠠᠶᠢᠮᠠᠭ ᠤᠨ ᠤᠪᠤᠭᠠ︾ | ᠲᠠᠢ ᠪᠠᠨ ᠨᠢᠭᠡ ᠡᠳᠦᠷ ᠶᠠᠪᠤᠭᠳᠠᠳᠠᠭ᠃ | ᠦᠩᠭᠡ ᠶᠢᠨ ᠤᠪᠤᠭᠠ — ᠪᠦᠭᠡᠨᠡᠷ ᠤᠪᠤᠭᠠ ᠶᠢᠨ ᠪᠠᠷᠠᠭᠤᠨ ᠡᠮᠦᠨᠡ ᠪᠠᠶᠢᠭᠠ ᠦᠨᠳᠤᠷ ᠱᠤᠪᠬᠤ | ᠠᠭᠤᠯᠠ ᠶᠢᠨ ᠤᠷᠤᠢ ᠳᠡᠭᠡᠷᠡ ᠤᠪᠤᠭᠠ ᠴᠢᠯᠠᠭᠤ ᠬᠠᠷᠠᠭᠳᠠᠵᠦ ᠪᠠᠶᠢᠳᠠᠭ ᠨᠢ ᠭᠠᠯᠳᠠᠨ ᠤ ᠲᠠᠪᠤᠳᠤᠭᠠᠷ ᠦᠶᠡ ᠪᠤᠯᠬᠤ | ᠶᠧᠰᠢᠵᠤᠩᠨᠠᠢ ᠶᠢᠨ ᠬᠤᠪᠢ ᠪᠠᠷ ᠢᠶᠠᠨ ᠳᠠᠬᠢᠳᠠᠭ ᠤᠪᠤᠭᠠ ᠨᠢ ᠶᠤᠮ ᠭᠡᠳᠡᠭ᠃ ᠠᠶᠢᠯ ᠠᠶᠢᠮᠠᠭ ᠤᠨ ᠲᠡᠭᠦᠤ ᠬᠡᠤᠬᠡᠳ | ᠨᠠᠷ ᠨᠢ ︽ᠦᠩᠭᠡ ᠠᠪᠤ︾ ᠭᠡᠵᠦ ᠡᠷᠭᠦᠮᠵᠢᠯᠡᠨ ᠳᠠᠭᠤᠳᠠᠳᠠᠭ ᠢᠶᠠᠷ ᠡᠨᠡ ᠤᠪᠤᠭᠠ ᠶᠢ ᠴᠤ ᠡᠷᠭᠦᠮᠵᠢ ᠶᠢᠨ ᠨᠡᠷᠡ ᠪᠠᠷ | ᠨᠢ ᠳᠠᠭᠤᠳᠠᠯᠴᠠᠬᠤ ᠪᠤᠯᠵᠠᠢ᠃ ᠶᠡᠭᠡ ᠳᠠᠬᠢᠯᠭᠠ ᠬᠢᠳᠡᠭ ᠦᠭᠡᠢ ᠴᠤ ᠴᠠᠭᠠᠨ ᠢᠳᠡᠭᠡᠨ ᠤ ᠳᠡᠭᠡᠵᠢ᠂ ᠬᠦᠵᠢ | ᠰᠠᠩ ᠤᠨ ᠤᠳᠤᠯᠭᠠ ᠡᠷᠭᠦᠵᠦ᠂ ᠮᠦᠷᠭᠦᠯ ᠵᠠᠯᠪᠠᠷᠢᠯ ᠬᠢᠳᠡᠭ ᠶᠤᠮ᠃ | ︵ᠤᠷᠢᠶᠠᠩᠬᠠᠨ ᠤ᠂ ᠶᠤᠨᠳᠤᠨ᠂ ᠵᠡ᠊ ᠲᠡᠮᠴᠤᠭ ᠨᠠᠷ ᠤᠨ ︽ᠤᠷᠢᠶᠠᠩᠬᠠᠨ ᠤᠪᠤᠭ ᠤᠨ ᠪᠦᠭᠡᠨᠡᠷ | ᠠᠶᠢᠮᠠᠭ ᠤᠨ ᠦᠶᠡ ᠤᠯᠠᠮᠵᠢᠯᠠᠭᠰᠠᠨ ᠪᠢᠴᠢᠭ︾ ᠬᠡᠮᠡᠬᠦ ᠨᠤᠮ ᠠᠴᠠ ᠪᠠᠭᠤᠯᠭᠠᠪᠠ︶ |